ملتقى طلاب وطالبات جامعة الملك فيصل,جامعة الدمام - استفسار عن التربيه الخاصه افيدوووني

طيب ابشرح لك اكثر عن كل مادة ودكتورها

مبادئ الاحصاء التربوي - د.سعيد سيف الدين

من اجمل المواد والدكتوور مسهلها على الاخر كلها فهم في فهم
بس يمكن للمحاضرة تحتاجين ساعتين واكثر عشان تستوعبيها صح وتطبقين التمارين معاه
لكن ما بتحتاجي ترجعين لها من ثاني سواء كنتي خريجه علمي او ادبي او شرعي بتمشين فيها

مبادئ التربيه - د.حسام حمدي

مادة حلوة لكنها دسمة حبتين والدكتور متعاون وشرحه ممتاز عساه ما يتغيرعليكم

مبادئ علم النفس- د.محمد عبد المنعم

المادة من حيااتك وتفهميها عـ الطاير وتستفيدي منها بحياتك
أما الدكتور ماوددي اعطيك انطباع سئي عنه
لكن الصراحه هو اللي طلع عيوننا
لأن اسئلته شبه معقدة وتحتااج شويه تركيز وعلى قولته الاسئله فهم الله ييسر عليكم

مقدمه بالتربيه الخاصه - د.مجدي الشحات

رهيييييييييييييييييييييييبه هالمادة والدكتور شرحه عال العال اللهم انه يتحمس ويصارخ بالمحاضرة:hahahahahah:
والمادة دسمه حبتين

التحرير العربي - د. عبدالعزيز الحليبي

جميله المادة اذا عندك ميول للأدب والعربي
والدكتور كمان ممتاز بالنسبه لي
المادة دسمه بأول كم محاضرة وهي عن القواعد
الدكتور دقيق بأسئلته ولازم تحفظين كل كلمه عموما هي مادة رائعة

الصحه واللياقه - د.عبدالحكيم جواد مطر

رووووعه المادة يكفيك تقرأئيها عشان تنجحين
والدكتور مالك غنى عن شرحه
هنا انتي ملزومه بملزمه ينزلها الدكتور بالبلاك بورد هالملزمه مطالبين فيها
كلمه كلمه وبتجيك مواضيع الدكتور ما شرحها برضو ملزمين فيها
وفوق الملزمه عندك المحتوى اللي هي عبارة عن رؤوس أقلام كلام الدكتور
وعشاان كذا لازم تدونيين كل كلمه تنقال بالمحاضرة

الانجليزي - د.غسان نايفه

الله يذكره بالخير وشقد هالدكتوور ساعدنا وسهلها علينا
المادة حلوة وواضحه وهي اسااسا نفس اللي درسناه بالمراحل السابقه

أظن ذا كل شي مووفقه واتمنى لكم الدرجات العاليه وما تحوسون زي ما حسنا:biggrin: