ملتقى طلاب وطالبات جامعة الملك فيصل,جامعة الدمام

صفحة 21 من 54

« الأولى

الأخيرة »

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- ملتقى المواضيع العامة (https://vb.ckfu.org/f3)

- - . . . . ’ لـوْ (https://vb.ckfu.org/t199070.html)

SaD HeArT

2011- 8- 6 02:51 PM

رد: . . . . ’ لـوْ

اقتباس:

المشاركة الأصلية كتبت بواسطة رايقه ومروقه (المشاركة 4128061)

لو
كان باستطاعتكم السفر والهجرة تقدر تهاجر عن اهلك وديرتك ؟

لــلآسف لا .. صعبه حيييييييييييل , الديره مو مشكله , أمرهـا بسيط ,

و لكن كل المشكله في أمّي و إخواني و أهلـي و " القادم الجديد " ,

قلبي راح ياكلني عليهم , و راح أحاتيهم في كل وقت !!

أكثر من حلم شخصي , و أكثر من طموح .. تنازلت عنهم بـ سبب وضعي في البيـت ,

حلو إنك تكون الكبير و المسؤول الأول في البيت , و لكن لازم تتحمـّل كل ما يترتـّب على هـ المسوؤلية الكبيرة .

ــــــــــــــــــــــــــــــــــــــــــــــــــ ــــــــــــ

لـــو ..

رزقك الله فلوس , و هـ الفلوس جاتك في وقتهـا لأنك كنت في أمسّ الحاجه لها و من زمان تنتظرها ,

و في نفس الوقت .. جالك شخص عزيز عليك و طلب منّك تسلـّفه لأنه محتاج و مضطر حيييل للفلوس ,

شلون راح تتصرّف وقتها ؟ تعطيه/ها ؟ ما تعطيه/ها ؟!!

و ليــش ؟؟

http://www.ckfu.org/vb/images/icons/ei28.gif

" A L K A D I "

2011- 8- 6 10:32 PM

رد: . . . . ’ لـوْ

يعني اول شي لازم ادقق بموضوعه عدل فإذا كان الموضوع اللي جاي يتسلف عشانه جدا معقد واكبر من حاجتي للفلوس
ممكن اسلفه حتى ولو كنت محتاجتها واعامله بالاحسان "لــــــــــــــيش؟
1:لانه شخص عزيز علي ويهمني امره, واقتنعت بحاجته لها,,
2:ولان المعامله بالاحسان واجب,فبالإحسان يشُترى الحب و الودّ، وتكسب النفوس
وبعدها اكيد ربي بيعوضني خير :)

ــــــــــــــــــــــــــــــــ

لو كل اللي حولك امك ابوك اخوانك خواتك ,وقفوا ضدك في في قرار انت اتخذته في موضوع يخصك شخصياً,
على اساس انهم يعرفون مصلحتك ,لكن انت ابداً مو مقتنع باللي يقولونه
شالسواة ويآهم؟؟
1:تصر على موقفك,وممكن تزعلهم
او
2:توافقهم الراي ,بس عشان ترضيهم (وقناعتك إكس)

L U X U R Y

2011- 8- 9 04:59 AM

رد: . . . . ’ لـوْ

اقتباس:

لو كل اللي حولك امك ابوك اخوانك خواتك ,وقفوا ضدك في في قرار انت اتخذته في موضوع يخصك شخصياً,
على اساس انهم يعرفون مصلحتك ,لكن انت ابداً مو مقتنع باللي يقولونه
شالسواة ويآهم؟؟
1:تصر على موقفك,وممكن تزعلهم
او
2:توافقهم الراي ,بس عشان ترضيهم (وقناعتك إكس)

واللهِ إن كنت أقدر أقنعهم بوجهة نظري , خصوصاً أنو فيها مصلحة لي , ليه لا !
مايٌعتبر عقوق أو قل إحترام لو طلعت عن رغبتهم وَ مالبيتها لهم , لأنها ببساطة ماتخدمني !
مثل اختيار تخصص في الجامعة , أنا اللي أبيه علم إجتماع وَ هم يختارون لي حاسب ! :biggrin:
صعبة كذا , لازم أدخل اللي أنا رغبانة فيه عشان أبدع فيه :(204):
وَ بشرط بدون زعل أكيد , رضآهم جنّة :wink:

-

لو ماقبل المنتدى كتابة إسم مستعار لك , هل تمتلك الشجاعة بالتصريح بإسمك الحقيقي ؟
فلان بن فلان آل فلاني ؟ :106:

" A L K A D I "

2011- 8- 10 12:19 AM

رد: . . . . ’ لـوْ

اقتباس:

المشاركة الأصلية كتبت بواسطة i t a l i a n o (المشاركة 4148385)

لو ماقبل المنتدى كتابة إسم مستعار لك , هل تمتلك الشجاعة بالتصريح بإسمك الحقيقي ؟
فلان بن فلان آل فلاني ؟ :106:

ممكن اقبل وخاصةً إذا كنت واثقه من مواضيعي وردودي بالملتقى .. :)

ــــــــــــــــــــــــــــــــــــــــــــــــــ ـ

لو"خيروك من ان يعطوك
1 الشهره
2 المال
3 السلطه
ماذا تختار\ين

مهّيه

2011- 8- 10 12:53 AM

رد: . . . . ’ لـوْ

اقتباس:

المشاركة الأصلية كتبت بواسطة ~الكادي~ (المشاركة 4152659)

لو"خيروك من ان يعطوك
1 الشهره
2 المال
3 السلطه
ماذا تختار\ين

اختار المال لان المال سيجلب السلطه واصبح بذلك

مشهوره:biggrin:

يسلمووو ي الكادي فديتك:love080:

لوخيرووك

ان تسافر للعمل وحدك للخارج وتترك أهلك وتكون اموورك كلها تمام أو تظل في ديرتك وأموورك مو تمام..!

" A L K A D I "

2011- 8- 10 01:04 AM

رد: . . . . ’ لـوْ

اقتباس:

المشاركة الأصلية كتبت بواسطة شمعة امـل (المشاركة 4152905)

لوخيرووك

ان تسافر للعمل وحدك للخارج وتترك أهلك وتكون اموورك كلها تمام أو تظل في ديرتك وأموورك مو تمام..!

شنو هالتفكير التسلسلي روعه انتي شمووعه :cool:

بالنسبه لي اضل بديرتي والله
في امور كثيره تنازلت عنها بس عشان ماافارق ديرتي
وربج الرازق :)

ـــــــــــــــــــــــــــــــــــ

لو خيروك بين علم اجتماع وتخصص انجليزي شنو تختارون~~>حدي محتآآره :000:

مهّيه

2011- 8- 10 01:09 AM

رد: . . . . ’ لـوْ

اقتباس:

المشاركة الأصلية كتبت بواسطة ~الكادي~ (المشاركة 4152965)

لو خيروك بين علم اجتماع وتخصص [COLOR="rgb(255, 0, 255)"]انجليزي[/COLOR] شنو تختارون ~~>حدي محتآآره :000:

علم إجتماع مثلي احسن لك:biggrin:

مدري بس انا لو اني شطوره بختار انقلش

خليك على الانقلش احسن لك ان شاء الله

وربي يوفقك يآآرب:love080:

SaD HeArT

2011- 8- 10 01:26 AM

رد: . . . . ’ لـوْ

اقتباس:

المشاركة الأصلية كتبت بواسطة ~الكادي~ (المشاركة 4152965)

لو خيروك بين علم اجتماع وتخصص انجليزي شنو تختارون~~>حدي محتآآره
:000:

أمممممممممممم ..

حسب قدراتج الشخصيه , إذا تشوفين نفسج زينه بـالإنجلش و قادره تمشين فيه .. توكلي على الله و إستمري ,

و إذا حاسّه إنج ممكن تتوهقين في المستويات المتقدمه .. لازم تقعدين مع نفسج و تعيدين التفكير ,

عمومـا .. تقدرين تشوفين مقررات التخصص و تاخذين عنها فكره , و تقارنينها مع قدراتج و مؤهلاتج في الإنجلش ,

و في النهايـه .. إستخيري و صلي إستخاره و ربّج يسهّل عليج حيرتج :smile: .

ــــــــــــــــــــــــــــــــــــــــــ

بمـا إن العيد مو باقي عليه شيء .. و السوق زحمه , و الحريم هم سبب الزحمه :tongue: ..

لـــو ..

شفت ملابس للعيد و عجبتـك , بس قالوا لك إنتظر كم يوم ,

راح تنزل بضاعه جديده و فيها تشكيله حلوة حييييل ..

شنو راح تعملـون ؟ و ليـش ؟!!

http://www.ckfu.org/vb/images/icons/ei28.gif

L U X U R Y

2011- 8- 10 02:05 AM

رد: . . . . ’ لـوْ

اقتباس:

لـــو ..

شفت ملابس للعيد و عجبتـك , بس قالوا لك إنتظر كم يوم ,

راح تنزل بضاعه جديده و فيها تشكيله حلوة حييييل ..

شنو راح تعملـون ؟ و ليـش ؟!!

-

هو مو شرط تكون البضاعة الجديدة حلوة ,
لذا بكتفي باللي شفته وَ أعجبني , وَ راح أنتظر البضاعة الجديدة بس مع [ عدم ] تنازلي عن
الشي شفته لأنه أعجبني ~> ما أخلي شيء بنفسي :tongue:

-

لو كنت معزوم على وجبة غدا أو عشا , أو بما أننا برمضان خل نقول [ فطور ] ,
وَ كل المعازيم يحترون حضورك لدرجة أنهم أخّروا الفطور شوي عشانك , وَ أنت توّك بتطلع من البيت
إلا وَ يفاجأك ضيف , مابينك وَ بينه ميانة عشان تعتذر له ! فَ إستقبلته وَ أنت شوي وَ بتصيح :tongue::bawling: عشان عزيمتك ,
وش بتسوي ؟ هل بتعتذر للجماعة أو للضيف ؟ ولو كآن للجمآعة كييف راح تبرر للمعازيم اللي لهم ساعة يحترونك !
~> موقف مُحرج مرييييييت فيه :bawling:

SaD HeArT

2011- 8- 10 02:43 AM

رد: . . . . ’ لـوْ

اقتباس:

المشاركة الأصلية كتبت بواسطة I T A L I A N O (المشاركة 4153318)

لو كنت معزوم على وجبة غدا أو عشا , أو بما أننا برمضان خل نقول [ فطور ] ,
وَ كل المعازيم يحترون حضورك لدرجة أنهم أخّروا الفطور شوي عشانك , وَ أنت توّك بتطلع من البيت
إلا وَ يفاجأك ضيف , مابينك وَ بينه ميانة عشان تعتذر له ! فَ إستقبلته وَ أنت شوي وَ بتصيح :tongue::bawling: عشان عزيمتك ,
وش بتسوي ؟ هل بتعتذر للجماعة أو للضيف ؟ ولو كآن للجمآعة كييف راح تبرر للمعازيم اللي لهم ساعة يحترونك !
~> موقف مُحرج مرييييييت فيه :bawling:

<---- اليوم معزوم ع الفطور و ما دخلت عليهم إلا و الآذان يأذن :icon9:

أممممممممممم ..

هو من ناحية محرج فــ هو محرج , ما فيها كلام ..

بس التصّرف يعتمد على المناسبة نفسهـا ..

إذا كانت خاصّه و حضورهـا ضروري , في هـ الحاله راح أخذ الضيف معاي للعزيمه ,

و بعد ما نرجع للبيت أقوم بــ واجبه , هــ الحل أشوف إنه مناسب جدا لي و له ,

و أما إذا كانت المناسبة عامّه .. راح أتصّل على اللي عازمني و أعتذر منـّه و أجلس مع الضيف .

ــــــــــــــــــــــــــــــــــــــــــــــــــ ــ

أيضا .. " لــو " تخـصّ العيــد ..

لــو ..

كان العيد بعد يومين .. و رحت للخيـّاط اللي دايم تفصـّل عنده عشان تستلم ملابسك ,

و قالك صارت عندنا زحمه و ملابسك ما تطلع إلا بعد العيـد !!

شنو راح تسوّي ؟

و شلون راح تتصرّف ؟!!

http://www.ckfu.org/vb/images/icons/ei28.gif

All times are GMT +3. الوقت الآن حسب توقيت السعودية: 08:43 AM.

صفحة 21 من 54

« الأولى

الأخيرة »

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه