|
بعض بنات مركز 21
السلام عليكم ورحمة الله وبركاته اولا انا مركز الرياض 21 متوسطة 194 حي الرائد اود ان اشكر المراقبات في منتهى الادب ومنتهى الاحترام والتعاون والابتسامة البشوشة والدعاوي الطيبة واعتقد مافي وحدة امتحنات هناك تقدر تنكر الله يوفقهم بعد ما انتهى امتحان الصحة واللياقة وكان كل الموجودت سعيدات بالاسئلة الا وانصدم في تصرف بعض البنات (للتوضيح المتوسطة فيها دمج ويشمل المعاقات حركيا) الموقف في عربة مقعدين حركيا خاصة باحدى طالبات المدرسة تقدمت بنت من طالبات جامعة الملك فيصل بنت فوق 20 سنة تجي وتركبها تلعب تبي تفحط فيها وتقول دفوني فيها وجت وحدة ودفتها ووقفوا على جنب وتصور فيها واستهتار واصل حدهـ وكسرت رجل فيها وهربت البنت وجت المديرة بعد مابلغتها العاملة الي قالت لهم لاتلعبون فيها قالوا حقتك قالت لا حقت بنت تجاهلواها وكملوا ثارت المديرة وجلست تدعي على البنت الي بس جت المسئولة اختفت قصة العربة ان اهل البنت حاطينها لها في المدرسة وحسب كلام المديرة عندها شلل كامل قسم بالله شيء حزني كل هذا صار قدامنا ما احس بندم على شيء الا على حسرة قلبي تمنيت اصرخ في البنات بس مدري ليه ماصرخت فيهم حسبي الله ونعم الوكيل ليه كذا حرااااام اقل عربية ماتقل عن 6000 وهذي فيها مسكات ارجل واحزمة من كل جهة شكلها غالية كسرت قلبي هالمسكينة تجي ثاني يوم تحصل وسيلة تنقلها مكسورة من صحيحة مالها عذر |
رد: بعض بنات مركز 21
لاحول ولا قوة إلا بالله معقوله في بنات كذا ؟ أقل شيء وين الرحمه بقلبها ؟ كيف قدرت تسوي كذا ؟ وين عقلها ؟؟ للأسف اسمحيلي اقولك ناقصة عقل اللهم لاشماته أقل شيء اللي تدف العربه ترفض وتحسسها بغلطها والله العظيم مو مستوووووووووووعبه ماخذه الأمر بإستهتار وتهاون وماخافت من الله ومن دعوات البنت ودعوات والدينها أن لم تستحي فأفعل ماشئت أسمحيلي الغلط مشترك بين كل الموجودين المفروض أحد يهزأهم ويوقفهم عند حدهم:41jg: |
رد: بعض بنات مركز 21
من جد مذهولة جلسنا ناظرها باستحقار
بالم كلنا تضايقينا الي جلست تستغفر منهم والي احتقرت الكل رفض الي حصل بس مادري ليه سكتوا يمكن يقول الواحد وش يقول في موقف زي كذا في وحدة تركب عربية معاقة بدون احساس |
رد: بعض بنات مركز 21
تصدقين لو بيدي أنا بنفسي اعوضلها هالكرسي والود ودي اجيبلها احلا منه لو تبي
حرااام ليه هالاسلوب ليه هالاستهتار الله يهديهم بس اكره الفئه ذي من البنات وكل اللي اقوله الله يصلحهم انقهرت جد يلا بتوفيق بالمتحانات |
رد: بعض بنات مركز 21
السلام عليكم انتي بنت او ولد كاتبه فوق الجنس ذكر :(107): والان تحكين سالفة بمدرسة بنات وش السالفه ورده ردي عموما من أمن العقوبة اساء الادب والا كرسي حق بنت الله جعلها معاقه ليه نسوي فيه كذا يعني يمكن هالبنت تعبت على ماشرته او جاها من اي احد او مستشفى ولا اي احد منا يعرف ظروف هالبنت فيه كثير من الناس ظروفها المعيشيه تعبانه ومالهم غير رب العالمين سبحانه وتعالى ساتر عليهم بستره ومايعلم الغيب غير سبحانه المفروض انه من اي طالب او طالبه يكون عون الى هذه الفئه ونساعدهم يكفي فيهم من أعاقة فالمساعده لهم واجبه والله يرحم من يرحم مانكون عليهم حنا والزمن لو وضعت هالبنت نفسها مكانها صدقيني ماتتجراء انها تعبث بأشياء خاصه لأناس الله ابتلاهم بهذه الاعاقه لمجرد الضحك او الاستهتار الله يسامحهم ويسامح من كان سبب لا اتلاف هالكرسي وصدقيني اختي اذا هالبنت محتاجه صاحبة هالكرسي انا مستعد باللي اقدر عليه لوجه الله سبحانه وتعالى يعطيك العافيه اختي على كتابة هالموضوع وشكرا لك على ذلك |
رد: بعض بنات مركز 21
اقتباس:
كلنا تمنينا لو بيدنا ساعدنها ووفرنا لها افضل منه لانها بنت في المتوسط مالها ذنب تنصدم هالصدمة :icon9: اميين يارب الله يصلحهم ويسامحهم |
رد: بعض بنات مركز 21
اقتباس:
وعليكم السلام وروحمة الله وبركاته انا بنت لكن عشان التسجيل كنت يومها مستعجلة وما انتبهت ايه والله الله يرفع عنها وعن منهم مثلهم والله يساعدهم محد يدري بظروفهم الا رب العالمين سبحانه بالنسبة للبنت والله انا خلصت امتحاني امس كان اخر يوم يا يساعدونا بنات مستوى ثالث الي بنفس المركز عندهم محاسبة بكرة على حد علمي او تاخذ رقم المدرسة وتتصل تسال اذا في مجال تساعد البنت الي تخربت عربيتها الرقم 014808729 الجوال 0530084258 عنوانها عنوان المتوسطة 194 حي الرائد طريق الملك عبد الله غرب بعد بوابة جامعة الملك سعود أول إشارة بعد البوابة بيكون على اليسار محل (ميد)لف يسار فيكون ميد يسارك الشارع مزدوج برصيف (شارع المقبل) تدخل ثالث فتحة يسار على طول شارع (النبراس)بتكون المدرسة 194 على اليسار. الارقام والعنوان من موقع جامعة الملك فيصل والله يوفقك ويعينك لفعل الخير |
رد: بعض بنات مركز 21
الله يجزاك خير فعلا المراقبات قمه في الذوق والادب بس البنات اخر يوم قليلت ادب مع احترامي الشديد فيه مجموعه قاعده تصارخ والناس باقي ماخلصو :017::017: الله يعوض البنت المسكينه بخير منه يااااااااارب :mad::mad:
|
رد: بعض بنات مركز 21
فعلا كان في البعض في منتهى الفوضى لكن تعودنا على كذا مادري ليه يصارخون
البنت آآآآمييييييييييين الله يعوضها يارب :106: |
رد: بعض بنات مركز 21
يسعدك ربي ويرضى عليك ويوفقك دنيا واخره ويجعل كل ماكتبتيه في ميزان حسناتك |
| All times are GMT +3. الوقت الآن حسب توقيت السعودية: 03:17 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه