تصدقون نمت وحلمت حلم , , , , ,

[فـهـد الجبيل]

بالخير يالربع والربعااات

تصدقون اني مرتن من المرات نمت ( ياسبحان الله )

عاد مهو انا نمت وانا احلم ( قل والله )



مهو بس كذا



حلمت اني انا وفلان< حلف ماقول اسمه
بالمنتخب السعودي ولعبنا معهم بكاس العالم


عاد شوفوا وش صار




طبعا قريت الجريده في يوم من الايام واقراء تشكيلة المنتخب ليمار هذا اسمي واسم فلان

صدق تسذب ياوالله اسمي

وانا اتصل على فلان واعلموه قال اقول ابلع العافيه


قلت يا فلان والله ما استهبل هذا اسمي واسمك قدامي

قال ياولد ماعندنا لياقه اخاف يستبعدوننا

قلت ولا يهمك نبي نتمرن ليما يجي كاس العالم ليمار شبعانين لياقه

قال فلان خلن اخذ اجازه واجيك بالجبيل علشان نتمرن سوا


قلت يالله


ويومين ليمار هذا هو محضر بالجبيل

قال هاه وين تبينا نتمرن

قلت باقرب شارع

قال لا اخاف يعرفوننا ولا يخلوننا نتمرن من كثر الجماهير المتجمهره

قلت انا عندي لك فكره


قال وشهي


قلت نبي نشري لنا عبي ( جمع عباه ) ونروح لشارع ورا حي الفاروق
الي يمشن به الحوامل

ونتمرن ولحد عارفنا

والله وحنا نتفق ونشري عبينا ونروح باول يوم نتمرن

طبعا اول شي نمشي مشي

وعقبه قمنا نهرول شوي شوي

وعقبه نسوي تمارين سويديه واطاله

وهم يبلشوننا هالشباب اللي يغازلون
( خبول يغازلون هالحمًل )

قال واحدن منهم تكفين ياحلوه اخاف بتصيرين مع المنتخب ( يعني فلان )

قال فلان خبيل مايدري اننا مع المنتخب


قال الاخر لا شف هالغزال الثاني اخاف بتهبل بحارس اسبانيا


قال الثالث ( هذا ذرب ) لا ياجماعه خلو الغزلان ياخذن راحتهن ( ياخي تقل عشقتوه )


عاد الله يعين هالحمل مايسلمن


الله ينفه لهن




والله وحنا نحضر مع بعثت المنتخب اللي تبي تروح لالمانيا

واول مادخلنا على الاعبين ليمار مجتمعين والله وحنا نسلم عليهم سلام عرف




وهو يقوم يحتسي علينا مدرب المنتخب وينصحنا ويوجهنا


وهو يسرد علينا التشكيله الاساسيه

ليمار انا وفلان اساسيين وحنا الهجوم ( ثنائي خطير )


والله وحنا نطير لالمانيا .

والله واول مباراة وحنا ننخرط خمسطعش صفر

والثانيه ست وثلاثين صفر

واخر مباراه سويت عهد انا وشنقل واتفقنا اننا نسجل بهالمباراة واننا نتعاون





المهم بدة المباراة والفريق الثاني ضاغط علينا

وجاء الشوط الثاني النتيجه صفر صفر



وانا استلم الكوره عند النص وانا امسك الجناح واولع الفلشر ويالله يشوفون غبرتي

وفلان يصيح عند الثمانطعش ارفع ارفع ارفع

انا يوم سمعت حس الجماهير وانا استزيل وانا اهدي وابي افرفر ( ينذخ )

وهم يقطعونه مني

وهو يجي فلان يركض

قال ليه مارفعت الكوره

قلت ياخي ضايقوني وفترو حيلي

قال انت يوم انك بسعه ليه مالعبته لي

قلت انقلع وراك ماني فاضين لك

وهو يصفقن هكا الكف اللي قمت اركض بالملعب من وجعوه

وانا انكس عليه قلت ليه تصفقن قدام الناس

قال بكيفي

قلت اذا فيك خير اطلع لي عند الركني

قال امش اذا انت رجل

والله وحنا نروح ( طبعاً في هالاثناء اللعب ماشي ولا دريو عنا )

ويوم وصلنا الركني وحنا نتقاضب الشوش

وكل واحد ماسكن شوشت خويوه

وحنا نقع على القاع وشبطي

الجماهير خلت اللعب وقاموا يضحكون علينا

والحكم مايدري وش السالفه ودخل العلاج الطبيعي


المهم اننا خسرنا بهالمباراة مثل غيره


ويوم جو يبون يرجعون للسعوديه قال مدير المنتخب انتم يالثنين مالكم حجز بالطايره

قلنا اجل وشلون

قال حجزنا لكم بالنقل الجماعي

ويوم قاله وانا اقعد من النوم من الخرعه







وهاااااااااااااااااااااااااااااااااااااا ااااااااااااااذي هي السالفه





وجيتك منهم مدري عنهم






وتقلدوا تحيتي

[أمير القلب]

مرة ثانية لاعاد تخسرون المنتخب

شدوا حيلكم وتدربوا صح

شارع الحوامل كان السبب بهزيمة المنتخب

"عليكم الإلتزام بالأخلاق السعودية"

[فـهـد الجبيل]

الجايات اكثر ان شاء الله ترقبونا قريبا هع
مشكور يالغلا على مرورك

[لولو عسل]

ههههههههههههههههههه

ههههههههههههههههه

هههههههههههههههه

الله يرجك ياشيخ وهاردلك هع هع <مصدقه الحلم هع

يعطيك العافيه

[فـهـد الجبيل]

هلا بالحجيه مشكوره ماتقصرين على مرورك لاعدمناك يارب

[روح شفافة]

هههههههههههههه

اما عاد بترجع بالنقل الجماعي من المانيااا

الله يعينك على تكسيرة الظهر هههههههه

تقبل مروري

[شموخ البدو]

ههههههههههههههههههههه اقول تغطى زين لاجيت تنام هههههههه

[sιlєит ṡσυl]

:hahahahaha h:
اهنيك ع الخيال الواسع والخصب والله انك مبدع ماشالله عليك
والله يعطيك العافيه وبانتظار جديدك بس ياخوي حتى في حلمك المنتخب خسر لاحووول هارد لك

[فـهـد الجبيل]

ههههههههههههههههههههه
يعطيكم العافيه على مروركم الحلووو لاهنتو