|
رد: (حقيقة) تفاصيل فتاة (حياة مول) والهيئة بسبب المناكير؟؟
كبروا اعقولكم زمن الاستنساخ ولى وهرب اليوم زمن الفكر والعقل والكلمه والحكمه
مافي شيء يجي بالقوه مثل اول اليوم نحتاج النصح والتوجيه اكثر من الشده والغلظه ولو تعامل رجلي الهيئه مع الفتاه باسلوب راقي مع توجيه النصح بطريقه لطيفه وتركها في حال سبيلها لاكان افضل وممكن تتاثر وتخرج من نفسها من السوق وترى انها كانت محل انتقاد وموضع شبهه بدلا من الطلب منها الخروج بالقوه من مكان عام يرتاده عامه الناس مع اثاره الضجه ولفت الانتباه امام الماره نحن نحتاج الى تحكيم العقل قبل تحكيم العاطفه وان لانندفع ضدطرف على حساب الاخر ونحن لانعلم ماهي الحثيثيات والتبعيات للموضوع بمجرد الظن والشك. |
رد: (حقيقة) تفاصيل فتاة (حياة مول) والهيئة بسبب المناكير؟؟
سبحانك اللهم وبحمدك أشهد أن لا إله إلا أنت أستغفرك وأتوب إليك ,,
أستودعكم الله ,, وأعتذر إن قسوت قليلا أو أخطأت بحق أحدكم ,, وأسأل الله أن يهدينا جميعا ,, وأن يردنا إلى دينه رداا جميلا ,, اللهم آآميين ,, |
رد: (حقيقة) تفاصيل فتاة (حياة مول) والهيئة بسبب المناكير؟؟
اقتباس:
ولو ان الفتاه كانت محتشمه لما استوقفها رجال الهيئة وطلبوا منها الخروج من السوق ولو ان الفتاه كانت كاشفة عن وجهها وتمشي بكل احترام لما استوقفها احد لكن مكياج الاعراس واللبس الضيق على روايه احد الحاضرين في الموقف وقلة الادب وطول اللسان وانعدام الحياء أدى الى ذلك ............. اللي يرضى هالشي يطبق على من تحت وصايته من الفتيات ويروح معهم للسوق واذا احد رجال الهيئة ناصحه يقو لهم اللي في خاطره |
رد: (حقيقة) تفاصيل فتاة (حياة مول) والهيئة بسبب المناكير؟؟
والله البنت قليلة ادب انا اقترح يوضع بكل سوق مكتب يكون خاص للهيئة يتواجد فيه نساء من الهيئه علشان بمثل المواقف هذي يدخلن النساء واحتجازها عندهم حتى تجي ام البنت ويتفاهمون معها الواضح ان البنت متهورة الله يعافيها ويسترنا ولايبلانا |
رد: (حقيقة) تفاصيل فتاة (حياة مول) والهيئة بسبب المناكير؟؟
والله يا اخ خالد استغرب من اللي حط لنا عصور ومصنفها !!! من متى ياخي كنا في استنساخ والا كل شي بالقوه
الا بالعكس ماعمري سمعت عن هالخرابيط اول لان الكل كان عارف حدوده وموقف عندها الحين الدعوه صايره سلطه بسبب هالخرابيط اللي طالعه هاليومين حقوق المرأه وانها مسيكينه ومضطهده ويبي لها من ينقذها من اللي هي فيه و والحقوق الضايعه اللي يبون يلاقونها لها و الحريه و نكلمهم بالعقل واللي مايبي نخليه المهم لا نضغط ع احد ماشفت احد تكلم ع حقوق المعلقات من ازواجهم ولا المعنفات من ازواجهم او ابائهم او المحجور عليهم لرواتبهم ولا المحرومات من الورث ولا المحرومات من عيالهم ولا شي ماشفنا الا حثاله تبي سيارات و تتوظف زي الرجال !!! اشوف ان زمنا لا يزال فيه خير ولا يفترض بنا ان نقول الزمن صار الان بالحكمه والعقل !! واحنا اول همج !!! اسلامنا واحد اول والحين هي العقول اللي بدت تتوجه مع هذا او ذاك وتصدق شعارات الهيئه من قال انها ما كلمتها بطريقه لطيفه اول ! من اللي شاف الوضع صدق يجي يعلمنا !!!!! بس هي لان ع راسها بطحه حسست عليها وانفلت عيارها فيه ناس ياخذ الهجوم كوسيله للدفاع وواضح انها مو صاحيه لانها اخترعت فلم ممكن يطلع يدعسها ان شاء الله بالسياره !!! هي راعية اكشنات ومسويه خذوهم بالصوت لا يغلبونكم !!! ولو هي ع حق ما انحاشت !!!! والا !!!! طلبهم منها بالقوه افففففضل شي عشان تحرم تكررها لانها لو كررتها معناها هي راعية مشاكل ولو ما عملوا كذا انفلت الحبل ع الغارب للكل وسالفة النصيحه انا مجربه مع خالتي موقف مشابه !! وحده مطلعه قذله واسفل شعرها طالع فخالتي بكل براءه قامت نبهتها قامت هذيك تصيح اوووووووف ايش دخخخخخلك كيفي انا اللي ما يخاف من الله لازم نخاف منه !! خالتي ابتعدت واخذت اجر ان شاء الله وهذيك اثمه بالصياح والفتنه ان شاء الله لا نجي نقول بالهداوه وماندري وش الحيثيات ... لان من سلك مسالك السوء .. اِتُهِم |
رد: (حقيقة) تفاصيل فتاة (حياة مول) والهيئة بسبب المناكير؟؟
الحين صارت تكفر منال الشريف الهيئة وتبينها تطالب بحقوقك؟؟
ذهب الا أسلو وشوهت الدين الاسلامي ولم تذكر ميزة وحده للأسلام والمسلمين وحزنها على الذين ماتوا في 11سبتمبر ولم تذرف لها دمعه في الملايين الذين قتلو من المسلمين ولا هذا مايستهوى اهوائهم مقال د.نوره خالد السعد (من سمح لـ منال الشريف التحدث باسم نساء الوطن؟) رابط المقال http://rabee3-al7rf.com/Archive.aspx?AID=97 ياعجبي لبعض العقول المكابرة انما تناقض نفسها الحق واضح لاكن النفس وماتهوى https://www.youtube.com/watch?v=a0rRuTdQnA0 وهذا امريكي يرد على منال شريف في مسأل قيادة المرأة http://www.youtube.com/watch?v=8WrbbmoOGjQ حقيقة منال الشريف ومن يدعمها http://www.youtube.com/watch?v=g9QGM...ature=youtu.be |
رد: (حقيقة) تفاصيل فتاة (حياة مول) والهيئة بسبب المناكير؟؟
اقتباس:
اجل نظل نستنى لما الشريعه تقول زمن الاستنساخ ولى عشان نتغير صح ؟ صح ما ولى زمن الاستنساخ المفروض نظل مستنسخين لماااا الشريعه تعطينا أمر بفك الاستنساخ هههه |
رد: (حقيقة) تفاصيل فتاة (حياة مول) والهيئة بسبب المناكير؟؟
اقتباس:
لا بالله ؟؟ تبي تفضح بنات الناس ؟؟ كل يوم ساحبين وحده و حاجزينها |
رد: (حقيقة) تفاصيل فتاة (حياة مول) والهيئة بسبب المناكير؟؟
اقتباس:
اما وقد وصل الحال لما هو عليه وطلبك انت والبعض ترك الامور على حالها فهنا يتضح انك احد الدعاة (( لهدم الدين )) عن طريق دفن الامر بالمعروف والنهي عن المنكر وتحكيم العقل هو التالي (( مطالبة الحكومة بمنح صلاحيات كاملة لهيئة الامر بالمعروف والنهي عن المنكر في وقف كل يتعدى حده بلفظ او تلميح او لبس خادش ومعاقبته خلال مدة لاتزيد عن 3 ايام والتشهير به او بها ليكون عبرة لغيره حينها سيرتدع منهو على هذه الشاكلة لان همهم انفسهم وليس دينهم )) وانا اتحداك ان تستطيع ان تعمل عمل مخالف اذا ما شهر بك وامثالك لمخالفة دينية .عندها ستخرس الالسن المطالبة بالحرية المسمومة ...اما اذا نفذ طلب في الاكتفاء بالنصح فهو هذا من اوصل المذكورة الى هذا السفه )) بعد الصلاة ان شاءالله نتواصل |
رد: (حقيقة) تفاصيل فتاة (حياة مول) والهيئة بسبب المناكير؟؟
:eek:
|
| All times are GMT +3. الوقت الآن حسب توقيت السعودية: 04:36 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام