ملتقى طلاب وطالبات جامعة الملك فيصل,جامعة الدمام - هل زواج الشاعر من الشاعرة ناجحا؟ **تفضلووو اتحفوو مسامعي برائيكم ..

رد: هل زواج الشاعر من الشاعرة ناجحا؟ **تفضلووو اتحفوو مسامعي برائيكم ..

اقتباس:

المشاركة الأصلية كتبت بواسطة *مسكته* (المشاركة 5905912)

:d5::d5::d5::d5::d5:

:106::119::rose:

رد: هل زواج الشاعر من الشاعرة ناجحا؟ **تفضلووو اتحفوو مسامعي برائيكم ..

بما اني متزوجه شاعر احيانآ اتمنى اكون شاعرة علشان اقدر اتحاور معه لان زوجي الاحظ انه مايقدر يعبر ويتحاور الا بالشعر يعني اشوف رسايله مع اصحابه وعيال عمه وخواله كيف ياخذون ويعطون بس بالقصايد اشوفه يعبر بأحسن ماعنده
واذا انا وياه بنتكلم بأي موضوع يقول كلمتين ويسكت ولايحب يطول الهرج :Cry111:

فمن وجه نظري حلو انهم ثنيناتهم شعار...
وتشكرين ياعسل على الموضوع

رد: هل زواج الشاعر من الشاعرة ناجحا؟ **تفضلووو اتحفوو مسامعي برائيكم ..

اقتباس:

المشاركة الأصلية كتبت بواسطة ضحكتة تكسرعنادي (المشاركة 5906083)

اكيد ياقلبي الشاعر غذائه الشعر ويتعامل معه في كل شئ في يومه لانه

منه وفيه ويجد نفسه في الشعر اكثر

تصدقين احيانا اكون تعبانه او متضايقه من شئ مجرد اني اقراء الشعر

لاي شاعر احب اقراء له انسى اللي فيني هذا وانا ماني شاعره متذوقه

هناااااا وجدتي نفسك في حاجه الا الشعر طيب حاولي انك تقرين شعر

دايم له او لغيره علشان تقدرين توصلين لحبل افكاره بسهوله

ترى الشاعر عنده روح وخيال واسع حاولي الدخول فيه

والله يسعدك ويهنيك "

ما كتب فيك قصيده :wink:

العفوو :106:ياقشطه

رد: هل زواج الشاعر من الشاعرة ناجحا؟ **تفضلووو اتحفوو مسامعي برائيكم ..

اقتباس:

المشاركة الأصلية كتبت بواسطة بنت الشمري (المشاركة 5906140)

يالبى كلامك بس
انا من يوم اخذته وانا اقرأ الشعر والى الان احب اقراه واستمتع بقرائته واحيانآ اذا بغيت منه شيء اجيب قصيدة او بيت لشاعر ما تعبر عن اللي ابيه وارسلها اواقولها له ماعليك ماابلش بس اللي قاهرني انه مو كل شيء بيني وبينه بروح ادورله قصيده ودي بالاخذ والعطاء كلام عادي بس

وبالنسبة لكتب في قصيده كتب فيني قصايد مو قصيده...

<<بس كلهن قبل العرس:Cry111:

رد: هل زواج الشاعر من الشاعرة ناجحا؟ **تفضلووو اتحفوو مسامعي برائيكم ..

اتوقع ان هالزواج مستحيل ينجح حتى لو كان مبني على التفاهم والمحبه بينهم لان الغيره سوف تلعب دورها
في يوم من الايام واسمحيلي ان اورد هذه القصه
قصة الشيخ الفارس (جديع بن منديل) حين طلّق زوجته الشاعرة (مويضي الدهلاوية) حين تغزلت به بابيات من الشعر http://www.vb.eqla3.com/images/smilies/Looking_anim.gif

الشيخ الفارس جديع بن منديل بن هذال شاعر بطل وشجاع و مشهور بغزواته الكثيرة وغاراته المتتالية وكان يأخذ احيانا بالغزوة 7 شهور, وكان الشيخ جديع متزوج الشاعرة مويضي الدهلوية العجميه , وكانت هي تحبه وتتغزل به وتفتخر بكثر معاركة وإنتصاراته على الاعداء, وبإحدى غزواته وصلتها البشائر وهي بالرس أن زوجها القائد الفذ قد أنتصر بمغزاه فقالت هذه القصيدة تمدح زوجه وتتغزل به وتلمح بأبيات لطيفة بإشتياقها له حتى يكف من الغزو الكثير والمسرف. قالت :

سلم على اللي راح للحول ماجه
.................وقله خويك ضايق الصدر واعلاج
امـي توصيني عن الانزلاجـه
..................وقلبي اليا جاء طاري البدو ينفاج
أمي تقول أن التمني سماجه
..................وأقول أنا بعض التمني به أفراج http://www.vb.eqla3.com/images/smilies/060.gif

وبعد ذلك رد الشيخ جديع بن هذال على قصيدة مويضي الدهلوية العجمية بقصيدة وطلقها لسبب أنها تغزلت به . وان قصيدها أصبح يحكي به كل الرجال وقال :

العصر عند صويحبي بركني
.....................أبو ثمان كنهن در الاجهال
لاجيت موضي يامناي ومظني
..............وصل سلامي لبنت ماضين الافعال
وقله تراها طالق الحبل مني
....................اللي قصيده يلعبه كل رجال http://www.vb.eqla3.com/images/smilies/frown.gif

ردت عليه مويضي الدهلاوية العجمية بقولها :

حي الجواب وحي منهو جوابـه
......................عرضي نزيه ولا حكى فيه هزاب
ارجيك رجوى البادية للسحابـه
......................وجازيتني في كلمة ٍ مالها أسباب
هذا النصيب وما بغى الرب جابه
...............وان صك باب العبد عند الولي مية باب

ثم رجع الشيخ جديع بن هذال وتندم وأراد أن يردها زوجة له الا أنها رفضت ذلك وقالت :

جديع يومنه بغاني بغيته
................ما طمحوني عنه كثر العشاشيـق
واليوم يومنه رماني رميتـه
...................رمية وضيحيٍ رموه التفاقيـق
جديع أنا حرمت مسكان بيته
...............الا مغيب الشمس يرجع لتشريـق
ولا أن صوت الحي يوحيه ميته
................أو ينبلع سم الحيايا على الريـق
عسى يجيني شيخ يسمع بصيته
...............سنافي يعطي من طوال السماحيق

وبعد طلاقها وبعد البيت الاخير خصوصا و سمع الشيخ مجلاد بن فوزان
بها وبآخر بيت قالته في قصيدتها وتزوجها
بنت الشمري دائماً مميزه في طرحك ومتميزه في انتقاء مواضيعك
مودتي:106:

رد: هل زواج الشاعر من الشاعرة ناجحا؟ **تفضلووو اتحفوو مسامعي برائيكم ..

إذا كانوا شعرآء بمعنى الشعر الحقيقي ,,, من وجهة نظري إنه سيكون مشروع جدا ناجح .. بشرط أن يكونا شعرآء وليس مستشعرين ... صراحه .... فكره حلوه :(107):

رد: هل زواج الشاعر من الشاعرة ناجحا؟ **تفضلووو اتحفوو مسامعي برائيكم ..

طبعا لو كنت شاعره ماراح أقبل بشاعر :sm4:
الشاعره لازم تتزوج شخص رسام يرسم المشاعر تتزوج مهندس يفتح المشاعر تتزوج شخص عكسها حتى
يبرز شعرها ويقدرها تتزوج شخص مخالف حتى تلمع بسمائه:106:
ومابالكم فربما كل متشابهين ضدين بنفس الوقت :139:

رد: هل زواج الشاعر من الشاعرة ناجحا؟ **تفضلووو اتحفوو مسامعي برائيكم ..

والله اشوف انه عادي جدا شاعر يتزوج بشاعره وين المشكله .

بالعكس الملهم بصير قريب . بالنسبه للغيره وشلون يعني الزوجه تحب واحد ثاني

وتكتب فيه مستحيل واذا صار هالشي حتى لو ماكانت الزوجه شاعره ما بغير بس اللا برا

غير كذا وين المشكله , اصلا الشعر مو ما اخذ من حياتهم اللا القليل وتستمر الحياه ويبقى التميز دايما يلازمك اينما ذهبتي شكرا لك

رد: هل زواج الشاعر من الشاعرة ناجحا؟ **تفضلووو اتحفوو مسامعي برائيكم ..

الامور هذي من رب العالمين ..

هو من ينزل التفاهم وهو من يرفعه

رد: هل زواج الشاعر من الشاعرة ناجحا؟ **تفضلووو اتحفوو مسامعي برائيكم ..

ـ

سبحان الله ربي زوج وشـالكل

دائماً نسمعهـا

عوافي