|
راحت الدراهم بسبب ذا النظام
السلام عليكم ورحمة الله وبركاته
كل عام وانتم بخير انشالله ياليت القى لي حل بذا المشكله السالفه ان الجامعه مرسله لي رساله تقول لي سدد الرسوم الي عليك وانا مسددها من اول رساله جتني منهم الخطأ مدري من طريقة السداد حقتي ولا من عندهم انا سدد عن طريق الصراف الالي حولت لهم المبلغ عن طريق الرقم الي اودعت فيه اول مره وطلع لي اسم الجامعه بدون لا اكتب رقمي الجامعي او اي شي فما ادري هل طريقتي خطا او صح ؟ و اذا كانت خطا الدراهم يعني طارت ملاحظه انا اتصلت عليهم مافيه احد يرد علي اتصلت وقت الدوام اعتذر اذا الموضوع مو منسق لاني اكتب من الايفون |
رد: راحت الدراهم بسبب ذا النظام
وعليكم السلام
وانت بصحه وسلامه يارب :Cry111: :Cry111: اخوي مدري والله مين طريقته اللي صح بالتسديد انا سددت بس مو نفس طريقتك وارسلوا لي رساله لم تسدد لايكون دراهمي بعد راحت :bawling: بس بالخدمات كل شي تمام شكرا تم التسديد والله مدري وش يبون هالجامعه :000: يعني يبون يجننونا ..ع وشك والله ياليت احد يفيدني معك :icon9: |
رد: راحت الدراهم بسبب ذا النظام
انا بالخدمات
قالوا تم السداد ويوم ارسلوا الرساله رحت اتاكد بالخدمات حصلته لم يتم السداد |
رد: راحت الدراهم بسبب ذا النظام
امم والله مدري بصراحه بس ورا ماتسدده من البنك ولا مايمدي يعني لان الصراف ما اضمنه مره انا عن نفسي يعني فا رح للبنك نفسوه وجد فلوسك وسدد ولا اتصل زهقهم بالاتصالات ماردهم رادين ويمكن بعد مو اكيد بس اذا طريقتك كانت صحيحه بتسديد من الصراف اكيد ماراحت فلوسك ووصلتهم
|
رد: راحت الدراهم بسبب ذا النظام
دام كذا اتصل عليهم وخليييييييك وراهم لين مايردوون
او ارسلهم شي تصرف عشان ماتروح دراهمك ربي يعينك .. |
رد: راحت الدراهم بسبب ذا النظام
شلون سددت بدون رقمك الجامعي :g2:
|
رد: راحت الدراهم بسبب ذا النظام
كنت اقصد وجدع فلوسك * بس العجله وماتسوي بس توي انتبه تقول انك شيكت بعد ماسددت بالخدمات وكان مكوت انك مسدد وانو بعد ماجتك رساله من الجامعه ب انك ماسددت صار بالخدمات ماسددت مدري بس يمكن يمكن نسحبت عليك هالفلوس وسدد من جديد وبراحتك
|
رد: راحت الدراهم بسبب ذا النظام
السلام عليكم ورحمة الله وبركاته
مساء الخير أقووول ياشباب وياصبايا هدو حالكم لاتطلع لكم أقرون والله مشكله هالجامعة |
رد: راحت الدراهم بسبب ذا النظام
اذا معك الإيصال تقدر ترسلــه لهـم :(107): او لمــآ تدخل على حسـآبك البنكـي يكون مكـتوب وش حولت :cool: إن شـآء الله مـآيضيـع لك شي :119: |
رد: راحت الدراهم بسبب ذا النظام
ابحاول ارجع ااتصل عليهم وانشالله تنحل ذا المشكله
اما سالفة اني اسدد ثاني فهذه صعبه شوي لان الدراهم يالله دبرتها شكل ابودع الجامعه |
رد: راحت الدراهم بسبب ذا النظام
ياالله
كيف كذا حولت بدون ماتحط الرقم الجامعي المهم روح البنك وخليهم يعطوك وصل السداد وااذا عندك روح الجامعه او ارسله بعد ماتصوره مع خطاب توضح فيه مشكلتك وان شاءالله ماتروح دراهمك بشرنا عنك |
رد: راحت الدراهم بسبب ذا النظام
طيب كيف ارسله لهم
انا مسدده عن طريق صرافتي واذا قصدك الايصال ابسوي كشف حساب طيب ارسله عن طريق الفاكس كم رقمهم وش اقول بالخطاب |
رد: راحت الدراهم بسبب ذا النظام
اقتباس:
عشان يوصل بسرعه وهذا الخطاب : جامعة الملك فيصل ,, عمادة التعلم الالكتروني والتعليم عن بعد السلام عليكم ورحمة الله وبركاته بعد التحيه ارفق اليكم خطابي هذا اوضح فيه مشكلتي بعد السداد مع وصل السداد للرسوم الدراسيه لتعديل وضعي المالي لدي مشكله وهي انني عند عملية التحويل لم ادخل رقمي الجامعي فقد تم تحويل مبلغ وقدره ....ريال ,, على حساب الجامعه مباشرة دون القيام بخطوات التسديد بالطريقة الصحيحه وذلك بسبب عدم اتباع الخطوات الصحيحه للتسديد وعلى ذلك ارجو منكم تعديل وضعي المالي في اسرع وقت ممكن بسبب تسديدي للرسوم في الوقت المحدد والله ولي التوفيق الرقم الجامعي : اسم الطالب : السجل المدني : رقم الجوال : |
رد: راحت الدراهم بسبب ذا النظام
انشاءالله ماتروح فلوسك بس اذا راحت ارسلهم اغنيه تحبني ولا تحب الدراهم امزح معك ابي ارفع ضغطك شوي مع الجامعه
|
رد: راحت الدراهم بسبب ذا النظام
يعطيكم العافيه علئ تفاعلكم معي
انا انشالله ابروح للاحساء عشان اشوف الجامعه واعطيهم الايصال وانشالله خير دعواتكم لي |
| All times are GMT +3. الوقت الآن حسب توقيت السعودية: 10:02 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام