|
رد: سـجـل حـضـوركـ بـمـوقـف .. !
اقتباس:
هذي اللحظه .. ترى ما ننساهـا صارت لي كـثير :hhheeeart4: :biggrin: |
رد: سـجـل حـضـوركـ بـمـوقـف .. !
موقف مؤلم ومحرج ويقهر في نفسك الوقت وذكرته في احد المواضيع يوم كنت خريج ثالث متوسط وفي آخر يوم اختبارات وبعد ما خلصنا اختبارانا الفتره الاولى ما فتحوا لنا باب المدرسة لأن فيه طلاب يختبرون اللي عندهم فترتين المهم انا وكم واحد من الشباب قلنا هالحكي ما يمشي معنا وحنا خلصنا اختبارات يعني ما يضر لو طمرنا من السور لاننا نبي نلحق على مقصف المدرسة الثنوية اللي بجنبنا . وكان معنا واحد دبدوب يعني ما فيه امل يطمر الا كان نجيب له رافعه تشيله ممكن :hahahahahah: صملنا انا واثنين من الشلة انا نطمر وكانت اول مره لي اطمر السور اللي عليه اسلاك شائكة اللي حصل طمرت انا اول واحد مسوي فيها رامبو على وقت وما دريت ان لازم احد يساعدك اذا توسطت السور ويضم الاسلاك الشائكة بيديه الين تتعدها وتنزل انا طمرت متهور ونشبت فوق نشبة كني كوره لاني عارف اكمل او ارجع يعيني ناشب الى إشعار آخر طمروا اخوياي بعد ما ساعدوا بعض وصاروا برى المدرسة وما ساعدوني لأنهم تسدحوا على الرصيف ضحك على شكلي الحفلة فوووووووووووووووووووق السور وناشب نشبة عدوكم طبعا ثيابي نشبت ودخلت الاسلاك في رجولي ويديني وصبت دم صرت كني مشخال رز اقطر دم من كل مكان المراد قعدت على هالحال كم دقيقة وطبعا الدقيقة تمر على سنه وانا ناشب فوق السور واخوياي بعد ما شبعوا ضحك حاولوا يساعدوني بدون فايده الين وقف كم واحد من الآباء اللي جايين ياخذون عيالهم وفكوني من السور مع بعض التعليقات اللي منها سم على القلب و منها المضحك ومنها ...طوووووووط المراد بعد الفشيلة والالم والدمان اللي تسيل وتشقق الملابس يوم اجمعوا لي غترتي وطاقيتي ونعولي تكرمون وارتحت شوي بعد الفلم الا وهذا خويي دبدوب ( ذكرتوه) قدامي برى المدرسة قلت وشلون طلعت يا( نفيخه) قال ابد رحنا للوكيل وقلنا له خلصنا اختبار وافتحوا لنا الباب قلت متى قال ابد قبل لا ينزلونك بعشر دقايق يومك ناشب فوووووق:hahahahahah: طبعا بعدها على البيت لا فيه فطور ولاغيره ما غير ثياب مشققة ودم يصب والحالة شقية وسلامتكم |
رد: سـجـل حـضـوركـ بـمـوقـف .. !
الله يصلحكم يانور
واحد عندنا كان خاف ما يسويها بس يستر على الثاني أما الثاني الله يصلحه حتى وهو مكسور ومجبر :000: هذا موقف من زمان ابي اكتب مره كنا في الباحه طبعا ما نعرفها أول مره نجيها ولا لنا احد فيها بس تمشيه انتهت اجازت ابوي ورجع الشرقيه واحنا قعدنا نكمل تمشيه مع اخواني الكبار يوم طلعنا وادي والوادي كبير ويفصله من الوسط شارع ( مرتفع ) وفيه فتحت ( أو كبري ما ادري ايش يسمونها ) من تحت الشارع توصل بين الوادي الي مقسوم جلسنا تحت شجره وكان فيه زريبه ( الله يكرمكم ) شوي بعيده عنا وحطينا السياره بيننا وبينهم مر من عندنا قطيعا :tongue: من الغنم شوي جاء شاص قالوا اخواني تغطوا وطلع الي في الشاص بزرين صغار لحقوا الغنم بعدين ارجعوا بدونها لما جاء قبل المغرب رحنا نمشي في ارض الله الواسعه وامي كانت معانا يعني ما بعدنا عن أخواني يشوفونا وجوا أهل الجيب ( البعض يسميه شاص ) وخذوا غنمهم وراحوا طبعا هم ما كانوا اهل الزريبه ( الله يكرمكم ) الي قدامنا لكن كانوا يدخلون مع الفتحة الي توصل بين الوادي جوا اخواني وهم متوترين قالوا: مشينا قالت: أمي شوي قالوا: لا بسرعه قالت : امي ايش فيكم فيه شيء ؟ ( الجيب ورى الشجره ما انتبهنا له ) قالوا اخواني اهل الجيب جو يبونا نساعدهم الي في الزريبه الي قدامنا ( واحد يمني وواحد سوداني ) منعوهم ما يروحون لأهلهم وتركوا الغنم ترجع وارجالهم معزومين طبعا امي مررررررره حريييصه علينا وطرى لها كل الطواري ( يمكن يبون يحتالون عليكم ولى يستغلونكم يمكن متفقين هم واياهم شافوكم سياح يحسبون انكم مليانين فلوس يمكن يمكن ) ضحك واحد من أخواني ويقولها يمه هذا وانتي ما تتابعين أفلام :hahahahahah: يمه هذولي بزرررران صغار راحت امي تشوفهم ورجعت لنا وهي تبكي العيال بالابتدائي بس ما أذكر السالفه قديمه هل كان واحد في رابع والثاني خامس أو واحد خامس والثاني سادس المهم انهم نتف حتى اجسامهم وما عمرهم ساقوا في الشوارع ويخافون من السيارات على شان كذا ما قدروا يطلعون من الشارع اكيد تقولن أيش السالفه :(107): السالفه انهم متهاوشين مع اليمني والسوداني على مويه وأخوهم الكبير راح لزواج معزوم واستغلو هم الفرصه ومنعوا الاولاد انهم يمرون من هذي الفتحه ويروحون لاهلهم وما ادري والله ايش كانت نيتهم وايش كانوا بيسوون فطلبوا من أخواني انهم ياخذونهم بالسياره ويطلعون من الجهه الي احنا فيه الى الجه الثانيه الي اهلهم فيها مرورا بالشارع الي يخافون يسوقون فيه طبعا واحنا وراهم بالسيارة بصراحه عصبت قلت ليش تطلع من الشارع البيت بيت أبونا والقوم حاربونا مروا من تحت قالوا لا بنروح من فوق وان اعترضونا يصير خير طبعاً تعرفون الي يسافر لازم ياخذ عدته معه :(269): اخوي الي ركب معهم خذا عده واحنا عندنا عده وامي تحمست قالت لو يعترضونا يمين ما احد ينزل وما ينزل الا انا :hahahahahah: اخواني :mad: ليش ما احنا رجال قالت ايش تبوني اشوف احد منكم ميت قدامي أنا مره اذا فيه خير يمد يده :hahahahahah: نقولها يمه لو فيهم خير ما حطوا حيلهم بالبزران طبعاً الولدين طول الوقت وهم :Cry111: الكبير كذا :Cry111: والصغير :bawling: ويتحلف ويتوعد والله لا اقول لسعيد خل سعيد يجي واوريهم والكبير يقول والله لا تقوله تبيه يرتفع السكر عنده ويتنوم في المستشفى عندنا شوزن وأعرف له وإذا فيهم خير يجون وصلنا بأمان لمكانهم والله حزنت فيه بيوت بعيده شوي عنهم بس هم ساكنين في خيام وعشش ولا ادري هل هم مصيفين أو هو مسكنهم حاولوا اخواني انهم يجلسون معاهم الين يجيهم أخوهم لأنهم كلهم أطفال وحريم لكنهم رفضوا ويقول الكبير ما عليك أنا لا وصلت الشوزن خلاص الله يستر عليهم ألحين كبروا أيه معاند شكرا على السبه في التقييم ههههههههه |
رد: سـجـل حـضـوركـ بـمـوقـف .. !
هههههههههههههههههه
NOW OR NEVER دوحــة مواقفك عـجيبهـ كل سنة تسافرون :biggrin: دقيقة مَ أذكر اني سبيت أحد :(107): أما أنا هذا موقفي .. :hahahahahah: http://www.ckfu.org/vb/t299137.html |
رد: سـجـل حـضـوركـ بـمـوقـف .. !
اقتباس:
لا والله مش كل سنه نسافر حسب الظروف وأحيناً أحنا نرفض نسافر / هههههههه مب سبه بس شبه / بنسبه لموضوعك يمكن ان معدلك ما يسمح لك بأخذ عدد الساعات الي اخترتها وحسب معلوماتي ان المبلغ ما راح يروح عليك بينحفظ لك الى الترم الجاي وبتأكد وارد عليك |
رد: سـجـل حـضـوركـ بـمـوقـف .. !
^
ههههههههههههههه أذكر مره كنا مسافرين حنا وعيـال عمي كان معـانا جمسين ذاك اللي يجي أبو لونين :hahahahahah: واحد أحمر تبعنا والثاني أزرق اللي هو حق عمي ,, المهم عمي كـان يقود المسيره > أبوي ما يدل :53: وصلنا لمنطقه شبه نائية معدومة السكان وقفنا في محطه الوالد نزل يشتري أغراض وحاجات واللي عنده طوارئ نزل > فهمتو :53: وجت اختي طفت السياره عبالها توفر بنزين .. والسياره كانت حراتها مرتفعه > 40 ْ :biggrin: الوالد رجع واللي في الطوارئ رجعو .. دخلنا الجمس الحبيب .. الوالد كـالعاده : ينادي على أسامينا بالترتيب والموجود يقو حااضر حضرنا كـلنا ....:lllolll: جاء يدق سلف السياره ما اشتغلت // يَ لهوي :hahahahahah: وش نسوي .. ساعدونا .. بنشري طيب حاجه زي كذا ..: أبداً مافي شئ الحمد الله لقينا حبل بسيارة عمي ..ربطنا الجمس بالجمس :cheese: ونمشي ونمشي ونمشي تقريبا ساعة أو أكثر على هذي الحـاله الين جاء باص أبو دورين وشطفنـا .. :bawling: والوالد ارتبك وكسر الطاره يمين وانفك الحبل :Cry111: أنا شهدت وكبرت وغمضت عيني شوي مافي شئ افتح عين وحده :biggrin: نزلت من سيارتنا السلتانه ( التعبانه ) ورجت ركبت مع عمي .. // الكل نفسي نفسي (( :(269): وربطنا مره ثاني وكملنا المسيره ظلمت الدنيا وقفنا على جمب داخل برحه أبوي قعد مع الأهل ورحنا كلنا ( الأولاد ) مع عمي نجيب عشاء وسير للجمس .. )) والوالد كان جـالس لحاله كان في شباب عندهم هـايلكس يحومون ع الموقع أكثر من 5 مرات تقريبا أبوي طنش ونعس ونام هم جسو النبض ما في شباب ولا أمن طرق وقفو موترهم ونزلو ... :mh12: في وحده كانت صاحيه تقول زحفت زحف لعند الوالد > تحس قاعدين فلم :cheese: وصحته أبوي يوم صحى واحد منهم قـال لابوي: > يَ عم تبي شاي ...! أبوي طلع جواله وسوى روحه يكلم : __ هههههههههههههههههههههههههههههه /// بطلوها الحركه ذي بس والله مشت معاهم .. وراحو قطاع الطرق :cool:\\ ............. ( جزء من النص مفقود ) ^ دوحة حتى حنا نسافر :tongue: // الزبده انت تقرى ع الفاضي اسدح لنا كم موقف // حرام كذا اللي شغالين ع الموضوع 3 - 4 نفر :hhheeeart4: |
رد: سـجـل حـضـوركـ بـمـوقـف .. !
...... ^ شسالفه ..
|
رد: سـجـل حـضـوركـ بـمـوقـف .. !
هذا موقف مره محرج صار لي من سنه سافر عند عمتي
وكنا سهرانات انا والبنات في غرفة العيال وقالت وحده من البنات العيال كانوا طالعين الاستراحه لخوياهم ماجرينه خميس وجمعه ماراح يجون المهم وحنا نكمل القعده لصبح لان الغرفه بعيده عن غرف الازعاج كملنا لظهر ونمنا فيها ما حسيت الا ولد عمتي واقف عند الباب ويقول منهي نايمه في فراشي ولا شوف الشعر فوق مخدتي هههههههه ام مع ابو مع خال الاحراج انا عادتي لا نمت اجمع شعري كله على برا علشان ما يضايقن وانا نايمه .. قالت له اخته مالقينا غرفه فاضيه والاخت تشرح له وانا اصب عرق من الفشله طبعن نايمه بس حسيت ليتني ما حسيت والله كانه اليوم احرررررررررررررررررررررررررررررررراج |
رد: سـجـل حـضـوركـ بـمـوقـف .. !
^
:hahahahahah: منوره بنت الشمري .. :d5: |
رد: سـجـل حـضـوركـ بـمـوقـف .. !
:icon9: ذكرتيني بموقف
رحنا بيت خالتي قبل زواج أخوي لأن المشغل قريب منهم ما عندهم مشاغل تطلع الصالات :(177): كنا عندها من بعد الفجر لأن اهلي بينشغلون ولدهم الكبير متزوج وفي بيته والولد الثاني صغير بس زوج خالتي فيه نمنا في غرفة البنات وقلت لخالتي قفلي الباب وخذي المفتاح قالت لا ما عمر ابوهم دخل عليهم وصحاهم مستحيل ما يسويها يصحي الاولاد بس البنات ما يدخل عليهم وجاء زوجها ودخل :000: طبعاً بما اني مش نايمه في بيتنا معناته اي حس افز منه فزيت وهو داخل وحاط يده على النور يبي يشغله واتغطى بالبطانيه واقوله ارجع وراك اطلع محنا بناتك :hahahahahah: الرجال خاف وأختبص وجت خالتي وقالت له اننا موجودين |
| All times are GMT +3. الوقت الآن حسب توقيت السعودية: 10:56 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام