المشاركة الأصلية كتبت بواسطة الحور عين دكتورة ملاك وناسة يبدو انك سويتي حفلة و لاعزمتينا عليها خلاص نقبل عزيمة ثانية اذا جبتي معدل التفوق <<على كيفك الموضوع تروحين و ترجعين بالسلامة ياعمري راح افقد تواجدك في مدونتي <<<يعني لا تقطعينا

صباح \ مساء الخير لكل الي في مدونتي

تقبل الله اعمالكم و صيامكم

اليوم التدوين راح يكون عن ايامي الجامعية

ليلة الدوام ما نمت عدل كنت افكر في العالم الجديد

الي راح ادخله فكنت خايفة انام و اجلس الى ان جاء الصباح

تضبطت و جهزت لاول يوم في الجامعة

رحت و كنت انا حدي ضايعة طبعا تواعدت مع بنت خالتي <<< على شان اضمن نفسي ما ضيع

و من شفتها صرت كاني طفل لقى أمه استانست حدي

طبعا بنت خالتي الله يعطيها العافية نزلت وزنها عشرة كيلو

من الروحة و الجية كان مبنى الطب في اخر نقطة في الجامعة

و لما نروح للمبنى يقولون انو راح ندرس في مبنى 22

ندور على مبنى 22 يطلع انو المبنى ما بعد يخلص

طبعا الطالبة الي تكون حامل و في طب اشك انو راح تسقط

لانو سووا لنا تمارين الله لا يوريكم

في النهاية خلونا ندرس في مبنى 30

احلى ما في هذا المبنى انو كل شي جنبه

المصلى الصناديق

مبنى 29 <<<على شان البطن

يعني يجنن بكل المقايس الا انو هو صغير حده

يعني فيه كم قاعة ما يدرسون فيه الا حاسب سنة ثانية و المستجدين من الطب

طبعا خلاص استقرينا على 30و زعونا مجموعات

طبعا انا ما كان عندي مشكلة مع مين يحطوني

لاني ما أعرف احد في الطب بس وين خلوني

خلوني في المجموعة الثانية و العيب الي فيها انو يوم

الاثنين الدوام الى الساعة اربع كرهت الجامعة من شفت الجدول هيك

لانو ما ابقى اتأخر عن البيت الى هذا الوقت

و بيني و بينكم انا كرهت التخصص في هذي الفترة

احس خلاص ما ابي اصير دكتورة هونت انا مو قد هذا التعب

خصوصا انو ربعي مو معي في التخصص ما في احد يشجعني اني اكمل

حسيت روحي غريبة لانو انا مو من النوع الي بسرعة يندمج مع الناس <<و انا مو متعبني غير هالطبع الي فيني

بس اتغوذ من ابليس و اذكر احلامي و احلام اهلي و اشلون قنعت ابوي

و الي هون علي مشكلتي انو اعادوا تقسيم المجموعات و خلوني في المجموعة الاولى

الدوام كان فيها اروع من المجموعة الثانية

بس احب اقول للمستجدات اذا حبيتوا تغيرون في جدولكم

تقدرون طبعا بعد ما تستشيرون دكتور المادة اذا يقدر

لانو احنا الدكاترة ساعدونا كثير في الجدول فصرنا

الساعة ثلاث نطلع 2 الا في يوم لانو يصير معنا كيمياء عملي

يعني لا تيئسون تكلموا و ان شاء الله راح يساعدونكم

خويتكم المصونة ظلت على نفسيتها المدمر مدة مو قليلة

طبعا انا كنت اجلس في اخر كرسي <<من زود الفلاحة

تتوقعون ما السبب انا اقول لكم

على شان اطلع بسرعة بعد ما تخلص المحاضرة

و طير لاختي و ربعي لانو شافتهم تشجعني

طبعا ظليت على هذا الوضع فترة بس الحمد لله الله خلاني

مع بنات ما في اروع منهم دمجوني معهم و خلوني احبهم

و كان صبرهم علي طويل الى ان تعودت عليهم و حسيتهم خواتي

الله يخليكم لي يا بنات مجموعتي و اظل معكم الى التخرج :praying:
صحيح الجنة بدون الناس ما تنداس <<<ايوا يا حكيمة

تعليقاتي على الدكاترة و المواد

في المرة الجاية الليلة او بكرة على حسب ما أفضى