السلام عليكم ورحمة الله وبركاته

يا طلاب يا طالبات

ايها الدارسين والدارسات << يقلد استاذ الرياضيات

عندي نصيحه لكم لا تقدر بثمن

هي شرب عصير الاناناس مع المذاكره

طبعاً الكل بيستغرب من النصيحه

بس فيه مثل يقول اسئل مجرب ولا تسئل حكيم << يا ابو الامثال انت

كان فيه يباني صديق للوالد الله يرحمه في العمل

وكان يساله عننا وعن الدراسه وكيفهم فيها

وكان الوالد الله يرحمه يقول معليهم ما شين بس مو ذاك الزود اهم شي انهم ينجحون
ولا احد يرسب منهم لاني مهددهم من رسب فيهم ماله الا العقال << مسوين لنا قلق هالعقال

قاله اليباني يعني مو ممتازين قال الوالد لا والله ولاهو حولهم التفوق اصلن

قال طيب مع المذكره اعطهم عصير الاناناس الوالد استغرب قال وش معنا الاناناس
قال يثبت المعلومات فيالراس
قال ابو ما اضن بتثب لعب فيهم البيبسي افسد الراس

قاله خلهم يجربون وشوف بعدين
قال طيب نشوف وقال لنا الوالد المعلومه واستغربنا وقال يالله سو اللي اقولكم عليه
قلنا طيب كلنا جلسنا نشرب الاناناس مع المذاكره الا واحد فينا ما يتقبله خلقه ويموت في البيبسي

وبالفعل انا شربته مناول متوسط الين تخرجت وجاب نتيجه كويسه ما انافس الا على المركز الاول واخواني بعد الا ابو البيبسي جلس يحفر

ومن بعدها واللحين اكمل طريقي مع الاناناس في الجامعه

وعشان كذا انصكحم وجربو وشوفو

واحكمو ولا راح تخسرون شي

كثرو من العنصنص << على قولة ولد اخوي


والله يوفقكم