|
استفسار للمقابلة الشخصية ::
بسم الله الرحمن الرحيم السلام عليكم ورحمة الله وبركاته ألف مليون ترليون مبروووووووووووووك بحلول الشهر المبارك ... وأعاده الله علينا وعليكم باليمن والبركات والمسرات ... سمعت أنه يوجد مقابلة شخصية تكون بعد الفحص الطبي للمقبولين بكلية الصيدلة الاكلينيكية وكلية الطب ..... فهل هذا صحيح ؟ وإن كان صحيحاً يا حبذا لو توجد نبذة عما يتم سؤاله لك في المقابلة ... وأتمنى أن تكون بكافة التفاصيل ...... ويفرحني أكثر لو كل ممن كان قد عمل المقابلة .. أن يتحدث عن تجربته .... ولكم خالص دعواتي بالتوفيق والنجاح والسلام عليكم ورحمة الله وبركاته |
رد: استفسار للمقابلة الشخصية ::
وعليكم السلام ورحمة الله وبركاته...
اولا اهنيك على القبول وألف ألف مبروك ثانيا بالنسبة للمقابلة الشخصية فهذا صحيح بس لاتشيل هم ابدا لان الموضوع سهل جدا والمقابلة ماتاخذ وقت طويل يعني كلها 3 دقايق تقريبا وعلى حد علمي مافي حد رسبوه بالمقابلة وبالنسبة للأسئله فهي سهلة جدا جدا ومافيها اي تعقيد ومن واقع تجربتي الشخصية اقولك لا تحاتي ابد لان الموضوع اسهل مما تتصور بكثير ومن الاسئلة اللي اتذكرها مثلا : اسألوني عن سبب اختياري لهذا التخصص بالتحديد وهل كان الاختيار عن رغبة جدية بالقسم ام كان باختيار الاهل !!؟ امممممم واسألوني بعد عن اهمية تخصص الصيدلة الاكلينيكية بالنسبة للتخصصات الصحية !!؟ وبس هاذي الاسئلة اللي اتذكرها اذا ماكانت الاسئلة كلها اتمنى ان اكون فدتك ولو بالقليل انت وجميع المقبولين بأذن الله وبالتوفيق ان شاء الله في المقابلة |
رد: مستجــد\ة ..ضعـــ\ــي أستفسارك هنــا
اهلا نصار حسن
مبارك عليكم الشهر ..والف مبرووك القبول.. بالنسبه للمقابله الشخصيه..كانت اسئله سهله جداً وبسيطه.. من واقع تجربتي الشخصيه..سئلتني عن سبب اختياري للكليه..ومدري ليش سئلتني عن القدرات والتحصيلي ..يعني وش راأيي عن الاسئله والاختبار.. سئلتني عن هواياتي.. يعني اسئله عاديه جدا..ولا تحاتي ان شاء الله سهالات.. على فكرا تم دمج موضوعك..لمزيد من الاستفادة.. وحياك بينا |
رد: مستجــد\ة ..ضعـــ\ــي أستفسارك هنــا
بالنسبه لتجربتي الشخصيه كانت اقرب للسوالف يعني ماحسيت انها مقابله ابدا
لاتحاتي اخوي ترا هالمقابله مجرد عمل روتييني لا اكثر مستحيل تعيقك عن القبول .. موفق |
رد: مستجــد\ة ..ضعـــ\ــي أستفسارك هنــا
سألتكم بالله كيف الدراسه بكلية الصيدله سهله والا متوسطه والا صعبه؟
واي واحد يقدر يمشي فيها يعني مثلا اللي مييييييييح بالانجلش بيمشي فيها والا بتصعب عليه؟؟؟؟؟؟؟ تكفووون جاوبو علي ضروووووووووووري |
رد: مستجــد\ة ..ضعـــ\ــي أستفسارك هنــا
هلا اختي
الدراسه ما اخفي عليك تحتاج جهد ولازم تتعبي على نفسك عشان تمشي.. واللغه لا تحاتي انتي بتدرسي سنه تحضيري واللغه بتكون مكثفه..وان شاء الله تستفيدي ولازم تكوني متفائله وفقتي |
رد: مستجــد\ة ..ضعـــ\ــي أستفسارك هنــا
مشكوووووووره أختي
يعني يبغى له جهد كبييييييير؟ ماأقدر أمشي فيه وأنا مرتاحه؟ |
رد: مستجــد\ة ..ضعـــ\ــي أستفسارك هنــا
الـعـــفو ماسوينا غير الواجب..
صراحه يعتمد عليك..اذا حبيتي تكوني من المتفوقات ومعدلك حلو لاازم تتعبي على نفسك.. واذا بغيتي بس تعدي وتروحي مستوى ثاني..عادي مايحتاج تتعبين حالك.. واتوقع انك من النوع الأول..:) لانك مادخلتي صيدله الا طموحك للأحسن.. وفقتي :g8: |
رد: مستجــد\ة ..ضعـــ\ــي أستفسارك هنــا
ماعليه اختي تحمليني شوي
بس حبيت استفسر عن تجربتك بذا القسم؟ كيف بديتي؟ وش هي الصعوبات اللي واجهتك؟ |
رد: مستجــد\ة ..ضعـــ\ــي أستفسارك هنــا
هلا فيك أختي متفائلة معنا :mh001:
مثل ماقالت الأخت روح الموضوع لايخلو من الصعوبة بس هذا طبيعي يعني انتي داخلة تخصص صحي وطبيعي يكون فيها دفرة شوي الا اذا كنتي تبين تعدين في المواد وبس هذا شي ثاني فلا تخافين ابد ولا تشيلين هم بما انك جبتي معدل أهلك للقبول بهالكلية يعني انتي اكيد مجتهدة وماعليك خوف وبالنسبة للانجليش عادي كلنا كنا مييح بالانجليش :c8: البداية لازم فيها صعوبة لكن مع الاصرار والمثابرة ماكو شي يوقف بطريقك ان شاء الله بس انتي لاتحاتين وبقولك على سر بعد ترى اغلب الفارمديات ارفعوا معدلهم بعد السنة الاولى اذا ماكانوا كلهم :g2: يعني السنة الاولى مراح تعيقك ابد اهم شي تجيبين معدل فوق 3 واذا تعبتي على نفسك شوي فهذا راح يقويك باللغة ويساعدك في السنين اللي بعدها طبعا وبالتوفيق:g8: |
| All times are GMT +3. الوقت الآن حسب توقيت السعودية: 03:09 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه