|
رد: التعليم عن بُعد ووزارة الخدمة المدنية
سؤال لك يا اخ كل العرب
اثبت لنا احصائياتك واثبت لنا كيف مو معتمده وسؤال بعد جامعه الملك فيصل حكوميه ولا اهليه واذا مو معتمده ليش تواصل دراستك على فكره اذا على قولك مو معتمده ترى ماراح تنفع الشهاده للموظفين خخخخخ الله يهديك بس |
رد: التعليم عن بُعد ووزارة الخدمة المدنية
شكل اخونا )) كل العرب ((
متخرج من زمان وداخل المنتدى تسليه لانو ماتوقع هذا رد واحد يدرس تعليم عن بعد ننتضرك اخوي تفسر لنا حكيك لانو جدا جدا جدا قويه غير معتمد يعني ندرس وندفع ع الفاضي :(107): |
رد: التعليم عن بُعد ووزارة الخدمة المدنية
اقتباس:
الشهادة كونها من جامعه حكومية سعوديه معتمدة لدى جميع جهات التوظيف الخاص والحكومي لكن في المفاضلات تختلف الامور كثيرا .. وهذا شي بينته وزارة الخدمة المدنية تقول لك قدم على الوظائف لكن ليس هناك اعتماد حتى الان .. الا ماشاء الله فالانتظام 100 نقطه والانتساب 60 نقطة وضروري الكل قبل لايدرس يكون عارف ,, حتى لايلوم الجامعه الجامعه تدرسك بالانتساب وبالتعليم عن بعد وتمنحك شهادة على قدر معدلك . وتقول لك بالتوفيق . لكن يآتي دور مقص الرقيب ووزارة الخدمة والوزارات الاخرى ,, ومتاهة لايعلمها الا الله لكن تآكد ان الارزاق بيد الله ,, وكل واحد ماراح ياخذ غير نصيبه فقط . وللموظفين باذن الله للمراتب العليا شكرا |
رد: التعليم عن بُعد ووزارة الخدمة المدنية
اقتباس:
أنا قاعد أقول وكلامي ..واضح ان الخدمة المدنية حتى الان ضد مؤهلات الانتساب . في فرق بين كون الشهادة معتمدة جامعيا , ومعتمدة توظيفيا ألم تقرآ مطالبة طلاب وطالبات جدة بالانتساب ؟؟ مطالبتهم وزارة الخدمة المدنية النظر في أوضاعهم وتعيينهم ؟؟ بعد سنوات الانتساب والتعليم . شهادة جامعتنا باذن الله معتمده جامعه حكومية ... لكن جهات التعيين ؟؟ !! حتى الان لا اجابة صريحه ولا اجابة واضحه . هذي الحقيقه ولانضع على اعيننا ستار .. شكرا |
رد: التعليم عن بُعد ووزارة الخدمة المدنية
اقتباس:
ومافهمتي حنا وش نتكلم فيه على طول غير معتمدة !! يا اختي حنا نقول الاعتماد الوظيفي بالديوان .. ضعيف جدا لمؤهلات الانتساب والكل يعلم بهالشي .. هالشي موجديد علينا ما نقول ان جامعتنا غير معتمدة .. جامعتنا حكوميه وأي برنامج فيها معتمد لكن جهات التعيين تتنصـــل وتتهــرب من خريجي الانتساب .. وحتى الان الوضع غامض . بالتوفيق للجميع |
رد: التعليم عن بُعد ووزارة الخدمة المدنية
اقتباس:
الله يعافيك ع الرد السريع واذا ع المفاضله هين عارفين انو الانتضام اولى عقب حنا بس الحمدلله بدت الدنيا تتسهل وتتيسر ومايندرى لهذاك الوقت وشو بيصير وان شاء الله ربي يسهل امورنا وننجح ونتضف بعد نتوكل ع الله واخيرا اعتذر لك اخي ع سوء الفهم :106: |
رد: التعليم عن بُعد ووزارة الخدمة المدنية
اقتباس:
ودنا والله الكل ينجح ويحصل على العمل اللي يبي .. بيسر وسهوله والموظف يحصل على المراتب العليا .. لكن من هنا الى هذاك الوقت لو تساوى لدى جهة التعيين الانتظام بالانتساب بالتعليم عن بعد فهو من صالح الجميع. بالتوفيق لك ولجميع الطلبة هنا واشكركم على مجهوداتكم الدراسية . |
رد: التعليم عن بُعد ووزارة الخدمة المدنية
اقتباس:
اخي أول شيء دعك مني لأني لو عندي معلومات ما سألت في هالمنتدى لكن انت يا أخي تتكلم بكلام انا نبهت عليه في البداية وهو الفلسفه والتخمين اذكر لنا مصادرك طالما انك تفوهت بالكلام ولا لا تذكر شيء وانتقادي لك من باب انك ماتذكر مصادر وانا ما انتقد آراء البقية واذا كان كلامك صحيح وابحث في وزارة الخدمة المدنية ليش ماتذكر لنا اسم الشخص او اي شيء يدل على انها غير معتمدة واذكره هنا عشان الكل يستفيد وافهم من كلامك انك تدرس انتساب عشان عندك واسطة راح تساعدك:119: اللي اعرفه ان الله سبحانة هو اللي فوق القانون اما الواسطة فهي محدودة لعينات تتسلق بغير وجه حق أخيراً انا ما انتقدك ولكن اعتب عليك وتقبل عتابي بصدر رحب لأننا اخوان في الملتقى جميعاً |
رد: التعليم عن بُعد ووزارة الخدمة المدنية
أهم شي أنها معتمدة
وعندي بالعمل فيه موظفين ترقوا بشهادات أنتساب بشرط موافقة العمل على الدراســـة |
رد: التعليم عن بُعد ووزارة الخدمة المدنية
افعل الاسباب والرزق من الله ... معتمده الحمدالله .. واللي ربي كاتبه بيجيك لين عندك ..
|
| All times are GMT +3. الوقت الآن حسب توقيت السعودية: 09:01 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام