![]() |
رد: تجمع طآالبآات سكن الأمل بالأحساء ~
بسم الله الرحمن الرحيم
بصراحه انا بالسكن وعاجبني لانه احسه افضل سكن وهو كذلك بس عندي ملاحظات ع السكن اكيد مافي مكان يخلى من النقص ياليت لو تتغير اول شي صوت النداء اللي يخلي الواحد ينقز من نومه من الخلعه >> احس لو انه يركبوا انتر فون افضل لان هالشي مضايق اغلب البنات بالسكن النداء مهم بس مو ذاك الزود وثانيا بالنسبه للطلعات > افضل سكن بالطلعات الخلف ورجاء لااحد يقول ان احنا جايين ندرس والطلعه مو مهمه كل البنات يختنقوا من اجواء السكن والكتمه وسكن الامل احيانا يكنسلوا الطلعه بحجه فلان تعبان وعلان طالع وذاك نايم يعني مايحسوا بالبنات كيف انهم متحمسين يطلعوا بس فجاة يقولوا مافي طلعه صارت بكرا وبكرا يجر اللي بعده > مااقول دائما يصير هالشي بس احيانا وصارت كذا مره والطلعه تكون الاثنين واحيانا بنده واحيانا مجمع يعني الخلف كل يوم سبت في رحلة لبنده> مو عشان تغير الجو ولا شي بس عشان جد نحتاج اغراض مانعرفها اغلا لمن نشوفها يعني مانقدر ناخد من البقاله هالاشيا نحتاج تكون في طلعتين وحده لبنده والثانيه الى اي مكان ثاني يمكن ادارة السكن ماتحس بتعبنا وحبستنا فعشان كذا يكنسلوا الطلعه احيانا او يقولوا ماله داعي طلعتين ^ اتمنى ان يصير هالشي بس بصراحه السكن هو افضل سكن بالنسبه لي بس مافي شي كامل |
رد: تجمع طآالبآات سكن الأمل بالأحساء ~
مسـااء الخيراات
كيفكم بنـاات ؟ شكلكم حبوباات انا سجلت بالسكن غرفه احاديه بس بسأل في احد من الخبر او الدماام ؟ |
رد: تجمع طآالبآات سكن الأمل بالأحساء ~
ليلو
مساء النور الحمدلله ^_^ والله مادري فيه ولا لأ كان سألتين المكتب لما سجلتي :) |
رد: تجمع طآالبآات سكن الأمل بالأحساء ~
اقتباس:
اقتباس:
هلا خيتو الله يعافيك شوفي على حسب الموادد النازله تاخذيهااا وتمشي على الخطه واذا انتي درستي مواد عامه مشتركه بين الكليتين ماتدرسيهااا مره ثانيه وبالنسبه الى المواد الي فاتتك فاتنزل مع الحاجه اليهااا يعني اذا انتي وطالبات ماخذوااا الماده تنزل لكم على ترم جديد ام بالنسبه الى الدكاتره اتجتيك قاعات فيهااا غرفه معزوله وفيهاا الدكتور والبنث من الشاشات لكن معاكم في نفس الغرفه ويسمع اي شي هدره دخلة الباب وتصكره لكن البعض الاخر بث فقط واالمشرفه لازم موجوده معاكم داخل في حاله اذا كان دكتور سي يوو اي استفسار في الخدمه :g20: |
رد: تجمع طآالبآات سكن الأمل بالأحساء ~
اقتباس:
اقتباس:
اوكي خلينااا نتكلم بصراحه " موت دلوعه " اولاً : بلنسبه الى النداء صحيح هو مزعج بس بصراحه بتقنعيني انه يشيلوه مافي امل لان البنات فيه نداء ومو شايخين عليهم اذا جينااا نطلع للجامعه او حتى طلعه عاديه يعني النداء يتنادى ندائين واحيانااا ثلاثه ومع ذلك ينزلوااا البنات متأخرين ويالله عاد السواق يضطر انه يودي بالمشوارين واللهِ مره من المرات رايحه المستشفى مع المشرفه الصبح ومشى باص الجامعه صار اله نص ساعه ونفس الشي باص المجتمع وبنتين متفرغات توهم نازلين وحده الجامعه والثانيه المجتمع بيرحوااا مع باص الادبيه والسواق الي يودي الجامعه بيرد يودي الادبيه وبيودي بنت الجامعه وبنت المجتمع وفيه مسافه بيم الثلاث الاماكن يعني بصراحه مصاخه زي ماهم يبيو الراحه يعترفوااا بي شي اسمه "انسانيه " ويحترموااا الغير انه بعد هو تعبان مو بس هم المكتومين والي مايلبوااا طالبتهم صح ولا غلاطانه هذا شي الشي الثاني مو لآني دافعه مبلغ اباجي وافرض على السكن نظامي الخاص وش تقول الشروط الي اني وقعت عليهااا مع ولي الامر وش القوانين الي اني اتعهدت بيهااا من البدايه مع راعي السكن ومع المشرفه فماله داعي ابد اجي بعدين واسوي روحي كاني مو فاهمه شي وانزل واهواش كنهااا جديده هالقوانين وانا موقعه عليهاا من قبل حتى لاادخل السكن ........................ هذا بالنسبه لاول شي حطيتيه الشي الثاني شو ادارةالسكن مو حاسه بيكم بصراحه ما يجوز هالكلام طيب لو قلت اناا انتو مو حاسين بادارة السكن بتتقبلووو اااا الكلمه " اسفه مااتوقع " لانه بكل بساطه وبصراحه فيه شي اسمع "الاناااا" ابغى بس انفد الي بالي ولا ادري بالظروف احنااا عايشين مع بشر هذا اولا ومو غابه ثانيااا يعني زي ماانتي تعبانه السوواويق طول اليوم كرف وتبغوااا طلعتنااا تكون بدري وترجعوااا متاخرين زين متى يرتاح واذا تبووو طلعتين مو هم مخصصين ليلة للمكتبه ولليله لحجز قطار بعد انتو راعوااا هالاشياء وهي الاهم والاساس بدل الكمليات هذا شي بس انه تتاجل الطلعه عشان وحده تعبانه او وحده نايمه ماصارت اصلالالا الا في حاله وحده بس اذا كانت المشرفه تعبانه او ابو احمد او احد السواويق الا هم مهمين في الطلعه وهذول اليهم حق في التاخير ااو التاجيل لانه يتعبوااا فوق الي تتعبيه في جلسة محاضرة او محاظرتين او ثلاث في اليوم الواحد من الصبح الين الليل هذا اذا ناموااا ليل من البنات والمستشفى والازعاج وعدم المراعاة من البنات في النهايه اخت " موت دلوعه " شي بقوله احنااا بشر والانااا ماتنفع التعاون احسن اذا السكن مو مقصر الحمد لله سطح وفاتح وغرفة رياضه ومفتوحه والغربه لبنات ماتقارنيه بغربه لآولاد عشان تكون حريه مطلقه وهاذي وجهة نظر بس انسانيه مو قصدي اني اكسر كلامش او انتقادتش علشان يتحسن السكن لا ان اقول شي حقيقه قاعد يصير واتمنى الشي الي مزعجنش يتحسن الى الأفضل تحياتي " ضايعه مع الدنيااا " |
رد: تجمع طآالبآات سكن الأمل بالأحساء ~
اختي ضايعه انتي قلتي ان البنات مايقدروا عليهم حتى بالنداء
يعني به ولا بلاه مافي فايده ولو علي البنت اللي عالنزلة ماله داعي انهم يودوها لان هاذي غلطتها الا اذا كان صاير لها شي غصبن عليها تاخرت بس والله البنت متاخره ليش؟؟ لان كانت نايمه الحلوة هاذي والله المفروض مايودوها وبالنسبه للطلعه والنداء لها احيانا ينادوا وننزل والا الباب مو مفتوح ؟؟ شفايدته اجل وبعدين انا ماقلت ابي اصير مثل الاولاد بس السكن معقدين الحكاي حبتين زياده غير الخلف اهو صحيح الامل بالنسبه لي أأمن لاكن الخلف في حريه اكثر والنداء اتمنى اتمنى يشيلوه ويحطوا اختراع ( الانتر فون) وماله داعي نداء اللي كل دقيقه وصلت طلبيه البقاله >> اخ يعور راسي هالنداء بس شنسوي مضطرين نتحمل هالغربه واجواء السكن الممله وبعدين في شي مو حلووووو ابد جد المشرفه طيبه بس ؟؟!! ماادري كيف احسها تحب تتكلم على البنات ماادري ليش فلانه كذا وفلانه ماادري ايش احس المفروض انها تكون افضل من كذا وبلاش الكلام في البنات اللي مال امه داعي وشكرااا |
رد: تجمع طآالبآات سكن الأمل بالأحساء ~
مساء الخيراات
بنات من وين اطلع تصريح للسكن ؟؟ |
رد: تجمع طآالبآات سكن الأمل بالأحساء ~
ليلو
اي تصريح تقصدين ؟ |
رد: تجمع طآالبآات سكن الأمل بالأحساء ~
ما ادري والله انا لما كلمت المشرفه قالت لي لازم تجيبين تصريح من الجامعه و تودينه المكتب عشان يكتبون العقد
|
رد: تجمع طآالبآات سكن الأمل بالأحساء ~
ايوه
هذا ورقة تصريح يوقعه العمده وابوك مع 2 شهود |
All times are GMT +3. الوقت الآن حسب توقيت السعودية: 08:54 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه