ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى المواضيع العامة (https://vb.ckfu.org/f3)
-   -   رأيكم في التدريب التطوعي ماهو !! (https://vb.ckfu.org/t32936.html)

فرحة العمر 2009- 3- 28 07:16 PM
رأيكم في التدريب التطوعي ماهو !!
 
مساء الخيرات
سؤالي عن التدريب التطوعي
ما رأيكم فيه !!
طبعا لا راتب ولا وظيفه يمكن بعده على حسب التوفيق من الله ومزاج رئيس العمل
انا كلمت الحرس الوطني وقالوا لي في تدريب تطوعي ..
وايضا ارامكو فيه تدريب تطوعي
شنو رايكم في ا لتدريب التطوعي
.....................
ماهي السلبيات والايجابيات !!!

super 2009- 3- 30 02:43 AM
رد: رأيكم في التدريب التطوعي ماهو !!
 
هلا فيك

تبي نصيحتي ..

تدرب .. حتى لو مافيه راتب ..

على الاقل تاخذ خبره في مجال عمل

واكيد راح تستفيد منها في يوم من الايام

يكفي انك تستغل وقتك بشي مفيد

والله يوفقك لعمل يغنيك بحلاله عن حرامه وبفضله عمن سواه

Mo0_0ony 2009- 3- 30 12:01 PM
رد: رأيكم في التدريب التطوعي ماهو !!
 
...... طيب وين اماكن التدريب التطوعي للبنات ..... ؟

ضمه حنونه 2009- 3- 30 02:27 PM
رد: رأيكم في التدريب التطوعي ماهو !!
 
والله ودي اشتغل تطوع عشان اخذ شهادة خبره
بس ماعرف وين تطوع للبنات
ابي يكون بالظهراااان ياليت اللي عنده فكره مايبخل علينااا

ضحى 2009- 3- 30 04:20 PM
رد: رأيكم في التدريب التطوعي ماهو !!
 


انا عن نفسي اتمنى اتدرب تطوعي

بدون راتب احسن لي من الجلسه بدون شغل

اكسب خبرة وممكن يعجبهم شغلي ويوظفوني عندهم

بس وين الاماكن اللي ممكن نتدرب فيها تطوعي وتكون مناسبة لي


كـل الشكـر لـكـ

:

ضـ ح ـى

avicenna 2009- 3- 31 11:31 AM
رد: رأيكم في التدريب التطوعي ماهو !!
 
كم عدد ساعات التدريب التطوعي (الدوام اليومي) هل نفس ساعات عمل الموظفين ؟؟؟

هل يكون فيه مشرف او مشرفة تستطيع الرجوع لها او لأ ؟؟؟

هل يكون لك مرضى تمسكيهم لحالك او ايش السالفة ؟؟؟

سمعت شي عن سالفة ان لازم روحة المديرية العامة ودفع مبلغ وقدره (يقال 800 ريال) وفيها السالفة انتظار هذا بالنسبة للمستشفيات الحكومية فما مدى صحة الكلام ؟؟؟؟ وهل جميع المستشفيات الحكومية تعمل بهذا ام هناك استثتاءات ؟؟؟

شكرا على اثارة الموضوع المهم جدا

تحياتي

اختكم

فرحة العمر 2009- 3- 31 04:35 PM
رد: رأيكم في التدريب التطوعي ماهو !!
 
مساء الخير اخواتي واخواني ..

انا لمن اتصلت للحرس الوطني عشان التدريب الصيفي الخاص للطلاب الجامعيين
فكرت انه يكون لنا ايضا لمن تخرج يعني وخاصه ان ماكو راتب ..
المهم قلت لها في تدريب ثاني
قالت لي تطوع تقصدين !! قلت لها نعم
قالت لي : يوجد
وسألتها هل يتم توظيفي بعدها !!
قالت لي :: على حسب المجهود وايضا المكان الشاغر

وانتهت المكالمة
وايضا يوجد تدريب تطوعي في ارامكو
واغلب الشركات ايضا

لان تطوع من غير راتب يعني هم المستفيدين ايضا وانتم كذلك ...

المشكله في كلفة المواصلات العاليه
لو كنت في ا لظهران او الحرس
المشوار يكلفني الكثير ..
حظ جميل اتمناه لكم جميعا
ونسألكم الدعاء

نجوته 2009- 4- 1 03:10 AM
رد: رأيكم في التدريب التطوعي ماهو !!
 
فروووحه ايش تقصدين في الحرس قصدك مستشفى الحرس؟
وأرامكوا كيف تطوعي يعني اكلم مين عشان الشغله هذي
ياريت تردين علي

فرحة العمر 2009- 4- 1 04:04 PM
رد: رأيكم في التدريب التطوعي ماهو !!
 
ايه اختي اقصد مستشفى الحرس الوطني في الدمام
وعن ارامكو مادري والله تكلمي مين
بس اتصلي على ادارة التوظيف وقولي لهم
ماراح يردونك اصلا لانه تطوعي
والله يوفقكم

نجوته 2009- 4- 1 04:36 PM
رد: رأيكم في التدريب التطوعي ماهو !!
 
مشكووووره قلبوو تسلمي

avicenna 2009- 4- 8 01:11 PM
رد: رأيكم في التدريب التطوعي ماهو !!
 
مشكورة خيتو فرحة على المعلومات القيمة

انا اخذت فترة من امتيازي في ارامكوا ...بصراحة ما اقدر اعيد التجربة حاليا ...يمكن بعد خمس سنين او لمن يغيرون الستاف في قسمي يمكن اروح ....انا اشتغلت في الاين بايشنت اللي هو التنويم ومرة استنانست باعتبار اني احب التنويم اكثر من العيادات الخارجية....اجمالا بعيدا عن بعض المنغصات ..كانت تجربة ممتعة للغاية وما تقعدي فاضية وهذا ما احببته جدا في هذه التجربة

اختي نجوتة

اعتقد انش لازم تتصلي على career development ..للأسف ما عندي رقمهم ...بأشوف اذا كان موجود عندي وسط كومة الاوراق القديمة

طيب خيتو في التطوع يعطونا شهادة تثبت ان احنا اشتغلنا عندهم ؟؟؟؟ هل يعاملونا كالموظفين ؟؟؟؟

المشكلة الواحد يخاف يروح تطوع وبعدها يرموا كل الشغل عليه ويخلوه زي الشغال عندهم .... (يعني على الاقل نبغى نشوف اذا يعطوا شهادة عشان تنحسب لينا خبرة )...ومثل ما قلتي هو المشوار والمواصلات هي العائق في غالب الاحيان

موفقين جميعا

تقبلوا تحياتي

اختكم

avicenna 2009- 4- 8 01:25 PM
رد: رأيكم في التدريب التطوعي ماهو !!
 
جبت لك اختي العزيزة ارقام الاتصال بأرامكوا من موقعهم على النت

http://www.saudiaramco.com/irj/servl...ntact+us&ln=en

بتشوفين الاول عناوين الاتصال بخصوص الوظايف في كل فروعهم والايميل

والثاني لبرامج الصيف للطلاب

بالتوفيق لنا ولكم وللجميع يا رب

تحياتي

اختكم

فرحة العمر 2009- 4- 9 01:33 PM
رد: رأيكم في التدريب التطوعي ماهو !!
 
الله يوفقكم اخواتي ..
مادري اذا في شهاده اولا
المشكله في المواصلات والنتيجه يمكن ما يكون في توظيف اصلا
وهو على كيفك تروحين اي يوم
ان شاء الله لو بس 3 ايام من اسمه تطوع على كيفك وهالكلام قالوا لي لمن سألتهم من زمااان

الله يوفقكم وتطلع لينا ولكم وظيفه دائمة فيها الخير والبركه
قولوا امين يارب العالمين

نسألكم الدعاء

نجوته 2009- 4- 9 07:30 PM
رد: رأيكم في التدريب التطوعي ماهو !!
 
بنوتات انا لسع ماكلمتهم بس تتوقعون يقبلوني تطوع لاني انا خلصت جامعه والحين في البيت
يقبلوني؟ والا لازم اكون ادرس الحين؟؟؟
ردولي خبر ياقماري

فرحة العمر 2009- 4- 11 11:27 AM
رد: رأيكم في التدريب التطوعي ماهو !!
 
يا مرحبا اختي
لا عادي التطوع ماكو مشكله تدرسين تخرجت حديثا او من زمن فرعون هههـ
عادي اختي
تطوع من اسمه
وفي تطوع في الصيف
وفي تدريب في الصيف
وهو يشمل الطلاب بالجامعه
ولكن التطوع مدار السنه ويشمل اي فئه
موفقه اختي ولاتسينا من الدعاء
وطمنينا عليك
واستعجلي بالطلب لان يمكن يكون زحمه في الصيف ..مع طلاب الجامعه والمدارس
وانت شنو تخصصك !!!!!!!!
موفقه الى كل خير

نجوته 2009- 4- 11 12:54 PM
رد: رأيكم في التدريب التطوعي ماهو !!
 
هلا وغلا يالغاليه
انا تخصصي تغذيه وعلوم اطعمه
ومحتاره اكلمهم والا لا بس قبل لا اكلمهم ابي وحده جربت عشان تقولي فوائده واضراره

الله يوفقكم يارب ويسعدكم

لاتنسون تضعون تجاربكم انا في الانتظار

m.s.i 2009- 6- 21 11:08 PM
رد: رأيكم في التدريب التطوعي ماهو !!
 
ياريت اللي تجرب التطوع بالصيف او التدريب ..

تعطينــا خبر ..

لو للسنه الجايه ..

أميره بشموخي 2009- 6- 21 11:27 PM
رد: رأيكم في التدريب التطوعي ماهو !!
 
اييييه التدريب التطوعي اذكر وحده من صديقاتي قالت انها كلمت ارامكو على اساس تشتغل عندهم

سألتهم عن المعدل اللي يطلبونه وقالوا المعدل المطلوب وبعد قالوا مهم يكون عندك شهادة خبره..

وهذي ناخذها من التدريب التطوعي..يعني مفييييده حيييل..

ههههههههههه وعلى فكره احنا لسى باااقي على التخرج كثيير بس مستعجليين..

يعني اللي امتياز واللي مخلصين يلحقون في الإجازات على التطوعي منها اجر ومنها تكسبين خبره وشهاده..

بالتوفيق للجميع..

مدريد 2009- 6- 22 05:16 PM
رد: رأيكم في التدريب التطوعي ماهو !!
 
انا اقترحوا عليي

بس اطلب قيمه البنزين من عند الوالد

قلنا خبره اوكي

لكن يستحوا شوي ويعطونا 2500 على الأقل

والتطوع المفروض بس في في الهيئه
هيئه الأمر بالمعروف

أميره بشموخي 2009- 6- 23 05:20 PM
رد: رأيكم في التدريب التطوعي ماهو !!
 
ههههههههههههه

ليه بس التطوع المفروض في الهيئه؟؟ووش معنى يعني؟؟

بالعكس احنا ديننا دين سلام وتعاون..

مو مهمه الفلوس..

اهم شيء الأجر..

المفروض احنا اللي نحمد ربنا لأن السالفه فيها شهادة خبره..وش نبي أكثر من كذا؟؟

بالتوفيق للجميع..

:119:

مدريد 2009- 6- 24 05:13 AM
رد: رأيكم في التدريب التطوعي ماهو !!
 
الهيئه مافيها تطوع

الدوله تصرف راتب

مو المفروض فيه تطوع

لو انا غلطان

أميره بشموخي 2009- 6- 24 07:07 PM
رد: رأيكم في التدريب التطوعي ماهو !!
 
الهيئه هذا جهااز خير..

وفيه عاالم تشتغل فيه ..

يعني اكييد فيه منهم اللي مايبون الا الأجر وماتهمهم الفلووس وغيرها .. لكن لابد من الراتب لأنه يعتبر مجاال..ومن وين ياكلون الله يهديك..

هذا مجال عمل كااامل..له ادارات وله فروع وكل شيء..

التطوع يكون شيء زااايد عن الحاجه..واذا نبيه عشان الأجر بس..

:119:

لكن الهيئه احنا في امس الحاجه لها..

الله يوفقهم لما يحبه ويرضااه..


All times are GMT +3. الوقت الآن حسب توقيت السعودية: 05:00 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه