[ Valentines day ]

[-PEARL-]

-









مسآء الحُب


> لازم نمسيكم بالحب بعد السالفه فيها ڤالنتاين


14 - 2 - 2016 ..


هو ,

يوم الحب أو عيد الحب أو عيد العشاق أو "يوم القديس فالنتين" مناسبة يحتفل بها كثير من الناس في بعض أنحاء العالم في الرابع عشر من شهر فبراير

من كل عام. وفي الاخص في البلدان الناطقة باللغة الإنجليزية وأصبح هذا اليوم تحتفل به بعض دول العالم ولو بصورة رمزية وغير رسمية، يعتبر هذا هو اليوم التقليدي الذي يعبر فيه المحبون عن حبهم لبعضهم البعض عن طريق إرسال بطاقات عيد الحب , او الحلوى او اهداء الزهور

لأحبائهم.

أفتى الشيخ محمد صآلح العثيمين

في 5/11/1420 هـ ب"عدم جواز الاحتفال بعيد الحب" قائلا "انه عيد بدعي لا أساس له في الشريعة, ولأنّه يدعو إلى اشتغال القلب بالأمور التافهة المخالفة لهدي السلف الصالح فلا يحل أن يحدث في هذا اليوم شيء من شعائر العيد سواء كان في المآكل أو المشارب أو الملابس أو التهادي أو غير ذلك وعلى المسلم أن يكون عزيزاً بدينه وأن لا يكون إمّعة يتبع كل ناعق".

للأسف ان بكره يصآدف هذآ اليوم .. اللي صآر يحتفلون فيه الكل


الغير مسلمين والمسلمين !


ليه نشآركهم ب أعيادهم ؟ وهي اساساً محرمه عندنا ..


مع ذلك نفرح معهم فيها , وكأن الامر عادي ..


البعض يفكر انه لا احتفل معهم انه مره متطور ومتحرر فكريا ً


ومهب معقد .. مايدري انه كومة من الـ جهل والتخلف !




بالله قد شفتوهم يحتفلون معكم باعيادكم ؟ اللي شرعها لكم ربكم !


قد شفتوهم يشترون اضاحي ويضحون مثل ماتسوون !


طبعا ً لا , ومستحيل يشاركونكم فيها لو ايش !


بالمقابل اللي عندنا يجتهدون ويشترون من هالخرابيط


عشان يصيرون مثلهم ؟


مايقهرني الا الهنود اللي عند الاشارات يبيعون ورد


ولا اللي يشترون شوكليت ويوزعون على الناس ..


وهذا موقف صار قدام عيني , بأحد المجمعات

وحده معطيه الشغاله حقتها سلة وحاطه فيها انواع الشوكلاتات

وتوزعها على خلق الله ..!


ماشاء الله عليك ي الحبّيبه .. يالرومنسيه انتي


مو الاولى مثل هالاشياء ماتتسوى الا وقت اعيادنا حنا يالمسلمين ؟


ولا اعيادنا مالها طعم ؟ وممله ؟ ووو إلخ ..




حنا اللي خليناها كذا , حنا اللي ماعرفنا نحيي اعيادنا ونستانس فيها زين ..




يكفينا انها مكآفئه لنا من ربنا ..


مع ذلك ماحولك احد !




والله اللي قاعد يصير مايرضاه اي واحد عقله في راسه
وعنده غيره على دينه ..


المفروض هالاشياء مانشوفها اقل شي في بلدنا ..
اطهر بقاع الارض , ويصير عندنا هالبدع


ادري ماوقفت على هذا الشي , بس انا تكلمت فيه


بما انه وقته ..


شي يقهر ويحز بالخآطر والله



حلطمه في خآطري وحبيت افضفض فيها ,
واستمتع بمشاركتكم لي فالحلطمه

[خفايا..]

..


يسعدني اني اكون اول وحده تشاركك الحلطمه


والله ياختس ي ارووووج ذولي مجموعه خوارج
يحاولون بث سم باسم الحب وينشغلون االناس به
وينشرون مبدا التحرر والحريه وانا احبه واهو يحبني
وشوله مانحتفل لا ي تسبدي حنا عندنا دين عندنا جنه ونار
عندنا حدود دينيه تمنع سلوكيات غربيه مخله بالادآب

وعالقوة ي هيئه الامر بالمعروف والنهي عالمنكر وسلمان الحزم
موجود ياللي تدور المنقود < اهذر واجد ي كافي بس
اروح بذاك ..

[A s s i r i]

يعطيك العافية وجزاك الله خير ..

[عبدالله الشّلاحي]

مشكلة أن هناك من اصبح يحتفل ويفرح بأعياد غير المسلمين أكثر منهم

بينما أعيادنا يقضيها بالنوم وكأن العيد ليس موجود

هو مجرد تقليد مع يقيني التآم بأنه فرح مصطنع لمجرد اثبات شخصي للفرد أنه برستيج وهكذا

الله يصلح الحآل

وشكراً أريج كتبها الله في موازين اعمالك

[عضو محذوف]

الله يعطيك العافيه ع الموضوع
عاد المشكله العرب يحبون يتبعون الغرب بكل شي
اذا مره حابين الاجواء مو ضروري نحتفل معهم نقدر باي وقت نسوي اجواء حلوه ونحتفل





اريج تقولين
‎مايقهرني الا الهنود اللي عند الاشارات يبيعون ورد



ههههههههههه والله ياحليلهم كل اشاره نلقى هندي معه ورد ولا يمر بشويش غصب غصب يخلينا نشري

[.Rosemary]

...


الله يجزاك خير ..
واحنا في وقت الحلال بيّن و الحرام بيّن ..


إي نعم ممكن ننصح ..ننبّه..لكن هذا ما يعني إني أحكم على الآخرين ..
يعني مش أي شخص راح يلبس أحمر بكره معناها محتفل بالعيد ..
مش أي حد راح يشتري ورد معناها عشان للعيد ..
يعني ليش تتقفل محلات الورد ..و نشك بأي شخص شايل معه شوكلاته او دبدوب ..
مش ممكن ان هالبنت اللي شفتيها توزع مسيحيه ..!
أو عندها مناسبة و من فرحتها توزع تشوكلت ع الناس ..!


..الله يجعل دنيانا و أيّامنا عامِرة بالحب ..مش بس في 14 فبراير..

[-- yasmeen --]

كلام سليم جمميلة الروح اروج الله يجزاك خير ويسعدك ي عيني



وحشتيني ي اختي

[سـلـطـان♕]

خرافات من الغرب فقط اما اللي يحب بصدق يحب دايم واللي يهدي يهدي دايم موب لازم يوم واحد في السنة يتذكر شيء اسمه حب شكراً لك اريج على الموضوع الجميل والله يجزاك خير

[ريمنقو]

ماقتلنا الا التقليد الأعمى ..
ونرجع نتسائل لماذا التخلف الحضاري والثقافي والاجتماعي ..!
متناسين ابداعانا في إتقان التقليد ، لو دخلوا جحر ضب لحقناهم
ممكن البعض يتسائل وش دخل عيد الحب بالتخلف ، انا اقول ان مثل هالامور هي أساس التخلف
وللجميع التفكير المطلق والتحليل
/

قبل فتره كنت في نقاش خارج الملتقى عن مثل هذا الموضوع
واكتشفت عقليات البعض وافكارهم حول مثل هذي المواضيع ، بان الواحد مايكون متطور ومواكب لهذا التطور
الا بالتقليد حتى ولو يقع في المحظور والمحرم في ديننا ؟

--

الموضوع اسبابه متشعبة وكثيره ولكن اذا غاب الخوف من الله واتقائه كل امر بعد هذا هين على فاعله
وبكل فخر واعتزاز يقوم به ..

الله يثبتنا على الحق ويبعد عننا الفتن

[زوال الشمس]

يعطيك العافية
بس سالفة التكبير الزايد والقمع تزيد المسالة
في ناس يوم زواجها يوم ميلادها - نجاحها - تخرجها وووو
بهذا اليوم هل تسكير المحلات ككل
حل للمشكلة ؟
وناس وصلت للتكفير و الدخول بنيات الاشخاص ؟
كل الي نحتاجة زيادة الوعي للمجتمع ؟
وخلق اجواء جميلة لاعيادنا ؟
دمتم بود ...