|
رد: يااخوان انا في هم عظيم وابي مشورتكم
اقتباس:
ولرب نازلةٍ يضيق لها الفتى .......ذرعاً وعند الله منها المخرج ضاقت فلما استحكمت حلقاتها .....فرجت وكنت أظنها لا تفرج :verycute: ياهلابك يامنو وياهلا بريح الدواسر :004::004::004: اشكرك خيتي الغاليه واسأل الله أن يوفقك ويسددك وييسرلك امرك كله وان يغفرلك ولوالديك واحبابك ويجعل مثواكم الفردوس الأعلى صادقه يالغاليه كثير اسمع يمدحون السواقين من السودان وكينيا يقولون محترمين وعندهم مسؤوليه بس اخاف يعصبون علينا صدورهم ضيقه الافارقه :9: والفلبين نفسي اقدم على فلبيني بس يقولون مغارير وسواقتهم شينه مايتعلمون الا بطلوع الروح << شنسوي بك منين نجيب لك سواق يعني من امريكا :hahahahahah: وربك يعين الله يجزاك خير حبيبتي منو ويرزقك ماتمنت نفسك واكثر |
رد: يااخوان انا في هم عظيم وابي مشورتكم
اقتباس:
هلابك خيتي ومضه وسعناه لين اختنق ماسمعتي قول الشاعر يقولون العرب صدر الشمالي مايضيق بساع .. وانا آقول الصدور اليوم ماعادت شماليه :24: تدرين ان اختك واصله رابع بكالوريوس تربيه باقي ترم واتخرج واجلت اكثر من مره لظروف عائليه قاااسيه تهد جبااال جيت لقيت نفسي مفصوله دراسيا وممنوع اسجل انتظام باي جامعه بالمملكه وانا اختك كبرت الحين وش غير الثلاثين ومخي تعبان ومكروف والحمدلله على كل حال لكن مايأست سجلت هنا وربي ياخذ لي حقي :24: اما الضمان تدرين كم يعطون الفرد الواحد اللي تحت ولاية امهم 250 فقط لكل وحده من البنات مع امهم وينخصم راتب الوالد وهم اصلا خصموه بعد وفاته خصم كبيرررر يعني مايفيدك بشي لذلك ربي يغنينا عنهم هم وشونهم ماسجلنا فيه ولانبيه اما الجامعه مااتوقع ندرس مجاني والحمدلله ان الرسوم ماتزيد عن 2500 ع قولتك ان قدمنا ع سايق خلاص تعلمنا وتبنا من المعامله الزينه والرحمه اللهم امين عساها تنفرج علي وعلى كل مسلم ومسلمه مهمومين اسأل الله ان يجزاك الفردوس الاعلى ووالديك واحبتك وان يبعد عنك الهم والحزن وان يجعل عيشك هنيئا عامرا بطاعة الله وسعة رزقه ورحمته جزاك الله كل خير حبيبتي |
رد: يااخوان انا في هم عظيم وابي مشورتكم
اقتباس:
سمي ،، معك حق حبيبتي صموته فعلا هذا هو اللي مخليني ابدا ادرس بالجامعه من اول وجديد واكابد واتحمل روحي الله يسعدك ياشيخه ويوفقك وينجحك باعلى معدل اسأل الله ان يغفرلك ولوالديك واحبابك وان يرزقكم الفردوس الاعلى |
رد: يااخوان انا في هم عظيم وابي مشورتكم
بقولك شي ومن الاخر. والله ثم والله ان الوضع ماهو بالي انتي مفكره فيه.
انا عشت بري المملكه سنين وانا الحين داخله. الوضع قبل 20 سنه تغير. والله امراء الحين بالسجن. حني بدوله ماترضي الضلم. ومو معني ان فيه شخص ولا شخصين ولا عدة اشخاص اساؤاء الادب معاكي قلتي مافيه عدل ومافيه شمر. وانا ويني !! ارسلي لي علي الخاص اذا حابه التواصل في موضوع الهندي ولا موضوع وظيفه ولا اي شي. ودمتم بخير اختي غادة |
رد: يااخوان انا في هم عظيم وابي مشورتكم
اقتباس:
صادق وانا اختك بس احيانا قسوة الظروف تخليني افكر انسحب مدري والله من القهر ياخوي ودي اذل هالهندي كلامك نفس كلام الوالده عسا ربي يغفرلنا لانه نصاب وبيلعب علينا وتخسرنا عليه بالهبل ويستاهل نذله< ناويه تبلغ عليه ههه تعاقدت اختي مع سعودي وداها يومين وعقب اعتذر من الباب للطاقه مايحترمون الوعود والمواعيد للاسف ربك يعين يابرستيجوس الله يجزاك خير اخوي الغالي ويرزقك الفردوس الاعلى ووالديك واحبتك |
رد: يااخوان انا في هم عظيم وابي مشورتكم
اقتباس:
انا اتكلم عن حايل وافراد وبعض من المسؤولين الذين لاضمير لهم خانوا الدوله والحكومه والشعب ماتكلمت عن الدوله مهو شخص والا اثنين انا عانيت ومستحيل تحس والا تفهم لانك مامريت باللي مريت فيه ومنظورك كرجل قبلي بحت مستحيل يعطيني الحق في اي شئ اقوله انت لاخالي ولاعمي ولاولدي ولاجدي :16.jpg: لايجوز باي حال من الاحوال ان تتواصل الفتاه مع غير محارمها مهما كانت الظروف اهم شي شف بنات قرايبك لو فيه احد مثل ظروفي حنوا عليها ولاتتركونها واسألوا عنهم عشان اقول ان شمر لازالوا شمر ؟؟ عالعموم اشكرك اخوي جمال |
رد: يااخوان انا في هم عظيم وابي مشورتكم
على فكره جمال ياكثر المهايطين بشمر
بعض من اقربائي لو اتصلت عليهم امي مايعبرونها تدري ليه؟ يقولون ليه ماتزوجيننا بناتك لو انك مزوجتنا والله لو تبين امريكا الحين وديناك لها وهم منحلين اخلاقيا ومديونين وفاشلين يعني لازم مصلحه والا ماتنفعون قريبتكم الوحيده يامصلحه يانذخ ياطمع ببنات المسلمين الضعيفات مكسورات الجنااح ؟؟؟؟؟ |
رد: يااخوان انا في هم عظيم وابي مشورتكم
بهالزمن محد ينفع احد
اتكلي على ربك وشوفيلك واحد مع حرمته وياكثر الناس الاجاويد الي تسترزق من التوصيل كان ودي افيدك لاكن للأسف مااقدر كيف~ بالنسبه لاخوي جمال كما قالت اختنا ممنوع التواصل ~ والله يكون بعونك ودعواتي الصادقه لك ولاتوقفين ابحثي وابحثي عن الحلول لكل مشكله حل ضاقت فلما استحكمت حلقاتهافرجت وكنت أظنها لا تفرج واتمنى التوفيق لك وانا متابع موضوعك وبشرينا عن الي يصير ربي يوفقك ~ (واستعينوا بالصبر والصلاه ) احزنني ماكتبتي لكن ~ دائما هناك امل بالنهايه ~ |
رد: يااخوان انا في هم عظيم وابي مشورتكم
ي بعد قلبي ي غآده آلله يرحم وآلدك ويسكنه فسيح جنآته يآلله آنتم آلله يهديكم عطيتوه وجهه آكثر من آلازم مآشفتيني مره تآخر علي آلسوآق وآنآ كآن مشوآري طويل عشآن آلدرآسه وجآء ينآفخ علي وآنآ عصبت وهآوشته وقلت نعطيك رآتب عشآن وشو :32: حتى خفت آنو يسوي حآدث بسم آلله علي ويوم وصلت آلبيت وآنآ سآكته مسويه نفسي بريئه :8: عشآن آبوي طيب معهم ع نيته إلا جآء عند آبوي وهو ضغطه رآفع رفعت ضغطه :5: قآل ذي بنت مآرآح آوصلهآ :41: وآنتي يبي لك بآلقدر ع جبهتك إذآ تركتي آلدرآسه إلا درآستك مآينفع لاقريب وإلا بعيد درآستك هى إلا بتنفعك جيبي معدل عآلي وفرحي قلب ميمتك آلله يحفظهآ ويشفيهآ ويخليهآ لكم يآرب آمآ سآلفه خروج نهآئي عجبتني ذي :42: آلاخوآن وآلاخوآت مآقصروا ينشد فيهم آلظهر آلله يسعدهم ويسعدك ويفرج همك يآحي يآقيوم :34: طمنيني عن آحوآلك :16: وآنتبهي ع نفسك وع آخوآتك آلله يحفظكم ×× |
رد: يااخوان انا في هم عظيم وابي مشورتكم
إذا كانت دراستك إنتساب فمايمنع ذلك من أن تكوني موظفة والامر راجع لك إليكي هذه الروابط
قد تفيدك: تعلن شركة العلم عن توفر وظيفة شاغرة مسئول خدمة عملاء /نساء - حائل http://www.careers.elm.sa/AlElm/Vaca...1&PageId=10016 مسئول عمليات / نساء - حائل http://www.careers.elm.sa/AlElm/Vaca...6&PageId=10016 مشرف عمليات / نساء - حائل http://www.careers.elm.sa/AlElm/Vaca...8&PageId=10016 |
| All times are GMT +3. الوقت الآن حسب توقيت السعودية: 04:22 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام