ملتقى طلاب وطالبات جامعة الملك فيصل,جامعة الدمام
صفحة 3 من 21 12 3 45678910111213 الأخيرة »
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى الكليات الصحية بالاحساء (https://vb.ckfu.org/forumdisplay.php?f=209)
-   -   انتي من دفعة 2010 تفضلي .. (https://vb.ckfu.org/showthread.php?t=45006)

Dr.Esraa 2009- 9- 17 01:01 AM
رد: انتي من دفعة 2010 تفضلي ..
 
اختي عهــود نصيحة اخوية ،، اول اسبوع لاتفكري انك تلبسي جزمة وانتي بكرامة عالية او بكعب >> اسألي مجربة:cheese::cheese:

طبيبة 2017 2009- 9- 23 11:05 PM
رد: انتي من دفعة 2010 تفضلي ..
 
السلام عليكم
انا طالبة جديدة بالطب
بصراحة استفدت كثير من مواضيع الملتقى
وخصوصا اني مستجدة
ما بقى عندي سؤال كلها قلتوها وماقصرتو جاوبتو عليها
يعطيكم الف عافية
بس اذا رحت اول يوم الجامعة وين اروح ؟
ادور بالجامعة ولا اروح مبنى الكلية
هل بيكون في علامات ارشادية نتبعها
هل بيكون في حفل تعريفي مثلا
وهل يحتاج اساسا أداوم يوم 14 \ 10
هذا مع جزيل الشكر لكم

عــــــهود 2009- 9- 24 08:40 AM
رد: انتي من دفعة 2010 تفضلي ..
 
بسم الله الرحمن الرحيم
السلام عليكم و رحمة الله و بركاته ,

كل عام و أنتم بخير و عيد مبارك علينا و عليكم , والله يعوده علينا جميعاً
بالصحة و العافية ..

هلا بيك حبيبتي / أورجوان ,
مشكورة و ربي يجزاك ألف خير , ما قصرتي و هذا من طيب أصلك ,
أما عن المترجم فتتوقعين لأي مدى أستخدمه , يعني بس السنة الأولى والا راح أحتاجه بعدين ,

و بالنسبة لأول يوم بالجامعة بجمع قبيلتي و بنروح قروب للجامعة و بخليهم يمشوني و يعرفوني
عليها , انزين سؤال بسيط : حضور أول يوم اللي هو بتاريخ :14/7 ضروري بما
أنه أول يوم , و الا عادي أروح أي يوم من نفس الأسبوع , و سؤال بعد : أول اسبوع بنداوم
فيه , والا إجازة حالنا حال المدارس ( والله هالإجازات حنا نصنعها بنفسنا ) ,,

شكراً جزييييييييلاً حبيبتي أورجوان , والله ما قصرتي ..

عــــــهود 2009- 9- 24 08:45 AM
رد: انتي من دفعة 2010 تفضلي ..
 
بسم الله الرحمن الرحيم

حياك الله عزيزتي / Dr.Esraa ..
مثل ما قلتي أول يوم ما يصلح كعب , من كثر الحواطة الواحد يخاف يطيح منهم ,
مشكورة على التنبيه ., و الظاهر اني بحارب الكعب أول اسبوعين على ما أتعود
على الجامعة ,

تسلمين يا قلبووو , و حياك الله ..

عــــــهود 2009- 9- 24 08:53 AM
رد: انتي من دفعة 2010 تفضلي ..
 

بسم الله الرحمن الرحيم
وعليـــكم السلام و الرحمة ,

اي صحيح استفدنا كثير من الملتقى و الشكر موصول لأختي أورجوان و البنات كلهم ما يقصرون بالخدمة
و أجرهم عند ربي ,

أما عن سؤالك , فأعتقد انوو المفروض نكون بمبنى كلية الطب أول يوم , و بعدين نشوف
شالوضع ,
ان شاء الله الباقي يفيدونك و يفيدونا بخصوص سؤالك ..
و أما عن الحفل التعريفي , فعلى حسب كلام اختي انوو راح يسوونه لطالبات كلية الطب ,
,,
حياك الله و إن شاء الله اللي عنده معلومة يفيدك فيها ,

اورجوان 2009- 9- 24 12:20 PM
رد: انتي من دفعة 2010 تفضلي ..
 
عذرا ..

سيتم الرد على اجوبتكم قريبا ..

انتظروا عودتي ..

البحر الهادئ 2009- 9- 25 03:12 AM
رد: انتي من دفعة 2010 تفضلي ..
 
بنات من وين نشتري بالطو ابيض للمعامل؟
اسمع دائما يقولون لازم شنطه قويه وكبيره للكتب مافهمت اي نوعيه من الشنط .
وش نحتاج بعد عشان نشتريه؟
الخبيرات ساعدونا
موفقين

اورجوان 2009- 9- 25 05:44 AM
رد: انتي من دفعة 2010 تفضلي ..
 
اقتباس:
السلام عليكم
انا طالبة جديدة بالطب
بصراحة استفدت كثير من مواضيع الملتقى
وخصوصا اني مستجدة
ما بقى عندي سؤال كلها قلتوها وماقصرتو جاوبتو عليها
يعطيكم الف عافية
و عليكم السلام و رحمة الله و بركاته

أهلا و سهلا فيك عزيزتي ..

اقتباس:
بس اذا رحت اول يوم الجامعة وين اروح ؟
أقترح تروحين لمبنى كلية الطب .. لأنه هو كليتك و هناك بيكون الادارة و هي الي ترشدكم ان شاء الله ,, لكن اذا ما شفتوا حد أفادكم .. ممكن تروحون لعمادة القبول و التسجيل بالمبنى الثالث ..

اقتباس:
ادور بالجامعة ولا اروح مبنى الكلية
هل بيكون في علامات ارشادية نتبعها
:mh19: ممكن يخلون وحده توصلكم الى مقر دراستكم لأنكم ما راح تدرسون في مبنى كلية الطب .. بل مبنى آخر ..
راح يقسمونكم الى 3 مجموعات .. كل بنت أول ما تجي كلية الطب أتوقع راح يحطون قوائم بأسماء الطالبات في كل مجموعة .. <<< كل وحده تدور اسمها عشان تعرف هي مع من من البنات ..

اقتباس:
هل بيكون في حفل تعريفي مثلا
يوجد حفل تعريف يقام للطالبات المستجدات على مدى ثلاث ايام تقريبا
بعد الثلاث ايام => يوم الثلاثاء تبدأ الدراسة اذا ما خاب ظني ..

اقتباس:
وهل يحتاج اساسا أداوم يوم 14 \ 10
هذا مع جزيل الشكر لكم
هذا الامر يعود لك ..
لكن كنصيحة .. أتمنى تواجدك في أول يوم للتعود على أجواء الجامعه من ناحية و من ناحية أخرى .. تشوفين وش يقولون لكم الادارة => من التوجيهات ..

اورجوان 2009- 9- 25 05:51 AM
رد: انتي من دفعة 2010 تفضلي ..
 
اقتباس:
بسم الله الرحمن الرحيم
السلام عليكم و رحمة الله و بركاته ,

كل عام و أنتم بخير و عيد مبارك علينا و عليكم , والله يعوده علينا جميعاً
بالصحة و العافية ..
و عليكم السلام و رحمة الله و بركاته :119:

أهلا و سهلا أختي عهود .. كل عام و أنتِ بألف خير .. و عيد سعيد يا رب ..

اقتباس:
هلا بيك حبيبتي / أورجوان ,
مشكورة و ربي يجزاك ألف خير , ما قصرتي و هذا من طيب أصلك ,
أما عن المترجم فتتوقعين لأي مدى أستخدمه , يعني بس السنة الأولى والا راح أحتاجه بعدين ,
سنة أولى هو أكثر استخدام .. و بعدين شوي شوي تقل حاجتك له ,, :mh19: على سنة ثانية او ثالثة تقل الحاجة اليه

اقتباس:
و بالنسبة لأول يوم بالجامعة بجمع قبيلتي و بنروح قروب للجامعة و بخليهم يمشوني و يعرفوني
عليها , انزين سؤال بسيط : حضور أول يوم اللي هو بتاريخ :14/7 ضروري بما
أنه أول يوم , و الا عادي أروح أي يوم من نفس الأسبوع , و سؤال بعد : أول اسبوع بنداوم
فيه , والا إجازة حالنا حال المدارس ( والله هالإجازات حنا نصنعها بنفسنا ) ,,
شكراً جزييييييييلاً حبيبتي أورجوان , والله ما قصرتي ..
أنا أنصح كل مستجده إنها أول يوم تداوم .. علشان تعتاد على اجواء الجامعه من ناحية و من ناحية أخرى تشوف وش راح يقولون لهم الكلية ..

أول اسبوع فيه دراسة على يوم الثلاثاء ,, ان شاء الله ما يكون الوضع تغير .. :mh19: <<< بالنسبة لسنة اولى فقط

:064: سنة ثانية , بتدرسون انتو من اول يوم يمكن .. لاحد يهرب :cheese:

:119: الاجازة فقط للي بالمدرسة , الي بالجامعه ما في لهم تأجيل ..

اورجوان 2009- 9- 25 05:58 AM
رد: انتي من دفعة 2010 تفضلي ..
 
اقتباس:
بنات من وين نشتري بالطو ابيض للمعامل؟
عندك بلاطي مش حلوة كثير :cheese: في مكتبة كنارى , و اغلبها للي حجمه XL
و فيه :mh19: العبدالكريم => محل يوجد على ننفس شارع مكتبة جرير << قبلها يكون .. هذا مقبوله الى حد ما ..
و افضل حل هو انك تشترين لك قماش و تفصلينه .. عند اي خياط :mh19: و فيه بنات يفصلونه عند خياط رجالي !
و اذا كنتي تبغين كشخه كثير :cheese: عندك السيف الي بالقطيف => متخصص و بلاطيه روعه

اقتباس:
اسمع دائما يقولون لازم شنطه قويه وكبيره للكتب مافهمت اي نوعيه من الشنط .
:cheese: اشتري لك شنطة زي حجم الي تشترينها للمدرسة

اقتباس:
وش نحتاج بعد عشان نشتريه؟
الخبيرات ساعدونا
موفقين
قلم رصاص >> بتستخدمينه اكثر من الازرق , خصوصا في الاختبارات :c8:

مساحة مقاس XXXXL ايضا بتكون حاجتك لها في الاختبارات بشكل اكبر :cheese:

دفتر محاضرات ..

مترجم ..

و فيه بعض الدفاتر الخاصة او الملفات الي تحتاجونها لبعض المواد .. راح يطلبونها منكم الدكاتره => للعملي ..

نوته :cheese: <<< تزود طلبات بس


All times are GMT +3. الوقت الآن حسب توقيت السعودية: 11:41 PM.
صفحة 3 من 21 12 3 45678910111213 الأخيرة »
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه