![]() |
ًُ Free Zone ًُ
:d3:
هــآي شبــآب وصبــآيــآ ... :sunglasses2: من منطلـــق دهنا في مكبتنا .. سوف يعتبر هذا الموضوع ســـآحه حــرهـ .. يعني موضوع خـــآص لسوالفنــآ ... يعني كل الي بخاطرك/كِ قوله/ ـي بس بحدود العرف العام ... إذا في راسك هوشه.. منقهــر من أحد هنا أو من الكليه ... بتقول سالفــه مع احد من الاعضــآء ومستحي تروح له برايـفت .. عندك موآهــب " شعر - تصامــيم .. آلــخ " .. ومواقف صــآرت لك .. تعال هنا و كت كل الي عندك و محد حولك .. ومــآآآجاك عندي <-- تكفين :cheese: شكاوي, أقتراحات , منــآقشــآت , شكــر ,أبدآعــآت ، هوشــآت <-- عــآد بدون ضحــآيآ :cheese: .. ملاحظة : أهم شي محد يزعل ع أحد لانه الســآلفه كلهــآ منتدى , ولي بيسمع اغاني لا يطول عليها..:g18: ..ولي بياكل شي لا يخلي شي وراه :ope5::.. أبــي تفــآعل أووووك .. وكلنــآ عايــله وحده .. وأنــآ أول وحـــده رآح أبتدي .. أحم .. أحم .. ألوووو ها شباب وصبايا الصــوت وآآضح ؟؟ !! أيــه أشــوه .. نبتدي أجــل .. معــآكم تفــآحه تتســآئل ووين بقيــة الأعضـــآء مــآ أشوفهـم يدخلون كثيــر فيـــآفي ، ناني الحربي ، جنــة العشــآق ، snaks <-- أفتقدنــآكم عسى تكونون بخيـــر أن شــآء لله أكيــد ألأختبـــآرات مــآتخلي واحد بحـــآله .. يالله هــآنت ما بــآقي شي ع الاجازه بــآلتوفيق .. n.mohammad .. :hiat: لك فتــره قـآطعنـآ طخطوخــه .. فديتــكِ ع طول متوآجــده ومنوره ..:119: midnight .. مشكــور ع الردود والمواضيع والتواجد المتوآآصل وان شاء لله على طول :106:... أحــلآم ضــآئعه .. بعد عمري حــآسه بمعــآناتك يــآرب تتحــق أحلآمك وهلا فيـكِ بينــآ :bye::119:.. نحو حيــآه أفضــل .. هلآ فيــك خيتو وأن شــآلله ع طول أشوفك متواجده ومنــوره :119:.. يالله بخليكــم الحين وها لله ها لله با الهوشــآت :hahaha_2008: أمززح .. لي رجعــه .. سي يوووو ... |
رد: ًُ Free Zone ًُ
صراحه عنوان الموضوع عجبني
مع ان الفكره هياهيابس زين طلعتي بشي جديد واهنيك على الاسلوب و كان ناقصنامثل هالساحه:p على فكره ترافي عضوه نسيتيهاتدخل قليل بس ماترد:) عساالمانع خير |
رد: ًُ Free Zone ًُ
^^^^
هـــلآ هــلآ midnight .. أشووه عجبتــك الفكره .. أجل يالله كت الي عندك :cheese: ولله يسمحـــون لي البقيــه الي ما ذكـــرت أسمــآئهم ... يـــآ هلآ با الجميـــع .. اممممم تقصد .. كــآتمة الاحزآن .. صج ولله افتقدنااكِ يا الغـــآليه عسى المانع خير ! العاشق 555 ... ووينك !! .. قاطعنـــآ !! ومـآشوفك بشــرتنــآ با المكافئــآت تراهــآ نزلت" ربيع أول " :119: .. بعدين خيووو ما هيــك أتفــئنــآ .. يعني قول العضوه الي تقصدهــآ ! <-- شو بيك خجلان B R B |
رد: ًُ Free Zone ًُ
^ ^ ^ ^
خخخخخخ الحين المخ مغلق الى اشعاراخرماعندي شي اقتباس:
موب سهله البنت:p تراني كنت اقصدهاهي زين حتى انتي فقدتيها>>>>> اشتاق للردودالطويله والهواشات:D اقتباس:
على فكره الدكتورمحيي اليوم نازل مدح فيكم يالبنات:D بررررب |
رد: ًُ Free Zone ًُ
هلا تفاحه انا موجود
صج قديمه مكافئة ربيع ادري انها انزلت خخخخخخخخخخ وابشركم مكافئة ربيع ثاني راح اتكون احتمال كبير على بطايق الصراف لانه حق الماليه قدم عليها ويعطيج العافيه تفاحه |
رد: ًُ Free Zone ًُ
BACK
ولكموووو للجميع :119: ... midnight ... ههههه اي ولله افتقدنـــآ للهوشات <-- عاد انت ما شاء لله عليك ما حرقت دمي بهوااشك أول ردودي ولا بعد تقول حق snaks مب هواش مجرد مشادة كلام <-- أي هين :hahaha_2008: .. الدكتور محي ما شالله متفهم ان شالله عاد نبيض الوجه في الاختبار :cheese: .. العاشق555 ... هلآ فيك ومن طول الغيبات جاب الغنايم .. وبشرك الله با الخير.. اي ولله أحسن بالبطــآيق <-- مو كل مره احد يعطينـآ وجه ويودينا B R B |
رد: ًُ Free Zone ًُ
اقتباس:
اقتباس:
بس اناكتبتهاعلشان اهدي الوضع شوي >>>> وش عنده رجل السلام وعلشان محديتدخل ويكثرالهرج خلهامحصوره بيننامانحتاج واسطات:p اقتباس:
التعاريف كل واحديقول الزودعندي طبعاخليناه يكنسل واحدلأنه ماعطاناايه اصلاوجابه حدي خلصت التعاريف الاهويسحب في الورق واقلب الورقه وبسرعه تأشيرعلى الاختيارات لعب ابنااليوم الله يسترمن الميدترم هذاومادة اليوم موب فارما |
رد: ًُ Free Zone ًُ
^^^
يوووه الله يعينكم ويعينـــآ ... بس أتوقع أحســن من تسليم <-- ويلي ويلي :bawling: منقهره منه حييييل آلحيــن وش ســآلفة المشرف كل بين فتــرة جاي !!! ... احس مب شيء ... ههههه آليـوم آلبنــآت شكلهم مضحك كل ما يفتح الاصــآنصير يتخيلــون انه بيطلعون رجال :hahaha_2008:<-- الشكوى لله |
رد: ًُ Free Zone ًُ
هااااااااااااااااااااا
قاعدين تتكلمون عني و انا ما ادري و الله انا فترة ما دخلت لعدة امور : 1. صارت ظروف فاتحه عندنا بسببها طلعت من الانترنت لمدة اسبوع 2. الاحباط النفسي الذي وقع فيها خريجي كلية العلوم الصحية بسبب التوظيف 3. المنتدى نايم ما كان يساعد احد يدخل :hahaha_2008: يعني بالاسابيع ما تتغير المواضيع 4. اسمن حفل تخرج قاعد اخطط و اشيك روحي لمدة اسبوع و في الاخير طلع مسخره 5. ما ابي ازعجكم لاني عاطل عزوبي ما وراي شي و انتوا طلاب :cheese: ...الخ |
رد: ًُ Free Zone ًُ
في يوم الاثنين 17 من ربيع الآخر الموافق 13 من ابريل لهذا العام
احتفلت الأحساء و الدمام بتخريج الدفعه رقم 30 من جامعه الملك فيصل http://http://www.alhsa.com/forum/imgcache2/124943.gif ابتدا الحفل بالبوفيه اللي اسمن مفتوح " جبن و زعتر و ماي و عصير :000: " ثم بعد الصلاة بدينا بالتكشخ و تلبس البشوف و الغتر و الحركات الحلوه اسم بعدين دخلنا القاعد ننتظر يدخل الامير محمد و الامير بدر بعد ما دخلوا بدا يدخلون الدفعات و آخر دفعه دفعة كلية العلوم الصحية بالأحساء و الدمام :hahaha_2008: " صج مقاريد " و في نص الحفل سويت مشكله نقزت و قمت اصور بالجوال لمن جا لي المسؤول و قال لي عيب يا ولد :t1: بعدها قال الامير و مدير الجامعه و كلمة الطلاب بعدها قاموا يقولون اسماء الكليات و الطلاب يوقفون " كانه في حسنية نسوي قيام :hahaha_2008::hahaha_2008:" بعدها مشى الامير و احنا قعدنا نششك صور و نسب في البوفيه المفتوح :hahaha_2008: بعد كل هذا طلعنا حديقة المحدود و خذنا لنا دجاجتين مندي و كلناهم اصرف لنا |
رد: ًُ Free Zone ًُ
|
رد: ًُ Free Zone ًُ
^^^^
ولكموووووو ... ع البركه ع البركه ... أوهـ أوهـ أكشخ بشت وهلله هلله :cheese: ياخي خلينا من الاكل اهم شي المهرجان تررتيب !!! .. الحين كل الي عليهم بشت ممرضين !!!! عزة الله صار اكتفاء وما توظفنا :hahaha_2008: ... متى أتخرج خخخخ <--- ما تخيل :cheese: ... عاد ابي في تخرجنا نلبس فساتين مب زياده علينا انتوا تلبسون بشت :cheese: ... |
رد: ًُ Free Zone ًُ
لااااااااااااااااااااااااااااااااااااااااااااااااا اااااا
ممرضين من الحسا بس 20 طالب لا و ازيدك الممرضين الجدد 13 و 14 اما البقية فتكملة دراسة يعني احنا المتخرجين تمريض تبع الجامعه بس 14 طااااااااااالب اما الباقي فهو متوظف و هاللي في الصورة الخريجين من كل التخصصات يعني الصحية اولاد كنا 130 خريج بس فكلية الإدارة 291 طالب و خريجين الاولاد اللي تبع الجامعه بشكل عام مع الكليات الصحية و المعلمين 2000 و شوي اما الخريجات مع الكليات الصحية و المجتمع ففوق 8000 خريجة و بعدين خلينا على الاكل شنهو ذه دافعين 50 ريال علشان ناكل زعتر و جبن !!! الحفل الساعه 1 الظهر مو 4 العصر علشان نسكت :017: اما البنات فشعليهم في الانتر و 200 دفعوا على شان العباية خخخخخخخخخخخخخخخ :hahaha_2008: |
رد: ًُ Free Zone ًُ
اقتباس:
طبعااول ماجاوقام يتكلم تذكرتكم على طول >>> انكليزي مبكستن:p بس الوضع عادي السنه الاولى كان عندنادكتورمثله بس المشكله على الاسئله اسئلته كلهااختيارات بس مايمديك كلهافهم وكل اجابه مشواااااااااااااااااار على ماتقراوتستوعب يبيلك وقت ومدة الكوزربع ساعه مافي الاانواع التشوزلماقام بيسحب الورق:D والمشرف مادري وش سالفته بس تراه موب دايماموجوديجي بالغلط للحين اناماشفته الامره اقتباس:
اقتباس:
هذاوكلهم طلاب شلون لومعاكم طالبات لووووووووووووووووووووووووول اقول اعترف اي واحدانت من الجالسين >>>> عساه موب اللي مصورهابس:p عساهم بس مايسوون لناحفل تخرج في الجامعه يااني اكره اروح لها:mad: |
رد: ًُ Free Zone ًُ
^ ^^
اذا ما تبي ارفض سوري refuse و ريح بالك و الله و خمسين ريال حطها في مخباط :cheese: |
رد: ًُ Free Zone ًُ
^^^
n.mohammad ... اي عدل 20 ممرض ... وأنت باط شبدك ها البوفيه يا لله الحمدلله نعمه :119: أهــآ صج قول لنا اي وآآحد من الجــآلسين أنت ؟! .. اكيد يم ذآآك الكرسـي <-- خطيره :hahaha_2008: midnight ... ههههههه هندي أن لله شعندهم على ذاك الصوب :hahaha_2008: .. تصدق عاد توقعت حيييل أنه الي بيدرسنــآ فـآرما هندي حتى ع طول اتطنز واقول لهم تجهــزو هالمره بيجيبونـ هندي :hahaha_2008: .. بس ما مدآهـم بقنــآ مدرسكـم :hahaha_2008: ... والمشرف تقول ما يداوم ع طول امممم عدل عدل الحين خلاص صـآر أهو مشرف للبنين والبنات ... كــآتمة الاحزآن ..كشفتش دآآخله آلموضوع ها ها هاي :cheese: .. أنزين عاد ليش ما تردين ؟؟!! B R B |
رد: ًُ Free Zone ًُ
نيرس محمد
اناصحيح اكره الروحه بس وقت التخرج ماشكلي بخلي >>>> ذل:p تفاحه تراكان يدرسناكيمستري دكتورهندي عبقري بكل معنى الكلمه وشرحه بن لذين يخليك تنتبه له غصب طيب ماتشت معاه ولهجته اوكي يعني مايتكلم مثل الهنودوحتى شكله اناكنت مفكره سوري طلع هندي:p |
رد: ًُ Free Zone ًُ
الا صحيح يقولون الفلاح شالوووه
مين الحين مسؤول ؟ لا يكون اللي صورنا معاه في الحفل :cheese: midnight درسك دكتور جاويد ولا ما لحقت عليه :hahaha_2008: |
رد: ًُ Free Zone ًُ
[SIZE="5"][SIZE="6"][COLOR="Purple"]السلا م عليكم :d2:
مرحيا شباب وبنات:d3: كيفكم ... شو أخباركم ... اشتقنا لكم مرررررررررررررررررة :sunglasses2: انشاء الله مو مغرزين في الاختيارات ...:150: يالله الله يوفقكم ويوفقنا حنا البنات كمان:praying: اول شئ ... الف الف الف مبروك nurse mohammedعلى التخرج وانشاء الله اتبشرنا بالوظيفه يارب :127: ثاني شئ ... جد جد جد ياتفاحه حدي حدي حدي اشتقت لهوشاتنا مع الباكستاني (تسليم ) الله لايسلم فيه عظم ..هههههههههههه :thumbs-up: بس الحمد الله افتكينا منه :119: وشئ كمان احب اشكرك مرة مرة مرة على الموضوع اللي احس فيه اكشن اشويه ومختلف تماما عن المواضيع اللي تنوجد بالمنتدى ::g14:بس جد زعلتنيني منك اشويه تذكرين الكل وتنسيني .........:103::::017::mad: بس والله موضوعك فيري فيري بيوتفل :mh94: ثالث شئ ودي اقوله ثنكس يا midnight انك مانسيتني وذكرتهم فيني:119: بس والله جد شكل الكل ماخذ عني فكرة اني ادخل اكتب الردود الطويله اللي تبرد قلبي وتنبرد قلبي غيري من البنات :m07: بس لاتلوموني اللي شفناة من الباكستاني والله ماشفناة من احد :bawling: والحين خلوني انا ابرد اللي بقلبي .....:hush: السمستر الاول كان الباكستاني اللي محرق اعصابي:017: الحين صارت استاذة الباثو لوجي الي طلعت بقلبي شيبه ويع شرح مثل الزفت مااقول الا اللة يعينا على مابلانا ويعينكم انتوا كمان :070: اما انت ياmidnight ذوقوا وحسوا بمعاناتنا اللي كنا نعانيها مع الباكستاني وانتوا كمان الحين اقرد والعن:s12: انتوا هندي يعني قلت الحين الدكاترة السعوديين يالله الجنسيات الثانيه غير هاذولوا ...:Cry111: ... بس تصدقوا انا اشك انه سواقنا لانه هربان من البيت جاي يدرسكم ههههههههههههههههههه:m07: والحين اسمحوا لي استاذن من بعد مامسيت عليكم من بعد طول غياب وتقبلوا مروري:bye: ثنكس برتقاله اوووووووووووة تفاحه هههههههههه موضوعك جنااااااااااااااااااااان :oao5: يالله بااااااااااااااااااااااي أختكـــــــــــــــــــــــــــــــــــــــــــــم كاتمـــــــــــــــــــــــــــــــــــــــــة الأحزان:g26: |
رد: ًُ Free Zone ًُ
كاتمة الأحزان
الله يبارك فيك عقبال ما اجي ابارك لك :cheese: |
رد: ًُ Free Zone ًُ
^^^^
midnight .... ولله عــآد كل شي جــآيز .. أومــآ الفيس حقه سوري ههههه أي مــآعليك يجي منهم :cheese: ... كـــآتمة آلأحــزآن ... هلآآآآآآ فديتـــش أشوه ا رديتي :hahaha_2008: .. لأ عاد مابي تـآخذين بخــآطركِ ... :140: <-- حلفت عليش ألآ تــآخذينهـآ .. وع وع مــآشتقت له هالمبكسن وع وع محــآضرته عندي ألمــوت آلبطــيء .. تدرين عاد وش ودي أسـوي فيه هههههه كــآلأتي : 1- :41jg: 2- :191: ------> :wsx19: تهئ تهئ نزل معدلــي الله لا يوفقــه:bawling: ... والبــآثو هين بنــلآقي حل لها :Cry111: أجل برتقــآله هــآ .. هين هين وعدش في الهده ههههه ... :mh35: نورتينا ... B R B |
رد: ًُ Free Zone ًُ
::هلا تفاحه
[SIZE="5"]سوري سوري تصدقي بجيب امي معاي علشان ماتضربيني:sdfgdsf: وااااااااااااااااااال قديمه ننتظر البنات في الخروج للهواش والله حنا مصايب بس لاتخافين عقلنا::mh12: بس تصدقي تفاحه اليوم شفت هاذيك الحجارة اللي لش فيها غرض تصلح حق استاذة الباثولوجي والله شرط ماترجع بعدها الكليه ههههههههههههههه:m07: بس لا ماعليك اللي طلعنا الشيب في قلب المبكستن انطلع عيونها :33_asmilies-com: نيرس محمد انشاء انشاء الله الله يسمع منك بس اللي يشوف اعضاء هيئة التدريس مايشوف الخير ذيلوا مناحيس الله ينحسهم:praying: [/SIZE] تقبلي مروري كاتمـــــــــــــة الأحزان:g26: |
رد: ًُ Free Zone ًُ
^ ^ ^
اذا اللي عندكم مناحيس فاللي درسوني نذال يقول لي المحاضر كم تبي قلت له فل مارك قال انا ما جبت فل مارك انت تبي تجيبها بس الحين كسرت راسه :hahaha_2008: |
رد: ًُ Free Zone ًُ
^^^^
خخخخخ ذكرتني بتسليم .. تخيل يقول مستحيل أعطيكــم الفل مارك! تتوقع ليش ؟؟؟؟!!! ... يقول لآنه كــل أنســآن خطـآء وأذآ رحتوآ المستشفى كلكــم رآح تخطــئون <--- ومن هنـآ نستنتــج أنه مــآ يصحح ... الله لا يوفــــقه ... :Cry111: |
رد: ًُ Free Zone ًُ
يللا هانت و تخرجنا
بس شالفايدة متخرجين ولا بعد نتوظف !! :017: في اخبار بانه دفعتنا و الدفعات 3 الجاية راح تتوظف في مستشفى سلوى :bawling: |
رد: ًُ Free Zone ًُ
^^^^
وآآآآآآآآآل :bgs18: سـلوى مره وحده .. ســلآمآت !!!!!!!!!!!!! مــآبي مــآبي :bawling: يمكن بس آلــلأولاد :cheese: ... أن شا لله لآحنــآ ولا أنتوآ :praying: ... B R B |
رد: ًُ Free Zone ًُ
و الله انا مو معترض على سلوى
لانه بيكون نظام حلو فيها 4 ايام دوام و 3 ايام اجازة و الدوام 12 ساعه و وقت الاجازة نضربها 150 كيلو لقطر :hahaha_2008: و فيها سكن يعني حلو بس انا معترض على مدير التمريض اللي احتمال يعينونه واحد ما ادري شنهو علاقته بالتمريض !!! ولا ابي اذكر اسمه علشان ما أأثم " راعي ذمه :cheese: " |
رد: ًُ Free Zone ًُ
حياالله كاتمة الاحزان مابغيتي تردين لايكون شايله عليناولافي خاطرك شي:)
اقتباس:
اصلاكليتناياكثرالهنودفيهاالسنه الاولى كان في 3هنوديدرسون انجليزي واثنين اردنيين وواحدسعودي وكان عندنادكتوريدرسناونفس الشي هندي والسنه الثالثه برضودكتورالكيمستري هندي اللي قلت لكم عليه بس يبطون كل الدكاتره المصريين والسعوديين وبقية الهنود انهم يكونون مثله شرحه ولااحلى وماتمل من محاضرته صحيح اسئلته يبي لهاشوي تركيزومخ مفتح بس اشهدانه دكتورماراح يتكرر الحين صاريدرس في جده يعني زبدة الكلام متعوديين على الهنود بالنسبه لي ماكان معذبناالاالمصريين ودكتوراردني يدرس اناتومي ياشينه نيرس محمد المعذره ترانسيت اباركلك التخرج الف مبروووك وعقبالنا ودكتورجاويدلحقت عليه درسني خخخخ اقتباس:
ولدعمي يدرس طب يقول عندهم دكتور يقول لهم انالواقيم نفسي مااحط لي فل مارك شلون انتواجل تخيل هذابالاضافه ان كان عندناطالب يجيب الفل مارك الاربع درجه الدكتورمستحيل يعطيه فل لازم ينقص شوي تفاحه اقتباس:
اي والله يجي منهم يعني ياسوداوبيض وعيونهم بني على عسلي خخخخخ |
رد: ًُ Free Zone ًُ
^ ^ ^
الله يبارك فيك و الفال لك قول لهم حن حجي جاويد شوي اللي كان يشرح بالايطالي ما ادري باليوناني :hahaha_2008: |
رد: ًُ Free Zone ًُ
^ ^ ^ ^ ^ ^
:d ههههههههههههههههههههه لاولاالحروف مايعرف يكتب الاكابيتل اناكنت مفكرنفسي الوحيد اللي يتخربط ومايعرف يكتب لكانوالحروف كابيتل طلعوالشباب كلهم نفس الحاله |
رد: ًُ Free Zone ًُ
اقتباس:
هههههههههههههههههههههه >>>> الكلمه ذكرته بشي |
رد: ًُ Free Zone ًُ
^ ^ ^
لا عاد اهم بيجون و بيقولون لش تكفين قبلي ولا بنكنسل المستشفى بس الاغلب بان احنا الاولاد بناكلها |
رد: ًُ Free Zone ًُ
n. mohammad ... شعنده المعترض ع المديـــر !!! ههههه :hahaha_2008: .. أهي جــآت بس ع آلمدير كل شيء مب حلو ..
يعني صج دوآآم أربع أيــآم و12 ســآعه بس خيــر أن شــآلله ألآلآلآت !!!! <--- أمــآ لو بيحسبونـه أوفر تـآيم ويعطونه عليه بدل راتب هذآ شي ثـــآني خخخخخ :cheese: وأذآ ع آلســكن مشكــورين مــآنبي خخخخ ... وع فكــره غصب طيب بيسمعون كلامي :097: <-- قويه :hahaha_2008: midnight ... شهـآلحــآله بعد لف عليكم قطــآر من الجنسيــآت المختلفه ما شآلله ما شالله <-- ما تبي تحسدكم :cheese: مـآبي مـآبي <-- بشنو ذكرتــك أعترف :cunning: ... B R B |
رد: ًُ Free Zone ًُ
^ ^ ^^
و الله مدير التمريض اللي بيحطونه واحد مخرب ام مستشفى الملك فهد و اول حرف من اسمه نظمي ذه كنت معاه في دورة الطواريء و شفت كيف انه في وادي و التمريض في وادي ثاني يعني لو بيمسكونه اياه ذاك الوقت ابصم بيديني و برجولي انه واااااااااااااااااااااااااااااااسطه اما عن الدوام فهو عبارة عن مستشفى طواري يعني اللي بيجي لنا بيكون اغلبهم حوادث او مرضى من نفس سلوى مثل مركز البطحاء و بعد ما نخلص 150 كيلو نضربها لقطر :hahaha_2008: يعني سهااااااااااااالة مع اني ما ابي اتوظف هنااااااااااااااااك |
رد: ًُ Free Zone ًُ
يآربيهِ مأسآة ذآ نيرس محمد :011:
كل مآ أشوف رد له آنقهر زيآدهـ :011: آحس اني بجلس بالبيت بعد :011: آن شاء الله تتوظف .. طيب بدآل جلستك آشتغل تطوع والا في اي مستشفى خآص :119: واذا آنجليزيتك حلووة قدم في الحرس :119: عشآن كثير اعرفهم عندهم دبلومآت وقدموو في الحرس وقبلوهم :119: \ من آخذنآ المهآرآت ولا مرة طبقت آدق آبرة آو اسحب دم ع آدمي :011: آخآف يآ عالم :011: حتى يوم رحنآ التطبيق قالت لي النيرس آسحب دم لمريضة خفت و قلت لها تصريفة ماعرف آسحب آصلن :011: هالكلام كله مجرد فضفضة لا غير :011: \ برضوو آشكر البنآت اللي قدمو خطآب للعميد عشآن يغيرون د. سميرة .. مآ قصرتم والله :119: \ وآخر شي .. موفقين يآرب واي استفسآر انا حآضرة < وش عندها المهمة :t1: تفآحه فديتش ع المسآحة الحلووة مثلش :$ |
رد: ًُ Free Zone ًُ
n.mohammad ... مـآشــآلله كل ذآ آلمعــلومـآت عندك مآ شاء لله مآشاء لله :119: ...
نحو حيـآة أفضــل ... هـــــلآ فيكِ خيتووو فديت هــآلطله آلحــلوه .. :g14: أجل تدريــن فـــآتش خخخ يوم رحنــآ آلمستشفـى أخذت ويــآي صديقتــي ورحنــآ غرفة الأكوبمنت وأخذت لي كم سيرنج وسوآب والغلآفز " عشــآن أسوي فيه تورنكيت لأنه مــآعندهم :cheese: " وخليت وحده من صديقــآتنـآ ترآقب طريقـة آلسحــب.. أول مـره دخلتهـآ صح بس خفت وع طول سحبت الأبره بس ثــآني مره دخلتهــآ وسحبت منهــآ دم :33_asmilies-com: <-- ونــــــآسه :d5: وأسهــل من ما تتصــورين .. وبعديــن صديقتي آلي طبقت عليهــآ رجعت طبقت عــلي وأنتقمــت مني :s2: ... يعني أذآآ تبين تتعلمــين ومــآتخــآفين سوي مثلي ..;) <-- عــآد لأ تآخذين وحده تصيــح مثلي هههه وأأأأأأألف شكـــر للبنــآت وربي يوفقـــآ وينصـــرنــآ :praying: ... B R B |
رد: ًُ Free Zone ًُ
نحو حياة افضل
و الله انتوا البنات اهون منا الاولاد اما عن تقديم فقدمت في الحرس و في التشغيلات الذاتي و يارب بس ينزل لي رقم وظيفي و اسحب على البقية اما عن السحب فهو سهل بس معروفه الرهبة في البداية يعني لو تشوفين اشكالنا اول ما تعلمنا كيف نعطي ابرة Sq كان الكل يرتجف و وجيهنا قلبت اصفر بس اول مرة مع المحاضر سويناها كويس بعدها عطى كل واحد ابره و قال في البيت امسك اخوك و سوا له و هكذا سحب الدم كلمي المحاضرة و قولي لها نبي نتعلم مرة ثانية و نطبق اهي راح تخليكم تطبقون على بعض بعد ما تخلصين اخذي كم سيرنجه و روحي البيت مع اخوك او اختك الكبيره و طبقي عليهم و اخذي كل اللي تبينه |
رد: ًُ Free Zone ًُ
نياهاهاهاهاهاااااااااااااااي
النصر 1 - 1 الهلال |
رد: ًُ Free Zone ًُ
تفآحة ..
آن شاء الله لآ رحت المستشفى اليوم آسوي مثل حركتك :011: وآن شاء الله تنفع :119: نيرس محمد .. مآ قصرت .. ويعطيك العآفيه ع ردك :119: \ آذا ع المبآرآه مع آنو النصر بأسو حالاته :011: بس قدر يحشر الهلال [ 90 ] دقيقة من دون أهدآف ! وه فديت آلع’ـآلمي بس ( وجه قلب ) <-- قلبت ولد خخخ |
رد: ًُ Free Zone ًُ
هلا بنات وشباب كيفكم وش اخباركم :d2:
وش اخبارك ياتفاحتي وش اخبارك يانيرس محمد ويا midnight والكل وش اخباركم :119: واسمحوا لي بصراحه على الغيبه اللي اغيبها بصراحه كنت مسافرة الدمام اتابع مباراة الاتحاد :mh2578:يالهوووووووووووووووووي جنان الحمد الله ان حنا فزنا :o2: وانشاء الله يطلع الهلال من الدوري :praying: يارب لاني اكرهه موت والسبب كرهي له ياسر اللي مايتسمى :017: المهم مابقلبها ساعه رياضه :g2: بس بصراحه اذا كان الخبر صحيح يانيرس محمد ان حنا نتوظف بسلوى بيصير جنان بشكل مو طبيعي:d5: لاني اول شئ ببتعد عن الاحساء لان ماودي اتوظف فيها ابدا :no2: اما انتي ياتفاحتي وعسل المنتدى كله بصراحه احسك اكشن بالمنتدى وكمان صيري مثلي توظفي برا الاحساء ...... احسن لك اما اخوي midnight تبقى تقلبها حش فيني انت وتفاحه:017::000: بس صادتك وعرفت انك تقصدني جد انا ادخل وماارد الا قليل بس اهم شئ ادخل:011::s11: وأتطمن عليكم.. بس والله من كل قلبي فرحت انكم مانسيتوني:g8: بس الشوق الاكثر والاكثر حق هوشاتنا والحدة بالكلام :103بس قلي وش اخبار التطبيق معكم ؟؟ اما اختي نحو حياة افضل اهلا وسهلين ومرحبتين بيك نورتينا ياهلا والله:o1: لاتخافين من ناحيه تطبيق المهارات لان والله مافيه اسهل منهم خصوصا سحب الدم والله دخلي وطلعي بهالعروق وبتلاقي الدم ينصب صب :089:بس بجد يبقالها تدريب وبعدين مافيه اسهل منها وانتي الله الله بالسيرنجات اخذي وخلصي دم اهلك بس انتبهي بس جد لاتخافين لانك بتتعودين عليها وبتتعودين على الاصعب منها وانت ببدايه طريقك ياحلوة :091: اخيرا وليس اخيرا اهم شئ تطمنت عليكم انكم بخير ومااحلاكم بس لاتنسون باركولي على فوز النمور التحاديين:b6b66: جد مبسوطه اني شفتها وجها لوجه ..ز ويالله الحين استاذن وسامحوني اذا قصرت معكم :d7: سي يو لي رجعه معكم اختكــــــــــــــــم كاتمــــــــــة الأحــــــــــــــــــــزان :g26: |
رد: ًُ Free Zone ًُ
:g10::g10::g10::g10::g10::g10::g10::g10::g10::g10: :g10::g10::g10::g10::g10::g10::g10::g10::g10::g10:
الحمد لله خرجت الوثيقة من فم كلية العلوم الصحية :mh001: :mh001: بس ما ادري شبسوي فيها ؟ ما ادري اصور معاها :c8: ؟ كاتمة الأحزان ما وراش دوام انتي ؟!! |
رد: ًُ Free Zone ًُ
اقتباس:
اقتباس:
مالي بالكوره واذاكلش المونديال اوابطال اوربا ومن تشفرت الدعوه سحبت عليهم:p نحوحياة افضل اقتباس:
اقتباس:
شكلك من مدمنين الكوره داقه مشوارعلشان مباراة وعلى البركه الفوزعادالحين المفروض العشاعندكم:D اقتباس:
احش لاوالله بس الشرهه على مس ابل اللي نستك هذاوانتي تفزعين لهافي كل هوشه >>>>> بيشبهابينهم:D وبالنسبه للتدريب ماشي بس والله هالسمسترفي المستشفيات مافي احدحولك وبعض المستشفيات ولاكأنك موجودتحس ان وجودك ماله داعي ونشوف عسانطيح في مستشفى في ناس تلتفت عليناالله يستركان ماناكلهافي الامتياز |
رد: ًُ Free Zone ًُ
BACK
خخخخخ يوميــن مــآكتبت رد .. كنت ! كنت ! .. بعدين أقولكم :cheese: ..<-- مآحد ســألك خخخخ :cheese: بنــــآت كلــووووليش :mh001: ع آلبــركه ع آلبـــركه تــأجل أختبـــآر آلبــــــــآثو :g10: :g10: ونــــــــــآسه :g10: كـــآتمة آلأحــزآآن .... بعد عمــــــــــــــــــري أروح لش فدوه ع ها آلكــلآم آلحــلو :mh318: ... حبيبتي أنتي ومــآعآش من يحش فيــش وأنــآ موجوده :017: ...<-- شعندهـ غراندايــزر :hahaha_2008: وآلـــي بيشبهــآ بينـــآ نشبهـــآ عليــهـ :mh11: <-- وأن لكيدهــن عظــيم :hahaha_2008: نحو حيــآه أفضـــل .. شــــآطره عـآد قولي لنــآ شصــــآر معــآش .. !! ؟؟ n.mohammad ...أأألف أأألف:mh001: مبـــروكـ وعقبـــآل مـ تبــشــرنـآ بــــــآلوظـــــــــيفه .. midnight ... مس أبل هــآ !!!:D <-- شعندهـ منتصــف الليـل يتكـلم :hahaha_2008: :g10: :g6: :g18: :g10: ----> آلمـــزآآآج رآآآآآآآآآآآآآآآآآيق ع آلأخـــر :cheese: B R B |
رد: ًُ Free Zone ًُ
بعيدا عن الكلية الصحية الأحساء تحتل المرتبة الأولى عالمياً وعربياً على مجموعتها تصدرت واحة الأحساء المجموعة الف في مسابقة عجائب الدنيا الطبيعية السبع في العالم حيث كانت في الفترة الماضية في المركز الثالث. وعزى رئيس لجنة التصويت رئيس بلدية الأحساء المهندس فهد الجبير ان سبب هذا التقدم للواحة هو المشاركة الفاعلة للجنة التصويت وبلدية الأحساء في ملتفى السفر والسياحة والمنعقد في العاصمة الرياض خلال الاسبوع المنصرم. موضحاً بأن المشاركة عكست طبيعة الأحساء وعمقها التاريخي والحضاري ومقوماتها السياحية كما كان للبلدية الدور الكبير في ابراز معالم الأحساء وما تقوم به البلدية هذه الأيام من مشاريع عملاقة تتجسد في الأنفاق والجسور والطرق والارصفة والحدائق العامة. وإشارة إلى تقدم الواحة في المسابقة اوعز الجبير ذلك الى خدمة هاتف التصويت الذي اعلنته الهيئة المنظمة للمسابقة حيث يمكن الان المشاركة في التصويت من خلال الرقم 0041773124041 ثم ادخال رقم الأحساء 101 حيث لهذه الخدمة الاثر الكبير في تقدمنا لسهولة التعامل مع الجوال. مؤكداً ان خدمة التصويت عبر الانترنت لا تزال موجودة وستستمر حتى نهاية المسابقة في عام 2011 عبر الموقع الالكتروني www.new7wonders.com. أما عن نهاية هذه المرحلة فقد اوضح المهندس الجبير اننا الان في المرحلة الثانية والتي ستنتهي بنهاية يوم 7/7/2009 الموافق 14 رجب المقبل أي قرابة 70 يوماً فقط ولذا نأمل من الشباب في هذا الوطن الكبير, مواطنين ومقيمين, ان يواصلو تصويتهم للأحساء في هذه المسابقة العالمية لنرسم خارطة مملكتنا على خارطة العالم السياحية ولنستثمر ما مضى من جهود كبيرة تم بذلها في المسابقة لتحقيق ما نصبو اليه. يذكر بأن مكالمة الجوال دقيقة واحدة بسعر دولار واحد فقط. |
رد: ًُ Free Zone ًُ
تفاحـهـ ..
رجعت بعد طوووول انقطاع ..:bye: أشكركـ على سؤالكـ واهتمامك :m22asmilies-com: المهم ع البركهـ تأجيل اختبار الباثو ..:mh001: ولي عودهـ معاكم :g26: |
رد: ًُ Free Zone ًُ
شف شف شف
كل وحده تجي و تبارك تاخير الباثو يا بنات الباثو ماده كريهه يعني بكره بتتراكم و كل جهاز فيه اكيوت و كرونيك و انواع و اشكال و هذره لو انا مكانك اروح اختبر ورقتين احسن لي |
رد: ًُ Free Zone ًُ
من اسبوعع تقريبا جاونا مجموعة بنات في المستشفى وانا فني عمليات وهذول البنات من الكليه الصحيه مساكين اكسروا خاطري كل وحده منقرفه واللي مو عاجبها الوضع وتبي تطلع الله سكون بعونكم يالبنات:066:
|
رد: ًُ Free Zone ًُ
عـط الحســــآ صوتـــــــــك ...
نبيهـــآ رقم وآآآآآآآحد ...:mh5858: n.mohammad ... أي ندري أن آلبــآثو مـآده غثيــثه .. بس تخيــل تخيــل .. أنك تمســك آلمحـــآضره وهي مو مشـــروحه لك . شيصير بذي الحــــآله !!!!! <-- أن شالله يــآرب أنهــآ مــآتكمل معنــآ :s2: .. صدقـت يــآ midnight .. آلــزين زين وآلشين شين سوآآء ميــل ولآ فيميل :thumbs-up: .. جنــة آلعشـــآق ... أهليـــن وسهــلين ومــرحبتيــن بهــآ آلعيــنتـين :o1: ... ويــن آلنــآس فيــه !! .. قلنــآ يمكن مــآخذه بخـــآطرك علينــآ ولا شي :119: !! ... ويـــآهلآ فيــكِ وبرجعـــتك.. ولآلآلآلآ تقــــــــآطعينـــآ :wink2: .. العـــآشق555 ... هههههه يؤؤؤ أأشوه للحيـــن أنــآ لسى مــآدخلت OR ... بس آلي أسمعه من آلبـــنآت مــآيبشــر بــآلخير :mh12: ... تصدق عــآد آلمس حقتنــآ مهــآوشتنــآ تقول يـــآويل وحده يغمى عليهــآ في OR بس أذآآ بتمــوت عـــآدي ههههههههههههههههههههه <-- فديتهــآ المـس جووووونــآن :hahaha_2008: B R B |
رد: ًُ Free Zone ًُ
اقتباس:
اقتباس:
خلاص اناانسحب وقصدي شريف بس خانني التعبير >>>> خاف على عمره:D اقتباس:
شسوي بعداحترت كان بسجل بنك دايلايت طلع في واحدبن حلال مسجل فيه:D قلنامالك الاتقلب الشفت وتمسك اخرليل:p |
رد: ًُ Free Zone ًُ
اقتباس:
و نص الفصل نايم في الكلية الصحية بالاحساء الاعتماد الاول و الاخير على الطالب ليس على المحاضر |
رد: ًُ Free Zone ًُ
اقتباس:
والله يكون في العون اقتباس:
من وين جبتي هالرد >>>> شكلهاتوهاتطيح عليه:p |
رد: ًُ Free Zone ًُ
midnight ... أذآآآكر <----------------------------------- أي هيييييييييييييييين ههههههه ... n.mohammad ... شنسوي بعــد أمرنــآ لله ...:mh08: بس ولله فيـه دكتورآآت جووونااااااااان شرح وأسئــله عســـل <--- أنــآ قــآيله بعطيهــم ورده حمــره أخر آلتــرم :106: ... بس لآزم فيـه مــآده ننقــرص منهــآ:017: مدري ليــش !!!!!!! .. بس الليلـــه سمعت خووووش خبر ... يقولونــ الكليــه حطت أعلآلآلآلآلآلآلآلآلآلآن أنه مــآفي أحد يغيــب بكره :nono: .. لآنـــه آلمشـــــــرف رآآح يسوي لنـــآ أجتمـــآع طلآلآلآبي ... <--- يآآآآرب عشــآن ألـي في بــآلي ...:praying: لآتخـــآفون لكم آلمقــسوم لو صـــآر شيء .. :wink2: بنــــآت لألألأتغيبـــون بكـــره بليــــــــــز ... :g10: B R B |
رد: ًُ Free Zone ًُ
^ ^ ^ ^ ^ ^ ^
ياخوفي يعطيكم اخرالقرارات في الكليه وتنصدمون وربي كل يوم نسمع قرارالعن من الثاني |
رد: ًُ Free Zone ًُ
تفاحهـ ..
والله سمعت بالخبر وكان ودي اروح الكليهـ ..:g2: بس للآسف تعبانهـ ومراح اداوم ..:no2: خلاص اللي يروح يعطينا الأخبار أولـ بأول .. تشكراتي للجميعـ .. :praying: |
رد: ًُ Free Zone ًُ
شُــكـــــــــــــــــــر ...
بســم آلله آلـــرحمـن آلـــرحيم ... أتقدم بـــــآلشكـــر آلجزيــــل الى سعـــآدة آلمشــــرف آلعـــآم على حســـن آلاستمــــآع لمــآ نشتكـــي منه ... ونطـــلب من آلله أن يســـدد خُــطـآك لمــآ فيـــه آلمصــلحه آلعـــآمه وآلله ولي آلتوفيق ولك منـــآ فــــآئق آلتحيـــآت ... :119: |
رد: ًُ Free Zone ًُ
^ ^ ^
و الله خوفي يكون مثل الصويغ يوم جابوه لنا بس يعطينا ابر مخدرة و يسكتنا :000: |
رد: ًُ Free Zone ًُ
midnight ... لألألألأ مـــآشآء آلله عليــــه جآنــآ وآلخيــــر بوجــهه مـــآشآلله عليه مـــآشآلله عليه ..
أنســآن متفهـــم جدآآآآآآآآآآ ... ووآآآضح من آلي صـــآر آليـــوم أنــه قـول وفعــل .. آلله يحفظــه أن شــآلله ... وكــآن يستقــبل آلـلأرآء وآآلشكـــآوي برحـــآبة صدر .. وأسلوبــه مقنــع ووآآضح ... وأأشكــره من أعمـــآق قلبي على الي سوآآه اليــوم ..:119: جنــة آلعشــآق ... ســلآمتش ومــآتشوفيــن شر .. وأن شـــآلله حنــآ كفينــآ ووفينــآ:119: ... وأختصــآر الي صـــآر آليوم ... :cheese: 1- تغيــر جــدول آلأختبـــآر وصــآر كـآلأتي : *آلأحــد : مديكــل سيرجيكــل * آلأثنين: ســآيكترك *آلسبت :فـــآرمــآ وأحلــــــــــــــــــــــــــى شيء أنه أختبـــآر آلبـــآثو تأجل الى أن يجينــآ محــآضر متخصــص:g10: ... 2-من اليــوم ورآآيح مـــآرآح تشــوفين هنـــدي دآخل آلكــليه ...:cheese: 3-وآلأختبــآرآت آلشهــريه .. نجي آلكــليه نختبــر ونطــلع .. يعني مــآفي درآسه في أسبوع آلأختبــآر :g10:... 4-للأسف يقول أنــه توظيفنــآ بيكون على آلديــوآن:bawling: .. وأسم شهــآدتنآ : آلشهــآده آلجـــآمعيه آلمتوسطــه=دبلوم عــآلي ... 5- ورآح يعطينــآ بطـآيق تدل أن حنــآ تبع آلجــآمعه عشــآن آلأعذآآر آلطبيـــه .. 6- يقولــ رآح يحــآول يبنــي لنــآ ســآحه برآآآ كبيــره " نتنفــس منهــآ ونشوف آلشمـــس :hahaha_2008: " على قولتــه نشرب فيهــآ قهوه شــآي :cheese: .. وبــــــــــس تقريبــآ هذي آلأشيــآء المهمــه آلي صـــآرت :119: .. B R B |
رد: ًُ Free Zone ًُ
الاالغريبه ان هالمشرف ماسمعت انه التقى بالطلاب اوطلب اللقاءفيهم
بس الظاهرانتويالبنات غيرهع اقتباس:
اقتباس:
اقتباس:
الحين الاعذارمايقبلونهايقولون لازم تروح الجامعه الظاهر عندهم لجنه طبيه اوشي من هالقبيل وهم بفحصونك ويقررون بعدين يعني كل مامرضت دق مشوارعلشان سوادعيونهم اقتباس:
وتستاهلون ساحه تتنفسون فيهاصراحه موب عدله عليهم:p :D اجل دريتوان اللي يحمل ماده لازم يعيدالسمسترويدرسهايعني مافي اختباردورثاني والله شباب معاناحاملين على ماده والله يكون في عونهم وبعدالكلام والروحه والجيه اقتنعوانهم يختبرونهم في نهاية الاجازه يعني مايطبق يظل 3 شهوربطالي بس يذاكروالطامه الكبرى اللي بيعيديشوف له كليه برالحسا لأن تخصص صيدله موقف عندنايعني اللي يرسب في ماده يروح يداوم يوم ولايومين وهوبراالديره على ماده وحده واذاان هالماده في السمسترالثاني ينتظرلين مايجي السمسترالثاني >>>> بالله هذانظام والكليه راح يوقفون القبول فيهاعلى قولة دكتورناالمفروض انه يتوقف من العام يعني مافي سنه اولى بس راح يوقفونه من السنه الجايه والكليه بيكنسلونهاوبتصيربدالهاكليه العلوم الطبيه التطبيقيه >>> بكالوريوس طبعاكل هالاخبارماسمعناهاالامن الدكتورامالمشرف ماقط قابلناه وجهالوجه |
رد: ًُ Free Zone ًُ
اقتباس:
اما بالنسبة للشهادة فبتكون باسم degree اللي ما يسمى دبلوم عالي اقتباس:
هذي افضل علشان القطار و التخفيضات :hahaha_2008: |
رد: ًُ Free Zone ًُ
اقتباس:
كأني اشم ريحة شماته:D :D بس ان شاءالله ناوين الشباب يسوون مثل ماسووشباب العام يمكن نطلع بنتيجه:) |
رد: ًُ Free Zone ًُ
:مرحبا شباب وبنات :d3:
كيفكم وش اخباركم اويهااااااااااااااااااااا :mh001: اختبار الباثو تاجل الحمد الله لك يارب:praying: بس بصراحه المشرف ماتوقعته كذا عسل واقسم بالله متفهم:g8: وياخذ براي البنات وش حليله بس انشاء الله يظل معنا لحد مانتخرج على خير يارب :g2: وكمان كااني انا اشم ريحه شماته من نيرس محمد :017:اقول وراء ماتسكت تراني اذا عصبت عليك ترا ماارحم ولا اعرف رب خلقني :017: انتبه على نفسك :103: هههههههههه:m07: بايوووووووووووو:d7: |
رد: ًُ Free Zone ًُ
اللهـ حركااآآتــ ,,
أخبار حلوهـ ,, يعطيكـ العافيهـ خيتو (( تفاآحهـ )) .. :m22asmilies-com: ماقصرتي .. وماقصر المشرف بعد .. :g8: تشكراتي للـ ج ــــميع .. |
رد: ًُ Free Zone ًُ
بسم الله علي !
ابي امي ابي ابوي ابوي زوجتي لا مستحيييييييييييييييييييل:hahaha_2008: يعني اللحين يشوفكم انا على بند الوزارة توظفت ! كلنا ننتظر رحمة السماء :cheese: |
رد: ًُ Free Zone ًُ
مرحبا شباب وبنات :d3:
كيفكم شو اخباركم :sunglasses2: يالله استانسوا بالاجازة وقضوها نصها وناسه والنص الثاني دراسه :g8: المهم :hush: مااطول عليكم .... بس بوصل معلومه جدا مهمه لنيرس محمد بس خايفه :t1:والله يسطرني :c18: بس بصراحه بقول :064: شوفوا انا الاحظ ان البنات يتوظفون اسرع من توظيف الاولاد خاصه اذا كانت البنت متخصصه تمريض عام :g2: ليش لان البنات يعني بنات بيكونوا لو كان عندهم مريض ماعندة مانع ان حنا نحقنه او نحط له اي شئ :000: اما توظيف الاولاد بيكون اصعب يعني مو كل مريضه راح ترضى ممرض يركب لها IV او يسحب منها دم :017: فعلشان كذا يكون وضعهم اشوي حساس في الوظيفه :mh19:مع ان اقسام المستشفى كثيرة وانا كلامي هذا اذا كان في عيادات :c10:اما صحيح فيه عيادات خاصه للرجال لسحب الدم والاشياء الثانيه :s11:بس برضو وضع البنات في التوظيف يكون اهون اشوي منكم يالاولاد وانا والله اتمنى امنيه مافيه احد منا ومنكم مايتوظف الكل يحس بطعم الوظيفه طبعا واولنا راح يمسك الوظيفه نيرس محمد :d5:لانه اكبر واحد فينا واول واحد فينا تخرج:d5: ..... ويالله الحين مااطول عليكم :119: اسمحوا لي يالله بايوووووووووو:bye: اختكــــــــــــــــــــــــــــم كاتمـــــــــــــــــــــــــــــــــة الأحـــــــــــــــــزان :g26: |
رد: ًُ Free Zone ًُ
اقتباس:
اقتباس:
أقول لهم مــآبي ... لأنهـ بتصيـــر بلآوي خضره زرقـــه ... <--- مفهووم الكــلآم :cheese: وقــآل لنــآ ع ســآلفة حمــل الموآد بس مــآكنت منتبهه لــه حيل :cheese: ... بس تقريبــآ آلي قــآله .. أنه بس هــآلسنه هذي بيصيـر فيــه عندنــآ دور ثـــآني نختبر فيه .. وأذآ مــآ جتـآز آلاختبـــآر يحمل المــآده ويجي الكليه بس عشـــآن يحضر ذي المــآده بس .. لكن من السنــه آلجــآيه مــآفي دور ثــآني نهــآئيآ .. يعني ع طول تحمل المــآده آلى السنــه آلجــآيه .. <--- آلشكــوى لله :t1: اقتباس:
بس نتــأمل خيــر ع آلسنــه آلجــآيه بيطلــع في آليوم آلواحد عد وأغلط من القرآآرآآت .. :praying: ان شــآلله خيــر B R B |
رد: ًُ Free Zone ًُ
اقتباس:
اقتباس:
اقتباس:
اقتباس:
اقتباس:
ويــــــــــآرب يوفقــكِ ويوفقنـــــآ معــكِ وأن شـــــــآء لله آلفــل مــــآرك ;) .. B R B |
رد: ًُ Free Zone ًُ
اقتباس:
طلاب قبل سنتين توظفوا بعد 6 شهور اغلبهم في هجر طلاب العام الماضي توظفوا بعد شهرين و كلهم داااخل المدينة طلاب اللي توهم متخرجين دخلنا الشهر الخامس ولا حس ولا خبر :hahaha_2008: :cheese: حلوه هذي ولد يسحب دم حق بنت انا 3 سنين احوس في المستشفيات اقسام الفيميل ما دخلتهم الا امس و زيارة حق خالتي :hahaha_2008: ولا حتى ايام التطبيق ما نقرب يم اقسام البنات اما بنات يمسكون اولاد فايضا انا ما لاحظت هالامر ! يمكن بس في العمليات و غرفة الريكيفوري :g2: شي ثاني في توجهات الوزارة فدخلوا الاولاد في نظام التعيين المركزي علشان اي مكان شاغر داخل او خارج منطقته يقدر يغطيه اما البنات فصعبة تطلع من منطقتها شي ثالث بانه اللي سمعته بان تمريض الاودلا راح يتوقف خلال السنتين القادمتين و الله العالم :o3: رابعا و اخيرا بعض مدراء المستشفيات قطاعين الرزاق :000: مثل مدير مستشفى الاطفال و مدير مركز الجبر للكلى ولا ابي اقول السبب و أخيرا احكي لكم هذه الحكاية هذا في يوم 5 تقريبا من شعبان العام و انا قاعد في غرفة السيكريننق في مستشفى الاطفال ماسك الطاولة عن يميني واحد من الشباب عن يساري مبتعث في هنغاري جاي ياخذ كورس تمريض و واقفه بالقرب منا الهيدنيرس ام . . . و اذا بي ارى بأم عيني فوق 25 هندية توهم جايبينهم اورينتيشن علشان التوظيف انا في وقتها لو لا العيب كان :bawling: و انفجرت :017: وكان رحت حق مدير المستشفى و مدير الخدمات الطبية و صاطرتهم لمن قلت بس و في الاخير الله يوظفنا و يوظفكم و نفتك من السطو الهندي الفلبن على التمريض << اللي تطبق في الاطفال راح تشوف بان كل الهنود من كيرلا >> يعني مجمعين عيال منطقة وحده و جايبينهم كلهم هنا :017: |
رد: ًُ Free Zone ًُ
اقتباس:
ولاانتي قصدك اتق شرالحليم اذاغضب وخذك الحماس;) اقتباس:
وثانيامابعدتتوظف صحيح بس تظل ارحم من الديوان:) اقتباس:
اقتباس:
|
رد: ًُ Free Zone ًُ
اقتباس:
اقتباس:
اقتباس:
اقتباس:
وش مسويـــــــن في آلأجـــآزه ؟؟؟؟؟؟؟؟؟؟؟ " قصدي آلفـــآصل آلأعــلآني :cheese: " يـــآربي مـآلي خلـق أفتــح محــآضره :mh3535: ... B R B |
رد: ًُ Free Zone ًُ
اقتباس:
اقتباس:
وش مسوي هع اقتباس:
هذاللي مسويه:D قلنالهم نبي الاختبارات قبل العطله لأن حناماوجيهناوجيه مذاكره في عطله:p بالاضافه ماراح تتهنى بتجلس تفكرفي الاختبارولالك خلق تفتح شي:mad: والله يسهلهابس نبي هالسمستريعدي على خيرونفتك من ذي الكليه |
رد: ًُ Free Zone ًُ
اقتباس:
اقتباس:
آلله يوفقـــنـآ أن شـآء الله .. اقتباس:
B R B |
رد: ًُ Free Zone ًُ
و انا ابي اذاكر
|
رد: ًُ Free Zone ًُ
اقتباس:
نصيبش بتاخذينه اقتباس:
اقتباس:
نيرس محمد اقتباس:
|
رد: ًُ Free Zone ًُ
خلينا المذاكرة لكم
انا توني جاي من الصاقورة و رحت الممشى و كلت و تمشيت و لفيت لين الساعه 4 الفجر و هذا جزاء كل عاطل :hahaha_2008: اي سؤال تمريض انا جاهز :cheese: |
رد: ًُ Free Zone ًُ
والله ملل ماباقي الا شهرين ونتخرج ونفتك الله يلعن الدزيز اهي بروحها اتجيب دزيز
:Cry111: |
رد: ًُ Free Zone ًُ
ما اقول الا الله يعينا ويصبرنا على هالكلية
وعلى الاختبارات والقرارت الجاية :Cry111::bawling: سلام بنوتة كتكوتة |
رد: ًُ Free Zone ًُ
شفيكم تتشكون !!
و الله ما ابي احمكم انا كنت مثلكم ! كنت آخر الاختبارات اروح بدون ما افتح الكتاب من الفرحة اني بتخرج بس بديت التطبيق زادت الفرحة فرحتين و من قعدت البيت قلت يا ريت ارجع طالب اصرف لي و اهون لي :sdfgdsf: |
رد: ًُ Free Zone ًُ
اقتباس:
اقتباس:
اقتباس:
اقتباس:
^^^^ هــآلصـــوره تعبــر عنــي وعنكــم :mh3535: http://www.arb-up.com/files/arb-up-2008-6/qYs68669.jpg آلــــى آللقـــآء .. لقــد أبتدى مشـــوآر آلمذآآكره ..:mh515: |
رد: ًُ Free Zone ًُ
:g26:تفآحهـ ..
الله يساعد الجميع ياآرب .. :praying: أما انا عن نفسي مابعد مشوار المذاكرهـ عندي يبتدي ... :no2: ابي استغل كل دقيقهـ في الأجازهـ.. :103: والمذاكره لاحقين عليها ,,:g4: تشكـ ـ ـ ـراتي ... :g26: |
رد: ًُ Free Zone ًُ
اي و الله
جنة العشاق تعمل بمبدا طنش تعش تنتعش:hahaha_2008: |
رد: ًُ Free Zone ًُ
يانرس محمد تراهم مستلعنين علينا ها السمستر تراهم مغيرين في الانظمه بدل 3 اختبارات خلاهم 2 يعني المدرسه والكليه سوا شكلي بنتحر اصرفلي
:Cry111::Cry111::Cry111::Cry111::Cry111::Cry111: والمشكله اخر سمستر |
رد: ًُ Free Zone ًُ
و انت مقتنع انها كلية !!
يا رجال اول ما سجلت فيها و قبلت جه لي واحد من اللي درسوا فيها قال لي بالحرف : ( مدرسة بس بابها مفتوح ) |
رد: ًُ Free Zone ًُ
باسمي و باسم كل من درس او يدرس في الكلية الصحية للبنين
اتقدم باسما و اعذب كلمات التبريك و السعادة بمناسبة زواج استادنا الغالي حبيب قلووب جميع الطلاب الاستاد عيسى اليونس حيث تم مساء امس حفل زفافه البهيج متمنين له حياة زوجية سعيدة سعادة مستمرة و ندعوا الباري ان يوفقه و يحفظه و يجعل جميع ايامه و ايامنا فرحة و بسمة و مسرة |
رد: ًُ Free Zone ًُ
تحية لمعتقل جونتانامو اسف قصدي لكليتنا ... اللي الواحد يحس بالضيقه وهو فيها من الانظمة تبعها...
|
رد: ًُ Free Zone ًُ
BACK
اقتباس:
اقتباس:
وبـــرفــآة وآلــــــــبنيـن .. وحيـــآهـ سعيـــدهـ :praying: ----> زهقـــآنه :bawling: |
رد: ًُ Free Zone ًُ
اخخخخخخخخخخخ من هالنظام رادين من السفر في وسط الإجازة على شان المذاكرة...........
|
رد: ًُ Free Zone ًُ
سؤؤؤؤؤؤؤؤؤؤال ع الطآآير
التسجيل المبكر للمواد للسنة القادمة الى في موقع الجامعة هل ندخل فيه نحنا ططلاب وطالبات الكليات الصحية >>> داخلة عرض :hahaha_2008: |
رد: ًُ Free Zone ًُ
^ ^ ^^
شنهو مواد ما مواد ! من كثر مواد الكلية :hahaha_2008: |
رد: ًُ Free Zone ًُ
هههههههههههههههههههه:cheese:
|
رد: ًُ Free Zone ًُ
مساء الخيرات , كيف حالكم جميع , بصراحة أنا مو من طالبات الكلية الصحية بالأحساء , بس سوالفكم شدتني , :119: أنا أدرس بكلية العلوم الصحية للبنات بالرياض تمريض سنة ثالثة و هذا آخر فصل دراسي لي , و إن شاء الله ببدأ الإمتياز في مستشفيات الأجساء من بداية شعبان المقبل , و يمكن نشوفكم يا بنات مع مدرباتكم تحوسون بالأقسام :cheese: الدراسة حلوة بكل ما فيها من صعوبات و يمكن هذا اللي محليها \ صعوباتها , شدو حيلكم ترى الطريق طويل مو بس نخلص كلية معناها إنه احنا خلصنا دراسة و علم ,, أي سؤال أي خدمة في التمريض حاضرين لا تستحون ابدا تمنياتي لكم بالتوفيق دمتم بخير |
رد: ًُ Free Zone ًُ
حياك الله اختي
هوووع طبقت معاي وحده من امثال شاكلتك :hahaha_2008: يللا بالتوفيق :) و على فكرة عجبني ردك في منتدى كلية التمريض لانهم ما يدرون بان وزارة التعليم العالي هي اللي مانعه وزارة الصحة من اعطائنا البكالريوس :000: |
رد: ًُ Free Zone ًُ
شخباركم صبايا ..؟؟
:g20: وشخبار المذاكرهـ ..؟ :150: طفش بس غصب عنا نذاكر :017: دعواتكم بنااات وشدوا حيلكم ..:praying: قوووود بااااي :bye: |
رد: ًُ Free Zone ًُ
ابي انااااااااااااااااااام العنبوهااختبارات ماتخلي الواحديستقر
زين بس بكراماعليناشي والسبت نخلص اقتباس:
وعقبالك يانيرس محمد:D اووه نسيت نيرس محمد & طخطوخه مبروك عليكم الاشراف تقطعونه بالعافيه >>> اثارالسهر:p |
رد: ًُ Free Zone ًُ
^ ^ ^
الحمد لله على السلامه و الله يبارك فيك ان شاء الله و بالتوفيق ان شاء الله اقتباس:
|
رد: ًُ Free Zone ًُ
اقتباس:
الله يعافيك أخوي midnight |
رد: ًُ Free Zone ًُ
هاااي بنااات ..
كيف حالكن ..؟ بس بغيت اسأل اللي حضر الأجتماع مع الدكتوره سميره .. وش قالت؟؟ لأني طلعت على طوول . وثانكيووو للجميع .. |
رد: ًُ Free Zone ًُ
BACK
أشتــــــــــــــقت للنــوم تهئ تهئ تهئ :Cry111: اقتباس:
وش تقــول .................................................. ............... تقــول .. من هـآلحين ورآيح مـــآني معطيتــكم هـآند أوت رآح ألقي آلمحــآضره وأنتوآ دوروآ عليهــآ من آلكــتب <-- غردي :mh001: أستغفـــــــــر آلله أاي تعرفين لآن حيييييييييييل شرحهــآ حلو فلآزم كـــل وحده تسوي لهـآ بحث:hahaha_2008: <------ مدري المشرف الله يطول لنــآ بعمره مـآقال لهـآ ولآ شــآلسالفه !!!!!!!!!!!! :011: دكتوره حنــــــــــــــــــــــــــآن أنقــــــــــــــــذينــآ :Cry111::Cry111::Cry111: Nursing care .. هــــلآ فيـش خيتو ونورتي آلمـــوضوع .. آآآه ذكرتيني بلي مضى :bawling: كآن هـآلحين أتخرج وأحوس ويــآش بس شنقـــول تجــري آلريـآح بمـآ لآ تشتهي آلسُفن :011: ع آلبركــــــه مشــــرفينـآ : nurse_mohammad و طخطوخه اقتباس:
اقتباس:
:g20: |
رد: ًُ Free Zone ًُ
تفاحهـ..
شكرا خيتو على الايضاح .. :praying: بس ياليته خبر سنع .. :cheese: اصلا انا حسيت ان هالأجتماع مالهـ فايدهـ ... مشان كذا ماحضرت :t1: .. والعميدهـ الله يهديها بس على الشرح يعني تخيلوا 80 طالبه تشرح حق وحده ولا ثنتين والباقي ولا كأنهم موجودين .. :s12: والصوت اللي طبعا يدخل في الأذن ولا يطلع ... والله يبي لنا مكبرات صوت علشان نسمع ... :064: وهي بصراحه ماتشرح :no2: مجرد تقرا ... قراءه فقط لاغير :089: يااااااااربي معااااااااناه .. :Cry111: |
رد: ًُ Free Zone ًُ
الله يرحمنا
من ماده اسمها باثولوجي ومن دكتوره اسمها سميره |
رد: ًُ Free Zone ًُ
مساء الخيرات طولوا بالكم يا بنات أزمة و تعدي بس يخلص هالترم ترتاحون منها , انتوا اعملوا اللي عليكم و الباقي على ربنا .. :119: تعلموا كيف تتكيفون مع الضغوطات , بكره تصيروا ممرضات و حياتكم العملية مليئة بالتحديات الكثيرة . تمنياتي لكنّ بالتوفيق دمتم بخير |
All times are GMT +3. الوقت الآن حسب توقيت السعودية: 06:52 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه