I have a suggestion

[أم زهراء]

هذي أول مشاركة بالمنتدى، حبيت أول شي اقترح الاقتراح اذا مالقيت قبول له اسحبه بكل رحابة صدر

بما انه قربت الامتحانات والناس صارت تنشغل فيها بالمذاكرة وتتفاجئ في انه بعض الأشياء ماتذكرها وماهي قادرة تفهمها ، فليش ما نخلي صفحة لأي أحد عنده شي مو فاهمه في أي مادة يكتب السؤال وإذا أحد في المنتدى في نفس التخصص معاه بيقدر يساعده كثير أو عنده خبرة بها الشي

منها باب للمساعدة ومنها نفسية تدرون وقت الامتحانات التوتر والخوف يزيد

فممكن تعطوني رأيكم؟

[حسن]

طبعا التعاون بين الطلاب مطلوب
فكره حلوه تشجيع على مشاركة الافكار بين اصحاب التخصص الواحد
لكن هل فتح صفحه خاصة بالموضوع شي مهم ؟
اعتقد فيه ساحات لكل كليه و اي عضو يحتاج مساعده
في نقطه يستطيع يطرحها في المكان المناسب و ان شاء
الله ماحد يقصر ^_^

تحياتي حسن

[أم زهراء]

أنا لما فكرت في الفكرة عرفت انها مش عمليه في منتدى بس حبيت أطرحها من باب المشاركة

على العموم مادام انها مانالت الإعجاب وما احد حب يعلق عليها ، أسحب الموضوع بكل رحابة صدر مثل ماقلت

مشكور أخوي حسن على المشاركة

موفقين

[بـــو أحــمــد]

أم زهراء
فكرتج ممتازة جداً

و احنا اصلاً ما فتحنا الملتقى إلا علشان التعاون بين الجميع


و الحمد لله الملتقى اشوي اشوي ينتشر بين طلاب و طالبات جامعتنا ... رغم إغلاق رابطه داخل حرم جامعتنا .. بس هذا الشي ما منع من أستمرار الملتقى


و اقتراح حسن برضو ممتاز



الله يوفقج الجميع

[مرزوق]

السلام عليكم
حسب معرفتي بالأعضاء في الملتقى اشوف انهم يحبون مساعدة اي احد يطلب خدمة وفتح موضوع خاص راح يزيد من فرص التعاون بين الأعضاء وهو شي مجاني يعين ما رح نتعب لو انشأناه حتى لو استفاد منه عدد قليل من الأعضاء فهذا شي ممتاز وفي المستقبل أكيد راح يستفيد منه عدد اكبر من الأعضاء

على العموم وجوده احسن من عدمه

[أم زهراء]

مشكور أخوي بو أحمد على التشجيع
وأشكرك مرزوق على ابداء رأيك

إذا نال الموضوع رضا أغلبية الأعضاء فأنا مستعدة اني أكمل فيه ، فننتظر كم يوم ونشوف آرائكم

موفقين