|
رد: القرار ليس عادلا و ليس معقولا ايضا لان
اممممم سبقتني اختي جيتارا << الف شكر لها
اتوقع بعد اطلاعكم على توضيحات الدكتور النجار انا واثقه انكم راح تكونون اكثر ارتياح ورضا |
رد: القرار ليس عادلا و ليس معقولا ايضا لان
السلام عليكم ورحمة الله وبركاتة
بالنسبة لقرار إحتساب درجات على حضور المحاضرة المباشرة هذا أكثر شئ ما قدرت أتقبلة أدري كلن لة وجهة نظر وكلن يشوفها مكرمة ,,أنا بالعكس أشوفه قرار بعيد عن الصواب الحين الواجبات ومررناها بالغصب ,,, البلاك بورد اللي يعلق والبعض الثاني المساكين اللي للحين ما أخذوا أرقامهم السرية وين يكون العدل معهم في توزيع الدرجات مو ظلم. يجينا فوق ذا كلة محاضرات مباشرة عليها دجات كلن يقول تساهيل جربتوها طيب ... نجي ندخل تقفل الصفحة بوجيهنا من خلل النظام لين تنتهي المحاضرة ,,نضطر نغيب عن دواماتنا عشان نحضرها ويصير نفس الحركة. ثم يقولون تقدرون تدخلونها مسجلة ليش ماقلتوا من أول كان ماتغيبنا عن مصالحنا. وماقالوا إلا بعد مامر الوقت ... أحد فيكم جرب الحين يدخل يشوفها........! وأصلاً اللي بيدخل اليوم الثاني بيلقى البلاك بورد معلق ومايفتح نتيجة الضغط يعني هيا هيا. ماغيرنا شئ أفضل شئ تنشال درجة المحاضرات المباشرة لاتقولون أنانية ,, الأنانية صدق اللي تتيسرله يدخل وهمة نفسة ولا فكر في غيرة اللي مادخل بسبة هالنظام . |
رد: القرار ليس عادلا و ليس معقولا ايضا لان
نقرر ولا نعرف العواقب:hhheeeart4:
|
رد: القرار ليس عادلا و ليس معقولا ايضا لان
اقتباس:
توقعت تكونين مرتاحه وراضيه ومبسوطه بعد التوضيح اللي نزله الدكتور النجار :(159)::(159)::(159): توقعت راح تحبين الجامعه وادارتها وتحبين الدراسه وتتحمسين لها وتفرحين بالهديه اللي ضمناها بجيوبنا > 30 :(159)::(159)::(159): :(154): اختي هدي وركزي المحاضره المباشره بعد ماتكون مسجله مشاهدتها ماتفرق عن مشاهده المحاضرات المسجله اللي تنزل لنا كل اسبوع |
رد: القرار ليس عادلا و ليس معقولا ايضا لان
اقتباس:
أختي حياة الروح التوضيح اللي نزلة الدكتور يشكر علية ...لكن تبين تعرفين ليش العصبية أقري كلامي عدل وبتعرفين أتمنى نفكر بالغير بعد هذا أكثر شئ قاهرني,,, ونظام الواجبات ليش مايتكلم الدكتور من أول مايحط الواجب متى أقصى مدة ممكن الواحد يرسل خلالها ,,, بعد ماتمر 4 أسابيع تو يقولون. عزيزتي أغلبنا مادخلنا إنتساب مطور إلا عندنا إلتزامات لاتقولون اللي مو قد الدراسة لا يكمل الحمدلله حنا قدالدراسة وسبق ودرسنا نفس التخصص وتفوقنا فية لكن قدر الله وماشاء فعل ,, ومادخلناعن بعد إلا عشان ننهي هالمرحلة والا أنا الحمدلله قد خلصت أهم هدف بحياتي والحين أدرس لغة ثانية غير هالتخصص يعني الحمدلله قد الدراسة وزيادة . أختي العزيزة أتمنى تتقبلين كلامي بصدر رحب حنا هنا نفكر بالكل أنا ماعندي مشكلة في البلاك بورد لكن غيري عندة طيب وش مصيرهم ذولي في الدرجات. ومرة ثانية شاكرة لك نفاعلك مع الموضوع :(204): |
رد: القرار ليس عادلا و ليس معقولا ايضا لان
اقتباس:
مادري اتناقش معاج هني والا هناك ههههه حبيبتي الزبيث اذا انتي مجربه من قبل الدراسه الاكاديميه معناته مرت عليج مشاكل اكبر من جذي انا اذكر بكليتنا كنا نركض ورا الدكاتره حتى يرضون يتنازلون بعد حب خشوم يوقعون لنا وبعدها نروح التسجيل علشان نسجل الماده عندهم << هذا لان المجموعه مغلقه وتضيق فينا الدنيا مانلقى اي مجموعه مفتوحه نسجل فيها اختي بالجامعه يكون بين المحاضرتين ربع ساعه بس ولازم تطلع من الكليه اللي بمنطقة كيفان وتروح للكليه اللي بالشويخ وتحصل لها مسفط بين زحمة الطلبه وتلحق على المحاضره ولو مالحقت بتكون غياب وتكرار الغيابات يوصل للحرمان من الماده ومحد مسؤول اهي المسؤوله الوحيده عن نفسها وكثيييييييير كثير من الصعوبات اللي عديناها ولله الحمد ونجحنا ترا احنا براحه ودلع ,, والظاهر راح يخربون الطلبه بدلعهم هذا :(154): والله والله والله انا موصدقه كنت احلم حلم اني ادرس اخرتها ادرس والتخصص اللي تمنيته وكل هالتسهيلات هذي اللي ماكانت تخطرلي على بال حبيبتي بقولج شغله انا من الغير اللي تتكلمين عنهم :mh318: سواء من نايحة الاتصال او من ناحية الجهاز القديم اللي معاي ,, بس حبيت النظام من البدايه على الرغم من عيوبه وقاعده احاول اكيف نفسي معاه اليزابيث << اسمحيلي اكتب النك نيم بهالطريقه اذا سهلتيها تسهل واذا صعبتيها تصعب لاتصعبينها على نفسج وعلى غيرج الله يوفقج وييسر لج جميع امور دراستج ,, |
رد: القرار ليس عادلا و ليس معقولا ايضا لان
بصراحه انا عاجبني النظام هذا لانه 30 درجه بمخباتكم شدو حيلكم تجيبون احسن الدرجات بالاختبار لان الـ30 درجه عندكم من قبل الاختبار
|
رد: القرار ليس عادلا و ليس معقولا ايضا لان
أصلن التعليم المطووور يعتمد كله على الكمبيوتر+النت...
المفروض اللي من اول مو قادر لايدخل ..! لاكن فكرو 30 درجه ياناس كووووويسه ...! شوووفوو هذا الرابط وافهموو اكثر لاتاخذون الكلام من زاويه معينه بس ..اللي (النت مودايم يشبك معنا او يتعطل علينا) http://kfuforums.kfu.edu.sa/showthread.php?t=74836 شوفو كيف الشرح والتوضيح بالله عليكم مواحسن؟؟ يعني بضركم ساعتين باليوم بس واقل بعد تتفرغون فيها لحل واجبين لفصل الواحد بس وحضور محاضرة مباشره مسجله؟؟؟ ودخول منتدى الحوااار..!! مااعتقد بيضر ابددددددددددد .. |
| All times are GMT +3. الوقت الآن حسب توقيت السعودية: 11:50 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام