ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى المواضيع العامة (https://vb.ckfu.org/f3)
-   -   قلبي يتقطع وفيني صيحه وقهر (https://vb.ckfu.org/t21074.html)

زهوور 2008- 10- 11 03:33 PM
قلبي يتقطع وفيني صيحه وقهر
 

السلآم عليكم

أنا من خريجات عام 1429 هـ ..

نسبتي في الثانوية العامه 77

وفي القدرات 62 وفي التحصيلي 60

تخصص ادبي..

سجلت في جامعة الملك فيصل والتزمت بقانون عدم تسجيل في أكثر من كلية في نفس الجامعه !! وماقبلوني ..

وغيري سجلوا في اكثر من كليه وانقبلوا .. والله يوفقهم ..

طبعا مادريت ابدا عن سالفة تغيير الرغبات واستفسرت بس محد جاوبني في منتدى الوزاره ..؟

وطبعا سافرت وماعندي علم أو خبر عن شي شفت انتهاااء تغيير الرغبات بداية رمضان ع حسب مااذكر ..

والبلا انو من البدايه ماحددو النسب اللي تنقبل في هالقسم او شي .. حطي رغبتج واذا طلعت النتيجه نسبتج الموزونه غير مقبوله ووو ...الخ

وضاقت فيني الوسيعــــــــــــه .. من تغير النظام السنه احس اني ضايعه وتايهه ..

رحمت حال البنات اللي ماحالفهم القبول وحسيت بمعاناتهم ..

تخيلوا كل سنه اتجهز ليلة الدراسه والبااارحه الناس تتجهز وأنا أتفرج :Cry111: أحس نفسي ابي انتحر وابعد عن الدنيــا ..

قولوا لي وش اسوي ؟؟ دراسه بفلوس ع حسابي مابي .. دراسه بمعاهد ودورات مابي .. أبغى جآمعه وأكون طآلبه انتظام حالي حال البنات..

حتى لو تخصص حاسب قابلة بس مابي اجلس بالبيت .. وأنا وحده ماعندي وآسطه .. فمين تساعدني وتدلني ؟؟

وفيه تسجيل جامعة الملك فيصل الدراسي الثاني ؟؟ وهل ممكن يقبلوني ؟؟ او شو اسوووووووووي :bawling:

طبعا نسبة الثانوية العامه ماجبت معدل ارفع من ذا حسب ظروفي اللي مريت فيها والله يعلم بها .. ومنها وفاة ابوي الله يرحمه وتعب نفسيتي .. واصبت بمرض خلآل اسبوعين من الامتحانات ..وجات النتيجه على كذا :011:

وجزالله خير اللي بيساعدوني .. أملي بالله كبيــــــــــر ثم فيكم ..

تكفـــــــــــــــون تهز جبال لآتطنشوني حالتي ماتسر لاعدو ولاصديق تكفــــــــــــون

يالله لآتخيبني وحقق اللي فباااااالي ووفقني أنا والخوات اللي يبغون يدرسون وماانقبلوا .. يالله ياكريم

سلطانة زمانها 2008- 10- 11 05:26 PM
رد: قلبي يتقطع وفيني صيحه وقهر
 
الله يرحم ابوووك ويسكنه فسيح جنااته


ياازهوور يااعزيزتي ..والله انا مااقدر اسااعدك لانه حالتي مثل حالتك

وبعد انا نسبتي 85 وعلمي..

وحده من ربعي جايبه 83 وانقبلت الا انا ..


بس شكل السالفه حظوظ واعرف وحده بعد 77 وانقبلت في حاسب ألي ..


ومنقهره مره زيك بعد وابي ادخل زي البنات

بس ماافيني اغير كتبت ربي..

وواجب علينا اننا نصبر يمكن انه بعطيناا احسن من الي كنا نتمنااه..


يارب يااكريم ياالطيف أسعدنا مثل باقي البنات..

زهوور 2008- 10- 11 06:52 PM
رد: قلبي يتقطع وفيني صيحه وقهر
 
آمين يآآآرب ..

آهـ وألف آهـ ياسلطـــــــــــآنه ..

الله يعلم وشكثــــــــــر اليوم تعبـــآنه ومتضآآيجه ..

جعـل اللي سوآ هالنظــآم وخلآها حظوووظ ماله جزا في أخرته يارب ..

يالله انك ترد كيد الظالم في نحوره ..

ياااااااااااااااااارب ياااااااااالطيف يااااااااااااعزيز يااااااااااااارحيم

ألطف بناااا وأرحمنا .. وننقبل في الجااامعه اللي نتمناها عاجلا غير اجلا يارب .. وتسعدنا وترد تعبنا

أنا وسلطانه واللي ماانقبلوا ,,

ربي لآتدرني فردا وأنت خير الوارثين

:Cry111:

راجية الفردوس 2008- 10- 11 07:11 PM
رد: قلبي يتقطع وفيني صيحه وقهر
 
الســـــــــلام عليكم ورحمة الله وبركاته ..

حبيبتي ليه مضايقه نفسك لهالدرجه ومكدره حالك صدقيني مافي شي يسوى عشان تضايقي نفسك كذا

وش عرفك يمكن الله عز وجل مأراد لك القبول خيره لك "" وعسى أن تكرهوا شيئا وهو خيرا لكم ""

أنشاء الله يارب اللي فيه الخير لك ولغيرك بيصير والله يرحم والدك ويغفر له ولجميع موتى المسلمين يااارب

طيب أنتي وينك بلأحساء ولا ؟؟


تقبلوا تحياتي .. : راجيـة الفردوس :

::طموح:: 2008- 10- 11 07:30 PM
رد: قلبي يتقطع وفيني صيحه وقهر
 


اختي الغالية احس فيك والله
اولا _ بس انتي تخصص ادبي كيف تبين تدخلين حاسب والحاسب لا يقبل الا التخصص العلمي!!
ثانيا_ انا ما دخلت هنا الا ابي انصحك ولا تظنين اني ابي اقول كلام يضيق خلقك بس خلينا واقعين حتى نصل لشيء بعيد عن العواطف الحين التسجيل انتهى ومافيه تسجيل للترم الثاني وانتي ما تبين تقعدين في البيت ولا تبين تدرسين بمعاهد وودك تدرسين انتظام حالك حال البنات يا اختي انا انصحك لاني احس انك عندك عزيمة انك تسجلين انتساب لان التسجيل يبدأ الاسبوع الجاي وباجتهادك ان شاء الله بعد توفيق الله بيحولونك انتظام السنه الجاية اذا كان معدلك حلو
شوفي يا اختي انا احس وانتي تقرأين ردي انه مو عاجبك لكن لو بقيتي كذا اللي احتمال انه يصير انك بتقعدين هالسنة كذا على امل تلقين تسجيل السنة الجاية وبتضيع سنة وانتي قاعدة تتحسرين وتبين كلية خلينا يا اختي ننظر للواقع بالمنظار الصحيح وهذا هو رأيي..
واسفة اذا كان ردي ما عجبك بس هذي نصيحتي لك لاني احس فيك واتقبل اي رد يا الغلا..
لك ودي,,

هجه ودجه 2008- 10- 11 07:37 PM
رد: قلبي يتقطع وفيني صيحه وقهر
 
ربي يساعدك ويرحم أبوك

توشة 2008- 10- 11 10:34 PM
رد: قلبي يتقطع وفيني صيحه وقهر
 
حبيبتي
و الله حاسة فيك بس صدقيني السالفة ماهي بسالفه حظوظ
لا الأمر كتبة رب العالميييين وربي ما راح أحد يقدر يساعدك غير نفسك تعرفي كيييفك
؟؟؟
ركعتين في جوف الليل علها تصيب ساعه أستجابة أن أنصحك تدخلي انتساب أحسن من
و لا شي و ما أوصيك ألزمي الدعاء ألزمي الدعاء

جريجة ولم أقبل 2008- 10- 12 01:17 AM
رد: قلبي يتقطع وفيني صيحه وقهر
 
الله يرحم أبوك ويرحم جميع موتى المؤمنيين والمؤمنات

وربي يوفقك وأنا كمان ماأنقبلت في الكلية وأنا قسم أدبي ونسبتي في الثانوية 81.20 وحالتي حااااااالة ومضااااايقة مرة خصوصآ لما أشوف الكل يتكلم عن الكلية...


أنا أقول مثل البنات سجلي أنتساب وجدي على نفسك الظاهر أنه ترم وعلى طول يحوبونك أنتظام بس أهم شي تجيبي المعدل المطلوب وتنجحين في جميع المواااد الله يوفقك ويوفقنا

حنون 2008- 10- 12 01:27 AM
رد: قلبي يتقطع وفيني صيحه وقهر
 
الله يرحم ابوك ويسكنه فسيح جناته....... والله يوفقكم يبنات ولاتكثرون الشكوى ......... الشكوى لله......... وربي معاكم .... واكثروا من الدعاء والاستغفار في اخر الليل

جامعيه ولكن 2008- 10- 12 09:02 AM
رد: قلبي يتقطع وفيني صيحه وقهر
 
ياختي الله يرحم ابوك ويسكنه فسيح جناته
ويارب توفقين وتدخلين الجامعه يارب يارب يارب بارب يارب يارب يارب يارب يارب وكثري من الادعاء والاستغفار وصلاة الليل وسورة البقره اقريها وداومي عليها ولاله الاانت سبحانك اني كنت من الضالمين واللهم اجرني في مصيبتي واخلفلي خيير منهاا وان شالله يارب تنقبلين وربي يوفقس اممممممممممممممممممممممممممممممممممممممممممممممممم مين

مقروده 2008- 10- 12 01:04 PM
رد: قلبي يتقطع وفيني صيحه وقهر
 
زهووور

والله قلبي معاك و حاسه فيك

انا كمان لي سنه جالسه بالبيت مع اني علمي ونسبتي 88,98

وشكلها هالسنه بعد.............

الصراحه شي يقهر بس خليها ع الله حاولي تهدي نفسك

ولاتتضايقين ولا شي خذي الامور ببساطه

والله يوفقك يارب

بنت الناس 2008- 10- 12 06:45 PM
رد: قلبي يتقطع وفيني صيحه وقهر
 
السلام عليكم ورحمه الله وبركاته



انا عشت نفس حالتك اختي وانا حاسه فيك وكنت افكر مثلك بس اسمعي نصيحتها وادخلي انتساب لان انا بسوي نفس الي قالته ولا اضيه سنه من عمري دهر وان شالله نشد حيلنا ونجيب نسبه تححولنا انتظام وهذا قد يكون درس لنا وخير فيما اختاره الله





لكي حبي وودي شكرآ :119::119::love080:

القلب النابض 2008- 10- 12 07:10 PM
رد: قلبي يتقطع وفيني صيحه وقهر
 
مثل ما قالوا البنات
سجلي انتسااب
وفالك التوفيق

فراشة الليل 2008- 10- 12 08:56 PM
رد: قلبي يتقطع وفيني صيحه وقهر
 
ربي يساعدك ويرحم أبوك ويساعدنا على الجلسة في البيت

D.Avril_lover7 2008- 10- 12 11:27 PM
رد: قلبي يتقطع وفيني صيحه وقهر
 
ياربي توفقنا و يوفقك و جميع اللي ماانقبلوا .. :119:

فراشة الليل 2008- 10- 13 01:48 AM
رد: قلبي يتقطع وفيني صيحه وقهر
 
الله يسمع منك

الفراشه الهادئه 2008- 10- 13 06:59 AM
رد: قلبي يتقطع وفيني صيحه وقهر
 
وانا بعد نسبتي الثانويه 89 بس مانقبلت وهذا اللي كاتبه لنا ربنا فلازم انا نصبر ونرضى بالامر الواقع
والله يوفق كل اللي مانقبل واللي انقبل بعد

فراشة الليل 2008- 10- 13 03:28 PM
رد: قلبي يتقطع وفيني صيحه وقهر
 
أنا منقهرة لأن نسبتي الثانوية 90 وماأنقبلت بعد شسوي ياربي أعطيني الصبر على قضائك

زهوور 2008- 10- 14 06:43 PM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة راجية الفردوس (المشاركة 230646)
الســـــــــلام عليكم ورحمة الله وبركاته ..

حبيبتي ليه مضايقه نفسك لهالدرجه ومكدره حالك صدقيني مافي شي يسوى عشان تضايقي نفسك كذا

وش عرفك يمكن الله عز وجل مأراد لك القبول خيره لك "" وعسى أن تكرهوا شيئا وهو خيرا لكم ""

أنشاء الله يارب اللي فيه الخير لك ولغيرك بيصير والله يرحم والدك ويغفر له ولجميع موتى المسلمين يااارب

طيب أنتي وينك بلأحساء ولا ؟؟


تقبلوا تحياتي .. : راجيـة الفردوس :
وعليكم السـلآم والرحمه ,,

الله يصبرني ويعطيني الخيـــر من عندهـ ..

أنا قرب الدمام فديتج ..

أدعيلي الله يفرجها علي:Cry111:

زهوور 2008- 10- 14 06:49 PM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة الجادة (المشاركة 230674)


اختي الغالية احس فيك والله
اولا _ بس انتي تخصص ادبي كيف تبين تدخلين حاسب والحاسب لا يقبل الا التخصص العلمي!!
ثانيا_ انا ما دخلت هنا الا ابي انصحك ولا تظنين اني ابي اقول كلام يضيق خلقك بس خلينا واقعين حتى نصل لشيء بعيد عن العواطف الحين التسجيل انتهى ومافيه تسجيل للترم الثاني وانتي ما تبين تقعدين في البيت ولا تبين تدرسين بمعاهد وودك تدرسين انتظام حالك حال البنات يا اختي انا انصحك لاني احس انك عندك عزيمة انك تسجلين انتساب لان التسجيل يبدأ الاسبوع الجاي وباجتهادك ان شاء الله بعد توفيق الله بيحولونك انتظام السنه الجاية اذا كان معدلك حلو
شوفي يا اختي انا احس وانتي تقرأين ردي انه مو عاجبك لكن لو بقيتي كذا اللي احتمال انه يصير انك بتقعدين هالسنة كذا على امل تلقين تسجيل السنة الجاية وبتضيع سنة وانتي قاعدة تتحسرين وتبين كلية خلينا يا اختي ننظر للواقع بالمنظار الصحيح وهذا هو رأيي..
واسفة اذا كان ردي ما عجبك بس هذي نصيحتي لك لاني احس فيك واتقبل اي رد يا الغلا..
لك ودي,,

حبيبتي .. صديقاتي ثنتين أدبي ودآخلين كلية المجمتع وهي حـآسب..!! وتقولين مايقبلون ؟
ع طاري الانتساب وش بيضمني أجيب النسبه وميه بالميه بيحولوني أنتظام ؟؟
بالعكــس رايج مايضايقني وكلن له وجهه نظر يقولون ..

حيـآك

زهوور 2008- 10- 14 06:59 PM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة هاجه وفي الحياه (المشاركة 230692)
ربي يساعدك ويرحم أبوك
جميعا

ويرحم المؤمنين والمؤمنات أجمعين

زهوور 2008- 10- 14 07:01 PM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة توشة (المشاركة 231122)
حبيبتي
و الله حاسة فيك بس صدقيني السالفة ماهي بسالفه حظوظ
لا الأمر كتبة رب العالميييين وربي ما راح أحد يقدر يساعدك غير نفسك تعرفي كيييفك
؟؟؟
ركعتين في جوف الليل علها تصيب ساعه أستجابة أن أنصحك تدخلي انتساب أحسن من
و لا شي و ما أوصيك ألزمي الدعاء ألزمي الدعاء
تسلمين فديتك .. ونعم بالله ..

بس الانتساب ابدا مو داخل مخي.. والاهل مو راضيين فيه ..! ..

الله يوفقك يارب

دمعـ العيون ـات 2008- 10- 14 08:38 PM
رد: قلبي يتقطع وفيني صيحه وقهر
 
الله يفرج عليك..

زهوور 2008- 10- 14 10:43 PM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة جريجة ولم أقبل (المشاركة 231511)
الله يرحم أبوك ويرحم جميع موتى المؤمنيين والمؤمنات

وربي يوفقك وأنا كمان ماأنقبلت في الكلية وأنا قسم أدبي ونسبتي في الثانوية 81.20 وحالتي حااااااالة ومضااااايقة مرة خصوصآ لما أشوف الكل يتكلم عن الكلية...


أنا أقول مثل البنات سجلي أنتساب وجدي على نفسك الظاهر أنه ترم وعلى طول يحوبونك أنتظام بس أهم شي تجيبي المعدل المطلوب وتنجحين في جميع المواااد الله يوفقك ويوفقنا
ويرحم الجميع ان شاء الله ..

ويوفقنا ويــآك .. تدريـــن .. أنا أشوف كل النـآس تطلع الصبح وتروح وتجــــــي .. وأنا :Cry111: بالله مو قهـر اللي تعبناه كله يرووح !! ..

والله أنو في بنـــــــات مسجلين كذا ومالهم بالدراسه وانقبلوا حتى جديه ماجدوا بالثانويه ..!!

وأنـــــــــا اللي أحمسـهم وأذاكر وكنت بذيك الايام مريضه ..! ماانقبل والله حراااااام والله العظيم حراااام ؟؟:Cry111:

سالفه الانتســآب ذي محد داخله مزاجه كلش .. يقولون وش يظمنهم اكوون انتظام تاليها ..؟

الله يفرجها بس ..

وشاكره مرورج

زهوور 2008- 10- 14 10:46 PM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة حنون (المشاركة 231529)
الله يرحم ابوك ويسكنه فسيح جناته....... والله يوفقكم يبنات ولاتكثرون الشكوى ......... الشكوى لله......... وربي معاكم .... واكثروا من الدعاء والاستغفار في اخر الليل
ويرحم المؤمنين والمؤمنات أجمعين يارب ..

وانتي بعد لاتنسين أدعي لنا .. عسى ربي يستجيب دعائك

زهوور 2008- 10- 15 12:18 AM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة جامعيه ولكن (المشاركة 231939)
ياختي الله يرحم ابوك ويسكنه فسيح جناته
ويارب توفقين وتدخلين الجامعه يارب يارب يارب بارب يارب يارب يارب يارب يارب وكثري من الادعاء والاستغفار وصلاة الليل وسورة البقره اقريها وداومي عليها ولاله الاانت سبحانك اني كنت من الضالمين واللهم اجرني في مصيبتي واخلفلي خيير منهاا وان شالله يارب تنقبلين وربي يوفقس اممممممممممممممممممممممممممممممممممممممممممممممممم مين
ويرحم المؤمنين والمؤمنات أجمعين ان شاء الله

الله يجيب لدعاك يارب ..

وشكرا لك

زهوور 2008- 10- 15 12:20 AM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة جامعيه ولكن (المشاركة 231939)
ياختي الله يرحم ابوك ويسكنه فسيح جناته
ويارب توفقين وتدخلين الجامعه يارب يارب يارب بارب يارب يارب يارب يارب يارب وكثري من الادعاء والاستغفار وصلاة الليل وسورة البقره اقريها وداومي عليها ولاله الاانت سبحانك اني كنت من الضالمين واللهم اجرني في مصيبتي واخلفلي خيير منهاا وان شالله يارب تنقبلين وربي يوفقس اممممممممممممممممممممممممممممممممممممممممممممممممم مين
ويرحم المؤمنين والمؤمنات أجمعين منهم الأحياء والأموات ..

والله يجيب لدعاك ..

وأشكر وجودك

زهوور 2008- 10- 15 12:27 AM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة مقروده (المشاركة 232311)
زهووور

والله قلبي معاك و حاسه فيك

انا كمان لي سنه جالسه بالبيت مع اني علمي ونسبتي 88,98

وشكلها هالسنه بعد.............

الصراحه شي يقهر بس خليها ع الله حاولي تهدي نفسك

ولاتتضايقين ولا شي خذي الامور ببساطه

والله يوفقك يارب
:Cry111:

الله يعينا .. وربي يوفقنا جميعا ياارب ..

زهوور 2008- 10- 15 12:29 AM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة بنت الناس (المشاركة 232926)
السلام عليكم ورحمه الله وبركاته



انا عشت نفس حالتك اختي وانا حاسه فيك وكنت افكر مثلك بس اسمعي نصيحتها وادخلي انتساب لان انا بسوي نفس الي قالته ولا اضيه سنه من عمري دهر وان شالله نشد حيلنا ونجيب نسبه تححولنا انتظام وهذا قد يكون درس لنا وخير فيما اختاره الله





لكي حبي وودي شكرآ :119::119::love080:
الله يوفقج الغاليه .. بس البلا انتساب محد مقتنع فيه من هلي .. يقولون وانتي شتضمنين انج بتحولين انتظام :Cry111:

الله يفرجها عليــــــــــــــــنا .. يارب

EnglishServices 2008- 10- 15 12:49 AM
رد: قلبي يتقطع وفيني صيحه وقهر
 
فكرة التحويل لانتساب ممتاااااااااااااااااااااااااااااااازة

شدوا حيلكم والله حاااسة فيكم

زهوور 2008- 10- 15 12:59 AM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة القلب النابض (المشاركة 233024)
مثل ما قالوا البنات
سجلي انتسااب
وفالك التوفيق
الله يفرجها:praying:

زهوور 2008- 10- 15 01:02 AM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة فراشة الليل (المشاركة 233332)
ربي يساعدك ويرحم أبوك ويساعدنا على الجلسة في البيت
آمين يارب .. وياك

زهوور 2008- 10- 15 01:06 AM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة D.Avril_lover7 (المشاركة 233646)
ياربي توفقنا و يوفقك و جميع اللي ماانقبلوا .. :119:
آميييييين يااااااااارب

همس اللليل 2008- 10- 15 01:08 AM
رد: قلبي يتقطع وفيني صيحه وقهر
 
لاتيأسين أنا حصلتلى ظروف قاهره بربي
أنا أختبرت الرياضيات ومن أسئله الوزاره كنت مواصله جانى الغالون ورحت المستشفي ولاقدرت أروح يوم ثانى الإختبار والوالد مارضي يوديني أخذ عذر من المستشفي لليوم ألى غبت فيه وجلست وأختبرت مع الراسبين ونزلت نسبتي من بعد 99,85 لمن 26 ,81
والحمد لله ع كل حل خيره فيما أختاره الله دخلت كليه أهليه ماتدرين وشو الصالح ألى مكتوب لك

زهوور 2008- 10- 15 02:08 AM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة الفراشه الهادئه (المشاركة 234169)
وانا بعد نسبتي الثانويه 89 بس مانقبلت وهذا اللي كاتبه لنا ربنا فلازم انا نصبر ونرضى بالامر الواقع
والله يوفق كل اللي مانقبل واللي انقبل بعد
آمين يارب .. ويصبرنا ويساعدنا على مابلانا ..

زهوور 2008- 10- 15 02:11 AM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة فراشة الليل (المشاركة 234767)
أنا منقهرة لأن نسبتي الثانوية 90 وماأنقبلت بعد شسوي ياربي أعطيني الصبر على قضائك
الله يعيــــــــن .. وربي يفرجها علينا

زهوور 2008- 10- 15 02:32 AM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة دمعـ العيون ـات (المشاركة 237017)
الله يفرج عليك..
آميــــــــــــــــــن يارب .. والجميع ان شاء الله

زهوور 2008- 10- 15 02:37 AM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة EnglishServices (المشاركة 237282)
فكرة التحويل لانتساب ممتاااااااااااااااااااااااااااااااازة

شدوا حيلكم والله حاااسة فيكم
انتساب لا والف لا ..


الله يفرجها بس ..

زهوور 2008- 10- 15 02:43 AM
رد: قلبي يتقطع وفيني صيحه وقهر
 
اقتباس:
المشاركة الأصلية كتبت بواسطة همس اللليل (المشاركة 237328)
لاتيأسين أنا حصلتلى ظروف قاهره بربي
أنا أختبرت الرياضيات ومن أسئله الوزاره كنت مواصله جانى الغالون ورحت المستشفي ولاقدرت أروح يوم ثانى الإختبار والوالد مارضي يوديني أخذ عذر من المستشفي لليوم ألى غبت فيه وجلست وأختبرت مع الراسبين ونزلت نسبتي من بعد 99,85 لمن 26 ,81
والحمد لله ع كل حل خيره فيما أختاره الله دخلت كليه أهليه ماتدرين وشو الصالح ألى مكتوب لك
الله يعيينا .. ووييسر لنا ويفرجها علينا .. عاجلا غير اجلا يارب ..

فراشة الليل 2008- 10- 15 02:43 AM
رد: قلبي يتقطع وفيني صيحه وقهر
 
إنشاء الله حبيبتي الله يسمع منك

Batool 2008- 10- 15 02:45 AM
رد: قلبي يتقطع وفيني صيحه وقهر
 
للاسف الشديد هذا حال الكثيــــــــــــــــــــــــــــــــــــر الكثــــــــــــــــير

والذين لا يعيرهم احدا اهتماما

و لا يقدر حاجتهم الطبيعية في ضرورة التعلم

كأي شخص اخر

و لنفرض ان الامر هذا حدث لطالب المتوسطة او الثانوية و لم يستطع اكمال دراسته

الكل سينتبه الى خطر الامر

وللاسف

لا ينتبه احد الى ذلك عندما يكون متخرج من الثانوية!!!

هذه اعراض تخرج اصبحت طبيعية عندنا

لانه ليس هناك من يسمعنا

وليس هناك من يحاول الدفاع عنا و يوصل اصواتنا اليهم

عموما اعرف بنات .. نسبتهم 99 و هم توقفوا عن الدراسة بعد الثانوية== بسبب عدم قبولهن1!!!!!!!!

:::

زهوور 2008- 10- 15 03:07 AM
رد: قلبي يتقطع وفيني صيحه وقهر
 
الله على الظالم يابتول ..

المفروض الجامعه تستقبل كل البنات .. ماكو قبول وماقبول .. يعني مثل المدارس ..

بس حسبي الله ونعم الوكيل عليهم ..:Cry111:

فراشة الليل 2008- 10- 15 03:43 AM
رد: قلبي يتقطع وفيني صيحه وقهر
 
حسبي الله ونعم الوكيل فيهم

هيبة ملكة 2008- 10- 15 10:58 AM
رد: قلبي يتقطع وفيني صيحه وقهر
 
حسبي الله ونعم الوكيل:praying:

حلا قلبي 2008- 10- 16 04:32 AM
رد: قلبي يتقطع وفيني صيحه وقهر
 
اجل اناا وش اقوووووووووول

نسبتي 95 علمي ومن مدرسه حكوميه والقدرات عندي 61.6

والتحصيلي 70.3

وماانقبلت بوولا شي قاعده بالبيت

وربي منقهرره مررره ودايم دمووعي على خدي مو مصدقه اني ماانقبلت بولا قسم

لاكن الحمد الله على كل حاال

وسمعت انه مافيه تسجيل ترم ثاني يعني السنه هذي قاعده بالبيت

وربي لما اروح اراجع بالكليات يستغربون الموظفات الي هناك اني ماانقبلت

لاكن قدر الله وماشاء فعل

والحمد الله على كل حاال

ماادري يمكن خييره لي اني ماادرس هالسنه مع اني كل يوم يمر من ثالث ثانوي كنت احلم بدخولي للجامعه

لاكن الحلم هذا تلاشي خلاص وهذا الواقع

والحمد الله على كل حاال

زهوور 2008- 10- 18 03:07 AM
رد: قلبي يتقطع وفيني صيحه وقهر
 
حـلآ قلبي

:Cry111:

يوم أقولكم السالفه حظووووووووظ :Cry111:

لكن الله يعينا ويفرجها علينا ..

لو في كلية المجتمع يكون فيه تسجيل ترم ثاني مستحيل اتردد دقيقه وحده ..

الله على الظالم يااااااااااحلا ... وإن شاء الله كل تأخيره فيها خيـــــــره .. والله كريم

:Cry111:

HOLSTEN111 2008- 10- 18 06:53 AM
رد: قلبي يتقطع وفيني صيحه وقهر
 

الله يرحم ابوك ويسكنه الجنه

ومثل ماقلتي كل تأخيره فيها خيره

ماتدرين ان شاءالله ربي كاتبلك شي احسن من الي تبينه

بس انتي اصبري وتوكلي على الله

وادعي ليل ونهار وربي مايخيب دعائك

وبالنسبه لكلية الدراسات التطبيقيه وخدمة المجتمع

فيه تسجيل بالترم الثاني... لكن عن طريق الرجال ..ارسلي اخوك باوراقك هناك

وان شاءالله ربي يوفقك

بالتوفيق للجميع:g8:


All times are GMT +3. الوقت الآن حسب توقيت السعودية: 09:23 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه