لو فيه خير ما عافه الطير !!

[Dark Chocolate]

*



صباح المطر و الغيم و نسمات الهواء الباردة [emoji943][emoji180] [emoji1362][emoji276]

بما اني فاضية و ماعندي الا اني اتابع مشاكل المجتمع و اقعد بيني و بين نفسي احلل الاوضاع و ادور حلول للمشكلة و بعدين فجأه تطلع مشكلة جديدة فانتقل لها و اسوي للاولى تعليق و الا تخاطبني نفسي و تقول حلي مشاكلك اول يرحم امك بعدين فكري في المجتمع [emoji846][emoji854]

ما علينا موضوع لي فتره بنزله و مادري ليه كنت ااخره لكن الحين عرفت ليه طلع من نصيب فعالية جويجه المحظوظه ههههههههههههههههه و من حظ البنات > باب ماجاء من الهياط فصل الله يجملني و اجمل ربعي [emoji87][emoji180]


المهم .. في مكالمة لاحد الصديقات المقربات في احد الاعياد و بعد السؤال عن الحال و الاحوال كان الجواب كل عيد احس اني ناقصة !
قلت ليه ؟ [emoji15]
قالت اخواتي و بنات عمي و بنات خالي و كل قرايبي متزوجين بعض و انا الوحيده اللي متزوجه من برا هم و ازواجهم يعيدون مع بعض و انا اعيد لحال و زوجي لحال !
قلت طيب !
تنهدت و قالت ايييييه قالوها لو فيه خير ما عافه الطير [emoji4]
قلت عسى ماشر ..... ( كلام مشفر ) وش له هالكلام و ليه تقليلين من نفسك ؟ و فصلت عليها فصله بنت ك ل ب [emoji846][emoji1363]
و اقولها عادي هذا نصيبك و قولي الحمدلله و و و قالت احياناً اندم اني تزوجت من برا قلت ثواني بس بجي اجلدك و ارجع بيتنا [emoji846][emoji1363]
و قلت لها قصة ثانية عكس قصتها تماماً تماماً لوحده في مجتمعها يعتبرون اللي تتزوج من قرايبها ذي مسكينه و ما احد جاها من برا يعني مالها حظ !!

اكتشفت ان مجتمعنا غريب واحد ينشر فكرة و امعات وراه يعملون بها و الضحية الاجيال اللي تجي بعدهم .. اشياء في مجتمعات ثانيه طبيعيه عندنا لا من صدر هالافكار بقالب ( مثل ) يعيش سنين و سنين و هو غلط !!و يصير كأنه قانون يحكمنا ؟

ليه ارفض شخص كامل و عاجبني بس لانه قريب او بعيد حسب توجه المجتمع اللي انا فيه ؟

ليه احس بالنقص عشان فكرة غبية من ١٠٠٠ سنة ؟

ليه اقتل فرحتي كل عيد لسبب تافه ؟



ختاماً .. استشعروا اثر الكلمة اللي تطلع منكم ماتدرون لو جملة تطلع منكم تصير مثل يستخدم لسنين و يأثر في ناس يجون بعدكم بسنين او كلمة حلوة تجلى هم شخص و تزيل كدره [emoji257]




-


من جهازي iPhone بواسطة تطبيق ملتقى فيصل

[-- yasmeen --]

موضوع جممميل .. تسلم اناملك ي رقيقه
معبر جدا يعطيك العافيه

[ام حنان]

لو فيه خير ما عافه الطير

يعني هي مافيها خير ههههههههههههههههههه

ليه تقليل من الذات بالعكس احس اللي من برا مرتاحة من مشاكل القرايب

بس ماش بعض الناس مدري شلون تفكيرهم

وبالعموم هو نصيب والشخص يحمد ربه على نصيبه

والواحد ما يدري وين الخيره بالموضوع

يعطيج العافية على الموضوع >> على طاري اريج .. الله يسلط على العدو

[عبدالله الشّلاحي]

أنا ضد نظرتها لنفسها .. بالعكس الزواج من الخارج تثبت الأيام أنه الأكثر نجاحاً

فهم يشترون نسب وليس مفروض عليهم مثل زواج الأقارب ..

يجب على صاحبة هذا المفهوم أن تفكر جيداً وتعرف أنها مميزة تختلف عن المقربات لها

[فـجــر]

من جدها تهتم بالمجتمع

ومن متى عمر هالمجتمع نفعنا بكل أفكاره
لو نلتفت لرغباتنا قبل رغبات الآخرين ستكون لنا حياة سعيدة


المجتمع
مجرد ناس ومن راقب الناس مات هماً

[عطرالحروف]

امممم
انا من فتره انخطبت من برا أخو صديقتي

كان تفكيري نفس هذي مع انه فالطائف مو رايحه بعيد بس احنا في قريه وانا بكون وسط الطائف بس مارح اكون نفس اخواتي فالقريه الي متزوجات يتجمعون كل عصريه يعني فكرت راح انحرم من اهلي كثير
وخفففت كثير موقادره استوعب اني ابعد عن أمي ماشوفها الا من فتره لفتره
استخرت وبعدها ورفضت ..
انا ما الومها بصراحه حاسه فيها

[فـجــر]

ترفضين إنسان ممتاز بس لأنه من بعيد < لا إله إلا الله

فالنهاية هذا نصيب وكل إنسان يأخذ نصيبة

[~أوتآار الحنين~]

يعطيك العافية ،

من راقب الناس مات هماً ، المفروض ما تقارن بينها وبين غيرها يمكن تكون حياتها افضل منهم بكثيير

المشاركة الأصلية كتبت بواسطة عطرالحروف

امممم
انا من فتره انخطبت من برا أخو صديقتي

كان تفكيري نفس هذي مع انه فالطائف مو رايحه بعيد بس احنا في قريه وانا بكون وسط الطائف بس مارح اكون نفس اخواتي فالقريه الي متزوجات يتجمعون كل عصريه يعني فكرت راح انحرم من اهلي كثير
وخفففت كثير موقادره استوعب اني ابعد عن أمي ماشوفها الا من فتره لفتره
استخرت وبعدها ورفضت ..
انا ما الومها بصراحه حاسه فيها

اممممم
مو سبب المفروض تشوفين شخص لنفسه لان المكان يمكن يتغير في اي لحظه ،وربي يوفقك ياروحي

[.Rosemary]

...

للأسف صديقتك بطريقة تفكيرها تُثبِت مقولة إن المرأة عدوة نفسها ..!

و مازال بعض النساء يعتبرون معيار قيمتهم في قبول الطرف الاخر لهم ..!

هي بكلامها معناها إنها رضت بزوجها لأنه هو المتاح ..بما إن محد من قرايبها تقدم لها ..!
وفي هالشي ظلم كبير لنفسها و لزوجها ..
يعني من جد ما أعرف كيف البنات يفكرون ..لو افترضنا إن تقدم لها من قرايبها و ما كان بينهم لا توافق فكري ..و لا مشى الحال بينهم ..بعد بتقول عن نفسها إن ما فيها خير ..!


يعطيك العافية..و ألف سلامة عليك بس ماكان في مجال أقيّم تدوينتك

[عطرالحروف]

المشاركة الأصلية كتبت بواسطة فجـــر~

ترفضين إنسان ممتاز بس لأنه من بعيد < لا إله إلا الله

فالنهاية هذا نصيب وكل إنسان يأخذ نصيبة

شوفي انسان ماشاء الله عليه وبار بامه وابوه ماشي فالسليم بس مثل ماقلتي نصيب انا استخرت اكثر من مره وما ارتحت