احتاج مساعدتكم:"(
 

السلام

بقولكم شي صار اليوم والي يعرف هذا شنووو يقولي

اليوم بنت اختي عمرها 4 سنين

كانت نايمه المغرب

قامت صارت تصرخ وتبجي وكانت تسوي تعابير بويها اول مرة اشوفها

وما تبي احد يمسكها

تقول ابي ماما

قلنالها هذي ماما شوفيها

راحت لها تركض اول ما قربت منها تشنجت وطاحت بالارض وتبجي وتصرخ

تقول حق اختي (امها ) ابي ماما وتصرخ
بعدين صارت تلمسها وتحسس على خدها

احنا نقولها هذه ماما تصرخ وما تبي تقول ابي ماما

امها اساسا جدامها

ابوها خذاها يقرى عليها مالقى ولا واحد كلهم ما يروحون بيوت واساسا مافي احد لنا ما كان وقت صلاة

المهم لما سكتت سألناها ليش كنتي تبجين تقول انا ماكنت ابجي انا بس كنت ابي اتغطى (هذا الموقف صار تهاوشت مع اختها على شيله عشان تتغطى)

بس الي بعدين مو متذكرة

وامها تقول امس الفير صار نفس الشي قامت الساعه 3

ونفس الشي مو شايفع احد جدامها


ما ادري احس لما كانت تطالعنا

كانت مركزة وعيونها علينا بس ما تطلعنا فهمتوني

ما ادري لانها كانت خايفه ةتعابيرها غريبة اول مرة اشوفها

بليز الي يعرف هذا شنو يقولي

رد: احتاج مساعدتكم:"(
 

رد: احتاج مساعدتكم:"(
 

الله يحفظها لكم يارب

لا تخافين يمكن هالشيء طبيعي لانها شافت شيء بالتلفزيون قبل ما تنام

ولاحلمت بشيء يخوفها

ان شاء الله ما فيها الا العافية

بس انتوا احرصوا على قراءة المعوذات عليها قبل النوم + اذكار النوم وايه الكرسي

وسمّوا عليها دايم

رد: احتاج مساعدتكم:"(
 

وعليكم السلام كب كيك
كل عام وانتِ بخير
الله يحفظها ويخليها لكم
ان شاء الله ماكوووو شي
بس حاولي تقرينها المعوذات والاذكر وآيه الكرسي قبل النوم
وبحفظ الرحمن
تقبلي مروري
نــــــــــــــاصرالنــــــــــاصر

رد: احتاج مساعدتكم:"(
 

رد: احتاج مساعدتكم:"(
 

مشكور اخوي يعطيك العافيه

بحاول اشغلها حتى واهي نايمه

رد: احتاج مساعدتكم:"(
 

اكيد حلمت بس مو لدرجه انها مو شايفه ولا وحده فينا

الله يستر

اكيد نقرى عليها على قد ما نقدر

مشكوووورة

رد: احتاج مساعدتكم:"(
 

الله يسمع منك ان شاء الله
اهي اليوم ما صار لها نفس الشي

بس تنز هي نايمه

يعني الحمد الله احسن من امس

مشكوور اخوي

رد: احتاج مساعدتكم:"(
 

ما في ولا وااااحد

اختي راحت اليوم وامس مافي

كان وقت صلاة كلهم بنغاليه الي يؤمون
راحوا واحد ثاني قبل ما تخلص الصلاه نفس الشي

سألوا على بيوتهم راحوا ماكو احد كلهم اجازة

والي موجود ما يروح بيوت

بعد العيد ان شاء الله اذا ما تحسنت بيودونها

مشككووووووووووووره

رد: احتاج مساعدتكم:"(
 

[align=center]


الله يحفظها لكم وما تشوف إلا العافية انا ما اقدر اقول انه عين أو غيره بس الرقية والقرآن تنفع

ومن باب النصيحة اقروا عليها سورة الفاتحة وإذا تقرى عليها امها يكون احسن

فالقرآن هو الشفاء التام من جميع الأمراض القلبية والبدنية، وإذا أحسن المريض التداوي بها فإنه ينتفع بذلك بإذن الله تعالى. وقد بين الله في القرآن أمراض القلوب والأبدان وطِبَّهما.
وأما أمراض الأبدان فقد أرشد القرآن إلى أصول طبها وقواعده، فقواعد طب الأبدان في القرآن يمكن أن نلخصها في ثلاثة أمور:
1) حفظ الصحة.
2) الابتعاد عن الشيء المؤذي.
3) استفراغ المواد الفاسدة المؤذية.
فإذا أحسن العبد التداوي بالقرآن الكريم رأى بذلك تأثيراً عجيباً بالشفاء العاجل، وقد أخبرنا الإمام ابن القيم رحمه الله عن التداوي بآي القرآن فحدث عن نفسه فقال: "لقد مر بي وقت بمكة المكرمة مرضت فيه ولا أجد طبيباً ولا دواءً فكنت أعالج نفسي بالفاتحة، فأرى لذلك تأثيراً عجيباً، آخذ شربة من ماء زمزم وأقرأ الفاتحة عليها مراراً ثم أشربه فوجدت بذلك البرء التام ثم صرت أعتمد ذلك عند كثير من الأوجاع فأنتفع به غاية الانتفاع وكنت أصف ذلك لمن يشتكي ألماً فكان كثيرٌ منهم يبرأ سريعاً".

فنسأل الله أن يجعلنا وإياكم ممَّن يتداوى بالقرآن، وممَّن يكون القرآن له شفاء من كل داء.

اللهم إنا نسألك الشفاء من كل داء وعافنا واعفُ عنا وتولَّنا برحمتك وعنايتك.

[/align]