°₪°Ξ«الـحـوار الســاخن بين الشباب والبنات »Ξ°₪°

[عطر الزهور]

ياي والله هالسؤال قوي في حق الشباب وهو الصدق
مشكورة أختي بنت الجامعة
فكم من أمرأة اخترعت و أبدعت و عملت ما لم يعمله عشرة من الرجال !!! ...
ززين يا ابو أحمد ترفع معنوياتنا

[بـــو أحــمــد]

عطر الزهور
كلمة الحق تقال ...

و لا مشكلة في ذلك !

[ولاية]

تحية طيبة

مشكووورة اختي شفافية الروح على هذا الطرح

وهذي الفكرة

وان شاء الله
يلقى الموضوع صداه
في التجاوب

اختك
ولاية

[•ღ. هــديــل الــروح .ღ•]

ســــــلام الله عليكم ..

كيف الحال ... إيش أخباركم ... إن شاء الله بخير ..


ماشاء الله عليكم بيضتو الوجه وإن شاء الله أشوف أكثر تفاعل ..

وربي يعطيكم العافيه أجمعين لحسن متابعتكم طوووووال مده الغياب ..



ولي عـــــــوده أخرى للإجابه على ماتم طرحه من قبل ..









وفقكم الله .

[•ღ. هــديــل الــروح .ღ•]

ليش البنات دائماً يتكلمون و يحشون في غيرهن ؟

والله ياحجي ** بو أحمد ** أصابع إيدك مو سوا ..

أنا أتكلم عن البنات إذا صادف لي مواقف محرجه أو مضحكه نجلس نسولف ..

وأحيانا ً نغير الجو نتكمل عن فلانه مســلا ً عن صفاته أو عن طبائعها الصادره منها سواء كانت مزعجه أو غير ذلك ..


يعطيك العافيه ..

ياشباااااااااب ويانواااااااااعم أبغى تفاااااااعل أكثر من كذا لا تفشلوني ..

بو أحمد

[بـــو أحــمــد]

او كي يا الــروح الـدافئ ــه
بس يرضو ترا هذا يسمونه غيبة ...
و مو حلو الواحد يتكلم على غيره في شي يكرهه .. يعني المفروض ما عليه من احد .. ما عليه إلا من نفسه !


طيب ...
السؤال الجاي ...
ليش بنات اليوم كسالى ؟:t5: .. خصوصاً في الأعمال المنزلية ..
يعني ما يساعدن امهاتهن و لا يتعلمن الطبخ و لا شي ...
ترا بعدين الزوج ما يبي اكل مطاعم .. يبي يآكل من إيد زوجته ..

[عطر الزهور]

يمكن لانها عايشه مع امها فما تحتاج تطبخ تلاقي كل شي جاهز>>>>>>>>>>> متعوده على الدلع
بس لما تتزوج في ذيك الساعة بيعلمها زوجها الادب والسنع وكيف تطبخ خخخخخخخخخخ :bgs18:

[•ღ. هــديــل الــروح .ღ•]

بس يرضو ترا هذا يسمونه غيبة ...
و مو حلو الواحد يتكلم على غيره في شي يكرهه .. يعني المفروض ما عليه من احد .. ما عليه إلا من نفسه !

طيب ..
بو أحمد .. بذمتكـ إذا تجمعتو شله شباب ماتحشون في أحد ...
لاتقول إنكمـ ماتتكلمون في فلان وعلان ..
أبغى منكـ الصراحه ..

ليش بنات اليوم كسالى ؟ .. خصوصاً في الأعمال المنزلية ..
يعني ما يساعدن امهاتهن و لا يتعلمن الطبخ و لا شي ...
ترا بعدين الزوج ما يبي اكل مطاعم .. يبي يآكل من إيد زوجته ..

هههههههه إيش اللي معرفكـ إن حنا كسالى ..:t1:
يعني نص ونص ...
نشتعل متى ماشتهينا ..بس في الأغلب نشتغل مو كله رباده مجلسين..هههههه
والطباخ يعني وياه ..

وإذا جاء حضرت المدير حزتها يحلها ألف حلال ..:sunglasses2:
نطبخ له اللي يبغى بس هو يأمر ويدلل ولا يصير خاطره الأ طيب ..:150:
لــو يبغى عيوني عطيتها ..:sunglasses2:
أيــه بعد مو ناقصين مشاكل ..

صدقني الأغلبيه كذا بيت أهلها متى ماأشتغلت أشتغلت بس في بيت زوجها تصير واحده ثانيه
تنقلب 180 درجه ..ويصير مافي أشطر منها عكس كانت بيت اهلها ..




يعطيك العافيه .. بو أحمد ..

واااااااااصل لترتقي ..

[مـــروج]

ههههههههههههههههههه ... ياحليلكم يا صبايا ,,

لـي عـودة ..

[ولاية]

جاري الرد ......

ليش البنات دائماً يتكلمون و يحشون في غيرهن ؟

انا معاك يابواحمد ان ذكرك اخاك في ما يكرره في غيبته غيبة وهي من الاشياء الي نهانا عنها ديننا
بس بعد الغيبة منتشرة عند الناس بشكل عام رجالا ونساء .. بنات وشباب .. صغار وكبار

وانا بالاونه الاخيرة لما اشوف جمعة ويتكلمون ويبون يغتابوان اقول لهم اذا بتتكلمون عن انسانه او فلانه او فلان قولوا الي بتقولن بس لاتقولون اسمه لان هذي غيبة >> طبعاً الكلام مو من عندي من عند احد المشايخ الي يدرسوني
فبكذا نحاول نبعد عن الغيبة

مسئلة ليش البنت اكثر تحب الغيبة انا بعطيك تحليل
يقولون لك البنت تتكلم (تثرثر) اكثر من الولد هذا ناتج عن فسيلوجيا في تكوينها حتى ان الجنين في بطن امه لما يكون بنت يلاحظ بالصور انها دائما في حركة تحريك لفمها ... هي جبلت كذا

ليش بنات اليوم كسالى ؟ .. خصوصاً في الأعمال المنزلية ..
يعني ما يساعدن امهاتهن و لا يتعلمن الطبخ و لا شي ...
ترا بعدين الزوج ما يبي اكل مطاعم .. يبي يآكل من إيد زوجته

هنا تعود الى اسلوب العائلة اولا في تربية البنت وتعويدها من الصغر على المعاونه والنظافة والمساعدة راح نلاحظ ان البنت لما تعتاد من صغرها تظل هكذا ولاتتغير
وثانيا يعتمد على البنت نفسها .. لابد هي تبرمج نفسها على هالشيء
وطبعا معروف عندنا (الدواء قبل الفلعة) يعني(العذر قبل الشيء) يعني مجهزة العذر قبل لايقولون لها
قومي كنسي >>قالت ظهري يعورني
قومي اعديني>> قالت والله عندي واجبات وامتحان
تعلمي تتطبخين>> قالت ليش اعل روحي من الحين
لو البنت لقت رادع وتعليم واقتنعت بداخلها كان هي من نفسها بتقوم بالعمل دون مااحد يأمر عليها

لفته ::
انا لاادعي الكمال!,,
فقد كنت كما قال بواحمد كسولة جداً جداً لما يقولون لي سوي شيء اقول لهم : (مايمر على الفسل الا الي افسل منه ^_^) بس لما انا اقنعت نفسي وانتبهت ان هالشيء بيضرني اكثر مما ينفعني تغلبت على الكسل

ويابواحمد الزوج مايبي اكل المطاعم يبي ياكل من ايد زوجتته
والزووجة الفاهمة ماترضى على نفسها تاكل زوجها من المطاعم وهي مووجودة ^_^

اختك
ولاية