|
استفسسار عن التعليم عن بعد ضروري
السلام عليكم اخواني واخواتي الأعضاء
صديقتي تسأل عن التعليم عن بعد في جامعة الملك فيصل هل يقبلونها اذا سحبت ملفها من كلية النعيريه لانها عليها مواد من السنوات اللي قبلها مو حابه تكمل لاني بصراحه ماقدرت افيدها بشي وحبيت تساعدونها واذا ماعليكم امر ابي الاقسام اللي عندكم شنو هي؟ |
رد: استفسسار عن التعليم عن بعد ضروري
ضرووووووووووووري الرد عشان بتنسحب قبل فترة الامتحانات
|
رد: استفسسار عن التعليم عن بعد ضروري
سلمي عليها وقولي ابدن تقدر تسجل بجامعة الملك فيصل بالتعليم عن بعد
وترا وقصمن تب توسع صدرها زود وتب تمشي امورها زود عن هالي فيه محآكيك جربت اصير دافور قبل كم سنه وسجلت بالملك سعود انتظار وماكملت سنه الا متقرشع بأحلى ثلاث انذارات وعقب سحبت ملفي من عندهم وعقبها قررت اصير فلسطيني واخذه الشهادة الكبيره ( شغل عجايز ) وقدمت على الملك فيصل انتساب عن بعد والحمد لله فرق شاسع لامذاكره ولاهم يحزنون وقبل الاختبار بيومين اخذ لي مذكرة اوم 50 صفحه واقراها مثل جريدة الجزيرة ويجي الاختبار كلها اختيارات والحمد لله تساهيل التخصصات فيه ادارة اعمال وفيه اداب وانصحتس بادارة اعمال لإن مجاله اوسع واحسه سهل بالنسبة للدوافير الي مثلي وشرواي :biggrin: الا بسألتس للحين عندكم سوق الخميس هههههه والا شالوهـ :biggrin: |
رد: استفسسار عن التعليم عن بعد ضروري
اخوي عبدالكريم مشكور ع الرد للحين سوق الخميس ماشلوةههههههههههههههههههههه
بسألك شنو مواد ادارة الاعمال |
رد: استفسسار عن التعليم عن بعد ضروري
طيب يقبلون بسرعه الجامعه ولا لا
|
رد: استفسسار عن التعليم عن بعد ضروري
مواد ادارة الاعمال
المستوى الأول ( مبادئ الرياضيات - مبادئ القانون - مبادئ المحاسبة - الاقتصاد الجزئي - مبادئ الإدارة ) المستوى الثاني ( الصحة والياقه - الانجليزي - العقيدة الاسلامية - محاسبة - رياضيات - اقتصاد كلي - تقنية معلومات ) المستوى الثالث : ( تقنية معلومات - مهارات اتصال -ادارة مالية - نظم المعلومات الإدارية - الإحصاء بالادارة - اساسيات المحاسبة والتكاليف ) المستوى الرابع : ( الاساسيات الكمية بالادارة - مهارات البحث والتفكير - التحليل الاحصائي - ادارة مالية - ادارة التسويق - ادارة الموارد البشرية ) طبعن هم منزلين هالخطه للإربع مستويات بس والباقية مدري عنهم ولاترتاعين من الاسمااء لإن احس انهم سهله ومعروفه للكل بحكم انها عملية اكثر من انها علمية ههههه سؤال ثاني الحديقة الكبيره حطووو بها شجر والا للحين سوور وزحليقة ومرجيحه هههه |
رد: استفسسار عن التعليم عن بعد ضروري
ايه بسرعه لدرجة انك بس تفكرين تسجلين بالجامعه ماتدرين نفسك الا انتي بالاختبار من زود ماهب مسرعين:biggrin:
تسجلين وعقب تطلع نتائج القبول ان قبلوتس خلاص ارسلي اوراقتس وعقب يب يتراسلون معك ويعطونك البيانات وتدرسين مع هالشعب اللطيف الي يتأمل بالشهاده كثيرا :biggrin: |
رد: استفسسار عن التعليم عن بعد ضروري
وعليكم السلام ورحمة الله وبركاته :106: إيه خليها تسحب وتجي تسجل عندنا :biggrin: بس التسجيل للترم الثاني انتهى :icon9: ان شاء الله تسجل الترم الجاي والاقسام اللي متوفره للانتساب : دراسات إسلاميه لغة عربيه إنجليزي علم إجتماع تاريخ جغرافيا إدارة أعمال عندي انا احسن قسمين : انجليزي وإدارة اعمال :(269): وقبل كل شي خليها تستخير والله يكتب لها اللي فيه الخير :106: |
رد: استفسسار عن التعليم عن بعد ضروري
طيب انا عندي استفساار
اختي سجلت في جامعه الدمام وقبلوها والحين يووم جينا نرسل اوراقها يقوولون عفووا نرجو التاكد من قبوولك:Cry111: ابغى افهم شنو يعني الله يخليكم لاحد يبخل عليناا |
رد: استفسسار عن التعليم عن بعد ضروري
اسمعي خليها تسجل يالدمام افضل لها اقرب
لانها جديدة جامعة الدمام اول دفعة هالترم |
| All times are GMT +3. الوقت الآن حسب توقيت السعودية: 08:42 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه