رد: مستجــد\ة ..ضعـــ\ــي أستفسارك هنــا
 

بداية يعطيك الف عافيه روح على الموضوع المفيد ..

بالنسبه لي انا طالبه كنت بالسنه التحضيريه قسم صيدله والسنه الجايه باذن الله راح اكون اول سنه بالصيدله

ابي اعرف هل راح ناخذ سنه تحضيريه ثانيه خاصه بالصيدله والا على نطول بنروح سنه ثانيه بدون السنه التحضيريه ,, وكم صارت سنوات دراستنا مع السنه التحضيريه العامه اللي اخذناها ...!!


آخر شي ابي استفسر عن اول اسبوع جامعه طبعا هم راح ينزلون لنا الجدول بس هل راح يصير فيه دوام بأول اسبوع اللي الكليات الثانيه مايداومون فيه ؟؟

ان شاء الله القى اجابات لاستفساراتي .. مشكورين مقدما

رد: مستجــد\ة ..ضعـــ\ــي أستفسارك هنــا
 

هلا طالبه علم

بالنسبه لكم..درستوا سنه تحضيريه وللأسف ماعندي علم بخطتكم الدراسيه او موادكم

بس على الارجح بتدرسوا المواد الي درسناها في سنه اولى

مصطلحات طبيه..مقدمه في مهنه الصيدله..مهارات تعلم..كيمياء عضويه..لغه انجليزيه

اعت1ر لقله معلوماتي مثل ماقلت لك لانكم ماخين تحضيري وخطتكم تختلف

بالنسبه لسنوات الدراسه بتكون 7 سنوات..سنه تحضيري +خمس سنوات دراسه+سنه امتياز

أول اسبوع اكيد بيكون فيه دوام ودراسه ..باقي الكليات عذرهم تنظيم الجداول

بس احنا جداولنا نازله لنا جاهزة..

مــوفقه

رد: مستجــد\ة ..ضعـــ\ــي أستفسارك هنــا
 

تخصص انجليزي في كليه الاداب

لبنات ادبي فقط ولاادبي وعلمي ؟!

رد: مستجــد\ة ..ضعـــ\ــي أستفسارك هنــا
 

طيب كيف يعطونا انقلش وحنا شبعنا منه العام اربع ساعات باليوم ..!!
بصراحه هم مخلينا تايهين العام وهالسنه حتى ماجددوا الخطه الدراسيه بموقعهم

على العموم مشكوووره حبيبتي روح مشاء الله عليك مشرفه مميزه بحق
على فكره بنصير معكم السنه الجايه بنفس مبناكم الموؤقت عاد انا سمعت انه صغير ومو متحملكم مدري كيف بيكفينا حنا وانتو ..

خطر ببالي سؤال .. حنا عددنا 43 .. تتوقعين بيوزعونهم على شعبتين والا بنكون شعبه وحده,,!!
انتو كم بنت وكم شعبه ,؟

رد: مستجــد\ة ..ضعـــ\ــي أستفسارك هنــا
 

مع ان مكان السؤال غلط بس بستأذن مشرفتنا روح واجاوبك
كلية الآداب هالسنه فاتحه المجال لعلمي وأدبي لكن لكل قسم نسبة موزونه مختلفه ..

بامكانك تروحين لملتقى كلية الآداب وتستفسرين منهم أكثر..

مووفقه اختي

رد: مستجــد\ة ..ضعـــ\ــي أستفسارك هنــا
 

غاليتي انا قلت لك المواد بتوقع مو أكيد يعني..بس الانجليزي ماينشبع منه وماتملي من دراسته..:o3:

اي بتصيروا معانا في نفس المبنى..واتوقع شعبه وحدة لان مافي قاعات اصلا..

المبنى فيه قاعتين..ومعمل..اكيد انتو وحدة واحنا الثانيه

الله يعين على المعمل بتصير الحوسه عليه..

احنا عددنا 27 وفي قاعه وحدة..بس مكفيتنا :119:

ومتحمسه للسنه الجديدة ومعانا ناس جدد..تعرفي تعودنا على الوحدة والانعزال:cheese:

حـــياك حبيبتي..

:love080:

رد: مستجــد\ة ..ضعـــ\ــي أستفسارك هنــا
 

الله يحييك ويبقيك حبيبتي ..
اي والله هذا اللي احاتيه الانعزال ..!! مالهم داعي يرمونا بالجهه الثانيه ماراح يصير فيه امل اشوف صديقاتي :011:
ع العموم انا سمعت ان مبنانا اللي يبنونه قريب يخلص مع ان من زمان هالكلام بس نتأمل خير ..
مشكوورة غالييتي روح .. نشوف بعض على خير :love080:

رد: مستجــد\ة ..ضعـــ\ــي أستفسارك هنــا
 

السلام عليكم ورحمة الله وبركاته
في البداية الف شكر على هذا الموضوع المتميز
انا طالبة سجلت في جامعة الملك فيصل بالاحساء الرغبة الاولى لي كانت كلية الصيدله الاكلينيكية والرغبة الثانية لي كانت الطب وللاسف ما انقبلت لا في الدفعة الاولى ولا الثانية وانقبلت في الرغبة الثالثة وهي كلية العلوم الزراعية والأغذية وسلمت اوراقي السؤال الان هل بيظل اسمي في المنافسة على كلية الصيدلة والطب ؟؟ السؤال الثاني كم دفعة طلعت للبنات في الاعوام الماضية لكليتي الصيدله والطب ؟
للمعلومية انا نسبتي في الثانويه العامة 99.66 وفي القدرات 80 ونسبتي في التحصيلي 85 والنسبة الموزونة لي 87.9 % تكفوووون جاوبوني باسرع وقت الله يعافيكم
اسفة على الاطاله والله يجزاكم خير
شكرا

رد: مستجــد\ة ..ضعـــ\ــي أستفسارك هنــا
 

وعليكم السلام ورحمة الله وبركاته..
ماشاء الله حبيبتي نسبتك حلووة ..
انا اللي سمعته ان العام كانت ست دفعات
اسمك راح يبقى بالمنافسه واذا نزلت النسبه الموزونه للصيدله مع نزول الدفعات بيقبلونك ان شاء الله..
الدفعه الاولى كانت النسبه 94 والثانيه 91 يعني نزلت ثلاث نسب بدفعه وحده ولسا باقي اربع دفعات يعني تفائلي حبيبتي .. انا جازمه انهم بيقبلونك ان شاء الله المسأله مسألة وقت لا أكثر..

موووفقه

رد: مستجــد\ة ..ضعـــ\ــي أستفسارك هنــا
 

مشكوووورة اختي طالبة علم الله يسمع منك وانقبل و ان شاء الله كل اللي ما انقبلوا ينقبلون يارب
ماتتصورين قد ايش فرحت وجوابك طمني كثييييييييييير
الله يجزااااااك الجنة ويوفقك في الدنيا والاخرة يارب ويحقق لك كل امانيك
مشكووورة مرة ثانية واسفة ع الاطالة