ملتقى طلاب وطالبات جامعة الملك فيصل,جامعة الدمام - طريقة المذاكرة لكل مادة !!! بطريقتي الخاصة ،،،

السلام عليكم ،،،،
شوفوا يا جماعة الخير بصراحة الوضع يعني فيه شوية خربطة و غموض ،،،
يعني هو دكتور واحد إللي اتكلم عن كيفية المذاكرة ، رغم إنه جابها على طريقة تلميح لكن اللبيب بالإشارة يفهم ،، ما قصر فيه الخير أقصد الدكتور أحمد الجمعان ،،،

و غير كده في نااااس كتيييييييييييييرة بتسأل عن طريقة المذاكرة و من وين نبدأ و من الكلام هذا فعشان كده حبيت إني أكتب السطور هذي ،،،،

طيب نبدأ حبة حبة ،،، على بركة الله

أولا : مادة التحرير العربي ،

لو تلاحظون إن الدكتور بيعتمد بنسة 95 % في الشرح على المحتوى ،، يعني ،
كلام الدكتور في المحاضرة + محتوى المقرر = متطابقين لدرجة كبيرة جدا جدا ،

الحل: ما يحتاج لا تلخيص و لا يحزنون كل إللي عليكم إنكم تطبعوا محتوى المقرر و تذاكروا و تخلوا في يدكم قلم عشان إللي يبغى يضيف حاجة يقدر ،،،

ثانيا : التذوق الأدبي :

إلين ما يجي الدكتور ساعتها يحلها حلال ،،،،

ثالثا : الصحة و اللياقة :

خصوصا المادة هذي كلام الدكتور في جهة و محتوى المقرر أقصد الملزمة في جهة تااااانية ، لكن ،،

في موضوع للأخ " صاحب الامتياز " قام فيه بجمع المحتوى الجديد للمحاضرات ،
http://www.ckfu.org/vb/t107246.html

لكن مشكلتها إنها مجرد رؤوس أقلام ،،،

الحل: نطبع المحتوى و بعدها نضيف عليه شرح الدكتور ، و في طريقة ثانية إنكم تجمعوا الملخصات إللي عاملينها الاخوان و بعد كده تتابعوا مع الدكتور و لو شفتوا أي حاجة ناقصة ضيفوها على الملخص و بكده راح يكون عندكم ملخص خاص بيكم كامل و مكمل ،،

و هذا رابط فيه شوية ملخصات ،
http://www.ckfu.org/vb/t66386.html

رابعا : العقيدة الإسلامية

كلام الدكتور في المحاضرة + ملزمة العقيدة الإسلامية + متطابقين بنسة 100 % ، يعني الدكتور الله يستر عليه و يوفقه لو أضاف حاجة راح يضيف كلمة وحدة من عنده و بس !!!

و إللي ما عنده الملزمة يحملها من هنا :
http://www.ckfu.org/vb/t106711.html

الحل : و الله أنا أشوف إنه أصلا مافي داعي إن الواحد يتابع المحاضرة ! مادام إن المحاضرة و الملزمة متطابقة فالأفضل إننا نبدأ في الحفظ على طول خاصة إن الملزمة ترى ملياااااااااانة أدلة و كلها حفظ و مافي شيء محذووووووووف أبدا ،،،

خامسا : اللغة الإنجليزية :

إلين ما يجي الدكتور ،،،،،

سادسا : النحو التطبيقي :

أما بالنسة للنحو فكلنا عارفين إنه ما نزل لها محتوى إلا للمحاضرة التمهيدية فقط !

الحل : يعتمد نشوف إذا كان المحتوى مطابق ، نطبع و نذاكر و إذا غير ذلك فنلخص و نمشي حالنا ،،

سابعا : فقه السيرة :

فقه السيرة لها ملزمة خاصة و الملزمة عبارة عن تجميع لمحتوى المقرر لكن في أشياء بسيطة يضيفها الدكتور أثناء المحاضرة .

و إللي ما عنده الملزمة يتفضل :
http://www.ckfu.org/vb/t106096.html

الحل : نطبع الملزمة و بعد كده نجييييييييييييب القلم و نبدأ نضيف المعلومات الإضافية ، و هي قليلة أصلا .

ثامنا : مبادئ علم الاجتماع :

أما الدكتور أحمد فسلامي و تحياتي له بشكل خاص ، ما شاء الله عليه طريقة شرحه مررررررة لذيذة و بتجذب الواحد للمذاكرة و كلامه سهل و مفهوم على الأخيييييييييير ،
بس طبعا ما لها محتوى ، و الدكتور طالب كتاب ،

الدكتور أشار ( تقريبا في المحاضرة الثانية ) إنه أهم شيء و الشيء المطلوب هو الكلام إللي بيتم شرحه في المحاضرة !!! يعني لو تلاحظوا إن الكتاب في أجزاااااااااااااااء مررررررة كتير محذوفة منه ، على سبيل المثال في الوحدة الثانية المطلوب مننا هو جزئية وحدة بس ، نسيتها ايش هي ،، المهم ما علينا ،

الحل : إنكم تبحثوا عن ملخصات بشرط إنها تكون مفصلة شوية و بعد كده تشغلوا المحاضرة و تضيفوا كل الكلام إللي ماهو موجود ، و على نهاية الترم راح تصير عندنا ملزمة كاملة نذاكر منها و تغنينا عن الكتاب ، بس إللي يحب إنه يطلع على الكتاب من باب التوسع فهو حر !!!

و هذا رابط فيه ملخصات :
http://www.ckfu.org/vb/t66386.html

و أخيرا أتمنى إني أكون أفدتكم و لو بشيء بسيط ،
و أحب أذكركم إنه كلامي هذا ماهو معتمد ! يعني هي مجرد وجهة نظر و أنا عن نفسي راح أتبعها و إللي يشوفه مناسب يطبقه و إللي يشوفه غلط فماحد يلومه !!!
و لا تنسوني في دعائكم ،،،،
تحياتي لكم ،،،،،