ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى طلاب التعليم عن بعد جامعة الملك فيصل (https://vb.ckfu.org/f183)
-   -   قررت بعد ما تعبت وانا أفكر (https://vb.ckfu.org/t197215.html)

Ms.fnoonah 2011- 6- 25 04:30 PM

قررت بعد ما تعبت وانا أفكر
 
قررت احول بدري:41jg::017::mad:
قررت احول للغة الا نجليزية السنة القادمة:biggrin:
لكن ابي مشورت أخواني وأخواتي هون بالمنتدى:d5:
ياليت تبدون رائيكم أختكم في مأزق من التفكير :Cry111:
مأعرف اعبر اكثر من هيك :bawling:
أن شاء الله فهمتوا علي:mh12:
اية صح قبل لا انسى انا تخصص علم اجتماع:cool:

M.pink 2011- 6- 25 04:33 PM

رد: قررت بعد ما تعبت وانا أفكر
 
/

انا كنت انجلش وهالترم حولت علم اجتماع

بصراحه التخصص صعب بعد ماشفت الخطه حولت

يبي له جهد كبير ودراسه اول باول ويمكن بعض المواد تحتاجين مدرسه خصوصيه

علشان كذا انا حولت الى علم اجتماع ومرتاااااااحه فيه حمدلله

وانتي بكيفك اذا شاطره بالانجليزي حولي :cheese:

موفقه

/

عبدالله121 2011- 6- 25 04:34 PM

رد: قررت بعد ما تعبت وانا أفكر
 
قسم روعه ومستقبله حلو مرررررررررررررررررررررررررررررررره
لكن بالنسبه لي ما احبه لني ما اعرف Eبالتوفيق :d5:

الرمز 2011- 6- 25 04:35 PM

رد: قررت بعد ما تعبت وانا أفكر
 
يا أختي ليه التردد دامك راغبه القسم توكلي على الله بس اهم شي يكون عندك خلفيه طيبه عن الانجليزي ،،


الله يوفقك ان شاء الله ،،،،

سايق الخير 2011- 6- 25 04:36 PM

رد: قررت بعد ما تعبت وانا أفكر
 
أنا من رأيي إذا منتي موظفه أو غير مستقره بالوظيفه حالياً لاتحولين
لأن علم الإجتماع مجالاته أكثر لك كأنثى

واللغه الأنجليزيه حتى لو لها مجالات مايعتمدون على الشهاده لو كانت دكتوراه يحدد مستواك المقابله الشخصيه

وموفقه في كل حال

ضاري الشمال 2011- 6- 25 04:36 PM

رد: قررت بعد ما تعبت وانا أفكر
 
اختي بالنسبه لتخصص اللغه الانجليزيه ممتاز لنا الشباب مدري عن البنات بس اتوقع انه بنفس الدرجه في مجال التوظيف ,,,,
بس يبقى نقطه مهمه / مدى حبكـ واستيعابك للغه ... اذا تهقين بنفسك بتبدعين حولي ولاتشاورين احد
بالتوفيق :(204):

Ms.fnoonah 2011- 6- 25 04:38 PM

رد: قررت بعد ما تعبت وانا أفكر
 
:d5:كلام رائع منكم لكن انا عندي عيب واحد:mh12:
أذا مسكت الشي جاني نوم وطنشت المادة أذا كانت صعبة مرة:24_asmilies-com:
وانا درارسة ادب انجليزي :mad: عندي خلفية بسيطة في اللغة الانجليزية:biggrin:
اقتباس:

قسم روعه ومستقبله حلو مرررررررررررررررررررررررررررررررره
مو هذا الي مجنني المستقبل الحلو:71:

Ms.fnoonah 2011- 6- 25 04:40 PM

رد: قررت بعد ما تعبت وانا أفكر
 
اقتباس:

المشاركة الأصلية كتبت بواسطة سايق الخير (المشاركة 3893151)
أنا من رأيي إذا منتي موظفه أو غير مستقره بالوظيفه حالياً لاتحولين
لأن علم الإجتماع مجالاته أكثر لك كأنثى

واللغه الأنجليزيه حتى لو لها مجالات مايعتمدون على الشهاده لو كانت دكتوراه يحدد مستواك المقابله الشخصيه

وموفقه في كل حال

:(107)::(107)::g2::g2:
كلام منطقي:(204):

Ms.fnoonah 2011- 6- 25 04:49 PM

رد: قررت بعد ما تعبت وانا أفكر
 
اقتباس:

المشاركة الأصلية كتبت بواسطة ضاري الشمال (المشاركة 3893154)
اختي بالنسبه لتخصص اللغه الانجليزيه ممتاز لنا الشباب مدري عن البنات بس اتوقع انه بنفس الدرجه في مجال التوظيف ,,,,
بس يبقى نقطه مهمه / مدى حبكـ واستيعابك للغه ... اذا تهقين بنفسك بتبدعين حولي ولاتشاورين احد
بالتوفيق :(204):

:064:صراحة رحت اليوم مركز وسمعت الاداريات يسولفون عن تخصصص اللغة الانجليزية ويسلفون عن التعليم عن بعد بجامعتنا وهيك:71:
حمسوني ادرسة:33_asmilies-com:

جبرني الشوق 2011- 6- 25 04:53 PM

رد: قررت بعد ما تعبت وانا أفكر
 
حولي وانا معك بحول

في السعوديه يبون مدرسين انجليزي يعني الوضيفه مضمونه


انصحك حولي وانتي مغمضه

Ms.fnoonah 2011- 6- 25 04:54 PM

رد: قررت بعد ما تعبت وانا أفكر
 
:biggrin::biggrin:

الــغـــدراء 2011- 6- 25 06:52 PM

رد: قررت بعد ما تعبت وانا أفكر
 

اللغة الانجليزية والحاسب الالي اعتبره مثل الذهب للشباب بواقع كثرة الوظائف لهم بس البنات بصراحة مدري الطب اتوقع او تخصص اشعات نسائية من واقع تجربه افضل من التدريس موب مضمون ولا فيه شركات بها عنصر نسائي ؟ مع ان تخصصي علم اجتماع ! بس ولله الحمد انا موظف

احسن شئ صلي ركعتين استخارة واتكلي على الله
وبالتوفيق :106:

Ms.fnoonah 2011- 6- 25 06:57 PM

رد: قررت بعد ما تعبت وانا أفكر
 
:bawling::bawling:

شكلها كذا استخير والي كاتبة ربي يصير:106::119:

عمردان 2011- 6- 26 01:53 AM

رد: قررت بعد ما تعبت وانا أفكر
 
انا انصحك بتربيه الخاصه تخصص جديد نسبيا ومجاله في اتساع مستمر وسهل لانه مايستهدف النا س السليمه وبالنسبه للتعليم ما اكتفوا منه يعني لحد الأن مطلوب بكثره واذا اصبحتي مدرسه الحصص قليله والطلاب اقل واول راتب بالنسبه للمدرسين 9500 مدري عن المدرسات وهالتخصص له بعد مجال في العلاج الطبيعي في المستشفيات و اتوقع راح يكول له مكتب في كل دائره حكوميه لكي يتعاملون مع الصم والبكم بالغة الأشاره اسوتا بالدول المتقدمه :(204):

{ نُ }.. 2011- 6- 26 02:13 AM

رد: قررت بعد ما تعبت وانا أفكر
 
فنونه شوفي درجاتك
بعد النتائج وبعدين قرري
هو على العموم تقدرين تغيرين التخصص بعد المستوى الثاني
بس اقولك شوفي درجاتك في مواد الانقلش <<<ومدى استيعابك بعدين قرري

موفقه عزيزتي:biggrin:

الريشة 2011- 6- 26 02:38 AM

رد: قررت بعد ما تعبت وانا أفكر
 
الانجليزي تخصص حلو و مطلوب و لكن يبي له بذل جهد و شد حيل
فكر :(107):

طلال2020 2011- 6- 26 02:52 AM

رد: قررت بعد ما تعبت وانا أفكر
 
اول شي اختي استخيري وبالنسبة للمستقبل محد يعرفه الا الله سبحانه وتعالى

لكن تخصص لغة انجليزية يبيلة حب للغة ومعرفة تامة قبل لاتدخلين القسم وتتوهقين

وبخصوص اللي يقول مدرس ومدرسة اقولكم هذا التخصص اداب يعني مهو تربوي ويبيلك بعد ماتخلصين من البكالوريوس تدرسين سنة بعد ( دبلوم تربوي ) عشان تلتحقين بمجال التدريس

ومستقبلك انتي بنفسك راح تقررينه محد راح يقرره لك بعد توفيق الله سبحانه وتعالى

ولاتنسين الاستخارة بكل شي قبل لاتسوين أي شي

وبالتوفيق لك وللجميع

== الفيصل == 2011- 6- 26 09:12 AM

رد: قررت بعد ما تعبت وانا أفكر
 
فنونه

أنا أقول لا تحولي ولا حاااجه

وأنتي ماسجلتي في علم أجتماع الأ أنه

يجنن ودراسته روووووووووعه

وهذا رقم واحد

ومن هذا المبدآ أفضل عدم التحويل وألاستمرار

على ألاقل تذاكرين معانا وأحد انااااني:hahahahahah:

منذو مبطي 2011- 6- 26 09:49 AM

رد: قررت بعد ما تعبت وانا أفكر
 
أختي الكريمة ..

لماذا التحويل ؟ هل من أجل الوظيفة العاجلة أم للتحصيل العلمي ؟؟

ما هي قدراتك بهذا التخصص ؟ هل هي قوية أم لا ؟؟


بالنسبة للوظيفة فهذا أمر يحتاج بحث لدى الجهات المعنية ..
ففرص اليوم قد لا تكون متوفرة في الغد ..


أما قدراتك فهي واضحة بالنسبة لك . ويمكن تحديدها الآن


أنا لدي نصيحة وأتمنى تصل بوضوح ..

اللغة الإنجليزية ممكن تحصيلها بأي مكان وأي وقت ..
بلا شك هو علم .. ولكن متاح بشكل واسع
مع أعتقادي بأن الممارسة هي الرافد الكبير للتعلم

علم الاجتماع .. كعلم هو مفيد لأي شخص وإن لم يلتحق بأي وظيفة
فهو يكسب الطالب معلومات سلوكية كثيرة ممكن توظيفها لصالحه بشكل كبير

( كلامي هذا مشترط باتقان المادة وتطبيق ما فيها . وليس الدراسة لمجرد الشهادة )


بالأخير .. لا بد من الاستخارة

والله يوفقك بأي تخصص تختارينه

عايش الدور 2011- 6- 26 06:05 PM

رد: قررت بعد ما تعبت وانا أفكر
 
والله كل واحد لـه وجهة نظرر وبالأخيررر طبعاً الاختيار للشخص لأنهُ < محد بنافعه بعدييين :biggrin:


ومدام طلبتِ الاستشاررره .. فإنا أبدي رأيي لـك وانتِ الي قرري اعتقادي البسيط والمفهم بالحيويه



والنشاط والي يحب للأخرين بقدر حبه لذاته .. فإتوقع تخصص ( تربية خاصة ) أفضل من ناحية الطلب



الوارد لـه .. فهو تخصص جميل ولا يهـد الحيل مثل غيرها من بقية التخصصات وتقدرين كذلك تجيبين



معدل قووي دامك في البيت تسرحين وتمرحين لازواج ولاهم يحزنون اما بالنسبة لتخصص الانقلششش



فإتوقع أن بأمكانك أنك تأخذين أفضل دبلوم معتمد في المملكة العربية السعودية من احد المعاهد يغنيك



عن شهادة البكالريوس .. لإن أكثرر الشركات أو المستشفيات أو ... إلخ .. يبون الشخص الي يتحدث بطلاقه



بغض النظر الطرف عن الشهادة .. وأكبر دليل اخوننا السعوديين الي يروحون للخارج يأخذون دوره سنه



عشان يحسن مستواه في اللغة الانجليزية ويتوظف طوالي :biggrin: أكيد طولت عليك والحرريه لك مطلقاً



ولاتنسين أن دبلوم لغة مع بكالريووس تربية < تعمل عمايل :biggrin: < يسوي اغراءءء

Ms.fnoonah 2011- 6- 26 06:28 PM

رد: قررت بعد ما تعبت وانا أفكر
 
كلام سليم منكم :(204)::(204)::(204):
متشكرين يااعضاء وعضوات رايتكم بيضاء:53::mh318:
1.تخصص تربية خاصة مستحيل لاني بس الشوف وحدة اواحد مريض الله يعافيهم اقعد اصيح وما تحمل الشوفهم عشان كذا الستبعدت الفكرة واخاف اتعامل معهم مادرون نص الدرس يغما علي انا انجرح الدوخ:Cry111:
اما لغتي الانجليزيةتمام:(204):
اقتباس:

وأنتي ماسجلتي في علم أجتماع الأ أنه

يجنن ودراسته روووووووووعه
هذا الي حاز في خاطري :bawling::bawling:
اعشق التخصص:bawling::bawling:
واذا على الدراسة ماراح اساعدك:(284):


:mh35:

فاهمة 2011- 6- 26 06:31 PM

رد: قررت بعد ما تعبت وانا أفكر
 
حبيبتي عندي لك اقتراحين ........
الاول اذا كنتي متوظفة لاتحولين خليك بقسمك ..... لاجدلفية .
الثاني اذا كنت غير موظفة لازم تحسبين حساب شهدتك بعدين والله ان لي زوجة اخوي وصديقتي واختي كلهم انجليزي مانفعتهم شي واذا قدمووو على وظيفة لازم مقابلات يهرونهم هري وهم منظمين بالجامعة مو انتساب خلى كلمة انتساب في بالك علم الاجتماع مرررة مادة حلووووة ولها مجالات حلووووة .... ليش التردد
وقبل هذا وذاك صلي الاستخارة وراح ربي من عنده يدلك .....

عايش الدور 2011- 6- 26 06:34 PM

رد: قررت بعد ما تعبت وانا أفكر
 
:biggrin:


جميل جدا الاصرار والعزيمه



الله يوفقك اختي وين مارحتي بس أهم شيء شدة الحيل :biggrin:

عيون ALmaha 2011- 6- 26 06:38 PM

رد: قررت بعد ما تعبت وانا أفكر
 
تقولين انك فكرتي وقررتي
امضي قدماً
اكيد فكرت بايجابيات وسلبيات كل تخصص
واكيد اتجهتي للتخصص اكثر ايجابية عندك

بالتوفيق

وزيرة 2011- 6- 26 09:38 PM

رد: قررت بعد ما تعبت وانا أفكر
 

شـوفي يـالغـاليـة
أنـا قبل أسجـل كنت محتـارة بين الإدارة والـ E الأول عشـانه يسلك مع تخصصـي السابق وبيقطـع علي مشوار في المعادلة وأحس لـه مجـالات في المستقبـل القادم ومع التطورات اللي راح تصير !؟ أمـا الثـاني الـ E لأنـي أحبـه كتخصص وكلغـه وأحس ببدع فيـه !؟
أحترت من جـد عقلي يقول إدارة وقلـبي يقول E
حـاولت أقـارن بينهم قلت لو إدارة يابنت الحـلال كيف الحـال في المـاث بس :biggrin: عـاد طرت علي أيـام ثالث ثانوي وعقدة الرياضيات الجتـا والجـا قلت بس E :biggrin: بعدين أفكـر في المستقبل ومجـالات أدارة الأعمـال من جميع النواحـي أن كـان تكملة دراسة أو وظيفـة وأقول خـلاص بس إدارة وإلا فيهـا فيهـا :biggrin: بس قلبي مـاطاوعني أخون الـ E :mh318: أستخـرت ربـــــي والحمد لله رست على الـ E والحمد لله رب العالمين !؟
أنتي حصري سلبيات وإيجابيات كـل تخصص فيهم وقـارنيهـا باالمستقبل وبقدراتـج أولاً وأن شاء الله تقدرين تختـارين الأختيـار المنـاسب !!
وخيرة رب العالمين طبعاً وهو الأعلم باالمستقبل والأفضـل لـج
وربـي مـايخيب عبده
باالتوفيق عزيزتـي ذكرت لـج تجربتـي البسيطـة عشـان يمكن تستفدين منهـا
وأن شاء الله مـاطولت عليـج
أهم شي ماتشتتين نفسج وتتعبين تفكيرج كافي عليه محاتاة النتيجـة :oao:

:106:




سعودي طموح 2011- 6- 26 09:45 PM

رد: قررت بعد ما تعبت وانا أفكر
 
انا تخصصي جغرافيا

ما هي المجالات التي يمكنني تغيير التخصص اليها ؟

وما المطلوب مني بالظبط كي أحول ؟

طفولة قلب 2011- 6- 26 10:54 PM

رد: قررت بعد ما تعبت وانا أفكر
 
حولي لغة لبنانية شكلك مبدعة فيها ومستقبلها مضمون

امزززززززززززززززززززززززززززززززح

سعودي طموح 2011- 6- 27 02:29 AM

رد: قررت بعد ما تعبت وانا أفكر
 
انا تخصصي جغرافيا

ما هي المجالات التي يمكنني تغيير التخصص اليها ؟

وما المطلوب مني بالظبط كي أحول ؟

{ نُ }.. 2011- 6- 27 03:01 AM

رد: قررت بعد ما تعبت وانا أفكر
 
اقتباس:

المشاركة الأصلية كتبت بواسطة سعودي مجتهد (المشاركة 3910590)
انا تخصصي جغرافيا

ما هي المجالات التي يمكنني تغيير التخصص اليها ؟

وما المطلوب مني بالظبط كي أحول ؟


قسم الاداب
فيه
اللغه العربيه والشريعه الاسلاميه والانقليزي وتاريخ وجغرافيا
وعلم اجتماع


اما اذا بتغير في تربيه <<تربيه خاصه
وفي ادار <<ادارة اعمال


اما المطلوب الي اعرفه <<<مافي شي مطلوب الا انك تنتظر الايقونه تنفتح وتغير تخصصك

مماادري اذا فيه شي ثاني <<انا مااعرفه
موفق:wink:

بنت الداود 2011- 6- 27 03:11 AM

رد: قررت بعد ما تعبت وانا أفكر
 
انا اقول خليك على علم الاجتماع حلوو ويجنن

لكن آنتي شوفي وين ميولك

آنا سبق ودرست آدب آنجليزي مرره صعب

آدب انجليزي قصائد انجليزي نثر انجليزي مسرحيات لا تحسبين كل الانجليزي مثل دكتور غسان بيعطيك مراجعه

حسب كلامك آذا كانت الماده صعبه تتركينها ويجيك النوم ما يصلح لك الانجليزي

آنتي استخيري وربي بيحطك بالخيره

قلبي مملكتي 2011- 6- 27 09:48 AM

رد: قررت بعد ما تعبت وانا أفكر
 
شوووفي ميولك :(204):

عايش الدور 2011- 6- 27 03:32 PM

رد: قررت بعد ما تعبت وانا أفكر
 
اقتباس:

المشاركة الأصلية كتبت بواسطة بنت الداود (المشاركة 3911066)
انا اقول خليك على علم الاجتماع حلوو ويجنن

لكن آنتي شوفي وين ميولك

آنا سبق ودرست آدب آنجليزي مرره صعب

آدب انجليزي قصائد انجليزي نثر انجليزي مسرحيات لا تحسبين كل الانجليزي مثل دكتور غسان بيعطيك مراجعه

حسب كلامك آذا كانت الماده صعبه تتركينها ويجيك النوم ما يصلح لك الانجليزي

آنتي استخيري وربي بيحطك بالخيره



انا اتوقع انها تبي تنام صح :hahahahahah:


All times are GMT +3. الوقت الآن حسب توقيت السعودية: 05:06 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه