ملتقى طلاب وطالبات جامعة الملك فيصل,جامعة الدمام

السلام عليكم ورحمة الله وبركاته
اخواني واخواتي
انا اختكم ضااايعه ضياع مايعلم بيه الا رب العالمين

انا طالبة انتساب اول مستوى في جامعة خيبه >>> اقصد طيبه اسم طيبه متبريه من الجامعه دي

انظلمت ظلم مو طبيعي في الدرجات وكمان مافي تعاون مع الدكاتره ولا فيه مساعده ابدا
ودرجاتهم يا 60 على الحافه او 30 >>> رسوب !!!
يعني اقلكم مشكلتي
رسبوني في الاقتصاد الجزئي حطولي 1
لو رحت الاختبار وانا ماذاكرت كنت جبت اكتر من 1
يعني انا متأكده اني ناجحه وبدرجه مره حلوه

يعطوكي كتب من 400 و 500 صفحه ويلا زاكريها كلها وحتى اللقاءات التعريفيه يتمننو علينا ومايشرحو شي
الوضع في الجامعه مزري للغايه
جاني الاكتىاب منهم والله
لا تستغربو كلللل اللي بيدرس في الجامعه دي بيعاني معاناة شديييييييده
وانا حبيت اسحب نفسي من بدري قبل ما يطير عقلي ويجيني الضغط والسكر

المهم
انا حابه اقدم من جديد لجامعة الملك فيصل
بس انا مني عارفه هيه الجامعه دي في بلده وحده ولا فيه اتنين ولا تلاته؟؟؟ لأني قريت انها في الاحساء ودحين المنتدى دا في الشرقيه
انا ملخبطه مره

المهم والاهم دحين انا حابه تربيه خاصه تعليم عن بعد
هل تشجعوني وتنصحوني في الجامعه دي ولا لا؟؟؟
انا مني عارفه ايش هيه الأسئله اللي ممكن اسألها دحين عشان استفسر لأني ما اعرف النظام ولا اعرف شي والله

ممكن اي احد يدرس فيها يساعدني ويقولي ايش المعلومات و النظام ووو ؟؟
بالله عليكم تساعدوني ابغا اقدم على السنه الجديده بإذن الله
هل التخصص صعب ؟؟ سهل؟؟؟ هل الكتب من 500 صفحه ويلا زاكريها كلها لحالك؟؟
هل فيه تعاون من الدكاتره؟؟ هل فيه ظلم ؟؟؟
كم الرسوم؟؟ سمعت انها على حسب عدد ساعات الماده
اغلب المواد كم ساعه تكون؟؟
كيف نظام المحاضرات؟؟
الاختبارات سهله وتكون اختياري ولا مقاليه؟؟
من كم سؤال الاختبارات؟؟؟ وعليها كم درجه؟؟
وكم مدة الدراسه ككل ؟؟
واي شي نسيتو من الاسىله ارجوكم تفيدوني بكل شي؟؟
الله يرضى عليكم

شكرا
اختكم المظلومه في جامعة طيبه