قصتك مع القبول والتسجيل

[مجنونتها]

المشاركة الأصلية كتبت بواسطة اتعبتني دنيآي

مجنونتها
يؤيؤ ياحرررررررام يعني منقبله بالاحساء والرياض وبالنهايه تجلسين بالبيت وتروحين معهد :t1::o3:

اي والله قهر بس الله كريم ان شاء الله السنه الجايه احسن

[ReMoOo]

وش كان طموحه قبل القبول؟؟

انا من صغري كنت ابغى ادرس طب بس لم استلمت شهادتي نهاية السنه النسبه ما كانت تناسب التخصص :011: وقلت بدرس قانون او ادارة اعمال

- بعدها وين سجل؟؟

اووووه ما خليت مكان ما سجلت فيه سجلت في جامعة طيبه وجامعة ام القرى وجامعة الطائف وجامعة حائل وجامعة عبدالعزيز ومعهد اداره والمعهد اللي في الاحساء وجامعات الرياض وكلية سلطان وسجلت في القويعيه وفي الجبيل >>>>> حاطه امل يقبلوها فيهم كلهم وهي تختار اللي تبغاها:hahaha_2008:

- وين مانقبل ووين انقبل؟؟

انقبلت في جامعة طيبه بس مارحت (زين مارحت صاحباتي اللي راحو كلهم رجعوهم قالو اليهم مافي مقاعد كافيه بعد ماتعبوهم وخلوهم يدقو مشوار 9 ساعات رجعوهم :011:) , وانقبلت في جامعة ام القرى بس مافتحت الموقع كل راح موعد مراجعتي الجامعه , وانقبلت في جامعة الطائف امي مارضت اروح لانها بعيده ومابنزل الا في الاجازات وما في بنات معاي هناك ,وجامعة حائل ما قبلوني , قبلوني جامعة عبدالعزيز وامي مارضت اروح لانها بعيده وما بنزل الا الاجازات :011: مع انه في بنات واااجد اعرفهم هناك يمكن سكن كامل كل البنات اللي فيه من نفس المنطقه اللي انا فيها واغلبهم اعرفهم يعني مابصير بروحي:011: , معهد الاداره ماقبلوني , والمعهد اللي في الاحساء خلوني في الاحتياط يعني ماقبلوني , وجامعات الرياض ماقبلوني , وكلية سلطان ماقبلوني , والقويعيه ماقبلوني , والجبيل ما قبلوني

جلست في البيت ترم كآآمل وطبعاً الترم الثاني ماكان في تقديمات الا في المعاهد ولم فتح التسجيل في معهد الاداره رجعت قدمت فيه ورحت اختبرت ولا قبلوني

- وحاليا وين يدرس؟؟

ادرس في معهد المانع الصحي

وهل هو راضي عن دراسته كل الرضا؟؟

ايه راضيه الدراسه مره حلوه وسهله والمسات اللي عندنا طيوبات وخفيفات دم

[M0O0O0N]

- وش كان طموحه قبل القبول؟؟
آآآآآآآآآآآه على الطموح اني كنت اتمنى اكون دكتورة اسنان وبعدها لما رحت ثاني ثانوي وثالث قلت مابصير طماعه ابغي ادخل اي تخصص طبي حتى لو كان تمريض بس تعرفي وشو الي صار لينا من ورى القياس
- بعدها وين سجل؟؟
وويييي ماخليت مكان ماسجلت فيه سجلت في سلطان وسعود والفيصل والتقنيه والجوف وتبوك والحدود الشماليه والقيصم>>> ادري تقولون مو كلهم اما الباقي كنت بسجل فيهم بس التسجيل طافني
- وين مانقبل ووين انقبل؟؟
آآآآآآآآه اكيد في الشي الي ماابغاه انقبلت انقبلت في الجوف وتبوك والحدود الشماليه بس اكيد مارحت لان العيله مابتخليني اروح هلمناطق البعيده واني لما سجلت فيهم سجلت كذي بس وانقبلت في التقنيه بس هذي عاد ليها سالفه قبلوني ورسلو ليي على الايميل واني صار ليي فتره مافتحه اصلا ماليي خلقه النت بسبب التقديمات زهقوني كلا على النت وعلى مواقعهم الي ماتخلص ورسلو ليي 6 رسائل لما خلصت الناس وراحت درسة فتحت ايميلي ولا راسلين ليي بس خلاص راحت عليي
- وحاليا وين يدرس؟؟
ادرس في البيت
- وهل هو راضي عن دراسته كل الرضا؟؟
ماعندنا دراسه علشان نرضى بس ربي يكتب لينا دراسه هسنه ونفتك ياررب من جلسة البيت بس الصراحه كل واحد فينا ليه قصه مع التسجل الصراحه مره عذاب يعني حطو لينا انظمه والحين احناالي مبتلشين ابها

طبعا الموضوع مفتوح للكل يعني حتى اللي تخرجوا من سنين عادي انهم يشاركوا في الموضوع

يالله كل واحد يكتب لنا مغامراته
ان كانت مفرحه ولا محزنه

طبعا لما اشوف تفااعلمع الموضوع بكتب مغامرااتي [/QUOTE]