موضوع هــــــــــــــــــام

[ALGREEB]

لا تغفل عن الرقم



940


برواية صاحب القصه (للامانه الادبيه)

سالفة صارت وقفت عند احد مطاعم الفلافل وأنا كنت انتظر الطلب

وقف راعي سيارة ونزل وطلب



الشاب سئل العامل السوري ليه لابس قفاز واحد جاوب السوري هذا اشتغل فيها وهذا أحاسب والعامل السوري وهو يتكلم

كان ماخذ الخبز بيده اللي بدون قفاز وحطة على الطاولة وقال الشاب وهو يضحك طيب ليه تمسك الخبز باليد اللي ما فيها قفاز السوري أنحرج وصار يبرر تبريرات مالها معنى وقال الشاب المفروض اللي يشتغل ما يحاسب يكون واحد ثاني

وأنا في ذيك اللحظة قلت فيه ذباب وخره عن الصواني وقال الشاب شف هذا زبون يقول عندك ذباب في المحل والعامل السوري شوي بيقوله مالك دخل تبي تأكل ولا اطلع برى والشاب طايح فيه

أسئلة المهم من ضمن الأسئلة اللي كان يسألها وهو يضحك سؤال حسيت السوري منجد بينفجر وسؤال هو ليه منت مغطي شعرك وراح الشاب من ورى الكونتر يعني دخل عنده وارتسمت على وجه العامل علامة

استفهام وتعجب كبيره



وقال معك مفتش الصحية وتعال شوف وجه العامل من زود ماهو احمر من النار

يوم سمع كلمة مفتش الصحية صار وجهه

تقول طماطة المهم أن الرجال دخل المطبخ حقهم وصار يعطي الملاحظات وطلع واحد من العمال

مجروحة يده وقال لا أشوفك هنا إلا لما تعالج جرحك وسئل العامل الأول أبو وجه احمر مشهب عطني شهادتك الصحية قال ما معي قال اطلع برا أنت وياه

المهم شب فيهم لكن بأسلوب جداً مهذب وفيه نصح وقال أنا ما جيت هنا عشان استقعد كله عشان مصلحتكم ومصلحت الزبائن لو الواحد جاه تسمم أو أي مرض انتقل عن طريق العدوى راح يدعي عليكم



ويوم طلع الرجال قعدت اسولف وياه عن بعض المطاعم اللي تحتاج مراقبة فقال لا تتردد أي مطعم تشوف علية ملاحظة اتصل على 940 وعطهم اسم المطعم والشارع واترك الباقي عليهم وكان معه ورقة قال

شف هذي الورقة هذا اسم المطعم وتاريخ التبليغ والملاحظات اللي علية وها أنا جيته وشفت وش صار بعينك







يا جماعة عليكم بكل مطعم أو بوفية أو مخبز أو غيره تجدون علية ملاحظة تبلغون

أنا أول ما كنت مصدق فيه مفتشين أقول كلام فاضي ما فيه رقابه ولكن شفت بعيني ومن اليوم راح ابلغ عن أي مطعم عليه مخالفات












انشرها لمصلحة الجميع


.

[دنيتي قلبك]

سبق وقرأتها يعطيك العافية ...

يارب تكون صدق ونفتك من هالقصص اللي نسمعها كل يوم

[STUART LITTLE]

يعطيك العافيهـ اخوي ..


ان شاء اللهـ ... نستفيد منهم .

ونفتك من هالامراض المنتشرهـ ..

[محمد القحطاني]

مشكور اخوي وفعلا فيه رقابه لكن نحن نسكت ونقول ليه نبلش انفسنا وهذا البلديه ماعندهم رقابه طيب مو ملائكة يعرفون كل شي الظاهر لهم انهم نظيفني لابد ان نكون نحن الي نكون مراقبين ونبلغ ونحاربهم لاننا الدفاع الاول عن انفسنا
شكرا لك وربي يعافيك

[ALGREEB]

فعلا نحن لو نستشعر اننا نحن مراقبين فعلا لما وجدنا هذه الاشكال
سعدت بمروركم يا اخوان