|
رد: النفـس طابت من الدراسه .. وماعاد بالنفس شهاده جامعيــه
مثل مااقالوا الاخوان والاخوات اللي قبلي . . تصدق يااخوي ..انا من تخرجت من الثانويه وانا نفسيتي لدارسه مقفله سجلت انتساب دراسات اسلاميه وانسحبت بعد شهر وبعدها سجلت انجليزي وانسحب بعد شهر واخذت فتره كل من يقول سجلي ادرسي اقول ليه اكمل بتزوج وانطق بالبيت واحيانا اجيبب طاري الموت واقول ليه اخسر الشايب واحيانا اقول كبرت على الدراسه واحيانا اقول مافي وظائف خواتي خريجات ومتكيات عندي ومن هالخرابيط وجلست 5 سنوات وانا بالبيت وعلى ذا الحال و طفشت من وضعي قلت يابنت ورى ماتكملين دراستك وتسوين اكشن بحياتك وبالفعل سجلت وانقبلت وان شاء الله متفائله خير وانا اعتبر الحاله اللي تمر فيها بس فتره وتروح يعني تعوذ من ابليس وانطق بالجامعه لاتسوي لي حركات وخلك ذيب واكل الملازم اكل واتؤكل على ربك ....وبس ادري كثر كلام لكن عاد ابي اخليك تهون عن اللي براسك بااي طريقه :biggrin: |
رد: النفـس طابت من الدراسه .. وماعاد بالنفس شهاده جامعيــه
اولا وقبل كل شي استخير ثانيا انا اشوف انك تكمل ولاتأجل اي ترم وتوكل على الله وامورك تمشي تمام ولاتقول بيت وعيال و..و..و,, الخ مشاغل الدنيا ماتنتهي وبالعكس اذا خلصت الجامعة بسرعه وبدون تأجيل افضل من كل النواحي ترتاح من همها وتتفرغ للبيت والاهل وتحصل على ترقيه او وظيفه بسرعه،، والله يوفق الجميع لما يحبه ويرضاه |
رد: النفـس طابت من الدراسه .. وماعاد بالنفس شهاده جامعيــه
لا تتركها ع الاقل بس خذلك 5 مواد او 4 اذا يسمحون بس لا تتركها
|
رد: النفـس طابت من الدراسه .. وماعاد بالنفس شهاده جامعيــه
يابوراكان ورطتنا معك قلت لك فكرت بترك الجامعة وبعدين انا وانت خلاص اخذنا من الدراسة مااكفنا والاختبارات وبهذلة وصلنا مرحلة ماعاد نتحمل فى مجال عملنا فقعوا روسنا تكفينا اختباراتنا
|
رد: النفـس طابت من الدراسه .. وماعاد بالنفس شهاده جامعيــه
انا اقول اجل ترم لعل وعسي تتغير نفسيتك وتشتاق للدراسه
|
رد: النفـس طابت من الدراسه .. وماعاد بالنفس شهاده جامعيــه
نبي تشجيع حتى انا ام وعندي اطفال بس عندي طموح
والله يوفقنا ويسهل امورنا كلنا |
رد: النفـس طابت من الدراسه .. وماعاد بالنفس شهاده جامعيــه
ابو ركان كمل وتعوذ من ابليس مادامك شاق طريقك حرام تتوقف
وكلها اربع سنوات وماتدري الا وانت جامعي ويامالك من العلاوات وقتها توكل على الله |
رد: النفـس طابت من الدراسه .. وماعاد بالنفس شهاده جامعيــه
و عليكم السلام و رحمة الله و بركاته أذا على النفسيه يّ كثر السنوات الي بتروح عليك لا تدفن عزيمتك الاولى وخطواتك الاولى التى من أجلها سجلت بالجامعة انت ما تدري شهادتك وش راح تفيدك فيه و ما تدري وش الزمن اللي مخبيه لك قبل كل شيء أستخير و أطلب ربك و أستعين بالله و الله يوفقك خلني أقولك سالفة تخصصي الجغرافيا يّ كثر البنات اللي يقولي لي كلام تحطيم و مالقيتي ألا جغرافيا وع وع :biggrin: أحيانا أختبر لحالي في هالقسم و الوضع عندي عادي لأني أحب هالمادة ومتمسكه فيها وعندي طموح بأذن الله أني لما أخلص راح أكمل مو لأجل شيء أول شيء أني أتعلم ثاني شيء أستفيد ثالث شيء ما أدري يمكن الله يوفقني و اتوظف و أعاون أمي مو معناته أني أدرس لازم أهمل الجوانب الثانيه من الحياة لا ظبط و قتك و لا تستمع لناس يحطمونك و تحط كلامهم بعقلك و يأثر فيك كنصيحه كمل كمل كمل ترى بعدين تتحسف لما تشوف ناس تتخرج وانت باقي لك كم سنه و تتطلع بالساهل موفق ~ |
رد: النفـس طابت من الدراسه .. وماعاد بالنفس شهاده جامعيــه
اقتباس:
كل الامور بالبداية تصعب و بعدين تسهل مو كل شيء يجي بالساهل لازم متعوب أجل كيف تحس أنك تدرس :000: لاتفكر ب سلبيه فكر بشيء أيجابي حط لك جدول نظم و قتك من بداية المحاضرات عشان تسهل عليك موفق ~ |
رد: النفـس طابت من الدراسه .. وماعاد بالنفس شهاده جامعيــه
ماشاء الله ماقصرو الاخوان والاخوات
لكن هي نقطه صغيره انظر لها ! الاربع سنين بتمشي من عمرك بتمشي ! بامر الله ولك طولة العمر هل انت بعد هالسنين انجزت شيء اخذت الشهادة ! والا باقي تقول النفسيه مووووششش وتأجل اترام ؟ ( انجز ) العمر يمشي يا نوقف وتمشي السنين يا نمشي معاها !! والله اني متحسفه على 3 سنين راحت من عمري بدون ما اكمل لكن كانت لي ظروف رغم ان تو العمر قدامي ان شاء الله والان اول ماتيسرت كملت بدون تردد لاتلتفت ورا ابدا انته كذا كأنك عكست سيرك وصرت تمشي للخلف ! والناس كلها من حولك تمشي للأمام اكمل مسيرك للأمام انت قادر اكيد لكن اشحذ الهمّه قليلا ! قدراتك اكبر من كذا الله يوفقك ويوفق الجميع |
| All times are GMT +3. الوقت الآن حسب توقيت السعودية: 05:02 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام