|
وش هالجدول اللي مو راضي يتعدل ؟
السلام عليكم ورحمة الله وبركاته
الله يعطيكم العافيه الحين بعد ما سجلت المواد بالبنر وكل شي تمام اليوم دخلت ولقيت مكتوب لي بالجدول ((اختبار هذا المقرر سيكون فى نفس يوم اختبار مقرر أخر )) والله مدري وش القصه اخاف يكون تعارض واحوس ام الدنيا اتمنى احد عنده خبره يعلمني او يوجهني او يقول لي اللي سويته صح او لأ وبعدين الجدول هل فيه مجال اعدله او لا بصراحه للحين ما دفعت الفلوس الاسبوع الجاي ناوي ادفع بس ضيق صدري اللي مكتوب بالجدول والله ياخي الجامعه فيها تعقيد وليش ما يكون التسيجل اسهل من كذا ونرتاح ؟؟؟؟؟:Cry111: اتمنى احد يجاوب علي واتمنى لكم التوفيق |
رد: وش هالجدول اللي مو راضي يتعدل ؟
هلا اخوي
ايه صحيح فيه مواد متعارضه مع مواد اخرى وبتكون بنفس اليوم للاختبار ، بس انت حاول تلغي احدى المادتين المتعارضتين واختيار مادة اخرى مكانها ماتكون متعارضه مع اي من المواد ، ويمديك طبعا تلغى وتضيف دامك ماسددت للحين وتقدر تتطلع علي الجدول الكامل لكل المواد وتتاكد من ايام اختباراتهن وتختار براحتك . اتمنى اكون افدتك اخوي جدول جميع المواد موجود بالمنتدى بس مدري كيف ارفقه لك بالتوفيق يارب |
رد: وش هالجدول اللي مو راضي يتعدل ؟
http://www.kfu.edu.sa/ar/Deans/elear...exam_table.pdf
ضبطتك يالذيب ههههه شف هذا رابط الجدول الشامل لجميع المواد ، واختر بكيفك وركز علي الايام اللي بيكون فيها الاختبار بحيث ماتتعارض مادتين بنفس اليوم . بالله وش رايك فيني :mh318: هههههه بالتوفيق اخوي |
رد: وش هالجدول اللي مو راضي يتعدل ؟
وعليكم السلام ورحمة الله وبركاته ,
حياك الله أخوي عرعر غير وعسى الله يوفقك في دراستك ويوفق الجميع , الأخ منتسب متوهق ما قصر , وفّى وكفّى , وما أزيد على كلامه إلا في هالجزئية البسيطة أحيانا يكون التعارض لـمادتين فيها سهوله وفي مقدور الطالب دراستهم وهالشيء راجع للطالب نفسه في الإختيار أو ترك المواد , ولكن لازم نحط في بالنا الايام اللي قبل + بعد اليوم اللي يصادف تعارض مادتين مع بعض , إذا فيه قبلها يوم أو يومين وبعدها أيضا يوم أو يومين , ما فيه أي مشكله :wink: , ولكن إذا الجدول مزحوم وما فيه ايام راحه والإختبارات ورا بعض فالسلامة أبدى ولازم حد يغامر وبعدين يتورط :(204): . |
رد: وش هالجدول اللي مو راضي يتعدل ؟
أخوووي مكتووب هالكلآآآم يم مــآدة التلاووه والتجوويد صح!!
اذا كـآن مكتووب يمها يعني أن التلاوه والتجوويد بيكوون نفس يوووم برآمج حـآآسب,,, <<ويب يب تقددر تضيف الى تــآآريخ ((1_4)) موفــق أن شــآآء الله... |
رد: وش هالجدول اللي مو راضي يتعدل ؟
مشكورين والله يعطيكم العافيه بس المشكله اني للحين ما فهمت شي يعني هالتعارض معناه بنفس اليوم والا معناه بنفس الفتره
اذا كان بنفس اليوم ما عندي مشكله انشاءالله بس اذا كان بنفس الفتره هذا اللي ما ابيه اتمنى ان احد يرد ويعلمني والله للحين ما عرفت طريقه التسجيل والجدول مع ان الاخوان ما قصرو بس ما فهمت شي؟؟؟؟ |
رد: وش هالجدول اللي مو راضي يتعدل ؟
مرحبا اخووي
العبارة تعني ان لديك مادتين وحده اختبارها فترة اولى والماده الثانيه اختبارها فترة ثانيه وليس هناك تعارض في الفترات انما للتذكير بأن لديك مادتين في نفس اليوم وليس في نفس الفتره ان شاء الله وضحت الصوره موفق |
رد: وش هالجدول اللي مو راضي يتعدل ؟
تركي اخوي يعني هالكلام اللي مكتوب مو معناه ان عندي مادتين بنفس الفتره
((اختبار هذا المقرر سيكون فى نفس يوم اختبار مقرر أخر )) |
رد: وش هالجدول اللي مو راضي يتعدل ؟
نعم اخووي
وبإمكانك التأكد بالدخول على الخدمات الطلابيه واستعراض جدول الاختبارات تشووف اللي حاطين لها هذه الملاحظه .. ركز على يوم الاختبار تحصله متكرر في مقررين ولكن الفترات تختلف .. تلقى مقرر حاطين فتره اولى والمقرر الآخر حاطين فتره ثانيه اعتقد واضحه اخووي موفق |
رد: وش هالجدول اللي مو راضي يتعدل ؟
اقتباس:
اقتباس:
هاذا موتعارض بنفس اليوم بس فتره أولى التلاوه والتجويد وفتره ثانيه برامج الحاسب |
| All times are GMT +3. الوقت الآن حسب توقيت السعودية: 01:38 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه