|
رد: نداااء الى كل طلاب مستوى ثاني ^_^
طيب المشكلة اذا صححوا على رواقة وراجعوا ومع ذا كله جابوا العيد وعفسوا الشغلة .
----------------------- أدري راح تقولين تفائلوابالخير تجدوه ----------------------- راح اقول لك الحمد لله متفائل والدليل اني فتحت المحاضرة التمهيدية والمحاضرة الأولى للمحاسبة 2 الليلة ( يعني حطيت في بالي من واقع حلي ان محاسبة 1 في الجيب بعون الله ) ----------------------- ولكن موضوع اعلان النتائج لازم يكون فيه عدل ( يعني شوف حسناته وسيئاته وشوف اللي أكثر) من اللي شفته ان عدم الاعلان أثر بشكل أكبر على الطلاب وفتح أبواب كثير على الجامعة مالها أول ولا آخر مثل مالنتيجة السيئة لها تأثير عكسي من منظورك من الممكن يكون لها أثر إيجابي لأشخاص آخرين وتحفزهم لبذل جهد أكبر وفي نفس الوقت اللي نتيجته زينه راح تحفزه أكثر لأنه يحصل على المزيد ( باختصار المعادلة صعبة ومثل هذا الخيار المفروض مايتخذ بناءا على قرار شخص واحد ( أوتوقراطي ) المفروض يحطونه للتصويت في الصفحة الرئيسية للجامعة ( نفس الأسئلة اللي نشوفهم حاطينها للتصويت ). ------------------------------------------------------------ وجهة نظر شخصية : هذا البرنامج جديد بالنسبة لجامعة الملك فيصل وأكيد راح يكون فيه عقبات كثير معناه المسؤولية كبيرة على الكادر الاداري ( مشاكل بلاك بورد - عدم فتح ايقونات - ادخال درجات خاطىء - .... ) هذا كله مايتحملون مسؤوليته لأن مسؤوليتهم في حالة حدوثه تصحيح الأخطاء ( والمعلوم ان التصحيح ياخذ وقت أكثر من الوقت اللي ياخذه وقوع الخطأ). المأخذ الوحيد اللي أعاتب الجامعة عليه : عدم الشفافية وحبهم للغموض وإبداعهم في ابتكار المتاهات . - عدم الشفافية : كل تعليمنا باتصال مباشر بالانترنت ومع وجود وسائل اتصال عديده منها : ايقونة الاعلانات - الايميل الجامعي - رسائل الجوال ( المنتدى ماراح احسبه لأنه يعتبر ديوانية للطلبه ) الا انهم مااستغلوا وسائل الاتصال بالشكل المناسب . - حبهم للغموض وابداعهم في ابتكار الالغاز : يعني بدل ماتستخدم وسائل الاتصال اللي ذكرتها قبل ينزلون تصاريح في المنتدى وكل تصريح تلقاه في منتدى غير المنتدى اللي قبله واذا لقيته تحصل كل تصريح فيه كلمتين أو ثلاث كلمات تجلب العديد من علامات الاستفهام اللي تخليك ضايع ماتدري وش اللي لك وش اللي عليك ( ماكان أحسن للإدارة تجتمع لها ساعة وتقرر وش المطلوب من مشاركات وواجبات وحضور محاضرات ) وتطلب من موظف يكتبها بالكمبيوتر بتفاصيلها ويحطها في أيقونة من الأيقونات اللي موجودة في بوابة التعليم عن بعد وبكذا نرتاح من 2000 موضوع فاتحينها الشباب لهذا السبب ) . وأخيرا تعدد المديرين( في هذي الله يسامحني اذا كنت غلطان ) الدكتور عبدالله النجار رجال ونعم وكفو هذا مايختلف عليها اثنين ولكن الشخصية القيادية تفرض نفسها بالقوة وبكذا أي موظف من موظفين الإدارة اللي تابعه له مايحق له يدلي بأي تصريح مهما كانت مرتبته ( حتى لو انه يعرف يقرا الفنجال ! ) إلا واسم الدكتور عبدالله النجار مقرون بالتصريح غير كذا تعال ياراعي التصريح تحقيق. ------------------------------ طولت بس وش أسوي دخلت جو |
رد: نداااء الى كل طلاب مستوى ثاني ^_^
اقتباس:
يااا قلبي انتي ما تقصرري والله تسلمي على اهتمامك وكلامك النابع من خووفك علي :Cry111: الله لا يحرمني منك ويسعدك دنياا واخررررررره .. |
رد: نداااء الى كل طلاب مستوى ثاني ^_^
اقتباس:
الله يسعد قلبك شكلك شارب دله قهوه مخمخت بسلبيات الجامعه بهالرد اللي كله حكم والله انا جدااااا متضايقه من سالفه ان استفساراتي يجاوبني عليها طالب زيي يعني والاداره وييييييين .......!! انا داخله قطيه ادرس مع طلبه ولا داخله جامعه هي المسؤله عن كل شئ يخص دراستي عموما تكلمنا وتكلموو وراح نتكلم ولا حيااه لمن تنادي :24_asmilies-com: |
رد: نداااء الى كل طلاب مستوى ثاني ^_^
اقتباس:
ربي يجزاك خير على هالنصيحة كنت مفكر أحط بجدولي العقيدة و مهارات الاتصال بس دامهم بيوم واحد كنسل كنسل يابو الشباب أبو محمد وهموسه من اليوم تغير الجدول |
رد: نداااء الى كل طلاب مستوى ثاني ^_^
اقتباس:
بخير يالغلا كل الأمور طيبة وما عليك شر ولا تحاتي شيء لا نتايج ولا مستشفيات خلك مثل يوم اختبار المحاسبة يوم تقولي ضامنه الفل مارك هههههههههههههههههههههههه تصدقين أسعد يوم اليوم تدرين ليه دخلت المنتدى اللي كنا فيها وهزأتهم وطلعت برد خاطري شوي كله كوم ورد الأدمن كوم ثاني حسيت نفسي بغابه مو منتدى القوانين تطبق على ناس وناس وربي شاهد على كلامي الحمد لله ياربي على تنويرك دربي إلا بسألك وش قصتك معاهم لأن جاني خبر إن أكثر من شخص طلب إلغاء العضوية ههههههههه |
رد: نداااء الى كل طلاب مستوى ثاني ^_^
همسس الريم
الله يوفقكـ وبإذن الله تنزل النتآئج بـ إمتيآز وتصيفين آحلى صيف واللي يقول لك صعب المستوى الثاني >> سلمي لي عليه :hahahahahah: وقولي له حبحب القصيم بالعكسس نفس المستوى الاول اذا ما كآن آسهل وبالنسسبه للمذكرآت انا بصرآحه لا شريت المذكرآت ولا سويت اي شي نهاية الترم ,, نزلت الملخصات للموآد وذآكرت منها والحمد لله كلها إن شاء الله زينه >> بس الصيف هذا استآنسي فيه ,, وملحقه على الدرآسه والمذآكره اقتباس:
الامور طيبه وانا اخوك :cheese: |
رد: نداااء الى كل طلاب مستوى ثاني ^_^
اقتباس:
صار الشق أكبر من الرقعه يابو محمد شف هالموضوع وقل يا قلب لا تحزن السالفة فيها دراهم لكشف الورق ههههههههههههههه وأبد ما طولت ولا شيء خذ راحتك هذا أقل شيء تقدر تقوله لهم وعلى فكرة ياليت البعض اكتفى بشتم البلاك بورد فقط لكن وصلت الأمور العالم صارت تسب بعضها البعض وربي أكلوا البنت على كلامها الله المستعان بس ومالنا مبدأياً إلا الصبر لين يذوب الثلج ويبان المرج على قولت أهل الشام بالتوفيق لك وللجميع |
رد: نداااء الى كل طلاب مستوى ثاني ^_^
Normally part of university policy, when anybody wants to review his exam answer in specific subject. He has to pay 500 SR for his request. If there is problem they will give it back him (imagine if they make it free how many student will review his answer?) :oao:
|
رد: نداااء الى كل طلاب مستوى ثاني ^_^
نصيحتي لك شدي حيلك واعتمدي على المحاضرات المسجله والشرائح
ولا تاخذي ملخصات كلها معقووله اللي يذاكر ينجح >>> جايب شي جديد هههههههههههه |
رد: نداااء الى كل طلاب مستوى ثاني ^_^
اختي همس الريم ويش فيك شايله هم المستوى الثاني من الآن ترا والله سهالات اسهل من المستوى الاول بس يبيلك متابعة اول باول وعندك مادتين ماتحتاجين تشاهدي محاضراتهم المسجله بس حمليهم على شان تحسب لك بالمشاركة اللي هم العقيدة والتقنية . تمتعي بالاجازة الآن وانتظري النتائج وان شاء الله الجميع ناجحين ,,,,,,,,وترا الوضع تمام الحمدلله الدكاترة فاهمين وضعنا كاطلاب انتساب وضروفنا اتمنى التوفيق لك وللجميع ... نصيحه لك لاتنزلي اكثر من 6مواد ترا بيكون عليك ضغط وقت الاختبارات |
| All times are GMT +3. الوقت الآن حسب توقيت السعودية: 01:28 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام