لماذا تم إغلاق موضوعي (( 2 ))

[أبو محمد]

المشاركة الأصلية كتبت بواسطة now or never

العذر والسموحة يا بو محمد لاني اخليت بشرط من شروط هالموضوع

لم اكن اقصد , ولم انتقد الإشراف ابداً .

وانا مع الاشراف وليس ضدهم , والنقطة اللي انا تكلمت عنها كانت مجرد تنبيه او دعوة لتفعيل صلاحية الحذف تفادياً لإغلاق الموضوع ,

وانا على علم بالصعوبة التي تواجه المشرف في الحذف من وقت وجهد .

ولكن هذا الإشراف كما تعلم تكليف وليس تشريف .

المشرف كما تفضلت بشر ما يختلف عن احد من الاعضاء .

وكثير من القرارات التي يتخذها تستند على تقديره للموقف .

انا ارى بتطبيق روح القانون سواء إيجاب او سلب .

لانه صراحة مرات اشوف مخالفة لا تندرج تحت اي قانون ولو حبيت ابلغ ما اعرف وش اكتب بالبلاغ واكتفي بكلمة (مخالف)

لكنها بالعقل والمنطق مخالفة واضحة .

اكيد المشرف راح يكون له نظرته وحكمه على البلاغ والإجراء المتخذ .


,,,

مواضيع التطوير انا معكم في طرحها ان كانت هناك فرصة للأعضاء فيها .



اقول لك النوم طار

على العكس أنت من الاشخاص الي نثق بتعابير ردوده ..
وأتفق معك على بقية كلامك ..

صلاحية الحذف في بعض المواضيع تكون مهمه صعبه ..
في بعض المواضيع تتعدآ مئات الردود بغضون ثلاث او اربع ساعات ..

في منهآ الي يتعمد ان يخلي الموضوع يتجه لمكان ثاني وفي منهم الي يرد على صلب الموضوع ..
المخالفات ماهي ورى بعض علشان المشرف يحددهآ ويحذفهآ ..
علشان كذا يتوجب عليه ان يمر الردود رد رد .. من الألف الى الياء ..
وبعدهآ يحذف ..

لكن .. اذا حذف مرة ومرتين وكل مرة يطلع ويدخل الملتقى يلقى نفس الحاله ..!!
وش تتوقع مصير هالموضوع المتعب للمشرف ؟

الإغلاق ..

أنا اتفق معك ان صاحب الموضوع ماله ذنب ويمكن يزعل وهذا من حقه ..
وبالمقابل لازم العضو ان يراعي جهود المشرف الي حذف عشرات وعشرات الردود الي هي متخلخله بين الردود الملتزمه والردود المخالفه ..

[NOW OR NEVER]

أنا اتفق معك ان صاحب الموضوع ماله ذنب ويمكن يزعل وهذا من حقه ..
وبالمقابل لازم العضو ان يراعي جهود المشرف الي حذف عشرات وعشرات الردود الي هي متخلخله بين الردود الملتزمه والردود المخالفه ..

معاك حق الردود اذا صارت بالعشرات راح تكون متعبة او شبه مستحيلة الحذف .

وان تم إغلاق الموضوع وفي رأي صاحب الموضوع انه لم يحقق الهدف الذي يصبو اليه ؟

سيقوم بفتح موضوع آخر

وسيعاود من له مصلحة من إغلاق الموضوع بتكرار المخالفات , املاً في إغلاق الموضوع الجديد .

في هذه الحالة اتمنى ان نرى من يخالف بالردود هنا

تنويه وتذكير .. + أسماء الاعضاء المحرومين من دخول هذا القسم .. !

[prestigious]

/ يحق لك وضع موقف سابق بشريطه عدم وضع اسماء أو التمليح عن الي سبب الإغلاق او المشرف الي اغلق ..

هذا ماخطته يداك ابو محمد !!
والموقف هو موضوعي المقفل!!
ايش تبغاني اتكلم فيه !! موقف مثل ايش ممكن توضح !!
ومشكور سلفا
واتمنى ان يتسع صدرك لردودي
وصل على محمد
انتم كتبتم الموضوع من باب الشفافيه والتعامل مع الاعضاء وطرح ماهو مفيد وإصلاح وتسهيل العقبات التي تحصل في كتابة المواضيع

[ǺĽ ẕeeห]

بااك "

احب اشكر اخوي - ابو محمد - على طرح مثل هالموضوع للمره الثانيه امام الأعضاء من زمان كنا محتاجين مثله قدام الملآ "
عشان نشوف ونقرآ وجهة نظر الأغلبيه من مشرفين واعضاء و مراقبين و اداريين "

اولا / اغلب الأعضاء بـ هالمنتدى وخاصه الأقسام الدراسيه " يحسبون ان هالمنتدى مثل غيره من المنتديات "

اقصد - نظام السواليف و الردود الي مالها اي صله بالموضوع -

ثانيآ / كلنا معرضين للخطآ محد معصوم منه " فـ التذكير خير علاج لـ هالمشكله "

مع اننا وضعنا شروط وقوانين المفروض نمشي عليها كلنااا بدون استثناء لكن " لابد من الخروج عن المسار "

سياسه اغلاق المواضيع ايجابيه بنفس الوقت سلبيه "

ايجابيه / في حاله خروج الموضوع عن مساره للمدى البعيد "
مثال - استفسار وتم الرد عليه تستمر الردود لين يطلع الموضوع عن مساره "

مع ان المفروض يتم اغلاقه "" تضامنآآ مع هالشرط "

* تغلق مواضيع الاستفسارات بعد تلقي العضو الاجابة الشافية ولا يسمح بتحويلها ألي حوارات جانبية.

سلبيه / في حاله وحده فقط وهي - ظلم لصاحب الموضوع "

انا ما الوم الأعضاء ودهم بمكان يطلعون فيه الي بخاطرهم و احنا مامنعنا هالشي لكن بالحد المعقول الذي - لا يؤدي - الى الأبتعاد عن مضمون الموضوع "

كل مشرف ومشرفه لهم سياستهم ب اقسامهم بس ب مثل هالأشياء - نمشي كلنا على نظام واحد -

اناا / ساعات ادخل موضوع سواء كان استفسار او حل واحب او اي كان

وارد عليه و اتركه كم ساعه وارجع له الاقي الردود ماشاء الله وصلت مدري لوين وكلهاا مالها دخل بالموضوع "
بـس "" ما اغلق الموضوع اكتب لهم - اتمنى عدم الخروج عن مسار الموضوع - كـ تنويه لهم "

بعضهم يستجيب و البعض لا مدري هو من باب العناد او ماذآ ؟

وصلت لبعض الأعضاء يقولي - احنا طفشانين وانتي فاضيه و اشتقنا لـ اغلاق المواضيع وحذف الردود "
ههههههههههههاي وش اقوله بالله " اكتفي بـ حذف رده و اكمل "

بس بعض المواضيع اجباري اغلاق موضوعها خصوصآ اذا تم الرد على صاحبهاا وخروج الموضوع عن مضمونه بقووووه ""
يعني ساعات توصل لـ كلمات & صور & ترقيم بـ التلميح ( عيني عينك )

سياستي " ""
اغلق / و اكتب السبب / وارسل اعتذار لصاحب الموضوع مع كتابه - تم الرد على استفسارك اذا كان استفسار "

اكثر المواضيع الي نغلقها تكون - استفسار - "

يعني مواضيع الواجبات او الملخصات او اي شي يخص المحاضرات نواجه بها كم رد فقط وان زادت نقدر نحذفهااا و يستمر الموضوع ""

بخصوص / معاقبه العضوو المخالف : حرمانه من دخول القسم قرار غير مثالي بوجه نظري
بكذآ راح نأجج في اغلب الأعضاء الكراهيه والحقد

هم خلقه ما تعجبهم تصرفاتنا راح يكون هالشي سلبي مو لنا احنا للأعضاءمتى ؟
اذا كانو قروبات او يعرفون بعض ان زعل واحد بيتضامنون معه 10 "

احنا ماورانا شي بس وش ذنب الأعضاء تخربون القسم لهم بـمواضيعكم او ردودكم المخالفه من باب العناد - يعني تعااقبونا -

الي بيزعل و يمكن توصل للتهديد او يسجل هو الي معاه بعضويه و يكتبون مواضيع مخله الأداب ب اغلب الأقسام و نضطر لـ - مطاردته - وحذف مواضيعه

وكل ما حجبنا عضويه بيدخل بغيرها و ان حظرنا حساباتهم عادي بيدخل من جهاز اخر "
ومو كلنا نتواجد بـ المنتدى بنفس الوقت عشان نتدارك هالشي "

ناخذ الحل بـ التدريج " احسن "
بعضهم يحتاج للتذكير و مو كلنا نفس مستوى التفكير و الأستيعاب واعمار البعض ما تسمح بإستخدام نفس الأسلوب "

فينا الكبير و الصغير و الي استيعابه سريع والعكس "لازم نعيد مره و 2 عشان يثبت هالشي في ذهنهم "

فـ انا اشوف ان سالفه حذف ردود الأعضاء المخالفين احسن نوعآ ما & اعطاء انذار للعضو في حاله مخالفته & تقيم سلبي وان استمر ( باند )
يعني مو على طول حرمان ومن هالكلام الا في امور تتوجب علينا اننا نعطيه باند سريع "

اسفه ع الأطاله تكلمت عن كذا نقطه ودي اشوف نظرة الأغليه ونتناقش ونطلع كلنا بحل مرضي للجميع ""

ومثل ماقال ابو محمد اكتبو اشياء واجهتوهاا بدون ذكر الأسماء - مشان نتناقش فيها -
غايتنا الأولى و الأخيره - انتم -

[ǺĽ ẕeeห]

^^

اتكلم عن الأقسام الدراسيه الي اتواجد فيها بـ كثره " غير هالأقسام لم اتطرق لها ""
فـ انا استخدم سياسه و قوانين المنتدى " اذا واجهتني مشكله بغير اقسامي واذا لم يتواجد مشرف القسم واذا تطلب الأمر الحل السريع"""

[ليثاوي الرياض]

ارفع لك عقالي احترم و تقدير

ابو محمد

رغم ان الموضوع السابق قدم المطلوب

لكن لك رساله واضحه و هي نجاح و استمرار المنتدي في القمه

حرصك على استكمال الموضوع محل اهتمام و تقدير الكل

ابو محمد لي عوده فالموضوع موضوعي و ابشوف كل صغيره و كبيره فيه

[إلهامااات]

بعد اذنك ممكن توضيح اكثر لردك

هو طلب ارسلته للإدارة بخصوص انشاء موضوع جديد لكن بطريقة معينة

ووعدوني ببحث الموضوع والرد

[وطني]

وعليكم السلام ورحمة الله وبركاتة


هلا فيك اخي الكريم ابو محمد وموضوع طيب من رجل طيب ومحترم ونقدره ...

كل ماذكرته يا اخي الكريم ينطبق عليك انت شخصيا وقليل القليل من المراقبين

وبحكم تجربتي فكل ما كتبته هو بالنسبة لبعض المراقبين حبر على ورق وكالمشاريع التي ترصد لها الميزانيات ولا تنفذ وبالاخير تكون مجرد دراسة لعقود طويلة

لان بعض ما ذكرته ان لم يكن كل ماذكرته صعب على المراقبين تنفيذه لانه سوف يجعل غرورهم بالسلطة يتلاشى انا مثل تم سبي وشتمي واسوء من هذا من مراقبيين وانت اعلم بهذا الموضوع ...! ولم نجد اي عقاب لاي مراقب او مشرف

مع اني اغض النظر عن شللية بعض المراقبين لما يسمح ان اشتم واسب امام عينه وبعضهم يتهرب واشاهده يتابع ولكن عاجبه الامر ... يعني ما الفائده من المراقب اذا انا كل لحظه بروح اشتكي للقسم او بخصك انت للشكوي وحل مشاكلي

فكل ماذكرته اخي الكريم لن يتم تنفيذه من المراقبين انفسهم فكيف للعضو العادي يطبق هذا ...

المسئلة بحاجة الى سلطة قوية تحكم الوضع وتوقف المراقب عند حده ليعتبر الاعضاء من هذا

اما انك تعاقبني وتمدحه فهذا اسلوبنا الحياتي وليس بغريب ان نشاهده في المنتديات

فلا تقنعني بالوهم بأنه حقيقة

ولكم الشكر والدعاء

[وطني]

طبعا جدول العقوبات خاص بالاعضاء وليس المشرفين

نحن بحاجة الى مكافحة فساد في المنتديات بصراحة

طبعا بدون زعل لصاحب الموضوع او الاخوه الموافقين

فكل ما كتب مجرد احلام لا اكثر والله نحن لم نشاهد هذا في حياتنا العملية والعامة

فهل يعقل نشاهده في منتديات هي اكثر مجال للفساد

بالنسبة لي لن يحدث هذا ابدا الا بعوامل استنساخ مثلا نستنسخ كذا ابومحمد ونوزعهم كمشرفين

او بمعجزه تعكس ظاهر الكلام على باطنه

او ان كل ماحدث قد يتحقق وانا مخطأ في الرأي

ولكم الشكر

[نهروان العبدالله]

السلام عليكم

مووضوع جدير ورائع ياأبــو محمد ..

صراحتا مشكلة إغلاق المواضيع بالنسبه لي مااشوفها مشكله ولا تصل لحد ان الواحد يزعل ولا يتضايق صراحتــآ

المشرف او المراقب مايغلق الموضوع الااذا شاف فيه خطــأ أو تطــآول ممن بعض الاعضاء ..أو انه يقلب الموضوع سوالف وضحك ..

احنا من كتابة مواضيعنا نبي نوصل هدف نبي نوصل صوت الي هو "التعليـــــم والاستفاده "من المواضيع

فكل ملتقى وله مواضيعه الخاصه

ملتقى المواضيه العامه <<تكلم بكل مايجول بداخلك لاكن بحدود المعقول
وملتقى الفنون الادبيه <<اكتب وعبر عن اللي بداخلك من بيت شعر ولا قصيده بشرط انك ماتنسبها لك وانت مقتبسها من منتدى أخــر

الامــــــــــــانهــ اهم شي

وملتقى الطلاب والطالبات الترفيهي<<العب امرح استمتع لاكن بأدب وبإحترام وبدون اي خلل

وملتقى الطلاب التعليم عن بعد لجميع المستويات <صراحتا اشوف كثرة المواضيع المتكرره اللي بتلخبطك وتلحس مخك

بتلقى ردود تختلف عن بعض وكذا بتشوف التدهور اللي بيصير بالمنتدى

وهذا هو سبب اغلاق كثير من المواضيع .وصراحتا انا مااشوف شي يزعل ولا يسمح للانسان انه ينقهر

اولا واخير هذا منتدى ونحن متخفين خلف الشاشه

الكيبورد <<هو اللي يبين حقيقة الشخص بإسلوبه وأخلاقه وإحترآمــهـ

نحن هنا لدراسه والتعليم انت عندك موضوع واغلق هذا الموضوع لاكن نحن نستطيع زيارت الموضوع ووضه اللايكات ع مايعجبنا
فكذا تكون انت وصلت المعلومه للاعضاء وحصلت ع عدد كبير من اللايكات دليل ع اعجابهم بموضوعك ودليل بكثرة الزوار لصفحتك

.
.
.
لكـــــ كــــــل الشكــــــــــر يــآبو محمد والله يطول بعمرك وعمر كل اخواني واخواتي ع الطـــآعــــه


لروحـــكم الطاهـــرهـ