|
مساعدة ابي معلومات عن السنة التحضيرية
السلام عليكم
ان مقبول في كلية علوم الحاسب بس المنتدى حقنا مايرد فقلت بما انا مع بعض سنة تحضيرية وحدة ماهي مواد السنة التحضيرية وكيف دوام السنة التحضيرية ومدى صعوبتها واللي مايجتاز السنة التحضيرية او رسب ومانجح في الترمين يحولونه الى كلية ثانية هو يختارها ولا يقدر يختار كلية علوم |
رد: مساعدة ابي معلومات عن السنة التحضيرية
وعليكم السلام ورحمة الله ..
السنه التحضيريه سهله وممتعه .. التركيز فيها على اللغة الانجليزيه اللي يرسب بمواد يعيدهم ويجلس ترم كامل على المواد اللي رسب فيهم واذا تبي تحول عادي تختار كلية العلوم لازم المعدل عشان تتنقل لكلية الحاسب مايكون اقل من 3 المواد سهله والدوام طوووووويل جداً هذي معلوماتي اللي مبنيه على دراستي للسنه التحضيريه اللي قبل العام فالأفضل تاخذ الكلام الأجدد من دفعة 2011 وموفق اخوي أحمد ... |
رد: مساعدة ابي معلومات عن السنة التحضيرية
مشكورة
بس كي يعني الدواام طويل جداا يعني ينتهي الى الساعة كم |
رد: مساعدة ابي معلومات عن السنة التحضيرية
مساء الخير
بالنسبه للمواد فحنا درسنا انجليزي سمسترين ومثكف جدا وكمبيوترللسمسترين وكيميا وفيزيا سمستر واحد ورياضيات سمسترين اذا كان قسم حاسب اما اذا كان قسم صيدله السمستر الثاني يكون احياء مو رياضيات طبعا كلهم بالانجليزي عدا مهارات التفكير والبحث ،والصحه واللياقه ،و الاتصال<< هذي ثلاث مواد مترابطه بالعربي سمستر وبالنسبه للدوام فهو طويل يعني كل يوم تطلع ٢ ونص ويوم ٤ ونص ويم الاربعا من كل اسبوع يكون اختبار انجليزي تخلص الساعه ١١ ونص وكل يوم تداوم من ٧ ونص الصباح طبعا حنا اشتكينا على التعب هذا وقالو ان راح يخففون المواد على السنه الجايه ،، اذكر كمان انهم قالو بيخففون عدد ساعات الانجليزي لان حنا كنا ندرس ٢٠ ساعه بالاسبوع بس انجليزي بالتوفيق ان شاء الله،، :106: |
رد: مساعدة ابي معلومات عن السنة التحضيرية
هذا اللي قلته انا على دفعتي
وطبعا في تغيرات كثير بتصير متعلقه بالمواد وعدد ساعات الدوام لكن ما اعرفها يالضبظ يالتوفيق،، |
رد: مساعدة ابي معلومات عن السنة التحضيرية
مشكورة ع المعلومات
الله يعطيك العافية طيب وش يصير في اللي مايجتاز السنة التحضيرية يحولونة الى كلية من اختيارة يعني اختار كلية علوم |
رد: مساعدة ابي معلومات عن السنة التحضيرية
بالنسبه للي ما يجتازها اللي اعرفه ان يحولونه على كلية العلوم
لكن اذكر ان اول ما سجلت ببداية السنة مكتوب ان اذا ما اجتزت السنه التحضيريه يحولوني على الرغبه اللي بعدهه ( حسب ترتيب الرغبات اللي انت سويته) ان شاء بتجتازها لا تروح الى هذي الناحيه خل تفكيرك ايجابي ان شاء مع التغيرات اللي بتصير يكون كل شي اسهل عليكم * بس انت كون ايجابي.. تحياتي،،:106: |
رد: مساعدة ابي معلومات عن السنة التحضيرية
عشاني ضعيف في الانجليزي
اول شي قبلوني في العلوم كنت فرحان فيها عشانها بالعربي وسهلة الحين ماابي علوم الحاسب دوامها ضغط وشكلها صعبة يعني اللي مايجتاز يحولونة لكلية هو يختارها ولاهم يحولونة |
رد: مساعدة ابي معلومات عن السنة التحضيرية
لاتحاتي كلنا كنا مو مره بالانجليزي
بس راح تقوى اللغه عندك وتشوف الفرق بنهاية السنه التحضييريه الانجليزي مو صعب كان الصعب علينا ضغط الساعات و كثافة الواجبات بس الي سمعناه انو قالو راح يخففون عليكم واذا ع الاجتياز السنه باذن الله بتجتاز هو مو شي تعجيزي بس شد حيلك والتوفيق ع الله .. |
رد: مساعدة ابي معلومات عن السنة التحضيرية
لا تحاتي
حتى انا كنت ضعيفه بالانجليزي بس هم جايبين مجموعة مدرسين اجانب وحبوبين وبعدين صايرين نجلس بالجامعه اكثر من البيت يعني كل اسبوع تآخذ ٢٠ ساعه انجليزي خلالها ولا كلمه عربي تتعامل مع اجانب كل شي بيتغير بس خل عزيمتك قويه والله انا دخلت ضعيفه بالانجليزي واجد مو شويه ولما عطونا الكتب وربي ارتعت اقول هذول كيف يتعاملون معهم وكله كوم ولما جا السمستر الثاني كوم ثاني عطونا كتب الكمستري والفزكس والبيولوجي ولا كلمه عربي والكتاب الله يسلمك ما اقدر امسكه بيد وحده من ثقله بس درسنا صح وكل شي خلص وجبنا معدلات جيده وبعدين في سمستر ثالث (صيفي )للي ماقدرو يعدونهم *لا يكون تفكيرك كذا من بدايتها انت بس خل عندك عزيمه وان شاء الله نشوفك على السنه الجايه وانت مخلصها وتقول لغيرك هذا الكلام :) بالتوفيق |
رد: مساعدة ابي معلومات عن السنة التحضيرية
انشاء الله اجتازها
بس اذا ماعديت في الفصلين مارح اخذ صيفي يمكن احول لكلية ثانية بس سؤال ارجوكم جوابوني عليه التحويل لكلية ثانية يكون باختياري يعني انا اختار ولا هم يحولوني لاي كلية وشنو الكليات اللي يحولون عليها يعني علوم - تربية - اداب مابي اقول زراعة لاني خايف منها يحولون لللي مايجتاون طمنوني:Cry111: |
رد: مساعدة ابي معلومات عن السنة التحضيرية
جاوبتك قبل شوي
قلت لك ماني متأكده ممكن يحولونك على العلوم او على رغبتك اللي بعد الحاسب :smile: بلاش هالاحباط |
رد: مساعدة ابي معلومات عن السنة التحضيرية
أخوي احمد
أولاً : انت دام جبت نسبة اهلتك لدخول كلية الحاسب فأنت قدها وقدوووووود يعني لاتتشائم وتحطم نفسك والله السنه التحضيريه صدق متعبه بس سهله سهله والانجليزي ممتع .. بالبدايه راح تحس انه صعب عليك لأنك مو متعود خاصه ان الدكتور مايعرف عربي بس بعدين بتشوف نفسك تدريجياً تتحسن بالانجليزي .. عشان كذا شد حيلك وادخل بنفس واثقه وراح تعديها وبتفوق بعد ثانياً : لو لاسمح الله حملت مواد أو ماحبيت التخصص ببساطه تقدر تحول لأن معروف ان النسبه المطلوبه للحاسب اعلى من كلية العلوم بكثير فإنت كأنك بتنزل لتخصص تحت عشان كذا سهل تحول لها لكن مثلاً لو العكس من علوم لحاسب هذا الصعب وهذا اللي يحتاج معدل عالي او بالعربي الفصيح واسطه عشان كذا استغل فرصة قبولك بقسم حلوو واجتهد وسو اللي عليك وربي يوفقك.... |
رد: مساعدة ابي معلومات عن السنة التحضيرية
مشكورين
وانشاء الله اجتهد طيب المذاكرة يسير الواحد يذاكر قبل الاختبارات :119: |
رد: مساعدة ابي معلومات عن السنة التحضيرية
كل اربعا عندك اختبار اانجليزي من اول الكتاب الى ما توصل له
بالنسبه للمواد الثانيه فلاتكرر اخطاء غيرك:mh318: انت داخل قسم محترم ولازم تعطي حتى تاخد بالتوفيق،، :106: |
رد: مساعدة ابي معلومات عن السنة التحضيرية
يعني لازم المراجعة تكون اول بأول
انا من الدمام وكل يوم بروح الحسا وبرجع الدمام ينفع ولا لا بالقطار وشنو خطاء غيري وكيف كنتي تذاكرين المواد عطينا طرريقة |
رد: مساعدة ابي معلومات عن السنة التحضيرية
كانو معنا بنات من الدمام بداية اول اسبوعين كانت يروحون ويرجعون بنفس اليوم
بعد كذ1 صار تعب وارهاق لان كثرت الواجبات وكل ماده لها مشروع تسويه الا الانجليزي اصلا مايمديك تروح بيتكم بتحل الواجبات ويروح عليك اليوم وبتنام الا انت راجع للاحسا انصحك انك تدور لك سكن خاص او سكن الجامعه .. القرار لك .. |
رد: مساعدة ابي معلومات عن السنة التحضيرية
كان معنا بنات من الدمام والقطيف وكلهم كانو بسكن ويرجعون آخر الاسبوع بالقطار
تعب تروح وترجع كل يوم والدوام اساسا طويل بالنسبه للمذاكره يعني لازم تكون متابع اول باول او بتضيع الانجليزي بيكون شغله كله بالكلاس واحيان واجبات وكل اربعا اختبار بقية المواد لازم تكون معهم اول باول يعني على الاقل الاشياء البسيطه والواجبات ما تضيعها لان تقسيم الدراجات يخليك تعدي حتى لو انك جايب درجات زفت يعني اهتمامك بالامور البسيطه ممكن يرفع معدلك بالتوفيق،، |
رد: مساعدة ابي معلومات عن السنة التحضيرية
مشكورين الله يوفقكم ويسهل دربكم يادكتورات المستقبل
الحمدلله احد رد علي بالموضوع بالعادة المنتدى ميت محد يرد انا بحاول اروح وارجع لاني الى الان مااعرف المنطقة والاسكان يعني ترم لين اتعرف على طلاب واسكن معهم او بحث اما المذاكرة بركز ع الواجبات وبذاكر كل نهاية اسبوع عاادي اجيب في الرياضيات والحاسب d اما الانجليزي لازم اجيب 70 c واجيب في المواد العربي انشاء الله b+ |
رد: مساعدة ابي معلومات عن السنة التحضيرية
ان شاء الله يكون معدلك فوق المُتوقع
بس نصيحه\ لاتهمل الاشياء البسيطه لان عليها نسبه كبيره ممكن ترفع لك المعدل بشكل غير متوقع بالتوفيق تحياتي،، ،،:106: |
رد: مساعدة ابي معلومات عن السنة التحضيرية
حتى حنا عندنا بنات كانوا بأول سمستر يروحون ويرجعون كل يوم بس تعبوا خاصه انهم مايوصلون الا 6 المغرب ولازم 4 الفجر يصحون من النوم لان القطار 5
يعني بهالعشر ساعات وش بتسوي تذاكر والا تنام والا ترتب أمورك احسبها صح وتقدر من اول شهر تدبر لك سكن وترتب وضعك بعدين ياخوي وش هالتشاؤوم ليه d وليه c وانت للحين مابعد تدرس ..! يقول الرسول اللهم صلي وسلم عليه : ( تفائلوا بالخير تجدوه ) انت تفائل وسو اللي عليك ولو جبت هال c , و ال d قل الحمدلله على كل حال بس مو تخلي هالدرجات هدفك انت داخل قسم صعب ويبي له مجهوووووووود .. اذا حسيت انك بتطنش والا كذا انصحك من الحين حوّل , حرام تنكرف بالتحضيريه وتروح عليك سنه كامله |
رد: مساعدة ابي معلومات عن السنة التحضيرية
اعطيك الزبده :
اكثر شي ركز عليه وابذل اكثر مجهود فيه ( الانقلش ) حنا دكتورتنا كانت تعطينا كل يووووووووم موضوع نألف لها تعبير عنه كل يوم على مدى سنه كامله وكل ثلاثا كويز كلمات تعطينا نحفظ معانيهم والسبلينق هالاشياء طبعا زياده على الموجود بالكتاب اللي نختبر فيهم كل اربعا وغير التعبير الثاني اللي تألفه يوم الاختبار وتطلع لك قرون على ماتجيب افكار الحاسب والرياضيات بما انهم بالانقلش كانوا صعبين علينا بالبدايه والحاسب اعظم طبعاً ,حاول ماتراكم عليك محاضرات كثيره اما مواد العربي تطمن افتحهم ليلة الاختبار لأنهم قمة البياخه ومثل ماتفقنا شد حيلك والله يوفقك |
رد: مساعدة ابي معلومات عن السنة التحضيرية
طيب كبف كنتم تذاكرون الرياضيات والحاسب بالانجليزي
وكيف تحلون الاختبار ولا يحددون الاسئلة والاجوبة |
رد: مساعدة ابي معلومات عن السنة التحضيرية
الرياضيات تذاكر من الكتاب والتمارين اللي فيه
اما الحاسب يعطونك عروض بوربوينت ( هذا بالنسبه لدفعتي 2010 ) أول اختبار كان صعب علينا لان مو متعودين بس بعدين خلاص ماعادت اللغه مشكله ابداً ..مع الوقت تتعود |
رد: مساعدة ابي معلومات عن السنة التحضيرية
بالنسبه للمذاكره بالبدايه بتكون صعبه وبعدها بتكون لك طريقتك الخاصه
ممكن الدكتور يساعد بان يعطيكم ملخصات او اجوبه او نماذج اختبارات والملاحظات اللي تكتبها انت بالكلاس هي الاهم طبعا بالنسبه للاختبارات فكانت اختياري يعني الاجابات موجوده بس تختار لكن بالسمستر الثاني( انا درست بيولوجي وانت كونك حاسب فراح تدرس رياضيات) وقالت لنا الدكتوره انها ما بتخلي كل الاسئله اختياري فجات لنا اسئله متنوعه مثل اكملي وغيره حتى الفيزيا جات اسئله متنوعه حتى كان من ضمنها عرفي اما الانجليزي اللي تختبرونه كل اربعا يكون الاختبار ٤ ساعات reading, listening, writing, and speaking اول واحد يكون اسئله متنوعه اختياري وصحآوخطأ وقطع واسئله وقاعدات الثاني يكون استماع يعني ورقة الاجابه عندك وممكن يشغلون لكم CD او المعلم يقرا لكم قطعه ويسأل سؤال وانت تجاوب بالورقه اللي عندك يكون اختياري غالبا الثالث كتابه يعني يعطونك موضوع وتعبر عنه ببداية السنه بيساعدونكم ويعطونكم الموضوع قبل باسبوع اما بعدين يكون الموضوع ما تعرفه يعني تجي ويعطونك الورقه بعدين يقولون لك الموضوع وانت ابدع اما الرابع فهو انك تقوم قدام الكلاس كله وتتكلم عن الموضوع اللي كتبت عنه والمدس جالس على القرسي قدامك ويسمع لك ويقيمك\\\ اهم شي تكون مبتسم :smile: اتمنا افدتك بالتوفيق،، |
رد: مساعدة ابي معلومات عن السنة التحضيرية
مشكورين ع النصايح
انا خايف من السنة التحضيرية عشان الانجليزي وكملت والرياضيان والحاسب انجلش بس رح ابذل مجهود انشاء الله واجتاز ان خايف من اذا لاسمح الله مااجتزنا انهم يحولونا الى كليات على كيفهم |
رد: مساعدة ابي معلومات عن السنة التحضيرية
طيب كيف اقدر احول مع بداية الدراسة الى كلية اخرى
يعني كلية العلوم او بالاصح ارجع لاول كلية قبلوني فيها وشعار البريد مكتوب كلية العلوم وين اروح اذا ابي احول ولا مااقدر لازم بعد سنة |
رد: مساعدة ابي معلومات عن السنة التحضيرية
ماعندي معرفه بالموضوع
اتوقع تقدر لكن لازم تكون متابع الموضوع من بداية السنه مع عمدة الكليه اللي انقبلت فيها وعمادة الكيه اللي تبغا تحول لها يالتوفيق،، |
رد: مساعدة ابي معلومات عن السنة التحضيرية
:Cry111:
انا ابي شي سهل مو كرف خلصت الثانوي معد ابي شقا اول الدراسة بروح اقولهم اني ابي احول لكلية العلوم طيب تعرفين رقم الاستفسارات حقت الجامعة ولا |
رد: مساعدة ابي معلومات عن السنة التحضيرية
الكليه هي اللي تحدد مستقبلك كله ووظيفتك بالمستقبل خاصه انك رجال
وش الفايده تتعب وتشقى 12 سنه وبعدين تروح كليه مالها مستقبل..! مفروض بعد شقا ثانوي ماترضى لنفسك الا بالقسم اللي يستاهل تعبك وكرفك ع عالعموم هذي مجرد نصيحة لك وانت اكيد تعرف نفسك واللي يناسبها اكثر مني بالنسبه لاجراءات التحويل ماعرفها بس انت رح من اول اسبوع لعمادة السنه التحضيريه وقل لهم ابي احول وهم بيقولون لك الاجراءات اللي تسويها .. اهم شي رح لهم من اول يوم وتابع موضوعك لان الجامعه قانونها ( اخدم نفسك بنفسك ) والله يوفقك ويكتب لك اللي فيه الخير |
رد: مساعدة ابي معلومات عن السنة التحضيرية
بس انا مااعرف شي عن علوم الحاسب ومعندي خلفية عنها
وش فايدة قسم قوي وماجيب فيه معدل طيب العلوم لودخلت رياضيات اصير معلم معرف شي عن الجامعة وين اروح ولا القوانين بس اجرب هالسنة واذا رسبت في مادة احول وما ااسجل صيفي واذا نجحت يعني اجتزت عقبة اللغة واعرف انجلش بس الانسان عدو مايجهل |
رد: مساعدة ابي معلومات عن السنة التحضيرية
أخوي سنه تحضيريه هي،، موتعجيزيه
اي واحد يبغا،، يقدر يوصل ــــــــ انت صاحب القرار اذا تبغا تحول،، تروح من اول يوم وتدخل على اي حد مسؤول بالكليه وتسأل وهو بيوضح لك كل شي مفروض انك تسويه من اول يوم لا تطلع من الجامعه الا وانت عارف وش تبغا ووش المفروض تسوي موفق،، |
رد: مساعدة ابي معلومات عن السنة التحضيرية
^^^
انشاء الله بروح اسئل اي احد موجود في عماة السنة التحضيرية بس اذا محد اعطاني وجه لانهم مشغولين رح ادخل السنة التحضيرية واذاكر او ارسب نفسي عشان احول لكلية اخرى ولا اروح عمادة القبول واسئلهم |
رد: مساعدة ابي معلومات عن السنة التحضيرية
ههههه
يعني مستعد انك تضيع سنه بس ما تدرس بالانقليش اي واحد تشوفه على مكتب روح واسأله والله اذكر ان البنات اول يوم هلكو السكرتيره من زود الاسئله لازم بيردون عليك لا تخاف ههه وروح لعمادة كلية العلوم واسألهم بعد اذا ممكن يقبلونك من كليتك صدقني اي واحد بيرد عليك بس لا تضيع نفسك |
رد: مساعدة ابي معلومات عن السنة التحضيرية
المعروف في الكليات ان الواحد لازم يقعد سنة ويجيب 2من 5 عشان حول
بس السنة التحضيرية ماادري كيف نظام التحويل المعروف ان اللي مايجيب معدل 3من5 يحول الى كلية اخرى |
رد: مساعدة ابي معلومات عن السنة التحضيرية
وليه ماتجيب معدل طيب؟؟؟
اذا انت جايب نسبه دخلتك الحاسب ليه تشك انك ماراح تجيب معدل كويس..؟؟ اذا انت تشوف نفسك مو قدها خلاص من الحين حول لاتضيع سنه كامله عليك بس سؤال اذا انت موقدها كيف انقبلت بالحاسب اساساً ..! واحد من الاثنين ياانت قدها وقدود بس موعارف قدر نفسك او بالصدفه جبت نسبه وانقبلت وبكلا الحالتين دام انت ماعندك ثقه بقدراتك خلاص الافضل لك انك تحول انت رح لهم من أول يوم واستفسر منهم وبتمشي الامور موفق اخوي... |
رد: مساعدة ابي معلومات عن السنة التحضيرية
طيب وش نظام النسة التحضيرية
يعني اللي يرسب في مادة في الترم الاول يعيدها في الترم الثاني ولا يسجلها في الصيف وبعدين اوقاات الدوم تتغير حسب الشعب ولا نفسة يعني اضعف شعبة صعيفين في الانجليزي يكون دوامهم كيف كل يوم لين 5 ولا نفس الدوام |
رد: مساعدة ابي معلومات عن السنة التحضيرية
هلا اخووي.
الي يحمل مااده في سمستر.يدرسها السنه الي بعدها.. تحضيري مافيه نظام صيفي.. والدووام وااحد بيكون للجيد والضعيف في اللغه... اسأأل الله لك التوفيق |
رد: مساعدة ابي معلومات عن السنة التحضيرية
سلام
بالنسبه لدفعتي في صيفي بس البنات ماحطو صيفي لان كل الدفعه مشت الاولاد يدرسون اللي متأكده منه انهم يدرسون انجليزي اما بقية المواد مااعرف الدوام ممكن يكون في اختلاف بسيط على حسب توزيع المواد لكن عدد الساعات بتدسها بتدرسا نفسها ان خفت بالسمتر الاول تجي بالثاني \\ اتمنى اني فهمت سؤالك تحياتي،، |
رد: مساعدة ابي معلومات عن السنة التحضيرية
آحمد20011 انت النوبل؟:biggrin:
<<==السلآم عليَكم .. اناً مقبوله بـِ الصيدله الآكلينيكيه ..-ولله الحمد- وعندي كَم السوآل.. الدكاتره متشددين ولآ ؟ "يعني مقدرين ان حنناً تحضيريه وميح بالانجليزيه ولآ العكس:000: وشنو آآحتاج للسنه التحضيريه .. ويعطيكم الف عافيه: ):love080: |
رد: مساعدة ابي معلومات عن السنة التحضيرية
وعليكم السلام والرحمه الله وبركاته
الف مبرووك القبوول دفعتي ماكان فيه تحضيري،. بس الي سمعته انهم اجانب والدفعات السابقه مرره ارتاحوا لهم وحبوهم وبالنسبه للغه اكييد بيكونوا متساعدين معكم لانك رايحين تتعلموا ان شاءالله البنات يفيدونك اكثر وياهلا بك بيناا :d5: |
رد: مساعدة ابي معلومات عن السنة التحضيرية
وعليكم السلام أمل ,,
الدكاتره بدفعتي تختلف عن دفعه اللي بعدي ,, مدري نظامهم كل سنه يجيبون ستاف جديد والا ايش بس بكل الحالات اللي لازم تعرفينه انهم يمشووون معكم بالتدرريج ويبدون من نقطة الصفر شي طبيعي بتواجهون صعوبه بالبدايه لأنهم مايتكلمون عربي بس هالشي بيساعدكم عشان تتعلمون بشكل أسرع .. كل اللي تحتاجينه انك تستعدين نفسياً للدوام الطويل وتخلين اكبر همك بهالسنه الانقلش ثم الانقلش عشان الدراسه بعدين تسهل عليك حاولي تطورين من لغتك خلال هالسنه بأشياء خارج الكليه مثل قراءة كتب بالانقلش وكذا .. استمتعي بهالسنه لانها جميلة جداً ويتشتاقين لها بعدين وبس.... الله يوفقك عزيزتي وأي سؤال بالخدمه :106: |
رد: مساعدة ابي معلومات عن السنة التحضيرية
الله يعين ان شاءء الله
ويااااااااااارب توفيقكــ بحق هذا الشهر الفضيل ياكريم .... |
رد: مساعدة ابي معلومات عن السنة التحضيرية
مشكوورين استفدت من أجاباتكم
يعطيكم العافيه:love080: |
رد: مساعدة ابي معلومات عن السنة التحضيرية
ربي يعطــــيكم العآفيــــه .. :d5:
آستفدت كثير من الموضوع وبالتوفيق للجميع يــــآرب :love080: |
رد: مساعدة ابي معلومات عن السنة التحضيرية
مرحباً , أنآ من دفعة 2011 , بالنسبة إلى طآقم الإنجليزي آحنآ كنآ مع بنآت الحآسب 6 شعب , يعني 6 أستآذآت , و كلهم كذآ :(204): و اللي بيستمروآ هالسنة منهم 4 , فأكيد بجيبون جدد و زيآدة بعد علشآن ضآفوآ الطب للتحضيرية و موفقآت :106: |
| All times are GMT +3. الوقت الآن حسب توقيت السعودية: 05:14 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام