ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى المواضيع العامة (https://vb.ckfu.org/f3)
-   -   |..بنت الطب لا أريدها ..| (https://vb.ckfu.org/t13006.html)

D.zozo 2008- 7- 8 03:05 AM

رد: |..بنت الطب لا أريدها ..|
 
السلام عليكم

التحدث في هذه القضيه طوييييييييييل جد...خاصة بالنسبة لي كطالبة طب
اولا تضاربت الاراء عند قبولي في الكلية ...كثير جدا من ايدني وشجعني..وقليل منهم استغرب من الوالد المحافظ كيف بيخلي بنته تدرس طب..او بالاحرى كيف بخلي بنته تشتغل مع رجاال:000:

ثانيا: لاحظت هذا الشئ في النااس...اقصد الخطاب ..تقريبا قليل منهم من يفكر في ان زوجته تدرس طب...لاحظت هذا الشئ في اللي تقدموا لي..
يمكن لو كاانت طبيبه كاان اهون له من ان تدرس..اقصد في مسألة الراتب والفلووس:cheese: ياااحظه بياخذ موظفه وهذا مايبحث عنه شباب هالاياام ... ياخذها جااهزه مجهزه:bngo12:
النبي عليه واله افضل الصلاة والسلام قاال( تنكح المراه لاربع لمالها ولحسبها ولجمالها ولدينها فاظفر بذات الدين تربت يداك)
اما شعار الشباب اليوم فظفر بذات المااااااااااااااال :cheese::cheese:
بالنسبه للسمعه:
الطبيبه حييييييييييل سمعتها اهون من الممرضه....صحيح ان في اختلاط بس احسه يكون محدوود وقليل هو يعتمد على التخصص
بالنسبة لي كطبيبه في المستقبل افكر في تخصص نسائي او اطفاال يعني مالي شغل بالرجال ....يعني مستحيل اتخيل نفسي اعالج رجاال :bawling:
يالنسبه لسمعة الممرضه:
النظره السيئه للمرضه في اهلنا منذ القدم...الصراحه رحت اكثر من مستشفى..وقليل من الممرضات السعوديات الشابات متزوجات..
يعني ماتعرفون كيف اسمع من اللي حوالي عن الممرضات وسمعتها ..للحين ماسمعت عن احد انه يبي ممرضه او يفكر فيها..
واذا كان هو متفهم ويبي ماتوقع امه وابوه بيرضون ..خاصة في طريقة الاختلاط ... فهي على اتصال مباشر مع الطبيب ومساعدته فيكون في احتكاك اكثر بالرجاال... قليل من مجتمعنا من يتقبل هذه النظره.

والمشكله اذا احد غلط... مو بس يخرب على نفسه بل يسئ الى مهنته ووظيفته...ويخرب على غيره
مثل مايقول المثل الشر يعم والخير يخص

اتمنى ان يغير المجتمع نظرته للبنات اللي في التخصصات الصحيه...لازم نخدم وطننا واهلنا...
والله اسعد كثير وينشرح صدري عندما اسمع كلمات اي شخص يدري اني طالبه طب ويقولي بكل فخر ..شدي حيلك يابنتي عشاان تعالجينا وتعالجي عيالنا ونفتك من هالاجاانب...اتمنى ان انهي دراستي بنجااح ولتوظف واخدم وطني واهلي..

مشكووره اختي على الموضوع الجميل والشيق..
اختكم

الندى 2008- 8- 26 03:33 AM

رد: |..بنت الطب لا أريدها ..|
 
ومع كل الكلام

تشهد كليات الطب زحفا جماهيري هائل ايام التسجيل

:cheese::cheese:

سلمانه 2008- 8- 26 03:53 AM

رد: |..بنت الطب لا أريدها ..|
 
طب شى باااااااااااااااااااايخ حده


لالالا مابقول شى لا تالي تخلوني مشرفه اني مالي خلق ....

|..الندى..| 2008- 8- 26 05:21 AM

رد: |..بنت الطب لا أريدها ..|
 
دكتورة زوزو أعجبني ردك كثيراً

الندى :cheese: نفس النك نيم بس حقي برموز سررت بتواجدك

وفعلاً تشهد كلية الطب زحمة جماهيرها

سلمانة قلبك متعلق بالإشراف وأنا أشهد :hahaha_2008:

والطب مو شي بايخ أبد بالعكس يفيد ناس كثير

وربي يوفق الجميع لكل خير إن شاء الله

سلمانه 2008- 8- 26 07:39 AM

رد: |..بنت الطب لا أريدها ..|
 
خلاااااااااااااااص جميل مررره ولا تزعلي :mh19:

مابزعل احد لا تالي يخلوني مشرفه واني مالي خلق ...

|..الندى..| 2008- 8- 26 07:42 AM

رد: |..بنت الطب لا أريدها ..|
 
:hahaha_2008: بيهمك زعلي :cheese:

:mh35:

خلاص خلاص أبي أدخل قلبك وأشوف :hahaha_2008: << شنو تفكرين فيه

سلمانه 2008- 8- 26 07:56 AM

رد: |..بنت الطب لا أريدها ..|
 
اخاف تالي تخليني مشرفه واني مابي اصير لاني مالي خلق ....

|..الندى..| 2008- 8- 26 08:06 AM

رد: |..بنت الطب لا أريدها ..|
 
:cheese:
يا حليلك شوفي بقدراتك تصيري مثل ما تبين أو ماتبين

ربي يخليك إن شاء الله
:praying:

مرزوق 2008- 8- 26 10:42 AM

رد: |..بنت الطب لا أريدها ..|
 
السلام عليكم ورحمة الله وبركاته

والله هذه النظرة موجودة لكن ما نقدر نعممها على الكل

لأن الشروط الي الي يحطها الشاب في المرأة الي يبغى يتزوجها تختلف من شخص لشخص

وبنفس الوقت تتأثر بالوضع الي جالسين نعيشة

قبل مع بساطة الحياة كان الواحد بس يطمح حق ربة بيت تغسل له وتقوم بشؤونه

مع تفتح المجتمع صاروا الناس يشترطون انها تكون دارسة ومتعلمه

ومع صعوبة الحياة وزيادة المصاريف صاروا يبغونها موظفة بس تكون مدرسة مثلا بحكم جهلهم بوضع الممرضة او الطبيبة

والأن مع قلت توظيف المعلمات بدأ يصير اقبال اكثر على المجالات الصحية يعني مع الوقت بتتغير النظرة لها بسبب زيادة الوعي

وطبعا مثل كل شيء جديد في ناس تغير فكرها مع تغير الزمان وفي ناس يبقون على أفكارهم القديمة الي يتوارثونها من اسلافهم والي مع مرور الزمن تتضائل الى ان تضمحل

صحيح ان بالأول كان 99% من الممرضات والطبيبات من الأجانب وكانوا يمارسون المهنه بطبيعتهم في بلدهم والي تختلف عن طبيعتنا في بلدنا وهذا الي سبب النظرة السيئة للبنت الي تعمل في تخصصات صحية

لكن الأن مع دخول السعوديات للمجالات الصحية بيتغير طابع العمل وبصير طابع مقبول والنتيجة بتتغير النظرة السيئة معاه

وانا من واقع تجربة اقول لكم ان الطب والتمريض مهن شريفة اذا كان الي يمارسها يتمتع بالشرف والنزاهه وهذا ينطبق على الرجال والنساء وعلى جميع المهن مو بس الصحية منها

واذا كان على الأختلاط والخلوة ففي كلية الطب وفي المستشفى ليس هناك اي شيء يخالف تعاليم ديننا الحنيف يعني لا اختلاط ولا خلوة

وبالنسبة للزواج فكل شخص بياخذ نصيبة بغض النظر عن الوظيفة الي يشتغلها والمفروض لما نفكر بالتخصص الي ندخله ما نقول بدخل كلية التربية لأني ابغى اتزوج او بدخل الطب لأني ما ابغى اتزوج لأن الكلية عمرها ما غيرة النصيب

اتمنى التوفيق للجميع ومشكورين على طرح الموضوع

أنوار العلم 2008- 9- 8 04:01 AM

رد: |..بنت الطب لا أريدها ..|
 
في أموور متخلفة و للأسف لازال المجتمع يعـــــآني
منها

يعني حرآم البنت تتم مو مثقفة مو متعلمة مو دراسة على حســـــــــــآب تخلف البعض
بالعكس الثقافة العامة و الدراسة تخلي البنت متفهمة أكثر و أحسن بعد

و كل مكان فيه الزين و فيه الشيـــن
و الحريصة و المحافظة بتظل زينة و ما أحد يقدر ينقدها بكلمة

ياما شفنا طبيبات حجابهم كاسيهم و أدبهم كافيهم
و يا ما شفنا ناس و في مجال عمل نسائي كالتدريس و هي لابسة عبااة بس الفستان يمكن أستر منها

هذا شئ أول و أخير يرجع لتربية البنت و لأهلها


All times are GMT +3. الوقت الآن حسب توقيت السعودية: 04:10 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه