طريقة ممكن في تنفيذها التأثير على الدكتورغسان بالعدول عن قراره

[عاشق الانجلش]

السلام عليكم
اخواني واخواتي الطلبة طرأت على بالي فكرة الا وهي ان نقوم باإرسال رسائل على جوال الدكتور غسان على جواله التعليمي وليس الرسمي نطالب فيها بعدم استقالته وإننا نريده أن يبقى وان الذي حصل له ليس منا ونعتذر له نيابة عن المتسببين في هذه المشكلة وان اغلبيتنا نريده لانني يااخوان واخوات والله العظيم ليس محاباة للدكتور اقسم بالله اني درست بأحد الجامعات ولم اجد فيها مثل ماوجدت في هذه الجامعة من مساعدة وواسئلة مراجعة على سبيل المثال الانجليزي اقسم بالله كنت بالجامعة السابقة ادرس من كتب ومراجع ولم استفيد شي وهنا بالجامعة الحمدلله كل سبل المساعدة موجودة.
هل توافقونني الرأي على مثل هذه الفكرة لعل وعسى ان نؤثر على قرار الدكتور قبل فوات الآوان واذا توافقونني الرأي راح اجيب لكم رقمه..او الذهاب للبلاك بورد وراح تلقون جواله التعليمي هناك.

[Luffy]

وانا معاك

واالله الجامعه ما قصرت والدكاتره ما قصروا

القصور كان منا

الطلاب والطالبات في الجامعات الثانية يشتكون من

صعوبة الدراسة وتعقيدها عليهم

لكن والله ما راح نحس بخسارة الدكتور الا لما يجينا دكتور ثاني

وذاك الوقت اطلبوا يرجع الدكتور

وياليت نبداء بحمله ضد غسان

ونطالبه بالعدول عن قراره

[عاشق الانجلش]

انا مستعد ارسله رسالة بالبريد الممتاز والله شي يقهر ياناس يجي الطالب او الطالبة مو مذاكر شي ويفتح الملزمة ليلة الاختبار ويبي ينجح وين تصير هذي واذا حسوا انهم ماجاوبوا زين حملوا الدكتور الذنب كله وين عايشين....!!!! اقسم بالله اني طرطعت انا تخصصي انجليزي وعندي تقريبا فهم للانجليزية حوالي 80% والله ماحصلت اسئله زي اسئلته ياناس حرام الظلم واذا فيه تقصير ترا مننا مو من الدكتور والله يهدي اللي كان السبب وحسبي الله ونعم الوكيل بس

[جامعيه قادمه]

وش السالفه

ليش الدكتور بيستقيل

[sweet nany]

كلام منطقي وفي محله
اتمنى تدعمو صفحته عالفيس بوك
محبي الدكتور الفاضل غسان نايفه - نرفض استقالتك
على اللينك
http://www.facebook.com/pages/%D9%85...8032559?v=wall

[عاشق الانجلش]

يااخوان ماقلتوا لي رايكم؟

[حيـاة]

سوو اي شي بس المهم الدكتور لا يستقيل

نبغاه يفررح قلوبنا برجعته لنا
والله ضايق صدري وبكيت عشان اللي صار له لكن مانقول الا حسبنا الله وتعم الوكيل

[الاشعث]

لا شك اخي .عاشق الانجلش..ان ذهاب الدكتور غسان خساره للجميع .خساره حتى لمن اخطأ في حقه لأنهم لن يعرفو قدره الا بعد رحيله..لكن الى الله المشتكى والله يصبر الدكتور على هالبلوه ..ونحن معك اخي في اقتراحك الطيب ..

الاخت sweet nany الله يجزاكي الجنه ..

[عاشق الانجلش]

اقسم بالله انه خسارة وليست بالخسارة التي ممكن انها تعوض والله العظيم لو يستقيل الا نندم اشد الندم فياخواني واخواتي حاولوا بكل مااوتيتم من افكار وقوة وعلم ومعرفة المشكلة انني في منطقة الحدود الشمالية قرابة 1000كيلو وموظف ومااقدر اروح بيوم والايومين مرتبط بدوامي والله العظيم واقسم بالله الكريم لو كنت قريب من الاحساء والله اروح اقابل الدكتور وواطلب منه يترك قراره انا ارجوا من الاخوان القريبين من منطقة الاحساء الذهاب للدكتور كمجموعة يطالبونه بالعدول عن قراره لازم احد يوصله ويوصله صوتنابعد هو ممكن مايشوف اللي جالس نسويه عشانه لكن لو راحوا له مجموعة من الشباب ممكن انه يغير رأيه ويحس ان فيه طلاب وطالبات يبونه يظل لانه يستاهل اكثر من كذا لازم احد يتفاعل مع الفكرة هذي بعد....

[ام زيزفون]

والله اللي قريته عن دكتوركم يدل على تعاونه معكم انتم طبعا دفعة جديدة مالحقتوا على خوينا الله يذكره بالخير ويعفو عنا وعنه يوم ناقشناه بالمباشرة عن الاسئلة 100والوقت مايكفي قال اللي معاق اعاقته على نفسه مايحمله المجتمع (يعني حنا معاقين الاخ متفاعل مع التخصص)
المشكلة مجموعة من الطلبة ينعدون على الاصابع يخربون على 15 الف طالب والله قهر مايرون مصلحة الجماعة كل واحد يبي مصلحته
مااتوقع ان الدكتور بيهون عن الاستقاله وحتى لو مااستقال بيترك نظام الانتساب
الله يستخير له الخيره المباركه ويسر له الصالح في امر دينه ودنياه