~~~دراسة الطب للبنات هل انتي مؤيد/ه ام معارضـ/ه ~~~ يله اتمنى اشوف ردودكوووووم

[دنيتي قلبك]

نمرود


تحياتي لك يالدووب على رايك الرائع

وانا معك بالراي


وهذا واحد من الشباب تبرع برايه وين الباقي

[MISS sakora]

هلوووو

مؤيده وبشده وآلرجآل مآيحصل له زوجته دكتوره >>> لا يكثر



آستآ لافيستآ:g11:

[مرزوق]

السلام عليكم

يا جماعة خليكم واقعيين الطبيبة والممرضه غير المدرسة

كلنا نؤمن بضرورة عمل المرأة في مجالات الصحة لكن موضوع الزواج غير

الطبيبة والممرضه مختلطات مع الرجال سواء اللذين يعملون في المستشفى او من الناس

وبصراحة صعبه ان تكون علاقتهم بزملائهم في العمل جافة ومحصوره بس في العمل

غير انهم كل يوم تجيهم كلمة حلوه او ملاطفة من هنا وهناك ... يعني الأغراء ملاحقهم

غير المدرسة الي ما تشوف الا سواق الباص الي ياخذها للبيت وللمدرسة

احنا يالرجال ننقسم الى ثاث اقسام

ناس حساسين وشكاكين وهذولا لازم يختارون لهم زوجه تناسبهم يعني تكون دائما تحت ناظرهم

ناس متوسطين لاهم منفتحين ولا حساسين وهذولا وان قبلوا بالطبيبة فلازم يعرفون كل شيء عن زوجاتهم

وناس منفتحين حدهم وعندهم ثقة عمياء في زوجاتهم ويمكن يجبرونهم على عمل علاقة طيبة مع اقاربهم واصدقائهم وحتى زملائهم في العمل

هذي الأقسام موجودة في امريكا مثل ما موجوده عندنا هنا بس تختلف النسب

بعد لازم ما نقول عن الحساس انه متحجر او متخلف لأن لأسباب معينه يمكن نتفق معها او نختلف صار بهذا الشكل

وبعد لازم ما نقول عن المنفتحين انهم مثقفين وواعين بس بسبب بيئتهم وتربيتهم صاروا بهذا الشكل وهذا ما يمنع انهم يطيحون بمشاكل بسبب انفتاحهم

عشان كذا الواحد لازم يعرف نفسه من اي قسم قبل ما يختار والبنت بعد لازم تعرف شخصية الرجال قبل ما توافق عليه

بعد في ناحية ثانية من الموضوع

احيانا الرجال يدفع ضريبة ثقافة المرأة ... صحيح ان المثقفة بتريحه من جوابن كثيرة وبيعتمد عليها كثير لكن من جهه ثانية بيكون صعب ارضائها بحكم اطلاعها الواسع

صحيح ان الثقافة والأطلاع مو محصور في الطبيبة وممكن انها تكون مثقفة ومطلعة لكن قنوعه ومتفهمه لكن شفنا حالات كثيرة يعاني فيها الرجال من صعوبة ارضاء زوجاتهم .... يعني يظل الحظ يلعب دوره في هذا الأمر

اتمنى التوفيق للجميع

[اورجوان]

حلو رايك يا مرزوق كونك تحكي عن وجوب التوافق بين الزوجين و أن الرجل لابد ان يعرف نفسه من اي فئة ليختار الزوجة المناسبة

يعني الرجل عادي يختار بنفسه البنت الي يبغاها

و البنت بكيفها تختار القسم الي تحبه

و الي يحب لاقسم الي اختارته البنت ممكن يتزوجها

و على البركة

[سارا]

مشكورة حبيبتي حاملة القرآن على طرحك للموضوع

بالنسبة لي ,,, ما أقول أؤيد دراسة الطب للبنت بشكل مطلق ...

و ما أقول أعارضها بشكل مطلق ...

لأن دراسة الطب مثلها مثل غيرها من المهن اللي تشتمل على اختلاط مع الجنس الآخر ,, تستلزم من الواحد انه يحط في باله اعتبارات كثيرة ,,,

منها نفسية البنت نفسها تجاه موضوع الاختلاط ,,, رؤية أهلها لهذا الموضوع ,, تعاطي مجتمعها اللي عايشة فيه مع هذي القضية ,, و غيرها

يعني باختصار اطلاق حكم عام ,, ما ينفع !!!

أما بالنسبة لدراسة الطب كمجال علمي ,,, هذي لا نقاش فيها ... لأنها تعتمد على رغبة الفتاة

لأن اللي أنا لاحظته أن دراسة الطب عندنا مو بالضرورة تكون عن قناعة و رغبة _ و هذا الكلام ينطبق على البنات و الشباب على حد سواء _

قرار دراسة الطب عندنا ممكن تؤثر عليه رغبة الأهل أن يكون عندهم ابن طبيب أو بنت طبيبة ... أو بريق المكانة الاجتماعية يغري الشخص باختيار الطب كمجال .. و ممكن المردود المادي المرتفع و غيرها

و أنا شخصياً أياً كان الدافع للشخص لاختيار الطب كمجال ,, ما أعارضه حتى لو كان أقتصادي أو اجتماعي بحت

لأنها حرية شخصية _ و أنا أؤمن بأن بعض المساحات الحرة هي من حق كل شخص _

أهم شي ,, ما يخلي الجانب الاقتصادي أو الاجتماعي يعمي بصيرته عن هالأمانة العظيمة اللي الله كلفنا بها ,, و راح نوقف كلنا بيوم من الأيام و ننسأل عن كل روح و كل نفس أهملناه و كنا السبب في ازهاقه ,,,

أما بالنسبة لطرحك لموضوع الزواج و جعله مضاداً للطب بشكل أو بآخر <<< مدري وش فيها الناس هاليومين متحمسين على مواضيع زواج الدكاترة

ما علينا ,,,

بس أنا أعتقد أن مو كل بنات البلد يدرسون طب ,,,

اللي ما يبغى يتزوج طبيبة , الحافظ الله ... البلد مليانة بنات من جميع المستويات التعليمية <<< شف الاسلوب بس

و الزواج بالنهاية قصمة و نصيب

و شكرا لطرجك المميز ,,, و دمت بود

[سارا]

معليش بس حبيت أعلق على رد أحد الأعضاء ...

المشاركة الأصلية كتبت بواسطة مرزوق

... يعني الأغراء ملاحقهم

غير المدرسة الي ما تشوف الا سواق الباص الي ياخذها للبيت وللمدرسة

قووووووية يا مرزوق ,,, شدعوة

حيل جاني أحساس على كلامك أني جالسة بقريس أناتومي

أوووما عن المدرسات و سواقين الباصات ...

أظن المدرسة اللي يتزوجها راعي الباص اللي يوصلها ماهي قضية جديدة على مجتمعنا :bngo12: ... وش رايك
ما علينا ,, كيفهم

المشاركة الأصلية كتبت بواسطة مرزوق

بعد لازم ما نقول عن الحساس انه متحجر او متخلف لأن لأسباب معينه يمكن نتفق معها او نختلف صار بهذا الشكل

وبعد لازم ما نقول عن المنفتحين انهم مثقفين وواعين بس بسبب بيئتهم وتربيتهم صاروا بهذا الشكل وهذا ما يمنع انهم يطيحون بمشاكل بسبب انفتاحهم

أيووووووه أنا اتفق معك بهالناحية ,,,

أنا بعد ما أفضل اطلاق القاب على الناس من أي صنف

سواء بالمتحجر و المتخلف على _ الحساس _ على قولتك

أو الفري و اللي ما عنده ما عند جدتي على _ المنفتح _

الناس فيما يعشقون مذاهب <<< فديت الروقان

و مسألة الاتفاق و الاختلاف ,, هذي مسألة داخلية يتم تسويتها من قبل الزوجين أو يمكن من قبل كل زوج بروحه قبل يخطب <<< فهمتوا شي ؟؟ !!

المشاركة الأصلية كتبت بواسطة مرزوق

احيانا الرجال يدفع ضريبة ثقافة المرأة ... صحيح ان المثقفة بتريحه من جوابن كثيرة وبيعتمد عليها كثير لكن من جهه ثانية بيكون صعب ارضائها بحكم اطلاعها الواسع

دعوة صريحة للـ mental retardation <<< بتتكفخ

يللا ارفوار ...

[مرزوق]

قووووووية يا مرزوق ,,, شدعوة

حيل جاني أحساس على كلامك أني جالسة بقريس أناتومي

أوووما عن المدرسات و سواقين الباصات ...

أظن المدرسة اللي يتزوجها راعي الباص اللي يوصلها ماهي قضية جديدة على مجتمعنا ... وش رايك
ما علينا ,, كيفهم

اهم شيء انه تزوجها بالحلال

اما الطبيبة لازم يصير كلام جانبي (بعيد عن العمل) بينها وبين زملائها وصعبه تقضي اليوم كله صخه

بس لما يزيد عن حده ويتحول لطق حنك بين الطبيبة وزملائها وزباينها هذا الي نقصده بالفرق بين الطبيبة والمدرسة

بنظري هذا الشيء عادي لما يكون في كلام جانبي لكن كل شيء بحدود

دعوة صريحة للـ mental retardation <<< بتتكفخ

انت من جد يبغى لك تكفيخ

كلامي ما فهمتي منه الا هذا الشيء

صج الناس فيما يفهمون مذاهب ..... سرقها

يلا نشرح حق حالات mental retardation الي تمر على كلامنا

المثقفة احيانا ما تصدق عمرها على الكلمتين الي تعلمتهم

فتقعد تتفلسف وتعند وتركب راسها

بعكس الي ما عندها ما عند جدتي.... بعد سارقها .... هذي من وين لها العناد كلمه توديها وكلمه تجيبها

طبعا نعيد ونكرر مو كل مثقفة يعني عنيده ويمكن العكس ... ثقافتها تخليها متفهمه اكثر

الله يوفق الأطباء والطبيبات في حياتهم الأجتماعية والعملية

[سارا]

بطني يعورني <<< و الاعضاء شكو طيب

المشاركة الأصلية كتبت بواسطة مرزوق

اما الطبيبة لازم يصير كلام جانبي (بعيد عن العمل) بينها وبين زملائها وصعبه تقضي اليوم كله صخه

هني مربط الفرس <<< فرس وشو

لما كل وحدة تعتقد أن انفتاح المكان يعني انفتاح المباديء و القيم ,, و هذا ممكن يصير بكل مكان

بس الضوء مسلط على الطبيبات لأنه صاحبة الموضوع _ و أغلب الناس هنا_ ينتمون الى هذي الفئة ,, و سلطوا الضوء اختياراً على الطبيبات

طبعا انا ما أفند كلامك <<< أفند متعوب عليها

بالفعل شفنا نماذج بالمستفى ,, تخليك تشك حتى أن المتحدثة سعودية بنت سعودي

و لكن في كل شي ,, جانب مضيء و جانب مظلم

و تعميم مثل هذي الكلامات فيها إجحاف بحقوقنا <<< تبطون تجيبون مثل أجحاف

<<< مدري وش فيني قمت اقط كلامات فصيحة بسم الله علي ,, وهـ فديتني

طبعا أنا اللحين أتكلم من واقعي اللي أعيشه في المستشفى ,, و أنا لسه طالبة

الاحتكاك .. هذا اذا حصل و هذا نادر .. مع أخواننا الطلبة و أساتذتنا مو بالصورة اللي أنت راسمها لنا في المنتدى يا مرزوق أبددددددن

يمكن بعض هالنماذج نلقاها عند الموظفات _ طبيبات أو حتى موظفات ريسبشن _ ,,, لأن مثل ما تفضلت طبيعة العمل و خصوصا لما تكون تييم سبيريت ,, تختلف عن لما تكون البنت طالبة لا حول لها و لا قوة

ذكرت واحد كان معنا بالمنتدى هنا .. كان يتكلم بفترة من الفترات عن الفرق في المجال المختلط بين الطالبة و الموظفة المستقلة مادياً .. و تأثير هالاستقلال المادي و النضج العمري على تصرفاتها

الزبدة ...

بلاش نصب علينا ,, فكونا بئى <<< قومي نامي بس

المشاركة الأصلية كتبت بواسطة مرزوق

بس لما يزيد عن حده ويتحول لطق حنك بين الطبيبة وزملائها وزباينها هذا الي نقصده بالفرق بين الطبيبة والمدرسة

اممممم تدري

يبغى لك كورس بالحجي <<< يسمونه كلام يالمتخلفة

من جد المفروض نراجع نفسنا قبل نسدح أي كلمة

المشاركة الأصلية كتبت بواسطة مرزوق

انت من جد يبغى لك تكفيخ

كلامي ما فهمتي منه الا هذا الشيء

صج الناس فيما يفهمون مذاهب ..... سرقها

أقووول لا أحد يمد يده علي ,, لأعلم عليكم أبوي <<< طيري بس

و لا تبوق الحجي حقي ... هذا مالي

أنا اتعب عليه و أنت تبوقه :bngo12:

و لا اقول لك ,, يللا بق اللي تبيه ,, عن ما حد حوش <<< ايييش

المشاركة الأصلية كتبت بواسطة مرزوق

المثقفة احيانا ما تصدق عمرها على الكلمتين الي تعلمتهم

فتقعد تتفلسف وتعند وتركب راسها

بعكس الي ما عندها ما عند جدتي.... بعد سارقها .... هذي من وين لها العناد كلمه توديها وكلمه تجيبها

خل جدتي محلها <<< حقدت

أما كلمة توديها و كلمة تجيبها

يعني نفهم من كلامك أنك تفضل العيش مع الاشارة السلبية ؟؟!!! <<< قطتها في الدين

أنا عن نفسي , أكره السلبية

حتى و أن كنت ما أقدر أنفذ رأيي الشخصي ,, على الأقل أقوله و هذا أضعف الايمان

أذكر دكتورة بارفين الله يطول بعمرها ,,, يومنها تطفي النيلونات البيضا و تشغل اللمبات الحمر <<< شلاخة هذا نور البروجكتر

أذكر يومنها تقول .. قيرلز يو هاف تو هاف أ فويس _ girls u have to have a voice _ <<< شكرا على الترجمة الفورية

يعني مو بالضرورة تكون المرأة عضلية و كلمتها طير على شنب التيس <<< شكلي جبت العيد بشنب التيس بس نسيت وش يقولون بس المهم عاد أنتو فهموها

يعني تبقى هي حرمة ,, و يبقى الرجال رجال ,, بما حفظ له ربي من حق القوامة

و مثل ما يقولون _ و أنا أؤمن بهالكلام تماماً _ ,,, السفينة ما تمشي الا برب سفينة واحد

و ما احلى تلك السفينة و هي تتهادى في البحر بأناة و روية يقودها رب السفينة المحنك و بجانبه مساعدته الجميلة <<< خربتيها على النهاية ,, قومي خمدي بس

يللا نخليكم

خود هافز <<< هذا يعني بأمان الكريم في معجم اللغة الاوردية <<< طلعي برااا

[مرزوق]

اممممم تدري

يبغى لك كورس بالحجي <<< يسمونه كلام يالمتخلفة

من جد المفروض نراجع نفسنا قبل نسدح أي كلمة

صحيح سدح الكلام مشكله ... وهل يكب الناس على مناخرهم في نار جهنم الا حصاد السنتهم ... طلعت الديانه


بس موضوع كلمت زباين قديم

يوم كنا بسنه ثالثه او رابعه كان عندنا مادة اسمها primery health care

وكان دكتورها كل شوي يقول الزبون والزبون .... طبعا انا عارف ان قصده المريض بس مش عارف ليش يسميه كذا

الدكتور كان فله بس صراحة زودها وانا بعد مش مقتنع ان نطلق على مرضانا زباين

يعني حتى لو كنا نشتغل معيادتنا الخاصة وعيننا على جيب المريض المفروض ننظر له على انه انسان محتاج مساعدة مش زبون ونبغى ننهب جيبه

ظليت على هذا الحال لين الله فرجها علي وترجمت كلمت مريض بالمترجم وطلع من معانيها كلمت زبون

طبعا وقتها انصدمت في مهنة الطب الي كنت احسبها مهنه انسانية وطلعت كلها على بعضها بزنس

يلا بزنس بزنس .... ما باليد حيله

[سارا]

^
^
^
^
ما في لا تحاول تضيع السالوفة <<< وش تبين

<<< تبي تتهاوش بس مو عارفة كيف

الموهيم ,,, سااااد

يللا .. خود هافز