|
مابين الأمنية والواقع !!!!!!!
صباح الخير للاخوان والاخوات شباب تتذكرون يوم كنا صغار ( اللي بعمري لازم يرجعون لورا من قلب) كانوا مدرسينا الله يذكرهم بالخير ويرحم من مات منهم يسألوننا وش ودك تصير اذا كبرت حتى شيباننا كانوا يسألوننا نفس السؤال وكانت اغلب الاجابات ..... يا شرطي لاحظوا مو عسكري (يعني ذابحتنا الوطنيه) أو طيار(أيه هين على أساس جدي وجدك شاركوا ببيرل هاربر) أو مهندس( ( والواحد منا لو يدخل مستودع بيتهم يلقى بقايا بيت شعر,يد نجر,طنب متلولس,رواق مرقعته العجيز بخيشة رز,((شي مدور المفروض انه يكون قدر, ) ),,, (ياحليلنا اول على نياتنا) هالحين ماشاء الله ابتعاثات للخارج وجامعات ومعاهد و,.و.و.... ياه كانت ايام حيل حلوه الزبده من تهقون المسئول عن (الوقوف بوجه طموحاتنا النابعة من تحرير الذات من دوجة الشوارع بالقوايل والادمان على لعبة التيل هل هم ((الاهل ام المدرسة ام حنا ماحولك أحد)) نبي كل واحد فيكم يقول بصراحة وش كانت امنيته ووش صار بالواقع وان كان فيه اختلاف مابين الامنية والوافع يطرح الاسباب انا عن نفسي اختلفت الامنيه عن الواقع لاسباب وراثيه حيث ان جينات العائلة جمعاء (على قد الحال ومرات تفوت هههه)
من كتاباتي السابقه |
رد: مابين الأمنية والواقع !!!!!!!
رهيييييييييييييييييييييييب قسم بالله:hahahahahah:
أمــا ذي عجبتني [ أو مهندس( ( والواحد منا لو يدخل مستودع بيتهم يلقى بقايا بيت شعر,يد نجر,طنب متلولس,رواق مرقعته العجيز بخيشة رز,(( ]~ أنا أثق تمــامـا أن الطموح من يبنيـه هو الأب والأم .. فمثلا أنـا وأنـا صغيرهـ أي إنجـاز أقدمـه إلا بابا يحمسني عليهـا لين تصبح موهبـه وإبداااع وإنتـاج والحمدالله كبرت وطموحـاتي كثيره ومستقبلي أنا من يبنيه الآن أحتـاج فقط بعض التوجيهـات البسيطه منه يخليه لي يارب ولاأنسى دور أمي :004:.. خطـأ أن تجعل طفلـك يتوقف تفكيره على المهندس أو الشرطـي فقط . جميـل أن تبني به ثقـه وطموووحـا تجعل منـه .دكتورا ومهندسا وطيارا وشرطيـا . فقط نحتـاج أن نبني الثقـه بأنفسهم :(204):]~ [سلمـان اللحيدان]كلامـك جميــل وفكاهي وأسلوبـك قصصي تسلسلي رهييب :(204)::rose: . |
رد: مابين الأمنية والواقع !!!!!!!
فقط نحتـاج أن نبني الثقـه بأنفسهم ]~
[سلمـان اللحيدان]كلامـك جميــل وفكاهي وأسلوبـك قصصي تسلسلي رهييب . أشكر مرورك وإطرائك :060::060::060: عموماً فعلا مو مجاملة ماقلتيه هو عين الصواب |
رد: مابين الأمنية والواقع !!!!!!!
طيب ماقلتيلي بالله وش كانت أمنيتك وهل تحققت؟؟؟ ولو جزء بسيط منها!!!!!
|
رد: مابين الأمنية والواقع !!!!!!!
يالله حي شايبنا
انا صراحه كانت امنيتي اني اصير دكتوره :bawling:<~ وانا اذا شفت الدم يغمى علي هههههههه بس صراحه اخوي اللي رفض اني ادخل طب يقول اقضبي ارضك بس ولسى اقوله ترا وربي مو مسامحتك انك حرمتني من شي ابيه قالي اوكيه الوعد يوم القيامه :Looking_anim: اكرهه:41jg: الا ممكن تفسر لي بعض الجمل <~ لاني بديت اتعلم اللهجات طنب متلولس:sm5: رواق:icon120: وشكريات على الموضوع اللذيذ الخفيف الطريف |
رد: مابين الأمنية والواقع !!!!!!!
لكل زمان رجاله - وتستمر الحياه . |
رد: مابين الأمنية والواقع !!!!!!!
يسعد صبآحك سلمآن ,
أوآفق " رنـو " كثير في اللي ذكرته عن آسلوب الطرح ~ ×~ من تهقون المسئول عن الوقوف بوجه طموحاتنا ؟ حنّا أو حنّا أو حنّا ! حنّا رقم واحد : مآ طورنا نفسنا بشكل كآفي عشآن نحقق اللي نبي بسهوله نبي نصير ونبي نحط ونبي نسوي , والمعطيات وشهي ؟ شهاده ثانوي بالدف بدون اي خبرات ولا مهارات . حنّا رقم اثنين : سمحنا لـ المجتمع " سواء اهل , اصدقاء , اطراف اخرى " انهم يأثرون علينا بشكل كبير لدرجة أنهم صآرو عقبه مُسَلّم أمرها ! حنّا رقم ثلآثه : نشوف آهل الوآسطآت يتقدمون علينا , ننظلم و تؤخذ حقوقنآ ونكتفي بالحلطمه نجهل المكان الصحيح اللي المفترض نتحلطم فيه , أو نخشى على مصالحنا الشخصيه اذا كشفنا قضية فساد ! [ كلآمي مآهو تعميم , حالات شفتها في اوساطنا على المستوى الجامعي ] فضّلت الجوآب على الشق الأول , لأن الشق الثآني وبفضل من الله بديت بتحقيقه :004: , تعرفون مترجمة قناة الجزيرة ؟! :biggrin: أبي آصير مترجمه أسرع منها , واترجم انجليزي - اسباني - عبري :58545: نآويه آدمج الحضارات الغربيه مع مستعمرين أندلسنا وفلسطينا مع الحضاره البدويه المحليه ^ آمنيه عجيبه بس عآزمه ع تحقيقها :sm5: . . سلمآن , شكرآ لـ متصفحك :rose: تقبل مروري وَ إطآلتي :icon120: |
رد: مابين الأمنية والواقع !!!!!!!
باختصار راحو الطيبين
انتهى |
رد: مابين الأمنية والواقع !!!!!!!
حلوه اشوف الدم يغمي علي:hahahahahah: علي سالفة اللعب بالقدور أنا كنت أقلب الكنب والكراسي واحط فوقه شرشف خفيف وندخل تحت الكنب ,,,,, يعني خيمه:biggrin: يا حلو ايام الطفوله اللي كانو يعطوني عشره ريال ماكنت ارضي فيها ابي 3 ريال كنت أحاسب بكثر الورق:hahahahahah: يالله |
رد: مابين الأمنية والواقع !!!!!!!
:rose: السلام عليكم ورحمة الله وبركاته :rose: اخي سلمان طررحك كثير حلووو يجزاك خير عليه :(204): بس انا اشوف انو احنا المسؤولين عن قراراتنا ... مهما كانت الضغوط من حولي تجبرني مادخل اللي ابغاه.. ارفضها وبصراحه مو حلوو ان اي شخص يحاول يحبط من معنوياتك او يعجزك بعباراته : أنت ماتقدر عليه , مايصلح لكـ .. صععب ومن هالكلام :064: الواحد اذا وده بشي يقعد مع نفسه ويفككر ويعرف ذاته ويعرف ايش يبغى .. كذا حيمشي:wink: و ما امنع الاستشاره .. بالعككس شي حلوو .. وياما من هالاستشاره تعرف تفررق بين اللي يبغى لك الخير ويحفززك .. ومين اللي يحبطك ,,:119: آسفه ع الاطاله وتقبل طلتي وشكرا جزيلا ع الموضوع:rose: |
رد: مابين الأمنية والواقع !!!!!!!
اقتباس:
اتمنى وصلت الفكره اخت الطرف الخجول ؟ http://www.mobdi3ine.net/up/13384675401.jpg |
رد: مابين الأمنية والواقع !!!!!!!
اقتباس:
اكتفى بهذا الرد الجميل والتعليق الرائع :(204): شكرا لك يااخى سلمان واتمنى لك التوفيق والنجااح :oao: |
رد: مابين الأمنية والواقع !!!!!!!
اقتباس:
ياسلام عليك يابن فهد ياخوى تراك هيضتنا الله يجزاك خير وترانا مبطين عن البر :icon9: فالصحرااء هى مستودع الراحه وفيها مستقر النفس والبعد عن الضوضاء والازعاااج قال الشاعر // انا لا ضاق صدرى ركبت الجيب واخليه يشبع من هوى نجد وترابه وقال الشاعر // يامل قلب مع هوى البر مشتاق يضيق صدره من مقعدا وسط البلادى ,,, تحياتى لك ياذيبان :(204): |
رد: مابين الأمنية والواقع !!!!!!!
اقتباس:
<~ جالسه تحقظها :060: |
رد: مابين الأمنية والواقع !!!!!!!
+
أنا بيني وبينّ الاماني ثار :( انا المعاقهّ في امور كثيره وتصرُ ع المشي امام سخريهُ الاطباءّ موضوعّ محزنُ واللهّ شكرُا سلمان |
رد: مابين الأمنية والواقع !!!!!!!
لا الامنيات تحقق الواقع
ولا الواقع يساعد بتحقيق الامنيات ربما تحلم بتحقيق شي والواقع يفرض عليك تحقيق امنيه اخرئ الامنيه والاحلام هي وليدة الواقع والحاضر الاصرار بتحقيق امنيه هو بحد ذاته وصول اليها استنتاج* انت وحدك تصنع امنيتك رغم انف الواقع لان الامنيه لها الف باب لاتقف عند بابا اغلقه الواقع امامك ابحث عن ابواب اخرئ بارك الله فيك |
رد: مابين الأمنية والواقع !!!!!!!
- أنا أرى أن السبب في عدم تحقق بعض من أمنياتنا هي >>تقدير الله <<,, ولا شك أن قدر الله هو أفضل لي مما تمنيت ,, لكن والحمد لله فأمنيتي في طور التحقق,, وأسأل الله أن يعينني على تحقيقها ,, اللهم آآميين ,, |
رد: مابين الأمنية والواقع !!!!!!!
آلأمنيآآآت وآجد بس من نآحيه آلمستقبل :bawling:آلأ نصير ب آلتدريس :bawling: وآلتدريس مأحبه
فَ بهيك حآله شطبنــآ ع آلمستقبل :biggrin: .. نجي للأمُنيــه 2 وآللي هي آسآفـــر حووول آلعآلم لعل وعسى خيــو يحقق لي هآلأمنيه << متري يسلكلي ولآ جد بيحقق حلمي آلله كريم وبأقي آلأمُنيـــآت مآكو آمل وخليتهم بحآلهم :hahahahahah::hahahahahah: وب آلأخيـــر أحسن من آلأحلآآآآآآآم مأأأكــــــو :cool: |
رد: مابين الأمنية والواقع !!!!!!!
انا كان حلمي الوحيد اجي مدرسه ..ليييه مدري بس اللي اتذكره اني اتقمص دور المدرسه في البيت وادرس اخواني وعيال الجيران وكبرت وانقطعت عن الدراسه لكن ما زال فيني حب التدريس وشغاله تدريس ومجاني لعيال الجيران واي احد معتاز تلخيص او ترجمه لكن الحين خلااااص احس اني ممكن يكون فيه امل واصير مدرسه صدق مو تقماااص الله كريم
|
رد: مابين الأمنية والواقع !!!!!!!
اقتباس:
الله يزيدكّ أمل وقوهّ ’,ثابرّ ثابرّ ,. اتمنى توصل وتتعدئّ انا امنياتيّ لها فقطّ ثقبُ ’, وأُغلقّ أيضاً الواقع مش هو الي مقلقنا التعبان |
رد: مابين الأمنية والواقع !!!!!!!
يسعد مساءكـ/ صباحك اخي سلمان اممم حلوو مووضوعك كثييير ولو بالخاطر نعبر عن ما بداخلنا من هم بسبب هذا الموضوع اللي دآآيم يمر علينا او يجي بخواطرنا بصراحا سؤالك حلوو من تهقون المسئول عن الوقوف بوجه طموحاتنا ؟ اكيد حنا سبب قوي والجمتمع والمدرسه اقوى والاهل اقوى واقوى بس الاكيد والاهم يرجع لماهي طموحك ؟ هل هي طموح انسان واثق من خطواته ؟ هل هي طموح شرعيه م تلحق الانسان ولا اهله ولا مجتمعه بالاذى والضر ؟ هل لطموحك مستقبل بعدين, يعود عليك بالفايده والنفع ؟ هل وهل وهل ؟؟ احنا لو نفكر فيها بنلاقي بعض الاهل صادقين ومشكورين انهم منعونا من تحقيق هذا الطموح وبعض طموحنا الله يسامح الاهل انهم رفضوها ويمكن م سبب رفض الاهل لنا بهالايام الا العادات والتقاليد :icon9: بعض القبايل م تقبل انو بناتهم يصيرون دكاتره او تخرج برا المملكه تتعلم برا ومدري ايش وحتى لو واحد من خوانها ولا ابوها معاها بنفس المجال مابي اطول عليكم اكثر من كذا بس انا باختصار اقول انو السبب الرئيسي لهذه المشكله انو ماهي طموحك ؟ وطموحك هي اللي بتحدد لك مدى تحقيقها واسفه ع الاطاله اسفه جدا اخي سلمان انا احب هالمواضيع ومَ اقدر امسك يديني وفضولي عن الرد :060: بالتوفيييق للجميع ياربي :106: مودتيـ للكل :004: |
رد: مابين الأمنية والواقع !!!!!!!
هلا فيك اخي الكريم وانا بختصرها لك واذكر لك السبب وما نيل المطالب بالتمني ولكن تؤخذ الدنيا غلابا ولك الشكر والدعاء |
رد: مابين الأمنية والواقع !!!!!!!
واسفه ع الاطاله اسفه جدا اخي سلمان
انا احب هالمواضيع ومَ اقدر امسك يديني وفضولي عن الرد بالعكس أسعدني تعليقك ولا يوجد مايبرر أسفك !!!!! عموما لي وجة نظر قد تكون تختلف مع البعض ألا وهي بأن البيئة هي وحدها من كان لها التأثير في عدم تحقيقنا لأمنياتنا !!!!! نحن كنا نملك الطموح ولكن من وقف حائلاً بين تحقيق هذا الطموح وتلك الأمنية ؟؟؟؟؟ البيئة وحدها !!!!! وهنا أعني بالبيئة ... أي الدولة وتقصيرها من ناحية توفير الخدمات التعليمية وتقصيرها في وضع سياسات عليا تعنى بالقوى البشرية !!! أوضح أكثر دعوني أضرب مثلاً لو كان عندك ولدان صغيران واحد منهما أنت بذلت أعظم المجهودات كي توفر له تعليماً جيداً وبينت له أهمية المستقبل وجلبت له أفضل المعلمين ووفرت له كمبيوتر وعلمته أنواع الرياضات المفيدة وثقفته صحياً وبينت له الحضارات الأخرى ووفرت له التعلم العملي بمعنى أنك جعلته على إطلاع كامل بكل ماينتظره بالمستقبل !!!!! أما الطفل الثاني فكل ماعملته لأجله بأنك وفرت له كم كتاب وجعلته يتعلم ماتريد أنت ولم تكلف نفسك بأن تعلمه على الحاسب ولم توفر له الأمكانيات التي تجعله ينافس أخاه !!!! بالطبع النتيجه سلبية !!!!! عموما اتمنى ان تكون وصلت الفكرة والتي لا أجزم بأنها هي الصحيحة بالمطلق !!!!!!!!!!!!!!! |
رد: مابين الأمنية والواقع !!!!!!!
اقتباس:
اذا كانت الامنيه معلقه بعمل فاليوم بابا يغلق وغدا تفتح ابواب اذاكانت الامنيه معلقه بشفاء من مرض لم يخلق الداء الا له دواء اذا كانت الامنيه معلقه بمستحيل فالامنيه لم تولد براس مجنون ((اذا كانت الامنيه معلقه بالله فالله سبحانه حي لايموت)) ان التجئت لنفسك لن تجد باب وماعند الله خيرا وابقئ |
رد: مابين الأمنية والواقع !!!!!!!
اقتباس:
جميلّ كلامكّ ولكلّ أمنيه بابّ ’, ولكل مشكله حلّ اللهمٌ اجعل همُي الاخرهّ |
رد: مابين الأمنية والواقع !!!!!!!
اقتباس:
تسلم ربي يسعدك بس انا اقول لك لااا لااا لااا :sm4: انو مو السبب الرئيسي هو البيئه بالعكس مومكن وحده طموحها تكون طبيبه او محاميه او او بس م اجتهدت او اجتهد فمشا حاله باي تخصص و بعدين يجي يقول من الدوله هي اللي م وفرت ولا هي السبب لا انا مو معاك بهالنقطه اسمح لي اخي الكريم بعض كمون تحقيق طموحنا هو الاهمال والتواكل .. يعني م يصير احدد لك السبب وانا من رآي على حسب طموحك زي م قلت لك من قبل فوق واسمح لي ع التعليق مارا ثانيا واحترم وجهة نظرك رغم اختلاف ارآئنا ولكن اختلاف الاراء لايفسد للود قضيه :004: اشكركـ ع اخلاقك العاليه .. :106: تقبل مروري 2 :wink: مودتيـ :004: |
| All times are GMT +3. الوقت الآن حسب توقيت السعودية: 10:03 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام