|
مستجــد\ة ..ضعـــ\ــي أستفسارك هنــا
السلام عليكم ورحمه الله وبركاته
الف مبرووك لجميع الخرجيين والخريجات..وان شاء الله الكل بنسب حلووة وتشرف بسبب تكرار نفس الاسئله.. والاستفسارات..ستكون هذه الصفحه لطرح جميع استفسارتكم وان شاء الله نجيب عليها بقد مانقدر.. ولا تترددوا في طرح اي سؤال.. مــــوفــــقــين يــارب |
رد: مستجــد\ة ..ضعـــ\ــي أستفسارك هنــا
ربي يعافيك
مشكورة على الموضوع بجد استفسارات كثيرة وان شاء الله الجميع يقدر يلقى الجاوب لاي سؤال يبحث عنه انا سؤالي كم آخر نسبة مركبة قبلت العام الماضي |
رد: مستجــد\ة ..ضعـــ\ــي أستفسارك هنــا
هلا غاليتي..
اول سنه اخر نسبه مركبه للبنات كانت..83% واللعام ارتفعت النسبه في حدود 85-86% بس تكون متغيرة حسب نسب المتقدمين مــــوفــقه |
رد: مستجــد\ة ..ضعـــ\ــي أستفسارك هنــا
^
تصحيح للمعلومه :$ اول سنه كانت 87% والعام المماضي 89% " بنات طبعاً " |
رد: مستجــد\ة ..ضعـــ\ــي أستفسارك هنــا
اهلا سارا
صحيح كلامك اول دفعه نزلت للقبول كانت 87% بس قلت مع الدفعه الثانيه والثالثه مووفقه |
رد: مستجــد\ة ..ضعـــ\ــي أستفسارك هنــا
النسبه الموزونه للدفعه الاولى(طلاب فقط)
91.21 % وغداً إن شاء الله سيتم اعلان النتائج بالتوفيق للجميع |
رد: مستجــد\ة ..ضعـــ\ــي أستفسارك هنــا
السلام عليكم
ادري ازعجتكم بس حبيت استفسر في كليات فيها تخصص الصيدلة الاكلينكية غير جامعة الملك فيصل في الاحساء لاني خايفة مايقبلوني ويفوتني التسجيل دعواتكم انقبل )))) نسبتي الموزونة طلعت 86 يعني في امل اني انقبل في الدفعات الجاية والله ان قلبي متعلق بالصيدلة واماابي غيرها دعواتكم لي ربي لا يحرمكم الاجر |
رد: مستجــد\ة ..ضعـــ\ــي أستفسارك هنــا
اهلا وعليكم السلام
عادي لاتخلي سؤال يدور في خاطرك..ما انفتح هالموضوع الا للإفادة بالنسبه للتخصص..فيه في جامعه الملك سعود بالرياض وفي جامعه ام القرى بمكه..بس اعتقد صيدله عادي وليس اكلينيكيه.. مــــوفقــه غــالــيــتي |
رد: مستجــد\ة ..ضعـــ\ــي أستفسارك هنــا
في مثل ما قالت روح في جامعة الملك سعود (اكلينيكي)
و جامعة الملك عبد العزيز في جدة |
رد: مستجــد\ة ..ضعـــ\ــي أستفسارك هنــا
اقتباس:
هالسنه النسبه الموزونه للصيدله بأول دفعه 94 وثاني دفعه 91 يعني ان شاء الله بتقل أكثر مع الدفعات .. موفقه يآآرب ,, |
رد: مستجــد\ة ..ضعـــ\ــي أستفسارك هنــا
بداية يعطيك الف عافيه روح على الموضوع المفيد ..
بالنسبه لي انا طالبه كنت بالسنه التحضيريه قسم صيدله والسنه الجايه باذن الله راح اكون اول سنه بالصيدله ابي اعرف هل راح ناخذ سنه تحضيريه ثانيه خاصه بالصيدله والا على نطول بنروح سنه ثانيه بدون السنه التحضيريه ,, وكم صارت سنوات دراستنا مع السنه التحضيريه العامه اللي اخذناها ...!! آخر شي ابي استفسر عن اول اسبوع جامعه طبعا هم راح ينزلون لنا الجدول بس هل راح يصير فيه دوام بأول اسبوع اللي الكليات الثانيه مايداومون فيه ؟؟ ان شاء الله القى اجابات لاستفساراتي .. مشكورين مقدما |
رد: مستجــد\ة ..ضعـــ\ــي أستفسارك هنــا
هلا طالبه علم
بالنسبه لكم..درستوا سنه تحضيريه وللأسف ماعندي علم بخطتكم الدراسيه او موادكم بس على الارجح بتدرسوا المواد الي درسناها في سنه اولى مصطلحات طبيه..مقدمه في مهنه الصيدله..مهارات تعلم..كيمياء عضويه..لغه انجليزيه اعت1ر لقله معلوماتي مثل ماقلت لك لانكم ماخين تحضيري وخطتكم تختلف بالنسبه لسنوات الدراسه بتكون 7 سنوات..سنه تحضيري +خمس سنوات دراسه+سنه امتياز أول اسبوع اكيد بيكون فيه دوام ودراسه ..باقي الكليات عذرهم تنظيم الجداول بس احنا جداولنا نازله لنا جاهزة.. مــوفقه |
رد: مستجــد\ة ..ضعـــ\ــي أستفسارك هنــا
تخصص انجليزي في كليه الاداب
لبنات ادبي فقط ولاادبي وعلمي ؟! |
رد: مستجــد\ة ..ضعـــ\ــي أستفسارك هنــا
طيب كيف يعطونا انقلش وحنا شبعنا منه العام اربع ساعات باليوم ..!!
بصراحه هم مخلينا تايهين العام وهالسنه حتى ماجددوا الخطه الدراسيه بموقعهم على العموم مشكوووره حبيبتي روح مشاء الله عليك مشرفه مميزه بحق على فكره بنصير معكم السنه الجايه بنفس مبناكم الموؤقت عاد انا سمعت انه صغير ومو متحملكم مدري كيف بيكفينا حنا وانتو .. خطر ببالي سؤال .. حنا عددنا 43 .. تتوقعين بيوزعونهم على شعبتين والا بنكون شعبه وحده,,!! انتو كم بنت وكم شعبه ,؟ |
رد: مستجــد\ة ..ضعـــ\ــي أستفسارك هنــا
اقتباس:
مع ان مكان السؤال غلط بس بستأذن مشرفتنا روح واجاوبك كلية الآداب هالسنه فاتحه المجال لعلمي وأدبي لكن لكل قسم نسبة موزونه مختلفه .. بامكانك تروحين لملتقى كلية الآداب وتستفسرين منهم أكثر.. مووفقه اختي |
رد: مستجــد\ة ..ضعـــ\ــي أستفسارك هنــا
اقتباس:
اي بتصيروا معانا في نفس المبنى..واتوقع شعبه وحدة لان مافي قاعات اصلا.. المبنى فيه قاعتين..ومعمل..اكيد انتو وحدة واحنا الثانيه الله يعين على المعمل بتصير الحوسه عليه.. احنا عددنا 27 وفي قاعه وحدة..بس مكفيتنا :119: ومتحمسه للسنه الجديدة ومعانا ناس جدد..تعرفي تعودنا على الوحدة والانعزال:cheese: حـــياك حبيبتي.. :love080: |
رد: مستجــد\ة ..ضعـــ\ــي أستفسارك هنــا
اقتباس:
الله يحييك ويبقيك حبيبتي .. اي والله هذا اللي احاتيه الانعزال ..!! مالهم داعي يرمونا بالجهه الثانيه ماراح يصير فيه امل اشوف صديقاتي :011: ع العموم انا سمعت ان مبنانا اللي يبنونه قريب يخلص مع ان من زمان هالكلام بس نتأمل خير .. مشكوورة غالييتي روح .. نشوف بعض على خير :love080: |
رد: مستجــد\ة ..ضعـــ\ــي أستفسارك هنــا
السلام عليكم ورحمة الله وبركاته
في البداية الف شكر على هذا الموضوع المتميز انا طالبة سجلت في جامعة الملك فيصل بالاحساء الرغبة الاولى لي كانت كلية الصيدله الاكلينيكية والرغبة الثانية لي كانت الطب وللاسف ما انقبلت لا في الدفعة الاولى ولا الثانية وانقبلت في الرغبة الثالثة وهي كلية العلوم الزراعية والأغذية وسلمت اوراقي السؤال الان هل بيظل اسمي في المنافسة على كلية الصيدلة والطب ؟؟ السؤال الثاني كم دفعة طلعت للبنات في الاعوام الماضية لكليتي الصيدله والطب ؟ للمعلومية انا نسبتي في الثانويه العامة 99.66 وفي القدرات 80 ونسبتي في التحصيلي 85 والنسبة الموزونة لي 87.9 % تكفوووون جاوبوني باسرع وقت الله يعافيكم اسفة على الاطاله والله يجزاكم خير شكرا |
رد: مستجــد\ة ..ضعـــ\ــي أستفسارك هنــا
اقتباس:
وعليكم السلام ورحمة الله وبركاته.. ماشاء الله حبيبتي نسبتك حلووة .. انا اللي سمعته ان العام كانت ست دفعات اسمك راح يبقى بالمنافسه واذا نزلت النسبه الموزونه للصيدله مع نزول الدفعات بيقبلونك ان شاء الله.. الدفعه الاولى كانت النسبه 94 والثانيه 91 يعني نزلت ثلاث نسب بدفعه وحده ولسا باقي اربع دفعات يعني تفائلي حبيبتي .. انا جازمه انهم بيقبلونك ان شاء الله المسأله مسألة وقت لا أكثر.. موووفقه |
رد: مستجــد\ة ..ضعـــ\ــي أستفسارك هنــا
مشكوووورة اختي طالبة علم الله يسمع منك وانقبل و ان شاء الله كل اللي ما انقبلوا ينقبلون يارب
ماتتصورين قد ايش فرحت وجوابك طمني كثييييييييييير الله يجزااااااك الجنة ويوفقك في الدنيا والاخرة يارب ويحقق لك كل امانيك مشكووورة مرة ثانية واسفة ع الاطالة |
رد: مستجــد\ة ..ضعـــ\ــي أستفسارك هنــا
اقتباس:
ماشاء الله نسبتك حلوة ومعقوله.. دامك انقبلتي في احدى الرغبات فأتني مرشحه للترقيه في الرغبه الثانيه او الاولى كليه الصيدله توقفت عند 91.25 وكليه الطب91.75 ان شاء الله يارب تنزل النسب في الدفع القادمه وتكوني من المقبولات السنه الماضيه واتوقع حتى الي قبلها كانوا 6 دفعات مــوفقه |
رد: مستجــد\ة ..ضعـــ\ــي أستفسارك هنــا
مشكورة اختي روح شفافة على ردك على استفساراتي
جزيت عني كل خير |
رد: مستجــد\ة ..ضعـــ\ــي أستفسارك هنــا
اقتباس:
حــــيـــاكـ :love080: |
رد: مستجــد\ة ..ضعـــ\ــي أستفسارك هنــا
انا عندي سوال اتمنى انكم تردو نسبتي82 ورغبتي كليه الاداب تخيلو ماطلع اسمي واملي بالدفعه الثالثه ادعومعي انقبل كل صديقاتي اقل مني نسبه ونقبلو والله يوفقهم وكل من انقبلت وتتخرج
|
رد: مستجــد\ة ..ضعـــ\ــي أستفسارك هنــا
اقتباس:
فهذا الموضوع مخصص لطلاب وطالبات كليه الصيدله دعواتي لك بالقبول مــوفقه |
استفساراتي بين ايديكم وردكم عليها دليل على تعاونكم
بسمه تعالى السلام عليكم ورحمة الله وبركاته الحمد الله الذي وفقني لهذا :119: ها أنا بين ايدكم اطلب مساعدتكم بالرد على استفساراتي المتعلقه بالدراسه في الصيدله الاكلينيكيه واتمنى مساعدتكم لي بردكم عليها س ماهي طبيعة الدراسه في الصيدله الاكلينيكيه بشكل عام(صعبه - متوسطه - سهله )؟ س ان كان باستطاعتكم أود ان تمدوني بموجز بسيط بخصوص السنه التحضيريه وموادها؟ هل هي فعلا بالصعوبه التي سمعت عنها ؟ هل استطيع تعدي هذه المرحله بحرصي وجدي واجتهادي وعزيمتي بعد توفيق الباري عز وجل انا طالبه مجتهده بالثانويه ولله الحمد ولكنني خائفه من هذه السنه لأنني سمعت ان المعدل المطلوب فوق 3 وان كثيرا من الطلبه طردوا لانهم لم يستطيعوا أن يجتازوا المعدل المطلوب وخاصة ان لغتي الانجليزيه بسيطه جدا:s11: ( يعني مو لدرجة ميح لكن الصراحه بسيطه) ؟ س الدراسه بعد السنه التحضيريه هل سوف تكون أسهل من السنه التحضيريه وخاصة ان الدارس سوف يكون تأقلم على اللغه وهل الدراسه سوف تكون جميهابالانقلش؟ وان استطعتم ايضا ان تمدوني بمعلومات عن الدراسه بعد السنه التحضيريه لن ارفض ذلك:g8::119:؟ س بأطلاعي البسيط على طبيعة الدراسه سمعت ان من المواد التي تواجهكم بالصعوبه الاحياء في السنه التحضيريه الاولى والكيمياء هل فعلا ماسمعت ؟وخاصة انها باللغه الانجليزيه( احياء ثالث ثانوي عربي وكنت اذاكره اول باول والله ومعاناه يومالاختبار كيف يكون انجليزي:011:) س طاقم التدريس هل معاملته طيبه وعادله مع الطلبه ؟ عذرا لقد أطلت عليكم أنا حابه التخصص كثيير ولكني خايفه :011:وخاصة ماعندي أحد بالعيله بنفس التخصص أستفسر منه فماعندي غيركم عندي يدرسون طب لكن مراح يعطوني الرد الدقيق مع ان الطب والصيدله كل منهم مكمل للاخر لكن الدراسه تختلف ومن تجربتي مع أحد أقرابي الي يدرسون طب أاتمنى من الله تعالى أن تكون دراسة الصيدله اسهل بعد توفيق الله :119: واذا كان ماعليكم أمر تمدوني باسماء معاهد ممتازه للغله الانجليزيه عندكم بالاحساء لاني مو خبره حيل بالمعاهد الموجوده عندكم دعوااتي للجميع بالتوفيق:love080: عبير~ |
رد: استفساراتي بين ايديكم وردكم عليها دليل على تعاونكم
وعليكم السلام ورحمه الله..
ألف مبرووك القبول.. وحياك بينا..:d5: غاليتي..وجد موضوع متخصص ومثبت لأستفسارات الطلاب الجدد ولو وضعتي استفساراتك هناك..عشان تلاقي الجواب اسرع.. وثاني شيء..عنوان الموضوع لاازم يكون واضح ويدل على الموضوع لأني سأضطر لاغلاقه إذا كان خلاف ذالك.. لكن راح احاول اجاوب على استفساراتك على قد ما اقدر.. :mh19: |
رد: استفساراتي بين ايديكم وردكم عليها دليل على تعاونكم
ماهي طبيعة الدراسه في الصيدله الاكلينيكيه بشكل عام(صعبه - متوسطه - سهله )؟
الدراسه تعتمد على الطالب نفسه اذا كان مجتهد..راح تكون سهله بإذن الله بالنسبه له بس اذا تبين تقيمي لها..اعتبرها متوسطه الصعوبه.. س ان كان باستطاعتكم أود ان تمدوني بموجز بسيط بخصوص السنه التحضيريه وموادها؟ هل هي فعلا بالصعوبه التي سمعت عنها ؟ هل استطيع تعدي هذه المرحله بحرصي وجدي واجتهادي وعزيمتي بعد توفيق الباري عز وجل انا طالبه مجتهده بالثانويه ولله الحمد ولكنني خائفه من هذه السنه لأنني سمعت ان المعدل المطلوب فوق 3 وان كثيرا من الطلبه طردوا لانهم لم يستطيعوا أن يجتازوا المعدل المطلوب وخاصة ان لغتي الانجليزيه بسيطه جدا:s11: ( يعني مو لدرجة ميح لكن الصراحه بسيطه) ؟ السنه التحضيريه مااقدر افيدك فيها كثير لاني من الدفعه الاولى..ومابعد يوجد نظام تحضيري..وبالنسبه للمعدل..تقدري بسهوله تجيبي فوق الـ3..هذا طبعا اذا كنتي حريصه على المذاكرةس الدراسه بعد السنه التحضيريه هل سوف تكون أسهل من السنه التحضيريه وخاصة ان الدارس سوف يكون تأقلم على اللغه وهل الدراسه سوف تكون جميهابالانقلش؟ وان استطعتم ايضا ان تمدوني بمعلومات عن الدراسه بعد السنه التحضيريه لن ارفض ذلك:g8::119:؟ طبعا كلما رحتي الى مستوى ثاني بتحسي انك فاهمه اغلب المحاضرة وماراح تحتاجي للترجمه بكثرة مثل السنه الاولى..وبتكون المواد بالنسبه لك سهله اقصد لغهً..وعلى المواد كل مادة ولها صعوبتها وطرقتها في الفهم والاستذكارس بأطلاعي البسيط على طبيعة الدراسه سمعت ان من المواد التي تواجهكم بالصعوبه الاحياء في السنه التحضيريه الاولى والكيمياء هل فعلا ماسمعت ؟وخاصة انها باللغه الانجليزيه( احياء ثالث ثانوي عربي وكنت اذاكره اول باول والله ومعاناه يومالاختبار كيف يكون انجليزي:011: عزيزتي كل ترم في مادة يلاقي الطلاب صعوبه في فهمها..بس مادة الاحياء كانت منهج ثنوي بس باللغه الانجليزيه..ولا تنسي الملقي للمحاضرة له اثر في فهم الطلاب من عدمه وكل طالب له قدرته..انا مثلا اخذت فيهاAويا كثر البنات الي تفوقوا فيها س طاقم التدريس هل معاملته طيبه وعادله مع الطلبه ؟ طاقم التدريس عندنا راائع باسلوبه ومعملته بس ما ادري عن السنه التحضيريه لان يختلفوا عنا..بس لايخلوا الظلم في الدرجات..مو الكل طبعا واذا كان ماعليكم أمر تمدوني باسماء معاهد ممتازه للغله الانجليزيه عندكم بالاحساء لاني مو خبره حيل بالمعاهد الموجوده عندكم للأسف ماعندي علم لاني مو من سكان الاحساء موفقه |
تكفووووووون ياللي عنده معلومات عن الصيدله يساعدني
السلام عليكم ورحمة الله وبركاته
أنا انقبلت بكلية الصيدله وحابه استفسر منكم س1/ وش هي مواد السنه التحضيريه؟ س2/ هل بتكون فيه مقابله او اختبار اجتياز الانجلش في ذا الكليه؟ الصراحه انا خايفه حييييل لاني مو شاطره بالانجلش س3/ أذا ماجبنا المعدل المطلوب بنكمل في ذا الكليه والا وش راح يصير ؟ في احتمال انهم يحونا في كليه ثانيهظ طلبتكم ردو علي والله اني خااااااااايفه حيييييل وابغى شوركم |
رد: تكفووووووون ياللي عنده معلومات عن الصيدله يساعدني
أولا مبروووك القبول بالكلية
ثانيا صحيح انا من كلية الحاسب بس السنة التحضيرية لحاسب وصيدلة نفسها مع اختلاف في مادة وحدة فقط مواد السنة التحضيرية (انجليزي+حاسب+رياضيات) باللغة الانجليزية+(مهارات الاتصال+الصحة واللياقة ) باللغة العربية هذي للسمستر الأول (انجليزي+حاسب+رياضيات+أحياء) باللغة الانجليزية+(مهارات التفكير) باللغة العربية وهذي للسمستر الثاني وبالنسبة للمقابلة ما فيه لا مقابلة ولا شئ ع طوووول دراسة دامهم قبلووك خلااص من الناحية تطمني وبالنسبة للغتك عااادي كثير بنات مو مررة بالانجلش وونجحوا وجابوا معدلات تدخلهم الكلية بالنسبة من ناحية أنك ما تجيبين المعدل المطلوب ترى مو صعب أنك تجيبين فوق 3 ولا قدر الله ما جبتي ذا المعدل سمعت أنهم يحولون لكلية الزراعة>>>مو متأكدة =| |
رد: استفساراتي بين ايديكم وردكم عليها دليل على تعاونكم
صحيح انا من كلية الحاسب بس السنة التحضيرية لحاسب وصيدلة نفسها مع اختلاف في مادة وحدة فقط
مواد السنة التحضيرية (انجليزي+حاسب+رياضيات) باللغة الانجليزية+(مهارات الاتصال+الصحة واللياقة ) باللغة العربية هذي للسمستر الأول (انجليزي+حاسب+رياضيات+أحياء) باللغة الانجليزية+(مهارات التفكير) باللغة العربية وهذي للسمستر الثاني وبالنسبة للغتك عااادي كثير بنات مو مررة بالانجلش وونجحوا وجابوا معدلات تدخلهم الكلية بالنسبة من ناحية أنك ما تجيبين المعدل المطلوب ترى مو صعب أنك تجيبين فوق 3 ولا قدر الله ما جبتي ذا المعدل سمعت أنهم يحولون لكلية الزراعة>>>مو متأكدة =| |
رد: تكفووووووون ياللي عنده معلومات عن الصيدله يساعدني
السلام عليكم ورحمة الله وبركاته
وعليكم السلام والرحمه أنا انقبلت بكلية الصيدله وحابه استفسر منكم الف مبرروك القبول.. س2/ هل بتكون فيه مقابله او اختبار اجتياز الانجلش في ذا الكليه؟ الصراحه انا خايفه حييييل لاني مو شاطره بالانجلش كانت فيه مقابله واسئله بسيطه وباللغه العربيه ..بس ماعندي علم اذا للحين يعملوا مقابلات ولا.. وأول يوم داومنا فيه..اخذنا اختبار انجليزي..لمعرفه مستوانا..وكان سهل..ويمكن طلاب التحضيري استغنوا عن الاختبار بسنه تحضيريه.. س3/ أذا ماجبنا المعدل المطلوب بنكمل في ذا الكليه والا وش راح يصير اذا ماجبتي المعدال المطلوب لا سمح الله..يتم تحويلك الى اي كليه تناسب معدلك..سواء علوم او كليه العلوم الزراعيه.. مـــوفـــقــه |
رد: استفساراتي بين ايديكم وردكم عليها دليل على تعاونكم
روح شفافه ماشاء الله لقبك حلو كثير :119: أختي اتقدم لك بجزيل الشكر والامتنان لتعاونك وردك على استفساراتي ردك طمني كثير بقولك انه بجدي واجتهادي راح اجتاز الصعوبه وان شاء الله اكون قد هذا الشي واجتاز أي صعوبه بعد توفيق الله لي لاني الصراحه كنت خايفه خاصة اني قريت في بعض المنتديات ردود ماتطمن لكن الحين الحمدالله تطمنت عذرااا اختي لم انتبه بأن هناك موضوع خاص للمستجدين وبالنسبه للعنوان حاولت اغيره ماقدرت أنتي مشرقه فمن بعدأذنك أتوقع يمكن تقدرين تغييرن العنوان تمنياتي لك بمستقبل زاهر:106: |
رد: استفساراتي بين ايديكم وردكم عليها دليل على تعاونكم
اختي الماســـــ أقدم لك جزيل شكري وامتناني بأمدادك لي بمعلومات بخصوص السنه التحضيريه معنك مومن هذا القسم وقدمتي لي المساعده الصراااحه ردك فرحني وخاصة أنك قلتي ان مواد الصيدله راح تكون نفس مواد الحاسب في السنه التحضيريه لان قريبتي وتوأمي الثاني :thumbs-up:تخصصها حاسب وكنا خايفين من السنه التحضيريه لكن الحين فرحتيني بانه راح ندرس نفس المواد كل وحده راح تساعد الثانيه ونتحمل كل شي مع بعض اقدم شكري لك مجدا اختي الماســـ تمنياتني لك بمتقبل زاهر:106: لكن أتمنى ممن يكون لديه خبره بمعاهد اللغه الانجليزيه ان يمدني |
رد: استفساراتي بين ايديكم وردكم عليها دليل على تعاونكم
العفــــو ولووو
=> |
رد: استفساراتي بين ايديكم وردكم عليها دليل على تعاونكم
حبيبتي بالنسبه للسنه التحضيريه لاتشيلين همها ابد لانها وربي ممتعه وبنفس الوقت ادارتها متعاونه جدا جدا ودائما بصفنا
وايضا الدكاتره الله يذكرهم بالخير حبوبين ومتعاونين وانا بالنسبه لي استمتعت بهالسنه وتعرفت على بنات وقضينا أوقات والله العظيم ماراح انساها من كثر ماهي حلووه .. يعني لاتحاتين ولاتشيلين همها بالنسبه للمواد ماقصرت اختي الماس لكن بالنسبه للانقلش بصراحه يبي لك تثقفين نفسك شوي قبل ماتبدين هالسنه لانهم يدخلون بالعميق على طول خاصه ان اللي تدرسك راح تكون امريكيه أو كنديه يعني ماتعرف عربي ابدا عشان كذا لازم تكون عندك خلفيه شوي بالفوكاب والرايتينق والسبيكينق .. فيه معهد صديقتي كانت تدرس فيه اسمه بيرلتز وتمدحه مكانه على طريق العثيم مول .. بالنسبه لمساوئ السنه التحضيريه ان دوامهم طووووووووووووووووويل جدا جدا جدا وهذا اكثر شي عذبنا كنا نفطر ونتغدا ونقيل بعد عندهم من الساعه سبع الصبح الى 3 العصر وايام الى 5 واللي يروحون مع باصات يضطرون يجلسون الى المغرب يعني مأساه الدوام بيتعبكم صراحه كنا نشوف وجيه بعض اكثر مانشوف وجيه اهل بيتنا .. شكلي طولت هذره خخخخ بس اللي ابي اختصره ان لاتحاتين هالسنه بالعكس راح تفيدك كثير وتعرفك على بنات قسمك والحلو فيها اتها بتدرجك على صعوبة المناهج عشان نتعود للمستقبل .. وبالنسبه للمعدل من السهل جداااااااا جداااااااا انك تعدينه حطي يدك ورجلك بمويه بارده ولاتحاتين هالشي مووفقه حبيبتي وأي استفسار آخر انا حاضره |
رد: تكفووووووون ياللي عنده معلومات عن الصيدله يساعدني
اقتباس:
الف الف مبرووك القبول اختي.. بالنسبه للمواد جاوبت عليها اختي الماس بالنسبه للمقابله اي انا سووا معي مقابله وكانت بسيطه وكأنها سوالف يعني لاتشيلين همها ابدا اذكر كان رمضان وسألتني بالانقلش what did u eat yesterday جاوبتها لقيمات خخخخخخخخخخخخخخ << المفروض اجاوب شي بالانقلش بس طلعت معي :003::003::003: بس هي سوالف يعني مو رسميه ابدا وشوي بالعربي شوي بالانقلش .. بالنسبه للمعدل والله احس من السهل جدااااااااااااااااااااااااا تجيبين اكثر من 3 لانه بس سنه وحده بمعدل عشر او 11ماده يعني بالموت ينزل المعدل لاتشيلين هم والدكاتره حبوبين ومتعاونين لاتحاتين ابدا مووفقه حبيبتي واي استفسار انا حاضره |
رد: مستجــد\ة ..ضعـــ\ــي أستفسارك هنــا
اقتباس:
اللهم آمين ويااااااااااااك يارب حبيبتي والف شكر لك على الدعوات الحلووه .. وانا موجوده بالخدمه اذا عندك اي سؤال لاتترددين كلنا هنا خوات نفيد بعض ونستفيد من بعض :love080: |
رد: استفساراتي بين ايديكم وردكم عليها دليل على تعاونكم
أختي طالبة علم مشكوووووووره بالعكس ماطولتيها ولا حاجه كل كلامك انا محتاجه اني اعرفه:119: مااشاء الله عليك كفيتي وفيتي وردك ريحني وأسعدني الله يسعدك ياارب ويحقق آمالك بس حابه استفسر الدراسه كم سنه مع السنه التحضيريه والتطبيق وكل حاجه بعضهم يقولون 6 سنوات وبعضهم يقولون 7 سنوات واذاماعليك امر حابه استفسر عن المعهدبيرلتز طاقم التدريس عرب ولا اجانب وانا بعد بحثي لقيت يقولون في معهد اسمو التفوق كويس بعد وتقريبا معهد اسمه انيوهورايزن لكني ما اعرف وين الافظل طولتها عليك وشكرا لك مجداا :106: تحياتي للجميع :love080: |
رد: مستجــد\ة ..ضعـــ\ــي أستفسارك هنــا
السلام
كيفكم وش اخباركم انا الحمد لله انقبلت بكلية الصيدلة بالدفعة الثالثة ومو عارفه متى آآخر موعد لكشف اللياقةالمهنية ومنطقتنا بعيدة عن الاحساء كاتب لي بالموقع ان للكشف مراجعة الخدمات الطبية ابتداءً من الاثنين 21-8-1431 وانا طلع قبولي بيوم السبت 26-8 بليييز ساعدوني |
رد: استفساراتي بين ايديكم وردكم عليها دليل على تعاونكم
اقتباس:
ودامك اجتزتي الثنويه والقدرات والتحصيلي وقدرتي تحصلي على هالمستوى ان شاء الله مافي صعوبه بالنسبه للدراسه حيــــاك.. وفقتي |
رد: مستجــد\ة ..ضعـــ\ــي أستفسارك هنــا
اقتباس:
الحمدلله بخير.. ألف مبرووك القبول.. اخر موعد لتسليم الاوراق فهو اليوم الساعه التاسعه مساءً..وهذا الخبر نقلا عن موقع الجامعه جامعة الملك فيصل تعلن عن دفعة جديدة للطلبة المقبولين بالجامعة وأخر موعد لتسليم الوثائق الأصلية للبريد الممتاز يوم الثلاثاء 29/8/1431 هــ الساعة التاسعة مساءً مــــوفـقـه |
رد: مستجــد\ة ..ضعـــ\ــي أستفسارك هنــا
مشكووورة خيتو يسلمو
بس انا سلمت اوراقي من زمااان واللي اقصده كشف اللياقة المهنية>>الكشف الطبي كاتب لنا بالموقع ابتداءً من الاثنين ولاهو كاتب آخر موعد والله بعييييييييييد |
رد: مستجــد\ة ..ضعـــ\ــي أستفسارك هنــا
ماعندي علم والله..
بس حاولي قدر الامكان تخلصي كل اوراقك في اسرع وقت.. والكشف الطبي تبع الاوراق.. انا اذكر لماسلمت اوراقي..خلصت الكشف وودتيه بعد 3 ايام .. مــــوفــــقــه |
رد: مستجــد\ة ..ضعـــ\ــي أستفسارك هنــا
أختي طالبة علم مشكوووووووره بالعكس ماطولتيها ولا حاجه كل كلامك انا محتاجه اني اعرفه:119: مااشاء الله عليك كفيتي وفيتي وردك ريحني وأسعدني الله يسعدك ياارب ويحقق آمالك العفو حبيبتي .. ويآآآك يارب:love080: بس حابه استفسر الدراسه كم سنه مع السنه التحضيريه والتطبيق وكل حاجه بعضهم يقولون 6 سنوات وبعضهم يقولون 7 سنوات والله هالسؤال حتى حنا محتارين فيه ولانعرف له إجابه .. مرات يقولون لنا ان دراسة الصيدله سته ومع السنه التحضيريه اللي درسناها يصيرون سبعه ومرات يقولون لا مافيه سنه تحضيريه ثانيه خاصه بالصيدله يعني على طول بنخش بمواد الصيدله وبكذا بتصير عدد سنوات الدراسه سته بس للحين مافيه شي مؤكد لن كله كلام مو معتمد .. إن شاء الله لما نبدا السنه ونعرف وش سالفتنا بالضبط اعطيكم خبر واذاماعليك امر حابه استفسر عن المعهدبيرلتز طاقم التدريس عرب ولا اجانب وانا بعد بحثي لقيت يقولون في معهد اسمو التفوق كويس بعد وتقريبا معهد اسمه انيوهورايزن لكني ما اعرف وين الافظل بصراحه انا ماجربت ولا معهد شخصيا عشان كذا صعب أأكد لك ايش الافضل .. بس على ماسمعت من صديقتي انها استفادت مره من معهد بيرلتز وبالنسبه لطاقم التدريس اجنبي طولتها عليك وشكرا لك مجداا :106: تحياتي للجميع :love080: العفوو حبيبتي وخذي راحتك أي سؤال انا بالخدمه :love080: |
رد: مستجــد\ة ..ضعـــ\ــي أستفسارك هنــا
مـــــــــــرحباااااا
مبروووك عليكم الشهر حبايبي حبيت استفسر منكم عن وقت الدوام اليومي في كلية الصيدله متى يبدأ الدوام ومتى ينتهي؟ |
رد: مستجــد\ة ..ضعـــ\ــي أستفسارك هنــا
مباررك الشهر علينا وعليك يارب
والله يختلف بس دائما من الساعه 7 ونص الصباح واذا انتي تحضيري الى 3 او 5.. العصر على حسب كلام البنات واحنا دوامنا حلو نفس الشيء من 7 ونص بس نخلص بالكثييير 2 الظهر..وعندنا الى 12 ونص على حسب يعني اذا كان اخر محاضرة معمل نخلص بدري بس الدوام حلو لا تخافين مــــوفــــقــة |
رد: مستجــد\ة ..ضعـــ\ــي أستفسارك هنــا
اقتباس:
روح كل يوم يبدا الدوام سبع ونص!! مافيه يوم بالغلط تسع والا عشر :( |
رد: مستجــد\ة ..ضعـــ\ــي أستفسارك هنــا
جا ببالي سؤال بالنسبة للاب كوت ..
دائما تلبسونه والا بوقت العملي بس ؟! بالنسبه للسنه التحضيريه والسنوات اللي بعدها!! ومشكوورة مقدما روح اسمحيلي اطلق عليك لقب روح قسم الصيدله الاكلينيكيه :love080: |
رد: مستجــد\ة ..ضعـــ\ــي أستفسارك هنــا
اقتباس:
كل الاعضاء والمنتسبين سواء للملتقى او الكليه هم روحه..تسلمي غاليتي والله بالغلط يعني اذا في دكتورة او دكتور اعتذر..بتداومي متأخرة والاب كوت نلبسه وقت المعمل بس.. في مبنانا على طول لابسينه مو لشيء بس من البرد:000: وفقتي |
استفسار للمقابلة الشخصية ::
بسم الله الرحمن الرحيم السلام عليكم ورحمة الله وبركاته ألف مليون ترليون مبروووووووووووووك بحلول الشهر المبارك ... وأعاده الله علينا وعليكم باليمن والبركات والمسرات ... سمعت أنه يوجد مقابلة شخصية تكون بعد الفحص الطبي للمقبولين بكلية الصيدلة الاكلينيكية وكلية الطب ..... فهل هذا صحيح ؟ وإن كان صحيحاً يا حبذا لو توجد نبذة عما يتم سؤاله لك في المقابلة ... وأتمنى أن تكون بكافة التفاصيل ...... ويفرحني أكثر لو كل ممن كان قد عمل المقابلة .. أن يتحدث عن تجربته .... ولكم خالص دعواتي بالتوفيق والنجاح والسلام عليكم ورحمة الله وبركاته |
رد: استفسار للمقابلة الشخصية ::
وعليكم السلام ورحمة الله وبركاته...
اولا اهنيك على القبول وألف ألف مبروك ثانيا بالنسبة للمقابلة الشخصية فهذا صحيح بس لاتشيل هم ابدا لان الموضوع سهل جدا والمقابلة ماتاخذ وقت طويل يعني كلها 3 دقايق تقريبا وعلى حد علمي مافي حد رسبوه بالمقابلة وبالنسبة للأسئله فهي سهلة جدا جدا ومافيها اي تعقيد ومن واقع تجربتي الشخصية اقولك لا تحاتي ابد لان الموضوع اسهل مما تتصور بكثير ومن الاسئلة اللي اتذكرها مثلا : اسألوني عن سبب اختياري لهذا التخصص بالتحديد وهل كان الاختيار عن رغبة جدية بالقسم ام كان باختيار الاهل !!؟ امممممم واسألوني بعد عن اهمية تخصص الصيدلة الاكلينيكية بالنسبة للتخصصات الصحية !!؟ وبس هاذي الاسئلة اللي اتذكرها اذا ماكانت الاسئلة كلها اتمنى ان اكون فدتك ولو بالقليل انت وجميع المقبولين بأذن الله وبالتوفيق ان شاء الله في المقابلة |
رد: مستجــد\ة ..ضعـــ\ــي أستفسارك هنــا
اهلا نصار حسن
مبارك عليكم الشهر ..والف مبرووك القبول.. بالنسبه للمقابله الشخصيه..كانت اسئله سهله جداً وبسيطه.. من واقع تجربتي الشخصيه..سئلتني عن سبب اختياري للكليه..ومدري ليش سئلتني عن القدرات والتحصيلي ..يعني وش راأيي عن الاسئله والاختبار.. سئلتني عن هواياتي.. يعني اسئله عاديه جدا..ولا تحاتي ان شاء الله سهالات.. على فكرا تم دمج موضوعك..لمزيد من الاستفادة.. وحياك بينا |
رد: مستجــد\ة ..ضعـــ\ــي أستفسارك هنــا
بالنسبه لتجربتي الشخصيه كانت اقرب للسوالف يعني ماحسيت انها مقابله ابدا
لاتحاتي اخوي ترا هالمقابله مجرد عمل روتييني لا اكثر مستحيل تعيقك عن القبول .. موفق |
رد: مستجــد\ة ..ضعـــ\ــي أستفسارك هنــا
سألتكم بالله كيف الدراسه بكلية الصيدله سهله والا متوسطه والا صعبه؟
واي واحد يقدر يمشي فيها يعني مثلا اللي مييييييييح بالانجلش بيمشي فيها والا بتصعب عليه؟؟؟؟؟؟؟ تكفووون جاوبو علي ضروووووووووووري |
رد: مستجــد\ة ..ضعـــ\ــي أستفسارك هنــا
هلا اختي
الدراسه ما اخفي عليك تحتاج جهد ولازم تتعبي على نفسك عشان تمشي.. واللغه لا تحاتي انتي بتدرسي سنه تحضيري واللغه بتكون مكثفه..وان شاء الله تستفيدي ولازم تكوني متفائله وفقتي |
رد: مستجــد\ة ..ضعـــ\ــي أستفسارك هنــا
مشكوووووووره أختي
يعني يبغى له جهد كبييييييير؟ ماأقدر أمشي فيه وأنا مرتاحه؟ |
رد: مستجــد\ة ..ضعـــ\ــي أستفسارك هنــا
الـعـــفو ماسوينا غير الواجب..
صراحه يعتمد عليك..اذا حبيتي تكوني من المتفوقات ومعدلك حلو لاازم تتعبي على نفسك.. واذا بغيتي بس تعدي وتروحي مستوى ثاني..عادي مايحتاج تتعبين حالك.. واتوقع انك من النوع الأول..:) لانك مادخلتي صيدله الا طموحك للأحسن.. وفقتي :g8: |
رد: مستجــد\ة ..ضعـــ\ــي أستفسارك هنــا
ماعليه اختي تحمليني شوي
بس حبيت استفسر عن تجربتك بذا القسم؟ كيف بديتي؟ وش هي الصعوبات اللي واجهتك؟ |
رد: مستجــد\ة ..ضعـــ\ــي أستفسارك هنــا
هلا فيك أختي متفائلة معنا :mh001:
مثل ماقالت الأخت روح الموضوع لايخلو من الصعوبة بس هذا طبيعي يعني انتي داخلة تخصص صحي وطبيعي يكون فيها دفرة شوي الا اذا كنتي تبين تعدين في المواد وبس هذا شي ثاني فلا تخافين ابد ولا تشيلين هم بما انك جبتي معدل أهلك للقبول بهالكلية يعني انتي اكيد مجتهدة وماعليك خوف وبالنسبة للانجليش عادي كلنا كنا مييح بالانجليش :c8: البداية لازم فيها صعوبة لكن مع الاصرار والمثابرة ماكو شي يوقف بطريقك ان شاء الله بس انتي لاتحاتين وبقولك على سر بعد ترى اغلب الفارمديات ارفعوا معدلهم بعد السنة الاولى اذا ماكانوا كلهم :g2: يعني السنة الاولى مراح تعيقك ابد اهم شي تجيبين معدل فوق 3 واذا تعبتي على نفسك شوي فهذا راح يقويك باللغة ويساعدك في السنين اللي بعدها طبعا وبالتوفيق:g8: |
رد: مستجــد\ة ..ضعـــ\ــي أستفسارك هنــا
اقتباس:
والله تجربتي مثل اي بنت توها متخرجه من ثنوي وداخله جامعه كنت متحمسسه..وانتظر متى تبدي الدراسه.. صحيح ان عالم جديد وبنات جدد..بس الي يهونها انك تتعرفي على بنات جدد والدراسه بالنسبه لي كانت صعبه وممتعه بنفس الوقت انتي اقنعي نفسك انها حلوة وراح تعدي ان شاء الله الصعوبات صراحه ما اذكر..لان اللغه كنت الحمدلله شاطره فيها..يعني من هالناحيه ماكنت احاتي بس الاختبارات الزايدة كانت تتعبنا.. موفقه واي سؤال لا تترددي |
رد: مستجــد\ة ..ضعـــ\ــي أستفسارك هنــا
[align=center]
أن حابة اسال عن كلية الصيدلة والحاسب هل يمكن انه يقبولني وانا نسبتي الموزونة 79 مع فواصل عشرية يعني اخر دفعة الحين وقفت الصيدلة على 88.88 والحاسب 86 تتوقعون ينزلون النسب وتوصل الى نسبتي ............ وحابة اسال عن الدراسة في كلية الحاسب هل هي ممتعة وجميلة وبتكون دراسة المواد بالانجيلزي لو العربي .......؟؟ وماهي المواد التي تدرس في الجامعة ..........؟؟ [/align] |
رد: مستجــد\ة ..ضعـــ\ــي أستفسارك هنــا
مشكوره أختي حمستيني كثييييير
بسألك الدراسه كلها مذاكرتها بالانجلش والا في مواد عربي؟ والدكاتره شرحهم زين تعاملهم حلو والا؟ وبالنسبه للمعدل اغلبية الدفعه جابوه؟ أقصد يعني سهل أنك تجيبينه لأني أنا سمعت أن ناس يقولون أن الصيدله صعبه وفي بنات كثير حولوا منها هل صحيح ذا الكلام؟ |
رد: مستجــد\ة ..ضعـــ\ــي أستفسارك هنــا
حبيبتي متفائله..
اذا انتي عندك الطموح والرغبه صدقيني راح تجتازين كل الصعوبات عشان كذا لاتحاتين ولا تتعبين نفسك .. ثقي بقدراتك وانك قادره توصلين لهدفك مهما كانت صعوبته الله يوفقك..:love080: |
رد: مستجــد\ة ..ضعـــ\ــي أستفسارك هنــا
اقتباس:
حبيبتي ما اعتقد بتنزل النسب الى نسبتك..لان مافي دفع كثير.. يعني احتمال تكون هذي اخر دفعه ولا باقي وحدة.. وكليه الحاسب ماعندي علم عن موادها..بس التحضيريه مثل الصيدله المواد بالانجليزي.. وفقتي |
رد: مستجــد\ة ..ضعـــ\ــي أستفسارك هنــا
السلام عليكم ورحمة الله وبركاته
مبارك عليكم الشهر وكل عام وانتوا بخير اليوم نزلت دفعة جديدة بس نسبة اقل نسبة انقبلت نفس الدفعة اللي قبل يعني 88.88 هل هذا معناته انهم خلاص اكتفوا ماعاد تنزل دفعات جديدة اولا تكفوووون جاوبوني للمعلوميه انا مثل ماقلت لكم من قبل ان نسبتي الموزونه 87.9 جزاكم الله خيييييير والجنه وشكرا |
رد: مستجــد\ة ..ضعـــ\ــي أستفسارك هنــا
اقتباس:
علينا وعليك يارب.. حبيبتي الجامعه عادةً ماتنزل اكثر من 6 دفعات.. بس اذا في انسحابات بيكلموك ان شاء الله.. وماتدري يمكن ربي يوفقك وتنقبليين.. طيب حاولي في اماكن وجامعات ثانيه.. دعواتي لك |
رد: مستجــد\ة ..ضعـــ\ــي أستفسارك هنــا
جزاااك الله خير اختي مشكوورة ما قصرتي حبيبتي ع العموم انا انقبلت
في كلية العلوم الزراعية والتغذية وسلمت اوراقي و الله يسمع وانك وانقبل والله يوفق الجميع مشكووورة مرة ثانية والله يجزاك خير والجنة اسفة ع الاطاله |
رد: مستجــد\ة ..ضعـــ\ــي أستفسارك هنــا
ألف مبرروك القبوول
وان شاء الله تترقى رغبتك.. العفو وحيااك اذا عندك اي سؤاال وفقتي |
رد: مستجــد\ة ..ضعـــ\ــي أستفسارك هنــا
اقتباس:
والله العظيم انك دايم ببالي ودايم أفكر انقبلت والا مابعد !! حبيبتي ابقولك شي قد قلته من قبل وبعيده عشان اطمنك كثييييييير من صديقاتي نفسك انقبلوا بكلية الزراعه وبعضهم العلوم وجلسوا طول الاجازه وهم مهيأين نفسهم لقسمهم اللي انقبلوا فيه وبعد العيد يعني قبل الدراسه باسبوعين دق عليهم واحد من مسؤولين الجامعه وقال لهم انتو انقبلتوا صيدله مع العلم انهم مو وحده ولا ثنتين والله اغلب صديقاتي عشان كذا انتي تفائلي حبيبتي وتطمني خاصه انو نسبتك مرره مرره قريبه من آخر نسبه وصلت لها الصيدله .. طمنينا اذا انقبلتي وموووفقه حبيبتي |
رد: مستجــد\ة ..ضعـــ\ــي أستفسارك هنــا
اقتباس:
والله يسمع منك وانقبل واول ما انقبل ان شاء الله رح ابشركم جزااك الله الجنة والله يسعدك في الدارين مشكووورة مرة ثااانية |
رد: مستجــد\ة ..ضعـــ\ــي أستفسارك هنــا
إن شـــاء الله..نسمــع خــبر قـــبولـكـ..
وفــقــتـــي~ |
رد: مستجــد\ة ..ضعـــ\ــي أستفسارك هنــا
اقتباس:
اسفة ازعجتكم معي شكرا |
رد: مستجــد\ة ..ضعـــ\ــي أستفسارك هنــا
الــــعـــفــو قــمــر ~
حــيــاك اذا عندك اي سؤال او استفسار.. هالموضوع وضع لأجلكم.. v v |
رد: مستجــد\ة ..ضعـــ\ــي أستفسارك هنــا
اقتباس:
العفو حبيبتي .. الله يوفقك ويطمن قلبك .. وبانتظار البشاره :106: |
رد: مستجــد\ة ..ضعـــ\ــي أستفسارك هنــا
بسألكم؟؟؟
فيه يوم إجازه في الأسبوع في كلية الصيدله مثل باقي الكليات والا لا؟ |
رد: مستجــد\ة ..ضعـــ\ــي أستفسارك هنــا
السلام عليكم
شخباركم كل عام وانتوا بخير >>> بدري ^_^ مدري احس حبيت اسلم عليكم هع انا باقي لي على الصيدله 07. هع ان شاء الله يارب عالدفعه الجايه يقبلوني صيدله او طب ادعولي والله يوفقكم تحيااااااااااااااااااااااااااتي |
رد: مستجــد\ة ..ضعـــ\ــي أستفسارك هنــا
اقتباس:
اذا قصدك وسط الايبوع اكيد مافي..باقي الكليات هم الي يسوا جدولهم وبإختيارهم يخلو عندهم يوم اووف لو على الصيدله الود ودهم حتى خميس وجمعه تداومين.. :mh35: |
رد: مستجــد\ة ..ضعـــ\ــي أستفسارك هنــا
اقتباس:
مبارك علينا وعليك يارب ان شاء الله تتسهل امورك وتنقبلي |
رد: مستجــد\ة ..ضعـــ\ــي أستفسارك هنــا
سلام عليكم....
مبارك عليكم الشهر << مـتأخرة استفسار عاجل أتمنى إفادتي به ... أنا اليوم انتهيت من الكشف الطبي وسلمته للكلية وقال لي المقابلة الأسبوع القادم مثل هاليوم ... وسألني عن نسبتي الموزونة والتراكمية للثانوية والقدرات والتحصيلي .... ولكنني أخطأت في نسبتي الموزونة حيث قلت له 84 ،،، وأنا 82 ،،،، علما بأنه سجل البيانات بالحاسب .........ز هل هناك مشكلة ؟ وأيضاً هل يوجد رقم هاتف أتصل منه لأصلح ذلك ؟ أم أذهب إلى الكلية لإصلاحها ؟؟؟ <<< مشواار تحياتي لكم |
رد: مستجــد\ة ..ضعـــ\ــي أستفسارك هنــا
اقتباس:
مبارك علينا وعليك يارب بالنسبه لخطأك في البيانت اتوقع مو مشكله لانك سلمتهم شهادتك ونسخه عن القدرات والتحصيلي. بس احتياط هذي الارقام اتصل وأسأل.. هاتف : 5817175-3-00966 داخلي: 5800000-3-00966 تحويلة: 1783 فاكس : 5817174-3-00966 البريد الإلكتروني: clinicalpharmacy@kfu.edu.sa وفقت لكل خير يارب |
رد: مستجــد\ة ..ضعـــ\ــي أستفسارك هنــا
يعني أبد مافي ولا يوم إجازه بذا الكليه
ولا متنفس طيب مافيه في اليوم استراحه أختي روح شفافه انتي أي سنه الحين؟ |
رد: مستجــد\ة ..ضعـــ\ــي أستفسارك هنــا
في عندك بريكات بين المحاضرة والثانيه..
وعندك الخميس والجمعه طبعا :g20: يعني من 10 دقايق الى ربع ساعه.. انا رايحه ان شاء الله سنه ثالثه.. وفقي |
رد: مستجــد\ة ..ضعـــ\ــي أستفسارك هنــا
السلام عليكم ورحمة الله وبركاته
اخباركم بنات ان شاء الله كلكم تمام حبيت اسئل هو ايش اعلى معدل يحصلون عليه الطالبات وهل سبق ان وحدة من الطالبات كان معدلها خمسة خصوصا من طالبات السنه التحضيرية ؟؟؟ ^^^^^^^^ السؤال للاستطلاع فقط :119: |
رد: مستجــد\ة ..ضعـــ\ــي أستفسارك هنــا
وعليكم السلام ورحمه الله وبركاته
خمسه ما اعتقد.. اعلى معدل كان 4.8 يعني قريب من الخمسه.. عندس طمووح ان شاء الله انتي تجيبي هالمعدل.. موفقه قمر |
رد: مستجــد\ة ..ضعـــ\ــي أستفسارك هنــا
اقتباس:
تقبلي تحياتي :119: :love080: |
رد: مستجــد\ة ..ضعـــ\ــي أستفسارك هنــا
اقتباس:
الحمدلله بألف خير.. اي نعم حبيبتي انا اعرف بنت معي بالسنه التحضيريه جابت بالسمستر الاول خمسه بس مدري اذا حتى السمستر الثاني والا لا .. واعرف بعد بنات جايبين 4.9 و 4.8 يعني ياحبيبتي اذا اجتهدتي والله تجيبين خمسه وبالراحه لأن مواد السنه التحضيريه مو صعبه ابدا بس امشي بالانقلش وكل شي يصير سهل .. وبعدين لاتنسين ان هالمعدل بيتصفر اذا رحتي كلية الصيدله .. اهم شي تجيبين فوق الثلاثه وبس الخوف مو من السنه التحضيريه الخوف من اللي يجي بعدها .. بس كل شي مع الجد والاجتهاد يصير سهل باذن الله مووفقه خيتوو :love080: |
رد: مستجــد\ة ..ضعـــ\ــي أستفسارك هنــا
مـــشــكورة طالبه علــم ع الــرد
مدري ليـــش دايــم انســى ان فــي دفـــعـــه بعدنا.. يــمــكن عــشان معـــزولـــين..ههههههه وفـقـــتي |
رد: مستجــد\ة ..ضعـــ\ــي أستفسارك هنــا
اقتباس:
اي معذورين للحين ماشفتوا خششنا :hahahahahah::hahahahahah: |
رد: مستجــد\ة ..ضعـــ\ــي أستفسارك هنــا
اقتباس:
يسلموووووو:119: |
رد: مستجــد\ة ..ضعـــ\ــي أستفسارك هنــا
السلام عليكم ورحمة الله وبركاته
كل عام وانتم بخير وتقبل الله منا ومنكم صالح الأعمال عندي استفسار واتمنى تجاوبوني عليه انا ولله الحمد انقبلت صيدلة وسويت الفحص لكن فيه مشكلة انهم قالوا أن نظري ضعيف ولازم اسوي كشف عند الدكتور طبعا انا كنت جايبه نظاراتي معي لكن النظر بالنظارة صاير ضعيف وقالت احتمال انك ماتنقبلين بمقياس نظرك أنا صراحة انصدمت المهم رحت سويت فحص قال لي دكتور لازم اغير النظارة وبروح بكرة ان شاء الله للدكتور وأخذ القياسات من جديد واغيرها،السؤال: معقولة فيه أحد ماقبلوووه بسبب نظره مع العلم أن عيني اليمين سته على سته بس الضعف في اليسار وماراح تأثر طمنوني الله يخليكم وعليكم السلام ورحمه الله وبركاته وانتي بخير وصحه وسلامه يارب..,وتقبل الله صالح اعمالنا واعمالك يارب صراحه مو معقوله ضعف نظرك يسبب لك عائق للقبول..ومعانا بنات بالكلاس يلبسون نظارة وعادي الوضع..ولا راح عليهم القبول.. ربي يوفقك ويسهل امورك..لاحاتي وان شاء الله بتكوني معانا في الصيدله وفقتي |
رد: مستجــد\ة ..ضعـــ\ــي أستفسارك هنــا
اعتذر اختي بالغلط عملت تعديل..
|
رد: مستجــد\ة ..ضعـــ\ــي أستفسارك هنــا
السلام عليكم ورحمة الله وبركاته
هلا والله روح شفافه حابه اسألك انتي كيف تقضين يومك بأيام الدراسه؟ |
رد: مستجــد\ة ..ضعـــ\ــي أستفسارك هنــا
اقتباس:
انتي عارفه اني بالسكن الجامعي..يعني ما شاوف اهلي غير ويك اند... يومي عادي..الصباح في الجامعه..نرجع الظهر مع بانت السكن نتغدى..ونووم.للعصر او اقبل صلاة المغرب بعدين مذاكرة لأن دايم كوزات..وشوي ع النت او مع البنات اذا خلصت..وبعدها نوم ع الساعه 1 ولا 2 ذكرتيني بالسكن والبنات والكليه..والله لهم وحشه.. ترى حلوة الحياة الجامعيه والسعيد الي يجربها.. وفــقــي |
رد: مستجــد\ة ..ضعـــ\ــي أستفسارك هنــا
السلام عليكم
بالنسبة للطالب الجامعي وكيف يقضي يومه .... تقريبا كل الطلاب والطالبات ماشين على نفس السستم اللي قالت عليه أختنا روح >>وانتي حد طلب اجابتك:hahahahahah: مادري ليه حسيت اني ملقوفة :c8: بس حبيت اضيف كلمة على اللي قالته الأخت روح طبعا هالنظام اللي ماشين عليه كل يوم واللي هو نوم ودراسةوأكل وبس هالنظام ممل وممل جدا بعد بس انتي سألتي اختنا روح وهي في الاجازة يعني اكيد بتجاوبك هالاجابة لانه اكيد وحشتها الجامعة والسكن بعد واحنا اكيد وحشناها>>>واثقة من روحها:g2: بس انتي تعالي سأليها وقت الدوام :hahahahahah: بالتوفيق للجميع |
رد: مستجــد\ة ..ضعـــ\ــي أستفسارك هنــا
هههههه
ياحبيبتي ياجوري والله صحيح مافي احلى من الدراسه وايام الجامعه.. وحتى لو جاء السؤال وقت الدراسه بضل اقول انها حلوة واشتقت لها>>>>>نصابه شكرا على مروك ياعسل |
رد: مستجــد\ة ..ضعـــ\ــي أستفسارك هنــا
السلام عليكم... اختي رووح واخواني واخواتي البقية لدي سؤال اتمنى الاجابة عليه ..
س/ ابغى شرح بسيط للسنة التحضيرية لكل مادة ؟؟ مثال لكي يتضح سؤالي اكثر :::: الانجليزي نبدأ ندرس في البداية الحرووف >> مثاال زي وجهك متوسط هذي مو جامعة خخ والاحياء رااح تكوون الدراسة عن النباتات >>> يلا يمشي الحال وشكرا لكم جميعا .. |
رد: مستجــد\ة ..ضعـــ\ــي أستفسارك هنــا
أخوي احمد الخليفه
انا مادرست تحضيري..سنتي مابعد يوجد نظام السنه التحضيريه.. بس اخذنا نفس مادة الانجليزي المكثف..طبعا لأ مانبدا بالحروف..مثل ماقلت مو متوسط احنا..بدأنا عادي كأن مرحله جديدة تتبع الثانويه..كان عندنا قرمر..وفيه قاعدات تشبه الي اخذناها بالثنويه والمتوسطه بس تفصيل اكثر وزيادات عليها.. وعندنا رايتنق..حلو تعلمك اسلوب الكتابه وطريقتها وشلون التفكير.. ولسيننق..اسهل مادة تعتمد على السمع يكون فيه سي دي تسمع وش يقول وتكتب معاها.. والاحياء..نفس منهج اول وثاني وثالث ثنوي نقريباا بس الصعوبه فيه انه باللغه الانجليزيه وتفصيل وتشعب اكثر.. بس لا تحاتي مع الايام تتعود.. اتمنى اني افدتك..ووفقت يارب |
رد: مستجــد\ة ..ضعـــ\ــي أستفسارك هنــا
اقتباس:
وعليكم السلام ورحمة الله وبركاته .. الانقليزي ماراح تبدا بحروف اصلا انت لازم تكون عندك خبيره بالانقلش حتى لو بسيطه لان اللي بيدرسونك امريكيين ولايعرفون كلمه عربي لازم انت تكون تعرف الاساسيات على الاقل عشان تقدر تفهمهم .. راح تدرس بكل سمستر تقريبا 13 وحده كل وحده فيها مجموعة فوكاب وقرامر بالاضافه الى تركيزهم الشديد على اربع اساسيات : 1_ رايتينق: من اول اسبوع بتشوفهم يقولون لك اكتب تعبير .. انا اول مره انصدمت لان مومتعودين بالمدرسه نكتب من مخنا بالانقليزي متعودين ننسخ ونلصق فكان بالبدايه صعب لكن بعدين تعودت لدرجة الاستمتاااااااااااع 2_ سبيكينق : كيف تتكلم بالانقليزي باستخدام القاعدات الاستخدام الصح 3_ ريدينق : سهل مره بيكون عباره عن قطعه او قصه تقرااها وتحلون اسئله عليها زي المدرسه 4_ ليسيننق : تسمع للمسجل اللي يرطنون فيه بالانقلش وتحل خخخخخخ و كل اسبوع يوم الاربعا اختبار لهالاربع المهارات طبعا تحريري باستثناء السبيكينق أنا انصحك انك تستغل هالكورس المكثف لانه بيفيدك كثييييييييييييييييييييير بحياتك خاصه السبيكينق والليسيننق .. أنا حاولت اشرح لك الانقلش شرح مبسط اما باقي المواد ماراح تواجه صعوبه فيهم باذن الله الا الحاسب بالبدايه لانه بالانقلش الاحيا راح تاخذه بالسمستر الثاني وعن ايش يتكلم صعب احدد لك لانه كتاب كبير والدكتور هو اللي يختار ايش يشرح .. حنا كان عن الجهاز الهضمي والبولي والتنفسي والتناسلي والخليه بالتفصيل الممل وكيفية انقسامها و النبات والوراثه و....الخ .. بالبدايه استصعبناه بس بعدين تعودنا عليه .. أي سؤال آخر انا حاضره ومووفق أخوي .. |
رد: مستجــد\ة ..ضعـــ\ــي أستفسارك هنــا
مشكووورة اختي رووح شفافة .. مشكوورة اختي طالبة علم .. الله يوفقكم وتصيرون افضل دكاترة بالشرق الاوسط >> ليش بس في الشرق الاوسط (طموح ضعيف ) >> ولا تزعلون في العالم كله
|
| All times are GMT +3. الوقت الآن حسب توقيت السعودية: 10:42 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه