ضروووري الدخول

[هدووء الفجر]

السلام عليكم ورحمته الله وبركااته

ممكن تساعدوني كييييييييييييييييييف طريقه التسديد وكل شي والارقاام الى ارسال علييييييييييه الله يسعد الى يرد عليه

[SaD HeArT]

هدوء الفجـر

وعليكم السلام ورحمة الله وبركاته

ولا يهمج افا عليج , راح أشرح لج كل شيء على خطوات علشان يكون كل واضح :

1/ تدخلين على أنظمة الخدمات الطلابية من خلال الرابط التالي

http://del.kfu.edu.sa/entisab_app/index.asp

2/ راح تلاقين بوكسين ولازم تسجلين الرقم الجامعي + الرقم السري اللي الجامعة أرسلتهم لج علشان تدخلين على الخدمات الطلابية .

3/ لما تدخلين على الخدمات الطلابية راح تلاقين أيقونات كثيره وكل أيقونة لها وظيفة مختلفه , إضغطي على أيقونة سداد الرسوم .

4/ بعد الدخول على أيقونة سداد الرسوم راح تظهر لج صفحة السداد وفيها تعليمات السداد + نموذج سداد الرسوم + إرسال الوصل إلكترونيا .

5/ إضغطي على نموذج سداد الرسوم وراح تظهر لج نموذج فيه المواد اللي سجلتيها وتفاصيلها المالية , المطلوب منج طباعة الصفحة , وراح تلقين تحت عاليسار أيقونة صورة طابعة , وإذا عندج طابعة إضغطي عليها عشان تطبع النموذج أو روحي لأقرب مكتبة علشان يطبع لج النموذج .

6/ تاخذين النموذج وتعطينه للوالد أو لأي واحد من إخوانج وهو يروح لأقرب فرع من بنك الرياض علشان يدفع الرسوم ويحتفظ بالوصل اللي ياخذه من البنك .

7/ بعد ما يخلص من البنك لازم يصور الوصل أكثر من نسخه وبعدها يمر فرع البريد ويدخل عندهم ويقولهم أ[ي أرسل الوصل لجامعة الملك فيصل وموظف البريد راح يتكفل بالباقي .

8/ تاخذين صورة من وصل البنك وتعملين له سكانر , إذا عندج سكانر بالبيت أوكي وإذا ما عندج الله يعينج تمرين أقرب مكتبة .

9/ ترجعين إلى أيقونة سداد الرسوم في الخدمات الطلابية وتدخلين عليها وتضغطين على إرسال الوصل إلكترونيا وتختارين الفصل الحالي واللي هو الفصل الثاني 1431/1432 وبعدين تضغطين على إستعراض وتدخلين صورة الوصل اللي عملتي له سكانر وبعدها تضغطين على رفع الملف .

وخلاص .. إنتهـى ,

أتمنى يكون الشرح واضح ومفهوم لج , والسموحه عـالقصور .

[هدووء الفجر]

مشكوووووووووووووووور اخوووي ماااااااااقصرت الله يسعدك دنيا واخره

[gєℓηαя]

الله يعطيك الف عافية كفيييت ووفيتتت