ملتقى طلاب وطالبات جامعة الملك فيصل,جامعة الدمام

- - لجامعة غير الملك فيصل؟ (https://vb.ckfu.org/showthread.php?t=243288)

لجامعة غير الملك فيصل؟

السلام عليكم
صبااحكم ورد:106:
ابي اعرف اقدر احاول انتظام لأي جامعه بالرياض عادي؟
ولا مااقدر؟
تكفوون اللي يعررف لايبخل علي برده
والله يجزاكم خير:106:

رد: لجامعة غير الملك فيصل؟

وعليكم السلام
لا ما عتقد انه فيه
ولتتاكدي اكثر اطلعي على شروط التحويل في الجامعات الاخرى

رد: لجامعة غير الملك فيصل؟

http://www.kfu.edu.sa/ar/deans/admis...s/joining.aspx
لقيت هذا الرابط بس مافهمت لـ الطالب زائر؟:000:

رد: لجامعة غير الملك فيصل؟

اقتباس:

المشاركة الأصلية كتبت بواسطة عـڜـقڪ ذبحـنـےٍ (المشاركة 4794200)

http://www.kfu.edu.sa/ar/deans/admis...s/joining.aspx
لقيت هذا الرابط بس مافهمت لـ الطالب زائر؟:000:

لا ما تقدري مبدئياً و لكن عن طريق بعض الخطوات بإمكانك :

أطلعي على روابط التحويل للجامعة الأخرى غير جامعة الملك فيصل يعني , مثلاً جامعة الملك سعود هذا أولاً !

ثانياً لابد إنك بعد ما تنتظمي لمدة سنة دراسية إنتظام على الأقل في جامعة الملك فيصل بالأحساء يحق لك طلب التحويل لجامعة أخرى !

و بالنسبة لـ "طالب زائر" هذا ماله علاقة و الطالب الزائر عبارة عن على سبيل المثال أنا منتظم بالفيصل و حاب ادرس الفصل الصيفي بالرياض بجامعة الملك سعود أروح أقدم اوراقي كـ طالب زائر هناك ..

الخلاصة :يعني لازم تكملي سنة بالفيصل انتظام و بعدها تشوفي شروط الجامعة الي تبين تحولي لها .

رد: لجامعة غير الملك فيصل؟

الله يجزاك الجنه يااخوي
ايه شفت شروط القبول بالإمام وتقريبا سهله
طيب اخر سؤال..لو كنت حامله ماده>>لأن ودي أخلي ماده للترم الثاني
انقبل ولالا
وتأثر ع المعدل بشكل كبير ؟؟
الله يعطيك العافيه:106:

رد: لجامعة غير الملك فيصل؟

حيااك يالدبه منووره:53:
بس ليه داخله بأدب كان حطيتي كلمه:biggrin:

رد: لجامعة غير الملك فيصل؟

اقتباس:

المشاركة الأصلية كتبت بواسطة عـڜـقڪ ذبحـنـےٍ (المشاركة 4795611)

أول شي حطي في بالك أن الشروط المكتوبة عادةً تكون كلام فاضي , يعني اذا مكتوب مثلاً في الشروط 3 من 5 .. أنا أقولك لازم تجيبي 3,5 من 5 هذا أقل شي بحكم تجربة سابقة في الجامعة ..!!

حملك مادة ما يعني أنك أخليتي بالشروط " طبعاً إذا ما نزل معدلك عن المطلوب "

أنا ما عندي معلومة هل راح تنزل المعدل كثير أو لا .. يعتمد على عدد ساعاتك و معدلك السابق اذا كنتي قديمة و عدد ساعات المادة ..

على أية حال بإمكانك توقع معدلك عن طريق هذا الرابط و أنتي تشوفي بنفسك :

http://www.kfu.edu.sa/ar/mediacenter...ages/Rate.aspx

ونصيحتي إذا خفتي من مادة و قدرتي تحذفيها من الحين أفضل بكثير .. لأن إذا أنتي من المستجدين أو بأول سنة راح يأثر واجد المعدل ..

وإذا كنتي مستجدة و حاطة في بالك التحويل للأنتظام فأقولك بأسف أن التحويل مقصور على الطلبة القدامى ولاينطبق على دفعة السنة الجديدة ..

رد: لجامعة غير الملك فيصل؟

الله يجزاك الف خير يااخوي
مشكور وماقصرت..
بس انا قلت لو أروح انتظام لأي جامعه أفضل هنا كل شي حوسه..:(177):
امممم بشوف الإمام يمكن تقبلني او انسحب وأقدم من جديد فيها:000:
والله مدري بس ماعجبني النظام هنا
المهم بيض الله وجهك خييو ويعطيك العافيه:106: