ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   بخصوص الانتساب المطور (https://vb.ckfu.org/showthread.php?t=199438)

دانه 2 2011- 7- 4 03:16 AM

بخصوص الانتساب المطور
 
السلام عليكم ورحمه الله وبركاته

كيف حالكم
حابه اعرف تجارب الناس الي جربو الانتساب المطور كيف سهل ولا صعب

ولازم اختبار القياس ولا لا ابي شروط القبول

وابي اسال عن قسم العربي سهل ولا صعب
ياليت تشرحون لي كل حاجه فيه وطريقة الدراسه وكل شي،،،

وهل شهاده الانتساب مقبوله بالوزاره زي الانتظام يعني هل هي معتمد ام لا

و عرفتو تحكمون بالجهازالواحد لازم يكون خبير بالكمبيوتر وياخذ دورة ولا عادي وكم ساعه باليوم نجلس علشان ندرس على النت

وبس بكذا أكون خلصت أسئلتي يلا ابي ردودكم وتفاعلكم
والي عنده رد يرد الله يجزيكم خير





أوفى الخلق 2011- 7- 4 03:21 AM

رد: بخصوص الانتساب المطور
 
وعليكم السلام
انا برد على اللي اعرفه


حابه اعرف تجارب الناس الي جربو الانتساب المطور كيف سهل ولا صعب
بصراحه سهله بس يبي لك تذاكر يعني مايمر عليك 3 اسابيع الا وانت ذاكرت لك شوي

وتحل الواجبات وتشارك من بدري وريح راسك .

ولازم اختبار القياس ولا لا ابي شروط القبول
القياس لا مايحتاج ولا ارسلنا لهم ورقه القياس


وهل شهاده الانتساب مقبوله بالوزاره زي الانتظام يعني هل هي معتمد ام لا
اي مافيه اي فرق ببين شهاده المنتظم والمنتسب

الا في التعليم فقط
يعني تبي تصير مدرس
بعد ماتاخذ شهاده الباكالوريوس تاخذ دبلوم دراسه
وبعدها تقبل في مجال التعليم
و عرفتو تحكمون بالجهازالواحد لازم يكون خبير بالكمبيوتر وياخذ دورة ولا عادي وكم ساعه باليوم نجلس علشان ندرس على النت

ايه عادي اصلا مايبي لها شي

مساله سهله كنك تدخل موقع تتصفح مافيه اي تعقيد .

شروط القبول بدورها لك

أوفى الخلق 2011- 7- 4 03:23 AM

رد: بخصوص الانتساب المطور
 
خش هنا وكل شي موجود
http://www.kfu.edu.sa/ar/deans/elear...ages/main.aspx

بيبرس الدعيدع 2011- 7- 4 03:32 AM

رد: بخصوص الانتساب المطور
 
اسمع يا .. جامعة الملك فيصل لديها مشاكل خذها نصيحة اخو واترك اللي يقول لك المثل مايمدح السوق اللي ربح فيه .
راح اشرح لك عن مساؤى الجامعة الملك فيصل .

أولاً : بطء في نظامهم وفاااشل . حتى لو تبغى تدخل المحاضرة المباشرة تجد صعوبه . ولا تعلم متى الوقت مبهم .

ثانياً: نظام البلاك بورد جداً ضعيف ومازالوا يقولون كثرة الطلبة وهم نصابين . انا ادخل الساعة 2 من الليل ضعيف مثل ماهو يعني المسألة كلها تبرير .

ثالثاً: تأخر النتائج بحجج أنهم يدققون يعملون فيها فلسفه وكلام فاضي ويحرقون اعصابك الطلبة الجامعة الاخرى ظهرت النتائج إلا احنا . ماادري ليش يمكن قاصديها مايبغون يعطونا ترم صيفي ماادري ليش.

رابعاً : انا اول الطلبة محدثك رسبت بمادة الاقتصاد . ليش الاسباب هي . الدكتور اجنبي وانت تعرف الاجانب مايبغون للسعوديين الخير .
ـــ وغيرها حتى الدكتور يشرح ويغلط بالجواب .. وش رايك هههههه والله مسخره ماادري من وين جايبين هالدكاترة الظاهر مثل ماقالوا اكتشفو فوق عشره الاف دكتور شهاداته مزورة .
ـــ واحب اوضح لك انا ناقصني 3 درجات ولا عطونياها مستخسرينها .. يبغون اعيد من شان ادفع فلوس .
ــ واحب اعلمك سمعت جميع الجامعات تستطيع أن تخاصم الدكتور والإدارة تقف معك لكن هذه الجامعة مع الدكتور .
يعني انت اللي تدفع فلوس وفي النهاية يستخسرون عليك درجات بسيطه ولا يقدرون الانتساب بحكم اغلبهم كلهم هنا أباء .

واي واحد يمدح لك هالجامعة اسئله وراح يتضح لك . لكن انا بنصحك لوجه الله . شوف لك غير جامعة الملك فيصل الغير متعاونه مع الطالب .

والسلام عليكم اللهم اني بلغت :24_asmilies-com:

أوفى الخلق 2011- 7- 4 03:36 AM

رد: بخصوص الانتساب المطور
 
اقتباس:

أولاً : بطء في نظامهم وفاااشل . حتى لو تبغى تدخل المحاضرة المباشرة تجد صعوبه . ولا تعلم متى الوقت مبهم .

ثانياً: نظام البلاك بورد جداً ضعيف ومازالوا يقولون كثرة الطلبة وهم نصابين . انا ادخل الساعة 2 من الليل ضعيف مثل ماهو يعني المسألة كلها تبرير .



اخوي انت تتكلم عن وقت الاختبارات
الوقت العادي طبيعي


All times are GMT +3. الوقت الآن حسب توقيت السعودية: 03:28 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه