|
بالنسبه للرسوم ليش ماتكون مجاني ؟
السلام عليكم
زي ماهو واضح بالعنوان حنا نعرف ان بلدتنا مب محتاجه فلوس وهي من اغلى البلدان ونعرف برضوا ان الملك عبدالله مايقصر معنا ليش ندفع الرسوم وبهالمبلغ الكبير في ناس محتاجه للدراسه لكن غير مقتدره ماديا انا ماتكلم عن نفسي لا والله لكن اشوف ناس كثير ياجلون الرسوم ومحتاجين وقت يجمعون فيه والخ ليش ؟ خلونا نوصل صوتنا للملك اكتبوا بالجرايد بالتويتر والفيس بوك خلونا نتحرك وان شاءالله بنوصل للي نبيه يعني نعرف ان جامعتنا مب خاصه كان نقول صحيح لا حكوميه وانتساب يعني مافي تكاليف الا موقع وكم دكتور يعطونا 14 محاضره فقط بينما غيرنا يدرسون انتظام وياخذون مكافأه الله يوفقهم يارب لكن فعلا شي غير واقعي الالاف يسجلون كل شخص مايقارب 3000 كل ترم وين يروحون ؟ ابفهم شي مب معقول خلونا نسوي حملات بكل مكان وان شاءالله صوتنا يوصل لان من ابسط حقوقنا اننا ندرس مجانا ! |
رد: بالنسبه للرسوم ليش ماتكون مجاني ؟
الله كريم
فيه قروب مسوين معروض ملكي لابومتعب وان شاء الله يوصصل ~ وشسمه في واحد بالديوان الملكي اه صفحه عالفيس بوك سدحو الموضوع بعد هناك ~ بس نسيت اسمه والله ^^ :biggrin: |
رد: بالنسبه للرسوم ليش ماتكون مجاني ؟
والله ودنا
ولكن تدرين وين المشكلة ؟ يخافون من اللعب والاستهتار يعني أول كان الانتساب ببلاش وكانت ناس كثير تقدم واذا بدأت الدراسه مايحضرون ! بكذا يكونون ضيعوا مقاعد على ناس محتاجين فعلا يدرسون .. عشان كذا حطوا الرسوم ,, وغير كذا .. الدروس والواجبات اللي يسوونها الدكاترهـ تعتبر عمل .. أوفر تايم .. لهم لأنهم يدرسون بالجامعة .. فالفلوس تروح لهم .. أنا أشوف إن معهم حق بفرض الرسوم ولكن أشوف بعد لو أن الطالب يجيب معدلات حلوهـ .. يعفونه من الرسوم .. تكريم وتقدير له والله يكتب الخير :119: |
رد: بالنسبه للرسوم ليش ماتكون مجاني ؟
^
وحهة نظظر اعجبتني بصراحهـ ~ :(204): |
رد: بالنسبه للرسوم ليش ماتكون مجاني ؟
زياده الخير خيرين خلونا برضوا نزيد المطالبه
اختي يارا الحكومه هي المفروض تدفع للدكاتره بما انها جامعه حكوميه صدقيني بلدنا مب محتاجه رواتبنا برضوا بالنسبه للاستهتار ممكن يطلعون اي حل ثاني يعني معقوله كم شخص مستهتر تخلينا كلنا ندفع هالمبالغ عشان ماتتكرر المشكله وش ذنب المجتهد ؟ |
رد: بالنسبه للرسوم ليش ماتكون مجاني ؟
اقتباس:
السالفة سالفة إنهم بيقضون على الاستهتار واللعب اللي يصير .. وأنا أذكرها زمااان فيه ناس تصيح تبي انتساب مو لاقية مقاعد .. وفيه ناس مسجلة ووقت الدراسة ماحضرت أبدا .. يعني بس أخذوا المقاعد عن غيرهم من الناس اللي فعلا محتاجين يدرسون ولو فعلا كم مستهتر بس .. أعتقد مااتخذوا هالإجراء إلا والمستهترين كثاااااااااار أتمنى تكونين فهمتي مقصدي :119: هذا والله أعلم |
رد: بالنسبه للرسوم ليش ماتكون مجاني ؟
صدقيني لو بغوا طلعوا كذا حل بدال الفلوس
برضوا ممكن تكون فلوس رمزيه مب بهالطريقه خلونا نفكر بناس محتاجه لاتفكرون بوضعكم فقط |
رد: بالنسبه للرسوم ليش ماتكون مجاني ؟
اقتباس:
ولكن يكفي ياحبيبتي إننا الدولة الوحيدهـ التعليم والمدارس ببلاش يعني دولتنا الله يحفظها ماقصرت .. أعطت كل ذي حق حقه .. ولكن الناس اللي ماقدروا يتابعون دراستهم أو اللي توها تجي ع بالهم يكملون الدراسه ,, هذول عاد حالة خاصة وفئة معينة .. يعني هالفئة ماغلبت على المجتمع .. :119: |
رد: بالنسبه للرسوم ليش ماتكون مجاني ؟
اولا مايخدم بخيل
ثانيا انتي ياختي لودرست انتظام كم بيكلفك مابين موصلات وطلبات جامعيه وبحوث ومراجع وتعب الى اخخخخخخ لكن الانساب وفروا لك التقنيه والراحه والتعلم باسهل الطرق يعني باختصار اذا كان صاحبك عسل لا تاكله كله |
رد: بالنسبه للرسوم ليش ماتكون مجاني ؟
معك حق اختي وياليت عاد يخفضونها شوي يعني 3000 كثير والله مو كلنا نقدر عليها وكذلك اعجبتني فكره يارا ياليتهم يعفوون الطالب اللي تعدى سنتين من الدراسه لانه في الغالب طالب جاد ويريد يكمل الدراسه
وفق الله الجميع |
رد: بالنسبه للرسوم ليش ماتكون مجاني ؟
اقتباس:
|
رد: بالنسبه للرسوم ليش ماتكون مجاني ؟
اقتباس:
وحنا أصلا مافي أحسن مننا لأن دراستنا الجامعية ببلاش والمواصلات والبحوث عاد هذي الشكوى لله وأنتي قلتيها .. مدام حبيبك عسل لاتلحسه كله :119: وغير كذا يكفينا إنهم حسوا فينا ووفروا لنا تعليم عن بعد وبالنسبه للفلوس ماتدرين .. أكيد فيه أشياء احنا ماندري عنها والله تعالى أعلم .. |
رد: بالنسبه للرسوم ليش ماتكون مجاني ؟
اقتباس:
|
رد: بالنسبه للرسوم ليش ماتكون مجاني ؟
بالفعل فكرة انه بعد سنتين ممتاااازه
|
رد: بالنسبه للرسوم ليش ماتكون مجاني ؟
اقتباس:
|
رد: بالنسبه للرسوم ليش ماتكون مجاني ؟
لايلغونها بس نبيهم
يخفضونها شوي والله كثير الرسوم :icon9: |
رد: بالنسبه للرسوم ليش ماتكون مجاني ؟
اقتباس:
وانا ماطالبت بمكافاه فقط دراسه مجانيه للاسف بعض الردود مافكرت الا بنفسه في ناس تشتغل والراتب 3000 مصاريف حياته و رسوم هقوتكم عايش براحه طبعا لا !! في ناس مالقت وظايف ولا مقاعد جامعيه وش تسوي طيب |
رد: بالنسبه للرسوم ليش ماتكون مجاني ؟
الله يعطيكم العافية
|
| All times are GMT +3. الوقت الآن حسب توقيت السعودية: 10:22 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام