#### المرجع الشامل في معادلة المواد ####

[test5]

السلام عليكم

بحاول اني احصر جميع المتطلبات لمعادلة المواد وان شاء الله يكون مرجع, والاهم من هذا نكتشف سوا بعض دهاليز المعادلة واللف والدوران اللي حاصل من قبل عمادة الجامعة وكيفية التغلب عليها

نبذه مختصره عن المقصد بمعادلة المواد, لاني اشوف مواضيع تسأل عليها
هي ان الطالب/هـ يكون دارس في كلية او جامعة او حتى معهد سابق ويكون وقتها اخذ مواد ونجح فيها وحاب انه يسقطها من الدراسة الحالية لتخفيف المواد عنهـ

اذا شفتم اي جملة باللون الاحمر فمعناته تغيير جديد حصل
واذا شفتم اي جملة باللون الازرق فهو شرح مني لمحاولة الايضاح لكم

نبدأ في الشروط:

اجراءات معادلة المقررات

في حالة دراسة الطالب لبعض المقررات في جامعة أخرى يجوز له أو لها أن يتقدم بطلب معادلة ذلك المقرر في الجامعه .. وعليه أن يقوم بالتالي:

أولا: الحصول من جامعته السابقة على سجل أكاديمي (دراسي) أصلي ومختوم بختم الجامعه

ثانيا: الحصول على وصف للمقرر الذي يرغب في معادلته من جامعتة السابقة أيضا
(وصف المقرر هو نبذه عن المادة وماذا تتكلم عنه او بمعنى اخر وش راح يستفيد الطالب من هذه المادة, تنقز الى القسم اللي كنت تدرس فيه وتقولهم عطوني وصف للمقررات اللي درستها, فيه ناس تقول الان ما يحتاج تجيب وصف بس نصيحة مني خلوكم في السليم وجيبوهـ)

3- تحديد المواد المطلوب معادلتها ويذكرها في خطاب خطي يوجة لوكيل الجامعه للدراسات والتطوير وخدمة المجتمع

الغريب هنا بان وصف المقررات غير مكتمل في الموقع, فكيف للطالب بان يعرف خطة القسم لديكم يا جامعة فيصل؟
وفي المقابل يضعون شرط عائق على الطلبة, وهو المعادلة تطلبها مره واحدة ( طيب وش ذنبي لو اني طلبت الان معادلة مواد واكتشفت بعد ترم من دراستي بان الاترام الجديدة تحوي على مواد كنت دارسها من قبل, وانتم تقولون المعادلة تتم مرة واحدة؟ )
اما انكم تفصحون عن مقرر الدراسة لكل قسم, او انكم تسمحون للطالب المعادلة في كل ترم جديد تظهر فيه المواد الى ان يكتمل النصاب 15 ساعه او تحول المواد عنه )
هذا ان دل فإنما يدل على حنكة العمادة وبُعد النظر في اللف والدوران .. صورة من كلامي من المطبلين عن الجامعة

4- ترسل هذه الأوراق جميعا على العنوان التالي:
عمادة تطوير التعليم الجامعي
جامعة الملك فيصل
الهفوف - ص.ب 400 الرمز 31982
وستقوم العمادة بارسال هذه الأوراق الى القسم العلمي والذي سينظر في القبول من عدمه وسيبلغ الطالب بالنتيجة بعد ورود قرار القسم بالمعادلة من عدمه .
النظام الجديد الان في ارسال المعادلة هي عن طريق نظام البانر وعرفته بالصدفه, عن طريق هذا الموضوع, العجيب بان الجامعة لم ترسل رسائل او حتى ايميل او حتى اعلان ينشر في الموقع بان النظام تغير
وهنا التقويم الدراسي واللي انصح كل طالب بان يطبعه او يرجع له اذا حاب يعرف المواعيد

ارشادات عامه لمعادلة المقررات:
1- لايمكن قبول معادلة أي مقرر تقديره أقل من ج أو c

2- لايمكن قبول أكثر من 15 ساعه للطالب كساعات معادلة

3- عند الموافقة على المعادلة سيتم احتساب الساعات للطالب دون الأخذ بالمعدل أي لن يدخل تقدير الطالب الحاصل عليه في جامعتة السابقة في معدلة هنا بالجامعه.. ولن يطالب الطالب بدراسة هذا المقرر الذي عودل هنا بالجامعه.

4- لايمكن معادلة أية مادة درست في درجة علمية أو شهادة أخرى تم الحصول عليها ..
يعني أن الطالب أو الطالبه إذا درست بكالوريوس أو دبلوم وتخرجت فلايمكن قبول معادلة أية مقرر من المقررات التي درستها في تلك الدرجة لكي تعادل في درجة علمية ثانية اللي هي الانتساب لأن هذي درجة علمية تختلف عن تلك ولايمكن أن يقبل أي مقرر لكي يستخدم مرتين في شهادتين مختلفتين. المعادلة فقط ستتم لمن درس مقررات دراسية لم يحصل من خلالها على درجة علمية .
فيه ناس قالت في المنتدى يقبلون الشهادات المعتمدة, واذا بغيتم النصيحة مني, لا تقولون لهم بانكم ماخذين شهادة دبلوم او بكالوريوس, ارفقوا الجزء اللي فيه المواد المراد معادلتها فقط وانتبهوا من ارفاق كامل السجل حتى ما تنكشفون ويقولون لك انت خريج سابق, خلو شغلكم مثلهم لف ودوران.

المصدر من الجامعة

طيب نجي الان لبعض الدهاليز والتناقضات اللي تم اكتشافها عن طريق الصدفه:

** شرط مخفي في المعادلة **

الان الجامعة معلنه للجميع بان فيه معادلة وهذه نقطة جيده لها وللطلبة المعتذرين من الدراسة, بس فيه شرط مخفي لم تظهره الجامعة, وهي اذا كنت تارك الدراسة اكثر من 10 سنوات فلن تتم لك المعادلة بحجة انك ما راح تتذكر وش اخذت, اما اذا كنت تاركها من حوالي 9 سنوات فما دون فأكيد الذاكرة عندك حديد,, عرفت بهذا الشرط عن طريق هذا الموضوع

** المعادلة لا تتم إلا بعد مرور سنة من دراستك **

الحين الجامعة معلنه في الرابط هذا وتقول بان المستوى الاول لا تتم معادلة المواد فيه لان المواد اجباريه , اللي راح يتبادر في ذهن القارئ راح يقول ممتاز يعني بقية الاترام السبعه اقدر اعادل فيها, بينما الشرط المخفي عن الطلبه هو ان المستوى الاول والثاني ما تقدر تعادل فيه اي مادة, اشكر الاخ ahmad732 على تنبيهي لهذه النقطة وهنا مشاركته
الجزء المهم تم اقتباسه لكم:

المشاركة الأصلية كتبت بواسطة ahmad732

ملاحظة هامة:

يتم تقديم طلب معادلة المقررات لمواد الفصل الدراسى الأول من العام الجامعى 1432/1433 هـ و ليس مقررات الفصل الدراسى الثانى من العام الجامعى 1431/1432 هـ

طيب الان انا بروح السمستر الثاني وعندي انقلش وثقافه اسلاميه ابي اعادلهم لان درستهم قبل يعني مافي فايده

تراه ما اخذ الملاحظة من التقويم الدراسي, راح اشرحه بمثال حتى تنجلي الغمامه:

لنفرض اني test5 مسجل من الترم اللي راح (الاول), وزي ما تعرفون اول ما يدخل الطالب ما يقدر يرفع اوراق المعادلة لازم ينتظر الترم الاول ينتهى حتى يرفع, طيب الان انتهينا من الترم الاول وبحكم اني مربوط بالتقويم الدراسي دخلت عليه وقريت هذا الاعلان وركزوا معي:

الاربعاء 6/3/1432هـ 09/02/2011 م بداية تقديم طلب معادلة المواد للفصل الدراسي الاول من العام الجامعي 1432/1433هـ

يعني برفع اوراقي ولا راح تتم المعادلة إلا بعد نهاية الترم الثاني ( يعني الترم الثاني احلم تتم فيه اية معادلة )

عرفتم كيف الجامعة احتالة على الطلبة, المثال السابق كان شرح حول ملاحظ الاخ ahmad732

** عدم الوضوح والشفافيه **

نجي للطامة الكبرى والاخيرة, تخيل معي وانت رفعت للجامعة المواد اللي حاب تعادلها وجالس تذاكر وحدة منها الان وتخيل معي مره ثانيه قبل الاختبارات النهائيه باسبوع او حتى بوسط الاختبارات وجالس تذاكر المادة اللي رفعت معادلتها ولم يأتيك الرد خلال الترم, ثم فجأة يقولون لك خلاص المادة هذه تمت معادلتها

اللي ذكرها لنا الاخت دفى المشاعر

وهذا هو اقتباسها:

المشاركة الأصلية كتبت بواسطة دٍفٌئ المٍشٌّاعٍر

في طلبه تمت قبول معادلاتعم بس ما اعلنو عن القبول الا بايام المذاكره قبل الاختبارات بكم يوم وبعضهم ما اعلنو عنها الا بايام الاختبار
صراحه هذا غلط طبعآآ يعني الواحد يذاكر الماده ويتعب وعقب يلاقيها تعادلت له "

اخيرا حبيت اعطيكم شرح مفصل حول المعادلة ونكتشف جوانبه المظلمة اللي تحاول الجامعة إخفاءهـ

لا تنسوني من دعوة صغنونهـ

[إداري مجتهد]

يعطيك العافيه
أنا معي كليه تقنيه معدل 4.65

يعادلون لي منها ولا

[عزيز]

لاحول ولاقوة الا بالله

انا عندي مقرر درسته قبل 16 سنه يعني ماينفع اعادل

ومثل ماتفضلت اعلان المعادله متى يتم؟؟ يعني ايام الاختبارات؟؟ شلون اذاكرها والا اتركها والا كيف؟؟

لاحول ولاقوة الا بالله


شكلي بلغي فكره المعادله واريح راسي واخذ الماده وادرسها والشكوى على الله



جزاك الله خير على التنبيه اخوي الفاضل

[AL-RASHED]

المشاركة الأصلية كتبت بواسطة إداري مجتهد

يعطيك العافيه
أنا معي كليه تقنيه معدل 4.65

يعادلون لي منها ولا

اللي فهمته انا من الكلام اللي فوق انه انت معاك دبلوم من الكلية التقنية وتبي تعادل مواد بتدرسها انتساب هنا وهالشي مرفوض
( ترى هذا اللي فهمته انا )

انا مثلك دبلوم الكلية التقنية وشكل مالنا نصيب

[test5]

المشاركة الأصلية كتبت بواسطة إداري مجتهد

يعطيك العافيه
أنا معي كليه تقنيه معدل 4.65

يعادلون لي منها ولا

توني دخلت على موضوعك وحصلت رد احد الشباب وواضع هذا الرابط

اللي فيه تصريح النجار ويقول:

يتم معادلة 15 ساعة فقط لأي طالب تقدم بمعادلة مقررات حتى لو كان قد حصل على درجة علمية من خلال دراسة دبلوم في كلية حكومية معترف بها (4 سنوات) أو جامعة معترف بها من داخل السعودية أو خارجها

يعني الشرط اللي فوق رقم 4 من ارشادات عامه لمعادلة المقررات: اصبح ملغي اذا كانت الجهة التعليمية معتمدة, العجيب والغريب لم يتم تعدليه في هذا الموضوع لكاتبه د. أحمد الشعيبي وكيل الجامعة للدراسات والتطوير وخدمة المجتمع، والمشرف العام على المنتدى


ما اقولكم الجامعة حفلة ومتخبطه ولا فيه تعاون بينهم وقرارات مخفيه ولا يبغون يعطون الطالب خبر إلا اذا جلس يطارد وراهم ويسأل اذا فيه تغيرات جديدة في نظامهم او لا

المشاركة الأصلية كتبت بواسطة عزيز

لاحول ولاقوة الا بالله
انا عندي مقرر درسته قبل 16 سنه يعني ماينفع اعادل
ومثل ماتفضلت اعلان المعادله متى يتم؟؟ يعني ايام الاختبارات؟؟ شلون اذاكرها والا اتركها والا كيف؟؟
لاحول ولاقوة الا بالله
شكلي بلغي فكره المعادله واريح راسي واخذ الماده وادرسها والشكوى على الله
جزاك الله خير على التنبيه اخوي الفاضل

شوفتك عينك ما تقدر, وقدامك حلين إما انك تشوف لك شخص في العمادة يطلع لك سجل مع تغيير ما يلزم (من الرقم الجامعي والتاريخ) او اذا لك خبره في التعديل وإعادة تحويرها فتوكل على الله.

المشاركة الأصلية كتبت بواسطة AL-RASHED

اللي فهمته انا من الكلام اللي فوق انه انت معاك دبلوم من الكلية التقنية وتبي تعادل مواد بتدرسها انتساب هنا وهالشي مرفوض
( ترى هذا اللي فهمته انا )
انا مثلك دبلوم الكلية التقنية وشكل مالنا نصيب

لا ابشرك طلع نظام جديد الان تقبل, اقرأ ردي على إداري مجتهد

[test5]

المشاركة الأصلية كتبت بواسطة دٍفٌئ المٍشٌّاعٍر
في طلبه تمت قبول معادلاتعم بس ما اعلنو عن القبول الا بايام المذاكره قبل الاختبارات بكم يوم وبعضهم ما اعلنو عنها الا بايام الاختبار
صراحه هذا غلط طبعآآ يعني الواحد يذاكر الماده ويتعب وعقب يلاقيها تعادلت له "

بصراحة قريت هذا الاقتباس وراجعته اكثر من مره وفيه شيء غلط لمن توصلت له, تابعوا معي استنتاجي:

الحين الطالب دفع رسوم المادة وفي نهاية الترم يتفاجئ بان المادة تمت معادلتها, الرسوم اللي دفعها الطالب هل ترجع له او تلطشها الجامعه؟

مين يتحمل هذه المسؤولية؟ هل الطالب يكون ضحية ادارة متخبطه؟

الحين الجامعة منزله قرار اللي حابب يتظلم يدفع 300 ريال, واذا ثبت التظلم ترجع له, واذا ما ثبت لا ترجع له

طيب في معادلة المواد اذا تمت المعادلة لماذا لا ترجع الرسوم للطالب اللي دفعها على المادة اللي تمت معادلتها ؟
اللي عادلة له مواد في وسط الترم او في نهايته يطالب الجامعة بحقه من الرسوم اللي دفعها على الماده حتى لو كانت 165 ريال فقط ( يغير فيها زيت السياره والفلتر )

[test5]

[test5]

لا يقبل معادلة شهادة الدبلوم من المعاهد الخاصه + اقرؤا السؤال المحرج الاخير من كاتب الموضوع وعدم تمكن العميد من الرد الى الان


المصدر من منتدى الجامعة
http://kfuforums.kfu.edu.sa/showpost.php?p=740566&postcount=3

[BeautyHeart]

الله يعطيك العافيه ويعطيك على قد نيتك ي رب
فعلا مرجع شامل ما قصرت واتمنى من المشرفين التثبت لانه مفيد جدا ويغني عن فتح مواضيع استفسار اخرى

لك جزيل الشكر test5 واحلى تقيم

[أبو الحسن]

الله يرحم والديك
مشكور وماقصرت