ملتقى طلاب وطالبات جامعة الملك فيصل,جامعة الدمام
صفحة 1 من 5 1 2345
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   بخصـــــــــــــــــــوص الضمـــــــــــــان الإجتماعـــــي للقدامى فقط >>> الخبر أكيد مني شخصياً (https://vb.ckfu.org/showthread.php?t=226397)

|~ مهاوي الشمري ~| 2011- 9- 28 02:40 PM
بخصـــــــــــــــــــوص الضمـــــــــــــان الإجتماعـــــي للقدامى فقط >>> الخبر أكيد مني شخصياً
 
السلام عليكم ورحمة الله وبركاته ...


مالي بالمقدمات ...

اممممم شسمه كثرت المواضيع بخصوص الضمان الاجتماعي ...

كيف نرسل ومتى نرسل ووشي الورقة المطلوبة علينا ووووو ومتى ينزلون اسمائنا ومن هالكلام اللي طال علينا من قبل رمضان وحنا ننتظر ..:Cry111:

المهم مالكم بالطويلة ...

طبعا أنا أتكلم عن الطلبة القدامى ,,, مالي شغل في الجدد لأني مااعرف نظامهم ...

بعد ماروقت بعد العشاء البارح ...:biggrin:

مسكت الجوال ودقيت على الشؤن الطلابية للتعليم عن بعد ..:tongue:

تفاجأت بالرد مع انه مو من عادتهم يردون بهالسرعة ,,, بس الحمدلله :cheese:

سألتهم عن الضمان للطلبة القدامى ...:cool:

قلت يادكتور هل اكتفي فقط بالحركة اللي انا سويتها عن طريق الخدمات الطلابية ؟؟

قالي نعم ,, بس انتي ارسلتي عن طريق الايقونة اللي في الخدمات الترم اللي راح قلت ايه قال خلاص انتم مو مثل الطلبة الجدد انتم قدمتوا وحنا رفعنا اسمائكم لحقين الضمان وننتظر ردهم ...:(204):

قلت يادكتور دفع الرسوم بدأ وقريب بينتهي ... هل ندفع رسومنا على كلامكم بأننا ندفع ولما تنزل أسمائكم نرجعها لكم ...؟؟:icon9:

قالي يابنتي:mh318: ’,,لاتدفعين ولا ريال ... قلت وإذا أنتهى دفع الرسوم ومانزلتوا أسامينا ,,, قال انتي واثقة من أنك من الضمان ومن المستفيدين لاتدفعين شي حتى لو أنتهى فترة السداد ...
أنتم من المستفيدين للمكرمة وهذي مكرمة من الملك لكم انتم يالطلبة .. ومافيه أحد يجبركم على الدفع:71: ...

قلت طيب وألحين وش أسوي ؟؟:bawling:

قالي ادرسي وأنتظري ليما تنزل أساميكم ونعطيكم خبر :g2:... وبس ؟؟

الله يعطيه العافية ويكثر من أمثاله هالدكتور وليت فيه مثله بهالدنيا كثير ...:106:



طبعاً أنا تعبت من كثر مااسأل وتعبت من القال والقيل وتعبت من كثرة المواضيع ...:bawling:

وقلت مو معقولة بقعد كذا فتصلت والحمدلله تطمنت وارتحت على الآخر لما سمعت الكلام مباشر من الادارة نفسها ...:oao:

بس حبيت أخبركم اللي قلقان واللي مايدري وش يسوي هذا الخبر أكيد وأسألوا ابوي كان عندي وانا أكلمهم:tongue:... هع ...


<<<الله يستر لو يتغير كلام الجامعة ...


أسأل الله لي ولكم التوفيق في الدارين ...:106:

تحياتي للجيمع ...:biggrin:

ابوفهد100 2011- 9- 28 03:03 PM
رد: بخصـــــــــــــــــــوص الضمـــــــــــــان الإجتماعـــــي للقدامى فقط >>> الخبر أكيد مني شخصياً
 
يعطيك العافيه اختي على هذه المعلومات وان شاء الله مشكلة الضمان تنحل قريب بعد تفعيل ايقونة المستحقين
للضمان في الخدمات الطلابيه


تحياتي

|~ مهاوي الشمري ~| 2011- 9- 28 03:05 PM
رد: بخصـــــــــــــــــــوص الضمـــــــــــــان الإجتماعـــــي للقدامى فقط >>> الخبر أكيد مني شخصياً
 
يعافيك أخوي ابو فهد ...

نعين ونعاون ... والله يسمع منك يارب انهم يحلون هالمشكلة .

تحياتي لك .

$$سيف$$ 2011- 9- 28 03:10 PM
رد: بخصـــــــــــــــــــوص الضمـــــــــــــان الإجتماعـــــي للقدامى فقط >>> الخبر أكيد مني شخصياً
 
اقتباس:
المشاركة الأصلية كتبت بواسطة |~ مهاوي الشمري ~| (المشاركة 4514082)
طبعا أنا أتكلم عن الطلبة القدامى ,,, مالي شغل في الجدد لأني مااعرف نظامهم ...

بعد ماروقت بعد العشاء البارح ...:biggrin:

مهاووووووووووووووووي

ليه الطلبة الجدددددددددد مالهم رب :bawling::bawling::bawling::bawling::bawling::bawl ing::bawling:

انشالله اليووووووووووم بعد صلاة الفجر ترووووووووووقين وتدقين عليهم :(284):

طموح فتاه 2011- 9- 28 03:11 PM
رد: بخصـــــــــــــــــــوص الضمـــــــــــــان الإجتماعـــــي للقدامى فقط >>> الخبر أكيد مني شخصياً
 
واللي ماسجل من الايقونه الفاشله :icon9:

مديناوي 2011- 9- 28 03:12 PM
رد: بخصـــــــــــــــــــوص الضمـــــــــــــان الإجتماعـــــي للقدامى فقط >>> الخبر أكيد مني شخصياً
 
يعطيك العافية اخت مهاوي على الخبر وفعلا انا كلمت الدكتور حق الشؤن المالية وسئلته عن مستفيدين الضمان لانو جاتني اسئلة كثير انو اسئل لهم وقال لي الطلبة القدامى ينتظرو لين تطلع اساميهم


وسئلت عن الدراسة قالو يوم السبت الي يجي راح تبدا ويفتح نظام البلاك بورد


|~ مهاوي الشمري ~| 2011- 9- 28 03:23 PM
رد: بخصـــــــــــــــــــوص الضمـــــــــــــان الإجتماعـــــي للقدامى فقط >>> الخبر أكيد مني شخصياً
 
مديناوي شلون تفتح البلاك بورد ... انا ألحين مانزل اسمي لكن بديت بالحضور المحاضرات ...

ويعطيك العافية ...

|~ مهاوي الشمري ~| 2011- 9- 28 03:24 PM
رد: بخصـــــــــــــــــــوص الضمـــــــــــــان الإجتماعـــــي للقدامى فقط >>> الخبر أكيد مني شخصياً
 
طموح فتاة اممممممم عاد انتي حالة شاذة ...

اتصلي عليهم :000:

|~ مهاوي الشمري ~| 2011- 9- 28 03:27 PM
رد: بخصـــــــــــــــــــوص الضمـــــــــــــان الإجتماعـــــي للقدامى فقط >>> الخبر أكيد مني شخصياً
 
اقتباس:
المشاركة الأصلية كتبت بواسطة $$سيف$$ (المشاركة 4514317)
مهاووووووووووووووووي

ليه الطلبة الجدددددددددد مالهم رب :bawling::bawling::bawling::bawling::bawling::bawl ing::bawling:

انشالله اليووووووووووم بعد صلاة الفجر ترووووووووووقين وتدقين عليهم :(284):


هههههههههههههههههههههههههههههههه

ههههههههههههههههههههههههههههههه

انا اذا روقت يوم اسبوع مااروق >>> عاش مصرف هههه

اممم الطلبة الجدد اصلا من تطلع موافقتهم فيه ورقة من الجامعة منزلينها مدري وشي بالضبط تروح تختمها من الضمان وبعدها ترسلها مع شهادتك واوراقك بالبريد ...

يعني اذا انت طالب جديد المفروض مرسلها مع اوراقك لما جاااء قبولك ...

هذا اللي اعرفه ...

تحياتي ...

رنو 2011- 9- 28 04:06 PM
رد: بخصـــــــــــــــــــوص الضمـــــــــــــان الإجتماعـــــي للقدامى فقط >>> الخبر أكيد مني شخصياً
 
بارك الله فيك يابنت العم وعساك دوووووم ع القوه


شكري وتقديري
خيتك
رنو


All times are GMT +3. الوقت الآن حسب توقيت السعودية: 01:26 AM.
صفحة 1 من 5 1 2345
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه