ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   ملتقى طلاب التعليم عن بعد جامعة الملك فيصل (https://vb.ckfu.org/f183)
-   -   حذف المشاركات من قبل الدكاتره في منتديات الحوار(ارجو عدم إهمال الموضوع) (https://vb.ckfu.org/t236750.html)

أم رند@ 2011- 10- 18 07:57 PM

رد: حذف المشاركات من قبل الدكاتره في منتديات الحوار(ارجو عدم إهمال الموضوع)
 
اقتباس:

المشاركة الأصلية كتبت بواسطة انفجار (المشاركة 4696203)
والله هذا الصح واللي المفروض يمشوا عليه الدكاتره .. هذا دكتور يأدي عمله بأمانه .. كيف نعاتبه على مهمته .. يعني تاخذون درجات مو من تعبكم .. ماانكر اني ماانسخ بس الحق حق ولو حذف لي الدكتور شي من واجباته ..



لايفتح = مهيب مشكله الدكتور , مشكله الجامعه
ليس لديه وقت = !! تبغى شهاده ومابتتفرغ للدراسه ..!! بلاها من شهاده ومعذورين لو مايعترفوا بشهاده التعليم عن بعد ..ومعذورين بعد لو مايوظفون خرجين الانساب .. اذا كذا جايبين درجاتكم ..
اجل الانتظام يتعبوا كل يوم من فجر الله مداومين وكل يوم والثاني بحث واختبارات وواجبات وحاله .. وجاين تبون تتساون في الوظايف معهم .. وانتوا يوم قالكم ماتكرروا الاجابات وشغلوا عقولكم شوي عشان تنجحوا بعرقكم ... مقومين الدنيا على واجباااتكم المطالبين فيها !!


الله يوفقكم ويسهلكم .. بينزعج البعض من كلامي بس داخل نفسه بيفكر في الكلام واحتمال يقتنع بانه من واجب الدكتور يسوي كذا ومن واجبه هو يحل بنفسه ..

فالكم a+ :106:

من جدك تتكلمييييين !!


اذا انا درست انتساب مو معناته اني متفرغه...لاتقارنينا بالانتظام...

لأننا ناس لنا ظروفنا...متزوجين وورانا بيوت ومسؤوليات وشي الله أعلم به...

مو انتي الي تحكمين علينا بهالكلام...

لو بغينا نتفرغ لدراستنا مثل ماذكرتي كان ندرس انتظام وخلاص..مادخلنا هنا عبط واستهبال ومضيعة وقت وفلوووس..


وبعدين لو بيدي درست انتساب الغير مطور عشان أرتاح من هالبذله الي بهذلونا فيها مع نظامهم زيادة على تشديدهم الغير مبرر


ماادري يمكن كلامك هذا سبب في مشكله عندك حصلت لانهم فضلوا منتسب عليك في وظيفه معينه أو ماشابه:(107): وشلتي حقد علينا كلنا..!!

بيان باراس 2011- 10- 18 10:05 PM

رد: حذف المشاركات من قبل الدكاتره في منتديات الحوار(ارجو عدم إهمال الموضوع)
 
اقتباس:

يوجد بيننا كبار في السن اعمارهم فوق ال40
طيب كبار في السن ويعني ..ايش المشكله ..؟
كبير في السن مو مايقرا ويكتب وتوه امي .. لا , دارس ثنوي ..والحمد لله وش ناقصه ... بقول كبير في السن مايقدر يرقى الدرج , مايقوى ع المشي ......الخ
بس وش دخل كبره في السالفه ..؟
<< من جد تبغى تفهم // يعني مايعرف للكمبيوتر مثلا او ايش بالضبط , ممكن يرتفع عنده الضغط وهو يستنى البلاك يفتح ....الخ

كبير صغير الدراسه دراسه ولا ..؟

________

اقتباس:

يطبقون تعاليم دينهم الإسلامي
الامانه مهيب مقرونه بالاسلام حتى لو كافر تلقيه يطبق عمله بامانه وجميع كتب التنميه البشريه لتحسين اداء عملك اللي مؤلفيها كفار .. يرشدونش الى تاديه عملش بامانه ..

وش دخل تطبيق تعاليم الدين ...؟

___________
اقتباس:

لا لا يا انفجار مو بالطريقه هذي نعاتب انفسنا .. اذا كان لديك الوقت انك تحلي وتفتحي المحتوى للإجابه على السؤال

فتأكدي ان 80% من المنتسبين متزوجين ولديهم ابناء ومصاريف ومشغولين طوال الاسبوع وساعه لا تكفي للرد على مشاركه واحده بسبب البطء في البلاك بورد ..
ما اعاتب نفسي بس ليش اعاتب الدكتور في امر سليم وصحيح اتخذه ..انا اقول ماالومه لو حذف لي وانا ناسخه .. مو مهو من حقه بل من واجبات يفضي وقته ويتابع المشاركات يشوف من يستحقها ..

80% 100% الدكتور ماله شغل
ok عتبنا ع الجامعه في بطء البلاك وش دخل الدكتور ..ما يأدي عمله يعني..؟!!

__________
اقتباس:

كان من المفترض على الدكتور التنبيه بإسلوب ان النسخ واللصق لا يفيد الطالب من الإ ستفاده الكامله من المناقشه بدلا من التهديد بحذف المشاركه ..

بعدين المشاركه الي ننسخها وننلصقها صدقيني اننا نقرأها قبل اللصق وبكذا عرفنا اجابة السؤال وما يحتاج للمحتوى ورصخت في عقولنا ..
عاد هذا اسلوبه في التنبيه وماحد يحكم ع احد باستخدام اسلوب معين .. وبعدين لقالكم كذا بتعيدون مشاركاتكم ؟

هو ماله ومالك عرفت الاجابه ولا لا .. رسخت في دماغك ولا لا ..
عليه انك ماتنسخ اجابة غيرك ..انت حليت ولا وكلت احد ..ماله شغل فيك ..

________

اقتباس:

اخت انفجار بعد التحية والتقدير
اقسم لك اني لم انسخ مشاركات مادة مبادئ الادارة وتم حذف مشاركاتي ولكن حتى لو تم نسخ المشاركات فمن اين الطالب يحصل على اجابة لطالما ان المحتوى واحد ...ولكن للاسف بعض الاشخاص مريض بالحسد .
حبيبت قلببي انتي ماحد قال شي عنكم ي اللي انحذفت وانتوا مانسختوا .. اكيد هذا ظلم وماحد يرضى فيه .. ومثل ماعرف يحذف الناسخين لازم يعرف يبقي الاصلين .. ظالم ومن حقش تقومي القيامه لو بغيتي ..

اللي بالاحمر مدريت شنو المقصد فيه .. لا اكون انا منهم بس :biggrin:

وا اختاه قلبي لايعرف هذا المصتطلح ابدا << فيس يبقق عينه :icon9:
_______

اقتباس:

انا لم ولن اتعذر بالوقت ولكن اليس من المفترض ان كل مادة تتطلب جهد وتعب ولسنا متفرغين فقط لدراسة مادة لا تفيدنا في تخصصنا قط
أخيرا حدثي العاقل بما يعقل
شنو متفرغين ولا غيره ي ناس ي عالم لا تجلطوني
مو انكم دخلتوا تخصص لازم كل موااادكم حق تخصص
لازم في متطلبات حقها نفس حق مواد التخصص

انا اختي متخرجه حاسب جامعه مناهجها حق بريطانيا وشهادتها الفخريه اللي خذتها بريطانيه .. درست حاسب ok تخصصها واخذت معاه مواد ساعتها كبيره , بيئه , فن , ..... مواد مالها اي علاااقه بالحاسب بتاتا وطلبوا منها بحوث فيها واخذت جهد كبير منها ..
وحاليا تحضر ماستر في امن المعلومات في الخارج ومع كذا يعطوها مواد مالها علاااقه بتخصصها ..

وش دخل اني في تخصص لازم جهدي يكون لمواد تخصصي ..؟!!!!!

حديثي للعاقل المفكر بلا شك _*

______________

اقتباس:

من جدك تتكلمييييين !!
وش رايش يعني

لا حبيبتي من قال ...اصلا اداعبكم .. شفتكم طفشااانين ..قلت اخذ فيكم اجر

ي حليلش ي قلببي اي من جدد اتكلم :g2:

<< فيس مبتسم
__________

اقتباس:

اذا انا درست انتساب مو معناته اني متفرغه...لاتقارنينا بالانتظام...
اها مو انتم اللي اللي تتطالبون بكل شي تبون مثل الانتظام في اللي يدخل مزاجكم .. هااا

_________

اقتباس:

لأننا ناس لنا ظروفنا...متزوجين وورانا بيوت ومسؤوليات وشي الله أعلم به...
كلنا معانا مسؤليات بس الدراسه درااسه .. لازم تتعبي وتتركي مسؤولياتش وبيتش ورجلش واللي الله اعلم به وتقصري فيهم .. في سبيل شهاده بعرقش.. ولو عني كان خليتكم بحوث ترسل وكل شي مثلك مثل الانتظام ..
______

اقتباس:

مو انتي الي تحكمين علينا بهالكلام...

لو بغينا نتفرغ لدراستنا مثل ماذكرتي كان ندرس انتظام وخلاص..مادخلنا هنا عبط واستهبال ومضيعة وقت وفلوووس..
وبعدين لو بيدي درست انتساب الغير مطور عشان أرتاح من هالبذله الي بهذلونا فيها مع نظامهم زيادة على تشديدهم الغير مبرر

والله الاستهبال والعبط واللي من جد احس اني كلاااام فاضي دراستي .. يوم اني اخذ درجات منسوخه مو من تعبي ... شهاده مشي حالك .. ي حسره ايش من تشديد .. والله اتمنى يشددوا من جد عشان الاعتراف يكون قووي واقدر اكمل على كيفي بالخارج ..
مو المسخره اللي انسخ ويحسبوا لي درجه ..
__________

اقتباس:

ماادري يمكن كلامك هذا سبب في مشكله عندك حصلت لانهم فضلوا منتسب عليك في وظيفه معينه أو ماشابه وشلتي حقد علينا كلنا..!!

معذوره لانش ماتدري ويعجبني واحي فيش اسلوب التخيمن اللي يحتمل الصح والخطأ
وبما انه خطا فاكيد بخاطرش تعرفي الصح ولا ..
طيب ي بنتي انا ماقد قدمت على اي وظيفه ماعدا وحده لهدف وحققته الحمد لله

واذا فضلوا منتسب ترراني مثلكم منتسبه ي قلبببي

<< اهااا
عشان غير طالب يعني

ثااني مررره معذووووره ي حلوووه ماكنتي تدري اني معكم انتساب انقلش مستوى ثالث ..
هذاك عررفتي شنو الحقد اللي باااقي باااخذه عليكم ...:love080:


________________________________________

<< تحلف ماعااد تناقش كذا .. ضاع وقتي ع ولاشي :000:



الله ينفع فيكم الامه ويرشدكم للصح ويسهل عليكم ويريح بااااااااااالكم ويسددكم للانفع ..


حلم قلببي الله يعطيش ع نيتش الطيبببه ويجزززاااش الجنه يااارب ...

مروري حبايب قلببي

:106: :106: :106::106:

حلم مستحيل 2011- 10- 19 02:47 AM

رد: حذف المشاركات من قبل الدكاتره في منتديات الحوار(ارجو عدم إهمال الموضوع)
 
حبايبي
مانبي ناخذ موقف من بعض بسبب اختلاف في وجهات النظر
كلنا اخوان وخوات
عزيزين وعزيزات وغالين وغاليات

كلن له وجهة نظره في الموضوع اللي معَ واللي ضد
والى الأن الغلبيه معَ
وهذا شيء كويس


حبيبتي انفجار
ياليت تفهمي وجهة نظري
خلينا من الكبار بالسن دامك واقفه ضدهم
خلينا في البلاك بورد
انتي عارفه انه يضل بالأسابيع مش شغال
تتراكم علينا المحاضرات والواجبات والمشاركات
الحين خلوا تحميل المحاضرات ممكن
بس الواجبات والمشاركات؟
قالوا بنمدد لكم لين بعد الأختبارات
طيب
مددوا لين بعد الأختبارات وانتي عارفه ان وقت الإختبارات يصير ضغط مو طبيعي على الموقع حتى وان كان شغال بيصير بطيئ يكرهك بنفسك من بطئه

فتره محدوده اسبوعين بالكثير او اسبوع
14 مشاركه لكل ماده اللي عنده 9 الى 11 ماده كيف يدميه يشارك 14 مره ويجلس يبحث عن الأجوبه ويجتهد فيها
وهو عنده 9 مواد

وان اجتهد وارسل المشاركه فتح له البلاك بالشريط الأحمر ان مشاركتك ماانرسلت

انا ماأقول لك ذا الكلام من الهوا
انا اقوله لك عن تجربه وكلنا جربناها ومرينا فيها
سنه كامله وحنا نعاني من البلاك بورد ومشاكله
مانبي ندخل ع السنه الثانيه بنفس المشاكل وبلاويه

كلنا متحمسين ان حنا ندرس ونجتهد بس بتجينا لحظه نكره اعمارنا بسبب البلاك بورد ونحسف ان حنا دخلنا النظام هذا ودرسنا

فهمتيني؟


بعدين يوم تقولين حنا نبي نكون مثل الإنتظام
حنا مابي نكون مثلهم هم اللي اجبرونا نكون مثلهم
فرضوا علينا الواجبات وفرضوا علينا المشاركات
صحيح انه لصالحنا
بس هم يدرون ان في ناس مو طول الوقت تقدر تجلس ع النت
او حتى 5 دقايق باليوم

صحيح ان فينا العاطل واللي ماعنده مسئوليات
بس فينا الموظف والمتزوج واللي عنده مسئوليات
(لا تناظر وضعك وتحسب الكل مثلك )<--لكل شخص ضد الموضوع


وبخصوص مواد التخصص
كل تخصص لازم يدرس مواد عامه وهذا شيء معروف ولا به اي خلاف وكلنا راضين ومقتنعين بذا الشيء
اصلا الواحد يمل اذا صار يدرس مواد تخصص بس بدون اي شيء يغير الروتين



كمان
بخصوص الدين الإسلامي
حبيبتي
حنا ماعلينا من مؤلف الكتاب ومن اللي ناشر وفاعل وقايل ومن المدرس اغلب مدرسينا اجانب للتخصص الإنجليزي

(اللي علينا ان حنا نتعلم ونطبق اللي تعلمانه باللي يناسب تعاليم ديننا ونطبق تعاليم ديننا اثناء تعلمنا)

حواء2009 2011- 10- 19 02:59 AM

رد: حذف المشاركات من قبل الدكاتره في منتديات الحوار(ارجو عدم إهمال الموضوع)
 
الله يجزاك الجنه خيتو

والله جد كم له البلاك بورد مقفل

من جد شين وقوي عين <<< مع احترامي الشديد

ـــــــــــــــــــــــــ

اعصااابك اخت انفجاار الموضوع اخذ وعطا مو خذوهم بالصوت لا يغلبوكم

هدي اللعب الحمدالله والشكر

شعاع الأمل 2011- 10- 19 03:13 AM

رد: حذف المشاركات من قبل الدكاتره في منتديات الحوار(ارجو عدم إهمال الموضوع)
 
احسنتِ عزيزتي واشد على اياديك وانا معاك باللي قلتيه

مو الكل ظروفهم واحده بعدين بلاك بوردهم هالمخرف اللي تروح ساعه وتجي ساعه حتى يفتح من الضغط

هذا ينفع معاه نقعد نبحث بين المحاضرات عالأجوبه حنا نسخ ولصق ومو ملحقين

بعدين انا حاولت احل لحالي قضيتين بالإقتصاد الجزئي وطلع نفس حل الطلاب

الكل سمع كلام الدكتور حول النقطه ودون الإجابه

بعدين المفروض إذا يبون الطلاب يحلون اول بأول ويعتمدون على انفسهم ينزلون مع كل محاضرة سؤال او قضيه عنها

مو يهملون وبعدين فجأة ينزلون لنا 4 قضايا مره واحده بالماده غير الواجب ويلا لحقوا عاد بالحل مع هالضغط عالموقع :017:

بعدين اذا بيعاملونا كالإنتظام يفسحون لنا المجال ويخلونا نداوم مسائي بالجامعه وبدل هالدكاتره مايسجلون المحاضرات لنا نحظرها بالجامعه مباشر :(269):

حلم مستحيل 2011- 10- 19 03:40 AM

رد: حذف المشاركات من قبل الدكاتره في منتديات الحوار(ارجو عدم إهمال الموضوع)
 
اقتباس:

المشاركة الأصلية كتبت بواسطة شعاع الأمل (المشاركة 4700469)
بعدين اذا بيعاملونا كالإنتظام يفسحون لنا المجال ويخلونا نداوم مسائي بالجامعه وبدل هالدكاتره مايسجلون المحاضرات لنا نحظرها بالجامعه مباشر :(269):

هذا اللي المفروض يصير اذا كانوا بيعاملونا كطلبة الإنتظام

غزيّل الريم 2011- 10- 19 05:43 AM

رد: حذف المشاركات من قبل الدكاتره في منتديات الحوار(ارجو عدم إهمال الموضوع)
 
اقتباس:

المشاركة الأصلية كتبت بواسطة بنت الخبر@ (المشاركة 4696020)
...مستحيل ماتلقون لكم وقت لين آخر الترم .. مستحيل أن يصدق العاقل هذا

<< اذا انت فاضي مو كل الناس فاضيه
وحتى لو فيه وقت فضاوه يعني معقوله مايكون عندنا بريك

إحنا مهملين . << تكلم عن نفسك :41jg:


بس معاك حق هو الغرض التفكير والبحث بس انا اشوف ماله داعي هم مايبون يعطونا درجات بس اللي اشوفه هم يبون كل وقتنا بالمذاكره :mad:

^

وشو أتكلم عن نفسي؟! :biggrin:
لو كنتي منتي مهملة من بداية الترم ماكان زعلتي ألحين على سالفة المناقشات :mh318:
لأنها فعلاً ما تاخذ وقت .. بدال ما تنسخين الإجابة .. أقري كم أجابة واكتبيها بطريقة ثانية .. كذا سويتي اللي عليش :biggrin:
حسستيني إني سبيتكم يوم تقولين تكلمي عن نفسك ! هاك :41jg:
أنا اقول الصدق .. فعلاً مهملين لأننا مانذاكر أول بأول .. واللي متضايق من هالنظام يقدر يدرس انتساب تقليدي بدال ما يذم
ويتحلطم ويعصب 24 ساعة :119:

يارب تصيب 2011- 10- 19 06:21 AM

رد: حذف المشاركات من قبل الدكاتره في منتديات الحوار(ارجو عدم إهمال الموضوع)
 
يفتحون البلااك بورد وبعدين نسمع فلسفتهم :mad:

nouf.7 2011- 10- 19 06:35 AM

رد: حذف المشاركات من قبل الدكاتره في منتديات الحوار(ارجو عدم إهمال الموضوع)
 

يآجمآعة الخير والله أنآآ عن نفسي مو مهمله بس هالبلآك جآآب لي الضغط والسكر وطلع لي الشيب برآسي ..:41jg:

عندي وظيفه فالصبح ومعهد المسآء بالله متى أجلس أحل وأنآآقش مآيجي الليل إلآ وأنآآ طآآآيحه من التعب أقعد ع البلآك ومن مشآكله والبطئ اللي هو فيه أقفل وأنآآآم وأحيآآنآآ أنآآم عالكيبورد :Cry111:

ويقول ليش النسخ واللصق ..طيب ندري إن كل وآآحد لآزم يكون حله متميز عن الثآآآني ويكون فآآآهم وينآآقش بأسلوبه بس إحنآآ مآدخلنآآ بهالنظآآآم إلآ وإحنآ نبي كل شيء سهل مو نبي مشآركآت متميزة إلآ بلآ نسخ ولصق ومدري إيه لو ندري إنه كذآ كآآآن منجد مآآدخلنآآ إنتسآآب مطور ع بآآلنآ مطور يعني كل شيء مسهل ويسير:017:

يعني والله لو أعرف إن السآآلفه كذآآ من البدآآآيه كآآن مآآتعبت نفسي وشفت لي جآمعه ثآنيه ..

كنت بالبدآآآيه محبطه بس رفعت معنويآآتي وتحمست وقلت لآزم أشد حيلي واتفآئل لآزم الصعوبآآآت بس اللحين وربي تحطمت عالآخر أشوف لمنآقشآتي اللي قبل ولآ أحل ولآ أنآقش ولآ أحمل وأتآبع مع الدكتور :Cry111:

ماأقول إلآ الله يعطيني الصبر والله النفس عآآآفت كل شيء ..
واللي رجله بالنآآر مو مثل اللي رجله بالمآآآي ..



لسعة شقآوهـ 2011- 10- 19 07:09 AM

رد: حذف المشاركات من قبل الدكاتره في منتديات الحوار(ارجو عدم إهمال الموضوع)
 
طيب كيف اعرف انو المنآقشه اللي حليتها انحذفت ؟:g2:


All times are GMT +3. الوقت الآن حسب توقيت السعودية: 02:12 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه