|
اعلان هام جدا : تعليمات توزيع الدرجات لمقررات التعليم المطور للانتساب
سيتم توزيع الدرجات لكل مقرر كما يلي
أ)70% للاختبار النهائي لذا سيكون عدد اسئلة الاختبار 70 سؤال من نوع الاختيار من متعدد . ب) 30% للمحاضرات المتزامنه المباشرة والواجبات واعمال ونشاطات الطلبة والتفاعل مع المنتديات توزع كالتالي: -10% لحضور المحاضرات المتزامنه المباشرة. -10% للواجبات وسوف توزع على واجبين لكل مقرر. -10% نشاطات الطلبة والتفاعل مع المنتديات ونظام بلاك بورد. وسيتم رصد جميع تفاعلات ونشاطات الطلبة في الفقرة (ب) الكترونية من خلال الانظمة الالكترونية. ملاحظات هامه -يتم رصد العلامات بمساعدة التقارير الواردة من الانظمة الالكترونية . -يتم رصد الحضور والغياب في المحاضرات المتزامنة بشكل الكتروني. -الواجبات فيتم توفيرها للطلبة والاجابة عليها وارسالها من الطلبة للمدرسين بشكل الكتروني من خلال بلاك بورد . - يتم اعداد تقارير لنشاط الطالب على بلاك بورد وتفاعله مع المحتوى والمنتديات . -تقارير الكترونية كافة نشاطاته وتفاعلاته مع كافة وحدات المقرر . لذا نأمل من اعزائنا الطلبة التقييد بهذه التعليمات والالتزام بها حرصا على عدم خسارة اي جزء من العلامه. المصدر http://www.kfu.edu.sa/ar/Deans/elearning/Lists/kfuAnnouncements/DispForm.aspx?ID=46 *** |
رد: اعلان هام جدا : تعليمات توزيع الدرجات لمقررات التعليم المطور للانتساب
يَ نهار اسســـود :(76):
مآش خبريه وقرآرآتَ تضيق الصدر :(117): أجل المنتدىَ له درجآت:(44): ورآهم أنقلبو تسسذا كآنو وش زينهمَ لآ وآجبآت ولآ عوار راس:frown: ربك يفرجهآ :(202): تسسلمينَ يآحلوة :(148): |
رد: اعلان هام جدا : تعليمات توزيع الدرجات لمقررات التعليم المطور للانتساب
يانهار اسود ومنيّل كمان >:(164):
حلو بس أنا مااحب اشارك بمنتدى الحوار :(154): |
رد: اعلان هام جدا : تعليمات توزيع الدرجات لمقررات التعليم المطور للانتساب
يآ نهآآر أبيض :(156):
العذوول سوووكره جهزوووا معاي عدة الطوارئ بتصير حالات إغماااء :(175): |
رد: اعلان هام جدا : تعليمات توزيع الدرجات لمقررات التعليم المطور للانتساب
الله يكون بالعون
هذه خبريه سيئة وخصوصا ً للموظفين واللي يبغى يتوظف مثلي الواحد وهو الحين عاطل يلا يلحق ، شلون لو يكون موظف ( ردد ياليل مااطولك ) :s13: |
رد: اعلان هام جدا : تعليمات توزيع الدرجات لمقررات التعليم المطور للانتساب
حركه مالها داعي يحولنا نظام على كذاا ليه انتساب وحالتنا حاله ...
واللي عنده ظروف ومو قادر يسوي كل شي بقووته كذا ظلم :(154): ... حسبي الله ونعم الوكيل شي يبكي :(176): والمحاضرات المباشره من كثر الضغط الي بيصير محد راح تفتح معاه :(46): يالطيف الطف :(58): |
رد: اعلان هام جدا : تعليمات توزيع الدرجات لمقررات التعليم المطور للانتساب
يآويلي ويلآهـ .. :(201)::(201):
" ضـآق صدري بلحيييـل ,,.. =( " وراهمـ تسذا .. يآشينهمـ قسسمـ :mad: شـآركـ وحط وزيـن وأدخـل وحل .. آعوذ بالله .. ! ماصـآرت والله =( .. حـآلتنـآ حـآلهـ " كـآفي البلآك بورد وعلتهـ " |
رد: اعلان هام جدا : تعليمات توزيع الدرجات لمقررات التعليم المطور للانتساب
[align=center]
الحين مو كل واحد فاضي يدخل المنتديات :(154): والله حاله ! بصراحه أنا لا أ ؤيد الفكره :nono: [/align] |
رد: اعلان هام جدا : تعليمات توزيع الدرجات لمقررات التعليم المطور للانتساب
:d1::d1::d1::d1::d1:
لالالالالالالالالالالالالالالالالا ماأبي:s13::s13::s13: |
رد: اعلان هام جدا : تعليمات توزيع الدرجات لمقررات التعليم المطور للانتساب
للمعلومية المنتديات المقصودة اللي بالبلاك بووورد فقط لكل مادة ماخذها الطلاب راح يكون لها منتدى حوار بالبلاك بورد >> طبعا الاغلب يعرف المنتدى اللي بالبلاك بورد |
رد: اعلان هام جدا : تعليمات توزيع الدرجات لمقررات التعليم المطور للانتساب
يحق للجميع هنا الإعتراض لكن تأكدّو أن هذا الإعتراض
مردوده سلبي على نفسيآتكم و على نفسية الأعضآء لآ تحطمون بعض !! الموضوع بسيط جداً راح تدخلون الاختبارات و بيديكم 30 درجه !! كل ماده عليها واجبين فقط و بكذا نضمن 10 دخولك على منتدى الحوار و مناقشتك للدكتور عليه 10 مو لازم نبلّط بمنتدى الحوآر بس عشآن يعرف الدكتور انك متابع و مهتم و بكذآ كسبنآ الـ 10 الثانيه المحآضرآات المبآشره كلها مره أو مرتين بالترم و أكيد بيضبطونهآ عشآن الكل يقدر يدخل و بكذآ كسبنآ الـ 10 الثالثة مدآمه قرآر و نزل أقنعوا أنفسكم فيه لأنه في صآالحكم ,, يآليت محد يتعدّى الحدود في الغضب لأن مانبي نحذف مشآركآت |
رد: اعلان هام جدا : تعليمات توزيع الدرجات لمقررات التعليم المطور للانتساب
:hhheeeart4:
|
رد: اعلان هام جدا : تعليمات توزيع الدرجات لمقررات التعليم المطور للانتساب
اقتباس:
كلامك صحيح بس اعتقد اكثر المنتسبين او نسبه كبيره منهم موظفين الواحد مايلاقي وقت عشان يوافق بين العمل والدراسه ؟؟؟؟؟؟؟؟ وبالاخير الشهاده اسمها انتساب خلاص يخلونها عالاختبار وبس عموما الشكوى لله :(164): |
رد: اعلان هام جدا : تعليمات توزيع الدرجات لمقررات التعليم المطور للانتساب
بلعكس حنا ضمنا 30 وبسسهوله ..
خذوها بششكل ايجابي وتضبط معكم :(204): بـ التوفيق :mh318: |
رد: اعلان هام جدا : تعليمات توزيع الدرجات لمقررات التعليم المطور للانتساب
:mh318::mh318: بجد وش ذا القرار خاصه الحضور الوجبات عاتي بس الحضوووور ليييييييييييييه والله لو احنا انتظام
فيه ناس ماتقدر تدخل طيب انا مااخش كثير عندي شوي ظروف وش اسوي اخسر 10 :(:( |
رد: اعلان هام جدا : تعليمات توزيع الدرجات لمقررات التعليم المطور للانتساب
السلام عليكم ..
اتمنى احد يرد علي بكل وضووح تكفون .. من قريت الخبر وانا متنزفر:mad: ... اول شي كيف القى الواجبات ؟؟ الثاني المشاركه بالحوار مع الدكتور وين القاه << من الصدمه معاد يركز ... |
رد: اعلان هام جدا : تعليمات توزيع الدرجات لمقررات التعليم المطور للانتساب
وانا بعد احد يشرح لي سالفه منتدى الحوار
|
رد: اعلان هام جدا : تعليمات توزيع الدرجات لمقررات التعليم المطور للانتساب
والله منتدى الحوار مادخل مزاجي كلللش مو مرتب وصعب تصفحه
بس وش نسوي انحدينا عليه نبي نعرف بس طريقة الواجبات كيف نرسلها اتوقع هالقرار هو سبب تاخير نزول المحاضرات الى الان يمكن بيسجلون لنا محاضرات جديده بدل حقت العام |
رد: اعلان هام جدا : تعليمات توزيع الدرجات لمقررات التعليم المطور للانتساب
الله يعين بس :d1:
طيب واللي مو داري وين سوقهم ( اشغال الدنيا ) كيف العمل انا يالله اني اخش النت علشان احل واجباتهم :150: |
رد: اعلان هام جدا : تعليمات توزيع الدرجات لمقررات التعليم المطور للانتساب
اقتباس:
مو كثيره .. واجبين لكل ماااده بالترم كامل |
رد: اعلان هام جدا : تعليمات توزيع الدرجات لمقررات التعليم المطور للانتساب
اذا واجبين مقدور عليهم :mh318:
مشكوره حلا دنيتي :(204): ..... |
رد: اعلان هام جدا : تعليمات توزيع الدرجات لمقررات التعليم المطور للانتساب
انا ماعندي وقت احظر محاضرات وحل واجبات وحوسه سنه هذي مظغوطه كثير يعني وش الحل
|
رد: اعلان هام جدا : تعليمات توزيع الدرجات لمقررات التعليم المطور للانتساب
منتدى الحوار ماهضمته ابد صعب تتصفحينه :(177):
ابغى اعرف وش يحسسون فيه بس كنا مرتاحين والله ....:tj4: والمباشره ماتفتح للكل وش نسوي باانفسناا اعوذبالله... :(175): الله يعدي كل ششي ع خيــــــــرر ونعدي بس هالترم حاطيـــن عليننا حطه كتب وخرابيــــط..:mad: >>>>>معصبه ع الاخــــــر,,:s9: يــــــــــــــــــاربي سهلها عليــــــنا .........................:d1: |
رد: اعلان هام جدا : تعليمات توزيع الدرجات لمقررات التعليم المطور للانتساب
|
رد: اعلان هام جدا : تعليمات توزيع الدرجات لمقررات التعليم المطور للانتساب
لحظه واستوعب الخبر :(90):
|
رد: اعلان هام جدا : تعليمات توزيع الدرجات لمقررات التعليم المطور للانتساب
وهذا الرابط بيفيدكم طريقة المشاركه بالمنتدى (الحوار)>>>>>متحمسه البنت
http://kfuforums.kfu.edu.sa/showthread.php?p=766375 موفقين ....... |
رد: اعلان هام جدا : تعليمات توزيع الدرجات لمقررات التعليم المطور للانتساب
وعليكم السلام ورحمة الله وبركاته ،،،
تم مؤخراً زيادة الطاقة الإستيعابية لنظام البلاك بورد نتيجة التزايد في أعداد الطلاب ، ومن ضمن التحديثات التي ستطرأ على النسخة الجديدة للبلاك بورد التي تم اعتمادها أنه سيكون - بمشيئة الله تعالى - وجود منتديات حوار لجميع المواد على البلاك بورد في حُلّة جديدة غير التي هي عليه الآن تمتاز بسهولة أكثر في الإستخدام . كان هذا نقل شفوي من سعادة الدكتور عبدالله النجار . |
رد: اعلان هام جدا : تعليمات توزيع الدرجات لمقررات التعليم المطور للانتساب
اممممم بديت اهضم الفكره
|
رد: اعلان هام جدا : تعليمات توزيع الدرجات لمقررات التعليم المطور للانتساب
دوامي 8 ساعات، أقدر أحل الواجبات وأشارك بالبلاك بورد بالويك إند، بس المحاضرات المباشره هذي صعبه حيل
|
رد: اعلان هام جدا : تعليمات توزيع الدرجات لمقررات التعليم المطور للانتساب
الله يعين والله صعبه موظفه وام عيال وبيت :d1:
هذا القرار ماجا بوقته ابد. الشكوى لله وش نسوي لازم نقنع نفسنا الله يسهلها . |
رد: اعلان هام جدا : تعليمات توزيع الدرجات لمقررات التعليم المطور للانتساب
هو قرار وصدر وانتهينا نعترض مانعترض متساوي
لازم نقنع انفسنا فيه ونستغله لصالحنا وجميع الاعضاء هنا مابيقصرو بشي من طريقه التعامل مع منتديات الحوار لكيفيه ارسال الواجبات كل اللي علينا نتوكل على الله يامدور الهين ترا الكايد احلى ربي يوفق الكل |
رد: اعلان هام جدا : تعليمات توزيع الدرجات لمقررات التعليم المطور للانتساب
نشاطات الطلبة والتفاعل مع المنتديات ونظام بلاك بورد. يعني شـآركـ وحط ..وأدخـل وحل ويلااااااااااه
يااااااشماتة ابلة طازة في....:(154): |
رد: اعلان هام جدا : تعليمات توزيع الدرجات لمقررات التعليم المطور للانتساب
^
^ :mh01: :mh01: :mh01: :mh01: |
رد: اعلان هام جدا : تعليمات توزيع الدرجات لمقررات التعليم المطور للانتساب
[align=center]
. والله ياهو العلم الاقشر اللي ماعاد فيه اقشر منه :(177): حنا يادوبنا نلحق على المحاضرات المسجله ونحملها من الزحمه والضغط على البلاك يقومون يزيدون الطين بله \ :mad: عز الله اننا رحنا فيها :d1: .. [/align] |
رد: اعلان هام جدا : تعليمات توزيع الدرجات لمقررات التعليم المطور للانتساب
من جد حراااااااااااااااام عليهم
حراااااااااام عليهم :d1: |
رد: اعلان هام جدا : تعليمات توزيع الدرجات لمقررات التعليم المطور للانتساب
بالعكس
هذي خبريه حلووه الجامعه تبي تمشيكم تبيكم تنجحووون صدقوني هذا لصاااالحكم |
رد: اعلان هام جدا : تعليمات توزيع الدرجات لمقررات التعليم المطور للانتساب
ماتدرون ممكن هالقرار يكون في صالحنا وتصير شهادتنا افضل من شهادة الانتساب العادي :150:
|
رد: اعلان هام جدا : تعليمات توزيع الدرجات لمقررات التعليم المطور للانتساب
اقتباس:
:049: أنا اوفقك نفس الراي .. |
رد: اعلان هام جدا : تعليمات توزيع الدرجات لمقررات التعليم المطور للانتساب
:tj4:
طيب راح يغشون الواجبات من بعض :tj4: |
رد: اعلان هام جدا : تعليمات توزيع الدرجات لمقررات التعليم المطور للانتساب
ياناس خذو الموضوع برحابة صدر زيي :(164):
والله من جد زي ماقالوا الأخوان انها بصالحنا وبعدين الواجبات بس واجبين بالترم الواحد>مستوعبين :(164): والله مايبي لها واذا بغيتو نجتمع هنا بالملتقى ونغشش بعض :oao: والمحاضرات المباشره بس محاضرتين بالترم والبلاك بورد افتحوه وخلوه شغال ويرصد لكم النظام درجات >:mh35: |
رد: اعلان هام جدا : تعليمات توزيع الدرجات لمقررات التعليم المطور للانتساب
في البداية انصدمت :bngo12::bngo12::bngo12::bngo12::bngo12:
وبعدين استسلمت :(175)::(175)::(175)::(175)::(175)::(175)::(175): وعلى الله توكلت .. الله يكون بالعون ويوفقنا يــــارب في النهاية هذا القرار وصدر وما اعتقد انا الجامعه بتتراجع عنه :mh01: تفاءلوا بالخير تجدوه .. وانتو قدها |
رد: اعلان هام جدا : تعليمات توزيع الدرجات لمقررات التعليم المطور للانتساب
[align=center]
لااااااا حراام ماا يصير كذاااا ياا دووب نشووف المحااظره لازم بعد نحل الواجبااات يااليل [/align]:(177)::(177)::(177)::(177)::(177): |
رد: اعلان هام جدا : تعليمات توزيع الدرجات لمقررات التعليم المطور للانتساب
ما صدقنا افتكينا من الواجبات نرجع لها والله مصيبه يا ناس ما احب الواجباتتتتتتتتتتتتتتتتتتتتت
|
رد: اعلان هام جدا : تعليمات توزيع الدرجات لمقررات التعليم المطور للانتساب
وش السالفه من قال :mad:
|
رد: اعلان هام جدا : تعليمات توزيع الدرجات لمقررات التعليم المطور للانتساب
لنــــــــــــــــــــــــــــــــــــــــــــــــ ـا الله:24_asmilies-com:
|
رد: اعلان هام جدا : تعليمات توزيع الدرجات لمقررات التعليم المطور للانتساب
السلام عليكم
بخصوص التقييم وتوزيع الدراجات الذي أثار الكثير من التساؤلات بودي أن أوضح التالي: فيه اختبار نهائي واحد على 70 درجة وهو يعتمد على طريقة اختر من متعدد فيه تمارين وواجبات ستنزل لكم على البلاك بورد بعد كل 5 محاضرات عليها 10 درجات فيه حضور المحاضرات المباشرة على 10 درجات وسيعلن عنها قريبا فيه المشاركة في المنتدى وعليها 10 درجات بالتوفيق :oao: |
رد: اعلان هام جدا : تعليمات توزيع الدرجات لمقررات التعليم المطور للانتساب
اول شي الموضوع خلاص معتمد من الجامعه
ثانيا اعتراضنا او تأففنا من القرار ما راح يغير شي ال 30 % عرفنا شلون نجيبها اللي ما يقدر على ال 10 % تبع المشاركه بالمنتدى يركز ع ال20 % اللي باقي ويحل واجبات ويحضر المحاضره المباشره وال70 % اللي ع الاختبار هذي تجي بعد ما نتوكل على الله ونذاكر ونسوي اللي علينا . هذا كل اللي مطلوب مننا واللي نقدر عليه وسعوا صدوركم واذا كان صعب بنظرنا بقدرة قادر يكون سهل توكلوا على الله <<< تحاول تصبر نفسها :mh318: |
رد: اعلان هام جدا : تعليمات توزيع الدرجات لمقررات التعليم المطور للانتساب
حلو انك تضمن 30 درجه يمكن تخسرها بالاختبار
وسيئ انه ربطه خاصه اني مافتح محاضرات ولا اذاكر او على ابواب الاختبارات |
رد: اعلان هام جدا : تعليمات توزيع الدرجات لمقررات التعليم المطور للانتساب
يا مصيبتي مصيبتاااااااااااااااااااااااااااااااااااااااااااه وش ذا ولله ما درو ان بدر بالاسبوع يدش نص ساعه وش حضوره وغياب وواجبات اقول الي يفهم يعلمني
|
رد: اعلان هام جدا : تعليمات توزيع الدرجات لمقررات التعليم المطور للانتساب
:d1:
|
رد: اعلان هام جدا : تعليمات توزيع الدرجات لمقررات التعليم المطور للانتساب
صراحه ماعندي تعليق على القرار الله يكتب اللي فيه الخير بس عندي سؤال ..؟ منتدى الحوار هذا مو منتدى زي المنتديات العاديه صفحه بيضه والاعضاء قليل والدكتور ما بيرد علينا هل هذا هو المنتدى فعلا ولا فيه غيره وانا مو شايفه |
رد: اعلان هام جدا : تعليمات توزيع الدرجات لمقررات التعليم المطور للانتساب
[align=center]
اوك هذا نفس نظام الجامعة العربية المفتوحة كنت فيها لكن ابي اعرف مافيه جدول للمحاضرات المباشرة عشان اعرف الوقت واعرف متى احضرها لى فترة وانا متسدح البلاك بورد قلب راسي بس ابي افهم بل الغصب ولا بطيب [/align] |
رد: اعلان هام جدا : تعليمات توزيع الدرجات لمقررات التعليم المطور للانتساب
امممممممممم مومشكله كل شي عاااادي لكن اللي مو عادي أنزل المحاضره على حسب الشبكه اذا سمحت واذا فضيت سمعتها << على حسب الفضاوه ه_ه
هنااا مشكتي >>لو احل الواجب بنهاية الاسبوع وارسله بيحسبلي حل الدكتور ولا راح يرفض الحل بسبب التأخير |
رد: اعلان هام جدا : تعليمات توزيع الدرجات لمقررات التعليم المطور للانتساب
طيب يا جماعه امر الله وصار
طيب والواجبات الي طلبوها الدكاتره من المحاضره الاولى وما بعثناها ايش الحل فيها يعني نرجع نحلهم ونبعثهم زي مادة العقيده وغيرها الشااااااااااااااااااااااااااااااااااااااااطر والي ما عندو مشاكل بها القرار يفهمنا بالتفصيل الي اكثر من ممل |
رد: اعلان هام جدا : تعليمات توزيع الدرجات لمقررات التعليم المطور للانتساب
الواجبات معقوله بس الاشياء الثانيه :(177):
|
رد: اعلان هام جدا : تعليمات توزيع الدرجات لمقررات التعليم المطور للانتساب
الواجبات عادي مو مشكله
البلاك بورد والمحاضره المباشره كمان عادي طيب بما اني رسلت الواجب مثلا وخلاص لازم اشارك في منتدى الحوار خصوصا ما عندي شي اسأل عنه ؟؟ :(154): |
رد: اعلان هام جدا : تعليمات توزيع الدرجات لمقررات التعليم المطور للانتساب
استغفر الله العظيم بس
الله يعين ويسهل ع الجميع :mad: |
رد: اعلان هام جدا : تعليمات توزيع الدرجات لمقررات التعليم المطور للانتساب
والله ماادري وش اقوول !
قرار غريب وحلو بنفس الوقت لانه بيسهل علينا بس وش قصة منتدى الحوار وش المطلوووب مننا بالضبط ؟؟ |
رد: اعلان هام جدا : تعليمات توزيع الدرجات لمقررات التعليم المطور للانتساب
ما اقول الا الله يوووفق الجمييييع
آآآمين آآآمين |
رد: اعلان هام جدا : تعليمات توزيع الدرجات لمقررات التعليم المطور للانتساب
اقتباس:
احد يرد في واجب في مادة الفقه والعقيدة من زمان ماحليناه نرجع نرسلة ولاشلون |
رد: اعلان هام جدا : تعليمات توزيع الدرجات لمقررات التعليم المطور للانتساب
بعد المرور على بعض المشاركات اتضح التالي:-
* هناك بعض الطلبة مؤيد للقرار * والبعض الاخر رافض القرار والحل ان يكون الاتي :- تكون درجات مؤيد القرار على النحو الذي نشر به القرار تكون درجات المعترض على القرار 100 درجة على الاختبار وبذلك يكون حل المشكلة ولكن نريد ان نعرف النتائج من الان هل سوف ستمر القرار لكي نلتحق بالانتساب بجامعات اخرى . ارجو ارد ممن لدية خلفية عن ما الات الية الامور ودمتم ،، |
رد: اعلان هام جدا : تعليمات توزيع الدرجات لمقررات التعليم المطور للانتساب
ياشباب لازم نرفع اعتراض للجامعه لالغاء هذا الموضوع والله العظيم تراء حنا انتساب يعني الواحد ماهو فاضي الى وقت الاختبارت:(177):
|
رد: اعلان هام جدا : تعليمات توزيع الدرجات لمقررات التعليم المطور للانتساب
10% لحضور المحاضرات المتزامنه المباشرة.
هذي امرهآ سهل كنآ نحضره الفصل الي راح -10% للواجبات وسوف توزع على واجبين لكل مقرر. برضوا امرها سهل واجبيين فقط اعتقدـ آن مافيهآ كلآفه -10% نشاطات الطلبة والتفاعل مع المنتديات ونظام بلاك بورد. احنا بندخل اصلن ع البلاك بوردـ والمنتديات يكفي ان نطلع عليهآ وسيتم رصد جميع تفاعلات ونشاطات الطلبة في الفقرة (ب) الكترونية من خلال الانظمة الالكترونية. يآآخوان توجد الان حساسيه كبيره بين الجآمعآت لاتلومون جامعه الملك فيصل لان عليهآ مراقبه وضغوط من الجامعآت الآخرى لو نلاحظ جامعه الملك عبدالعزيز كثير ناس تركوهآ وآنضموا لجامعه الملك فيصل اكيد جامعه الملك عبدالعزيز راح تضررـ والمسؤولين ماراحوا يسكتون الامور سهله ان شاء الله نتوكل على الله وكل شي بتيسرـ |
رد: اعلان هام جدا : تعليمات توزيع الدرجات لمقررات التعليم المطور للانتساب
K24
اذا انت كنت تحضر المحاضرات الترم الي فات ترى فيه ناس كثير مايحضرون انا مستوى ثالث والله ماعمري شفتها اخوي صقر مكه فيه ناس مؤيدين و معارضين صح بس شوف النسبه كم 85٪ من الطلاب معارضين للقرار |
رد: اعلان هام جدا : تعليمات توزيع الدرجات لمقررات التعليم المطور للانتساب
[align=center]
:o2: 30 درجه معك والله قرار حلو ليه هالتحبيط انا سمعت فيه ودخلت خايفه بس يوم قريت يالبييييييه يالقرار مررررررررره حلو والي بيعترض بيكون خسر لان 30 درجه مو سهله فخلونا على هالقرار لانه من صالحنا واذا على الموظفين والموظفات اذا رجعو من دواماتهم يشوفون المحاضره كلها ساعه بس ماراح تضر او تاثر بالعكس القرار :oao:وانا مؤيـــده وبقووووه :150: [/align] |
رد: اعلان هام جدا : تعليمات توزيع الدرجات لمقررات التعليم المطور للانتساب
وش هالقرار الصراحه موب في صالحنااا ابد
وشو يعني يبونا نرسب ونعيد .. على بالهم بيسهلون علينا كذاا بالعكس صعبوا عليناا وبعدين موب كلنا متفرغين كليا للدراسه كان حولنا انتظام اصرف يعني وش الفايده الحين يطلق علينا طلبة انتساب .. والله حاله لو مخلينا عالمية درجة حق الاختبار كان اصرف وبعدين منتديات الحوار اللي تقولون كم مره احاول اسجل فيه ماييرضى يسجللي . وكنت قاريه هنا رد لعضوه ومشرفه كمان او مميزه وتقول ان منتديات الحوار من يوم يومها كذاا لخبطه وتقول ان هي سجلت فيهاا وماضبط وبعدين مع الايام ضبط يعني لو عليها درجات بعد مانضمنها لان عليها ضغط وبعضهم مايبون يشاركون فيها يعني غصب ؟! اتمنى يلغون هالقرار صراحه مره صعب علينااا |
رد: اعلان هام جدا : تعليمات توزيع الدرجات لمقررات التعليم المطور للانتساب
ميشوـ
منتدى الحوار هو نفسه البلاك بورد كل مادة لها منتدى ادخلي على اي ماده يوجد خيارات خطة المقرر محتوي المقرر المحاضرات المسجلة المحاضرات المباشرة الواجبات و التمارين منتدايات الحوار هذا الي يقصدونهـ مايحتاج تسجيلـ بالتوفيق ********************** اقتباس:
شوف اخوي اغلب الي يدرس بالانتساب المطور تقريباً 80% بنآتـ واغلبهم فاضيآت:111: وانت عارف البنآت دافورات:150: يعني الاغلبيهـ راح يعجبهم هالقرار الي بيتضر احنا يالرجاجيل:(154): القرار فينآ فينآـ:(164): مير احضروا المحاضرآت وحلوا الوآجبآت:(164): لي رجعـــــــــــــــــــــــــه لي رجعــــــــــــــــــــه |
رد: اعلان هام جدا : تعليمات توزيع الدرجات لمقررات التعليم المطور للانتساب
هع هع هع الله يعين بس :d1:
احس مستقبلي بيضيع ههههههههههه |
رد: اعلان هام جدا : تعليمات توزيع الدرجات لمقررات التعليم المطور للانتساب
اووووووووووووووف ليش كذا وربي حرام
احس اني ضايعه ومدري وش السالفة:hhheeeart4: |
رد: اعلان هام جدا : تعليمات توزيع الدرجات لمقررات التعليم المطور للانتساب
انا ارجو ان القرار هذا ما يصير
يا عااااالم ياللي تايدووون لا تحكم بحكم انك فااااضي وتقدر تدخل على البلاك بورد وعلى المحاضرات المباشره لا ياخي انا عملي يلزمني اني اقعد بالبحر اسبوع كامل .. واطلع ثلاث اياام شلون احظر محاضرات مباشره انا يالله اطلع اقعد اسمع المحاضرات المسجله ... بس وهي اللي مفروض وبس ماني مجبر احل واجبات ولاحظور محاضرات مباشره ارجوووووووووا من الاخوه المسؤولين مراااعات ضروووفنا بحكم العمل يجبرنا على عدم الالتزام |
رد: اعلان هام جدا : تعليمات توزيع الدرجات لمقررات التعليم المطور للانتساب
. :(117): قهرررررررر ليه كذآ يحولونـآ آنتظآم آزين لنآ من هـ الحآله . المحآضرهـ المبآششره مآتفتح دآيم يكون ضغط مررررهـ و30 درجه تروح ع الفآضي وربي حرررآم كذآ :(27): يآااااااااارب يرجعون نظآمنآ مثل مآكـآن ~ |
رد: اعلان هام جدا : تعليمات توزيع الدرجات لمقررات التعليم المطور للانتساب
هلآـآ اخوآني هذآ توضيح من الدكتور عبدالله النجآر بخصوص تقسسيمـ الدرجآت
والمحآَضرات المباشرة موب شرط تحضرونهـآ بنفس الوقت لانها بتنزل لنآ مسجلة بعد 24 ساعة من كل محاضرة هذآ هو رآبط الخبر ~ توضيحات مهمة بشأن توزيع الدرجات 30% و 70% |
رد: اعلان هام جدا : تعليمات توزيع الدرجات لمقررات التعليم المطور للانتساب
كلام حلو وكبير وبالتوفيق إنشاء الله للجميع .
|
| All times are GMT +3. الوقت الآن حسب توقيت السعودية: 12:11 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام