ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   هل جامعة فيصل تقبل معادلة مقرارت الجامعه العربيه ! (https://vb.ckfu.org/showthread.php?t=148199)

Dr.Latifa 2011- 2- 14 03:32 AM

هل جامعة فيصل تقبل معادلة مقرارت الجامعه العربيه !
 

السلام عليكم ورحة الله وبركاته
آتمنى لأروحكم الحلوه الطيبه النجاح و لتوفيق فهذا السمستر :love080:

آستفساري هو ..

عن ..


1- النحو التطبيقي 1 - 2
2 - مهارات التفكير

انا مستوى ثاني والمواد الي فوق كلهم ضمن هترم ,,
لكن حابه اعرف قبل لا انزلهم او انزل بعضهم
هل اقدر اعادلهم !!
هل الجامعه تقبل معادلة هلـ 3 مواد !!
يعني اذا تقبل الجامعه فيصل معادلة المقررات المدروسه من الجامعه العربيه
اريح مخي واستبدل هـ 3 مقرارت بـ مقرارت ثانيه انزلها على جدوالي هترم واخلص ساعات
ومواد اكثر .. :cool:

ايضا هل ماده ( مهارات التفكير )
هي نفسها ماده ( مهارات التعلم الذاتي )


ايضا المعادله ابي شرح لها بسيط يعني لو ابي اعادل لهذا الترم لازم اقددم المعادله قبل 16 .؟
وهل يصير اني اعاادل هترم !!

وكم مرا قلت اعادل وعادل فهلموضوع هههههههههههههه :bawling:


فا الله يسعدكم الي عنده خلفيه ,, :106:
عن احد عادل مواده من الجامعه العربيه لفيصل يرشدني لأني محتاسه ,, :icon9:

English lun 2011- 2- 14 04:28 AM

رد: هل جامعة فيصل تقبل معادلة مقرارت الجامعه العربيه !
 
الي اعرفه للأسف ان جامعة الملك فيصل ماتعادل ساعات الدراسة في الجامعة العربية المفتوحة..

موفقة لكل خير

صـــاحـي لهـــم 2011- 2- 14 04:37 AM

رد: هل جامعة فيصل تقبل معادلة مقرارت الجامعه العربيه !
 
الصراحه ماعندي خبر عن الموضوع بس اللي اقدر اخدمك فيه انتي قدمي المعادله عن طريق الخدمات الطلابيه

وماراح تخسري شي اذا عادلولك كان بها واذا لا فانتي ع قولتك ريحتي راسك وعرفتي :53:

بالتوفيييييق للجميييييع

{ نُ }.. 2011- 2- 14 10:24 PM

رد: هل جامعة فيصل تقبل معادلة مقرارت الجامعه العربيه !
 
http://www.ckfu.org/vb/t148670.html
اتمنى اني افدتك
بالتوفيق:(204):

حلم مستحيل 2011- 2- 14 10:29 PM

رد: هل جامعة فيصل تقبل معادلة مقرارت الجامعه العربيه !
 
المفروض قدمتي ع المعادله من قبل
فـ الحل حاليا لمشكلتك
لا تسجلين المقررات هاذي
وقدمي ع طلب معداله
وبيردون عليك في نهاية المستوى
اذا بيعادلونها لا تسجلينها بالمستوى الجاي
واذا ماعادلوها سجليها بالمستوى الجاي


هاذا اللي اقدر افيدك فيه

✶ جُمان ✶ 2011- 2- 14 10:33 PM

رد: هل جامعة فيصل تقبل معادلة مقرارت الجامعه العربيه !
 
باللقاء المباشر السابق مع الدكتور عبدالله النجار

قال أنهم مايعادلون مواد الجامعة العربية

حلم مستحيل 2011- 2- 15 12:10 AM

رد: هل جامعة فيصل تقبل معادلة مقرارت الجامعه العربيه !
 
جربي وشوفي
انا قالوا لي مايعادلون للي تخرجوا من المجتمع وجربت وعادلوا لي

SaD HeArT 2011- 2- 15 01:49 AM

رد: هل جامعة فيصل تقبل معادلة مقرارت الجامعه العربيه !
 
اقتباس:

المشاركة الأصلية كتبت بواسطة Dr.Latifa (المشاركة 2756090)
السلام عليكم ورحة الله وبركاته
آتمنى لأروحكم الحلوه الطيبه النجاح و لتوفيق فهذا السمستر :love080:

آستفساري هو ..

عن ..


1- النحو التطبيقي 1 - 2
2 - مهارات التفكير

انا مستوى ثاني والمواد الي فوق كلهم ضمن هترم ,,
لكن حابه اعرف قبل لا انزلهم او انزل بعضهم
هل اقدر اعادلهم !!
هل الجامعه تقبل معادلة هلـ 3 مواد !!
يعني اذا تقبل الجامعه فيصل معادلة المقررات المدروسه من الجامعه العربيه
اريح مخي واستبدل هـ 3 مقرارت بـ مقرارت ثانيه انزلها على جدوالي هترم واخلص ساعات
ومواد اكثر .. :cool:

ايضا هل ماده ( مهارات التفكير )
هي نفسها ماده ( مهارات التعلم الذاتي )


ايضا المعادله ابي شرح لها بسيط يعني لو ابي اعادل لهذا الترم لازم اقددم المعادله قبل 16 .؟


مرحبـا أخت Dr.Latifa ..

حي الله زميلـة الجامعة المشفوحـه .. قصدي المفتوحـة :cool: ,

فيه ناس تقول الجامعة ما تقبل معادلة مواد الجامعة المفتوحة , وفيه ناس تقول العكس :mad: ,

ولكن مثل ما قالت الأخت حلـم مستحيـل .. إنتي قدمي , ما راح تخسرين شيء ,

وإذا قررتي ترسلين طلب معادله لا تسجلين المواد اللي تبي تعادلينهـا , أجليها للكورسات الجايه ,

والتقديم عـ المعادلة يكون عن طريق الخدمات الطلابيـة ,

وآخر موعد لهـا هو يوم الأربعـاء (بكره) 16 فبرايـر , يعني إذا ناويه تقدمين تلاحقي عمرج ولا تتأخرين ,

وأنصحج ترسلين مع الطلب ورقة تكتبين فيها وتوضحين لهم المقررات اللي تبين يعادلونها لج ,

وهالشغله سويتها لأن كشف درجات مواد الجامعة المفتوحة + وصف المقررات يختلف من جامعة إلى جامعة ويمكن الموظف يحتار في المقررات .

وبـالتوفيق لــج :smile: .

Dr.Latifa 2011- 2- 15 08:34 PM

رد: هل جامعة فيصل تقبل معادلة مقرارت الجامعه العربيه !
 

تسلمون عسى ربي يسعدكم :love080:

طيب اخوي القلب السعيد :biggrin::love080:
زميل الشفاحه و كورسات الانقلش الفاشله :biggrin::bawling:

ابي شرح كيفية المعادله انا اخذت كشف بلمواد مع الختم
و اخذت كشف درجاتي ومع ختم الجامعه االعربيه ..

الحين ايش اسوي بضبط كيف ارفعها على الخدمه الطلابيه بضبط مب فاهمه
عندي صعوبات تعلم فموضوع المعادله :bawling::bawling:

SaD HeArT 2011- 2- 15 11:22 PM

رد: هل جامعة فيصل تقبل معادلة مقرارت الجامعه العربيه !
 
اقتباس:

المشاركة الأصلية كتبت بواسطة Dr.Latifa (المشاركة 2779451)
تسلمون عسى ربي يسعدكم :love080:

طيب اخوي القلب السعيد :biggrin::love080:
زميل الشفاحه و كورسات الانقلش الفاشله :biggrin::bawling:

ابي شرح كيفية المعادله انا اخذت كشف بلمواد مع الختم
و اخذت كشف درجاتي ومع ختم الجامعه االعربيه ..

الحين ايش اسوي بضبط كيف ارفعها على الخدمه الطلابيه بضبط مب فاهمه
عندي صعوبات تعلم فموضوع المعادله :bawling::bawling:


أهليـن أخت Dr.Latifa ,

الجامعة المشفوحة ماشي حالها , بس خربوها عندنا بـالكويت وسكروا تخصص التربية وقاموا يحوسون الدنيـا :icon9: ,

وكل شيء مغيرين بالخطة الدراسية ومصعبين المناهج و الدكاتره يا دافع البلا ما تقوله إنزح وراك :017:,

غالية والطلب رخيص يا لطيفـة , طريقة تقديم المعادلـة سهله وبسيطه ,

و حلو إن كشف الدرجات + وصف المقررات موجودين عندج , وهالشيء راح يسهل عليج أمور كثيرة ,

الحين كل اللي باقي لج إنج تحطينهم في ملف واحد وترسلينهم للجامعة من خلال الخدمات الطلابية , وراح أشرح لج الطريقـة :


1/ تعملين سكانر لـ كشف الدرجات + وصف المقررات اللي أخذتيهم من الجامعه وتخزنيهم في كمبيوترج .

2 / بعد ما تخلصين السكانر , ترفقين كشف الدرجات + وصف المقررات في ملف واحد مضغوط ,
وعندج برنامج rar أو zip أفضل وأسهل برامج الضغط .

3 / تفتحين الخدمات الطلابية وتضغطين على أيقونة تقديم طلب معادلة .

4 / لما تفتح معاج صفحة تقديم الطلب راح تشوفين تعليمات وشروحات ,
وتحت راح تلاقين بوكس صغير , إضغطي عليه وبعدها موافق .

5 / تفتح لج صفحة جديدة وفيها تكتبين بعض المعلومات عن الجامعة اللي درستي فيها .

6 / في نفس الصفحة راح تشوفين مربعات عن المواد اللي درستيها + الساعات + التقدير اللي حصلتي عليه ,
ولازم تكونين دقيقة حيل في هالخطوة علشانهم راح يطابقون كل شيء مع كشف الدرجات + وصف المقررات اللي أرسلتيهم .

7 / بعدها راجعي شغلج وتأكدي إن كل شيء أوكي , وبعدين سمي بالله وإضغطي على الزر اللي تحت وأرسليها لهم .

ملاحظــة /



أنصحج ترسلين مع الطلب ورقة (ملف وورد ) توضحين لهم فيها المقررات اللي ترغبين في معادلتها ,

وهالشغلة سويتها لأن كشف الدرجات + وصف المقررات يختلف من جامعة إلى جامعة ويمكن الموظف يحتار في المقررات !!


أتمنى يكون شرحي واضح لج , وإذا فيه شيء مو واضح قولي لي عنه ومالج الا طيبة الخاطر ,

على فكرة ترى بكرة ( الأربعـاء ) آخر يوم لـتقديم طلبات المعادلة , ضبطي أمورج قبل الموعد ولا تتأخرين :smile: .


All times are GMT +3. الوقت الآن حسب توقيت السعودية: 11:21 AM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه